المعقد والجريئة الجزء 2 🔥🔥🔥 ( التتمة من بعد 90 لايك طاكيو صحابكم يقراو القصة) ريان: أوو ههه تهدني انا غير صديق باينة احسان اول مرة كتشرب حيت غير من جوج كيسان سكرت ههه صوفيا: هدشي ما كيعطيكش الحق تقرب ليها فهمتي و دبا سير من هنا لا نعيط ليك على السيكيرتي ريان: واعرة مع رأسك، ههه اوك بلاما تعصبي باي ازوينات عندكم ديرو بحال احسان ههه مشا و صوفيا جلست حدا احسان: شتي اصاحبتي ها نتي سكرتي دبا شنو غدي نديرو؟ سارة: و دبا انا نوبتي نجرب صوفيا: جلسي للأرض قالك نتي غير من الريحة غدي تسكري خلي إلا شربتيه سارة: عفاك غير كويس واحد بليز صوفيا: سارة شوفي حالة احسان واش باغية تولي بحالها؟ احسان: أوف براكة مليت يلاه نشطحو ههه ناضت كتمايل لبلاصة الرقص و صوفيا تبعاتها احسان: ههه و هو وووو وي سي لا في لا لا يوبي يلاه اصوفيا حركي هداك الطرف هههههه صوفيا: إحسان يلاه صافي شوهتينا الزمر احسان ما داتهاش فيها و بقات كتشطح و تغوت و ضحك، أما صوفيا غير واقفة كتشوف فيها، شوية حست بشي حد نغزها من اللور: ايوا ها المرض بدا تلفت لقات واحد البرهوش: ههه لاطاي عندك صاروخ ما جا يكملها حتى صرفقاتو و بقات كتصرفق و تقمش و تسب و كلشي مجموع عليهم، بردت غدايدها فيه مزيان و ناضت مشات عند احسان جراتها بزز و رجعو عند سارة الي لقاوها دايرة منافسة مع وحدين شكون الي يشرب 10 كيسان فدقيقة، سارة يلاه شربت الكأس الرابع و هي تغيب صوفيا: باينة ليلة كحلة عليا!!!!! الشخص: اااااااااااااااه صافي صافي انا نعترف اشاف عفاك طلقني اهئ اهئ الشاف: و دبا غدي تعاود ليا على العملية كاملة و بلا كدوب هاد المرة حيت إلا كدبتي غدي غير تجيبها فراسك الشخص: وخا وخا اهئ اهئ اهئ بعد نص ساعة، خرج الشاف من عند المتهم و مشا لبيروه كوميسير عطاه التحية: سيدي المعلومات الي عطانا سعيد صحيحة كاملة و العملية غدي تنفذ غدا مع 1 ديال الليل الشاف دار ابتسامة جانبية: مزيان، ما بقا والو و ندخلك للحبس اعويطة، جيب ليا قهوة و عيط ليا على حميد قولو يجي دبا الكوميسير: علم سيدي، عطا التحية و خرج هادا هو البطل ديالنا صلاح الدين مي كيعطو ليه غير بصلاح، عندو تلاتين عام ظابط ممتاز ففرقة مكافحة المخدرات، بوكوص حروفو زعرين جسمو رياضي و طويل عايش بوحدو؛ عائلتو المكونة من باه و مو و خواتاتو جوج ساكنين فمدينة أخرى، شخصيتو قوية و صارمة جدي فخدمتو و كلشي كيخاف منو دق دق دق صلاح: دخل حميد عطا التحية: سيدي صلاح: حميد تفضل حميد: قالو طلبتي وجودي صلاح: وي خديت المعلومات على عملية غدا بغيتك توجد الفرقة الي غدي تمشي معايا و بغيت كلشي يكون فسرية تامة حميد: كون هاني سيدي، سيدي لاش داير النظارة يا كما عينيك كيضروك صلاح: ما حاملش الضوء، 4 سوايع و انا كنحقق مع هداك المجرم ضروني عينيا من الضو، باقي كاينة حاجة أخرى ما سولتيها؟ حميد: سمحلي سيدي، انا نمشي نخدم على خطة غدا صلاح: فاش تساليها اجي وريها ليا نشوف حميد: سيدي هادي دبا 2 ديال الليل انا كنقترح عليك ترجع للدار حتى لغدا صلاح: لا انا عارف مصلحتي فين شكرا قاطعهم صوت الصداع على برة، خرجو يشوفو شنو واقع، لقاو ثلاثة البنات محيحات مع واحد السيد السيد: الالة ما سوقيش والله لا خرجتو منها صوفيا: وا الشريف راه قلت ليك مقصدناش واش ضروري من هاد الفضيحة، عطيتك الفلوس صافي خلينا نمشو السيد: نتي مهدرتيش معايا بالأدب و بغيتيني نسامحك؟ كون هدرتي معايا مزيان كاع منوصلو لهاد المواصيل، قليلة الأدب صوفيا: ايييي نتا جمع رأسك لنتفاهم معك الحيوان الآخر صلاح: شنو واقع هنا؟!! السيد: سيدي هاد البنت ضربت ليا اللوطو ديالي و زادتها بقلة الأدب صوفيا: راه غتجمع فمك عندك لنوريك قلة الأدب ديال بصح 😡 صلاح: سكتي نتي انا هو الي نهدر، حميد دخلهم عندي نشوفو هاد الحريرة دخلو عندو و وقفو قدامو و هو جلس فبيروه: غدي تعاودو ليا شنو وقع و بلا صداع و كلها يحترم الآخر السيد: انا أسيدي كنت غدي ما بيا ما عليا حتى ضربتني اللوطو ديال هدي من اللوطو هرستها ليا من اللور و بقات كتخاصم و تعاير فيا بحال إلا انا الي ضربتها عيطت للبوليس و جينا هنا صلاح: شنو سميتك بعدا؟ السيد: نبيل نعم أسيدي صوفيا بضحكة استهزاء: هه قالك نبيل اسم على مسمى مشاء الله صلاح شاف فيها: فين كنتي نتي و صحاباتك؟ باينة فشي بار ريحة الشراب عاطية صوفيا: يمكن ماشي هدا هو موضوعنا اسعادة الكوميسير؟ كاينة الشميسة ياك؟ احسان و سارة: ههههه صلاح ضرب البيرو: سكتو، مزيان تبارك الله و نتي كيصحابلك رأسك شنو باش تهدري معايا بهاد الطريقة؟ انا هو الي نسول هنا فهمتي؟ صوفيا: حتى انا غير سولتك مالك كترتعد بوحدك، غير تكايس على رأسك لا طرطق شي عرق صلاح زاد تعصب: واش عارفة الالة رأسك فين كاينة و ما من كتهدري؟ صوفيا: اه فكوميسارية و كنهدر مع كوميسير شنو الجديد فهاد الشي؟ حميد: ايه الالة حترمي رأسك !! صلاح: صافي احميد؛ و نتي هدري فين كنتي و من منين جايين و شنو وقع حتى ضربتي السيد نبيل: باينة فيهم جايين من شي دعارة صوفيا تعصبت و نسات راسها عطاتو واحد التصرفيقة عمرو ينساها: حنا أشرف منك الحيوان نبيل ناض بغا يضربها شدو صلاح: واش من نيتك باغي تضربها و قدامي!!! نبيل: سيدي ما شفتيهاش شنو دارت ليا؟ صلاح: و لو نتا الي جبدتيها، شاف فصوفيا: مي هدشي مكيبررش أفعالكم بجوج، و دبا هدري انا كنسمع فلاش باك↔↔↔↔↔ صوفيا تحاول تفيق سارة: سارة سارة نوضي يا ربي شهدشي أوف احسان: ههه مال هدي طايحة؟ صوفيا: الله ينعلني انا الي جايباكم هنا تفو السيكيريتي: ختي كاين شي مشكل؟ صوفيا: اه صاحبتي سخفت؛ عفاك اخويا هزها ليا للوطو السيكيريتي: وخا هزها سبقتو صوفيا و إحسان فتحو ليه اللوطو؛ حطها و مشا و صوفيا ديمارات: دبا شنو غدي ندير شنو غدي نقول لواليديكم؟ تفو على زهر ندمتوني احسان: ههه متخافيش كلشي عندو الحل ياك اسارة؟ صوفيا: مع من كتهدري سارة راه مغيبة!! احسان: ههه ها هي فاقت ههه صوفيا تلفت لقات سارة فاقت: الحمدلله ياربي حمدتك و شكرتك، سارة واش نتي صفا؟ سارة: فين حنا أي راسي كيضرني ههه احسان: شعلي الكاسيط بغيت نشطح صوفيا: إحسان جلسي عفاك خلي الباقي من هاد الليلة يدوز على خير احسان ما سمعات ليها و شعلت السجالة و ناضت كتحيح هي و سارة و صوفيا مدابزة معاهم حتى ضربو اللوطو الي قدامهم: ها الي ما بغينا تفو يخخ جا نبيل عندهم دق فالزجاج: هبطي صوفيا: سمحلنا اخويا عفاك راه ما شفتكش؟ نبيل: هبطي بعدا شوفي شنو درتي ديك الساعة نهدرو صوفيا: شوف اخويا راه تعطل الوقت، قولي غير شحال بغيتي و انا نعطيه ليك نبيل: لا اختي هبطي و شوفي الخسارة الي درت ليا بسبب تهورك !!! صوفيا: وصافي عارفة و طلبت منك السماح دبا انا إلا هبطت شغدي تستافد غدي نرجعها كيما كانت متلا؟ نبيل فتح باب اللوطو: هبطي دبا صوفيا: ايه نتا شهاد الزعامة؟!! ما هبطاش هي ما هبطاش نبيل جبد تلفونو: ما بغيتيش وخا، نشوفو فين غنوصلو على هاد القبل البوليس هوما الي غدي يفكو لينا هدشي صوفيا: و هذا ما وقع، انا ما قصدتش و عرضت عليه الفلوس باش يعوض خسارتو مي هو بغا يعقد الأمور و صافي صلاح: اممم دبا نتي اعترفتي بجريمتك؟ و لاش كتسبي فالسيد و تعايريه؟ صوفيا: حيت هو زاد فيه و بقا كيدخل و يخرج فالهدرة صلاح: نبيل دبا نتا علاش ما خديتي الفلوس منها و صلحت اللوطو ديالك بلا اشكال؟ نبيل: حيت أولا محترماتنيش و هدرت معايا بقلة أدب و تانيا انا ما محتاجش فلوسها عندي خيري صلاح: وخا عندك هي غير بغات تصلح الخطأ ديالها، و بنسبة لهدرتها عذرها اصاحبي راه دوزت اكفس ليلة فحياتها مسكينة و نتا زدتي على ما فيها و دبا صوفيا بغيتك طلبي منو السماحة و حتى نتا انبيل و كلها يرجع فحالو صوفيا: انا معندي علاش نعتذر و اعتذرت فالأول مغديش نكرر اعتذاري... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM