💫💜 قصة_المحلل 💜💫 #الجزء 79 : 💥💕 صهيب(باستغراب):يحيى!!؟ ...صفاء:اممم عقلتي نهار جيتي هضرتي مع بابا وطلبتي منو باش تزوج بيا ...صهيب:بطبيعة الحال عاقل ...صفاء:ديك النهار واخا كنت رافضة ولكن درت بكلامهم ودرت صلاة الاستخارة طلبت من الله باش يبينليا واش فيك الخير ولالا ...صهيب:اييه ...صفاء:هه ديك الليلة جاتني رؤيا مبنتيش فالصورة ولكن ولدنا بان قلتيلي بلي غتسميه على اسم باباك يحيى ...صهيب:ونتي باش عرفتي سمية الواليد معاقلش بلي قلتها ليك ...صفاء:بطبيعة الحال مكنتش عارفة ولكن نهار جات خالتي ريحانة وهضرات معايا سولتها على اسمو ...صهيب(باس يدها):باش تعرفي بلي راك مكتابة ليا ...صفاء:و احسن قدر بالنسبة ليا ...صهيب(بابتسامة):يلاه فطري ووكلي ليا ولدي يحيى مزيان باش نمشيو نفرحو ماماك وختك ...حنات راسها على الماكلة وهو غير كيزيد يحطلها قدامها مقاداه فرحة بابنو التاني وفرحتو زادت كتر ملي عرف بموضوع الرؤيا كل مرة ربي كيعطيه اشارة بلي احسن الاختيار نهار نواها تكون حلالو...بقا حاضيها حتى كلات وشبعات عاد ناضو اول حاجة دازو للفرمسيان خداو دكشي لي وصاتهم عليه الطبيبة عاد مشاو للدار حلات ليهم اسماء دخلو لقاوهم يلاه كيفطرو سلمو عليهم ودغيا حط ليهم صهيب الخبار ناض كلشي كيبارك وفرحانين ...زهور:الله اتبت حملك ابنتي ويفكك على خير ...صفاء:امين ا ماما ...هيثم:مبروك عليكم خبار زوينة والله ...صهيب:الله يبارك فيك والعقبى ليكم ...بشرى:ان شاء الله شحال من شهر عندك ...صهيب:عندها شهر وصاتني عليها الطبيبة وقالت بلي الوحم غيجيها شوية صعيب حيت لالة صفاء بلاصة متفرح بدات كتبكي ...صفاء:بكيت من فرحتي ا صهيب ...اسماء:هههه لالا باينة الوحم غيجيها عليك نتا نيت شفتي على شوفة ...صهيب:اودي غير متعصبش وصافي ...زهور:معندها علاش تعصب كاع ولدنا وتوحمنا خاص الصبر وكلشي كيدوز على خير ...هيثم(وقف):المهم نخليكم دابا خاصني نمشي لخدمتي ...بشرى(وقفات معاه):نوصلك للباب ....هيثم:هه واخا(ضار عندهم)يلاه بسلامة عليكم ومبروك مرة خرا ...خرج من البيت وقف كيلبس صباطو وبشرى واقفة حداه حتى كمل وجرها عندو ...هيثم:حنا امتى ...بشرى(بابتسامة):شنو لي امتى ...هيثم(باس راسها وحنكها):راك فاهمة ...بشرى:ملي يكتاب احبيبي ان شاء الله ...هيثم:ان شاء الله ردي البال لراسك وتليفونك حداك نصونيلك جاوبي ...بشرى:واخاا ...هيثم:يلاه بسلامة ...ضار حل الباب وفنفس الوقت شي حد صونا هز راسو بزربة ...فتيحة:سلام ...هيثم(شاف فيها وشاف ففدوى لي موراها تتشوف فبشرى):سلام......... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM