وناري على جبدة مزال ليا تال ليسي تفو على حياة ديلمها غادي وحاقد حتا كيبان ليا واحد مول الموطور بديت كنعيط ليه... وي وي و صاحبي واهيا وعشيري لوحني معاك بروجولة ...دار بحال لا مسمعنيش وكمل وأنا نسبو بكل مافي جهدي سمعني ووقف ودار ليا بيدو زيد طلع ومشيت حتا أنا من نيتي كنجري عندو غير قربت ليه كسيرا وخلاني بديت كنعرق ليه وكملت طريقي وأنا كاعي شعلت مزيكا حتا وصلت ليسي مع دخلت كتبان ليا الساحة عامرة شي جاي يدير عرض الأزياء شي كيبسبس لي كوبل شادين القنات نتوما عارفين الأجواء ديال نهار الأول قصدت السبورة لي حدا الإدارة نشوف أشمن قيسم جيت فيه واستعمال الزمان صورت داكشي وتميت غادي نخلص جمعية الآباء حتا كيبان عشيرنا مول الموطور معنقاه واحد ختنا وكيضحكو وانا نتما قاصدو جبدت واحد درهم من جيبي ... وفين العشير هاهي امانتك العز بقا غير مصدوم وكيشوف ... احياني عليك مكبتها تيتيز قبيلة معنق وحدة دابا وحدة ومخلي خوك بلاش السيد كعا وناض من بلاصتو قلت مع راسي غادي تشبك كلشي غادي يتفرج هو يمد ايدو وسلم عليا بالوجه وبدا كيضحك وقال ليا ياك وأما حسن هاذي ولا لي كانت معايا قبيلة خلاني مصدوم كنشوف وقال ليا ريح
سميرة : حسام شكون هاذا
حسام : هاذا غير عشيري أنا وياه ديما هكذا مطلعينها على بعضياتنا ... قول ليا الساط نتا حالف حتا تفارقني معاها واش بغيتي تجبد ليا الصداع مع حبي
_ ولد العبد خطير عندو مع فنون الرد قلبني في السما وهدأ الوضع
سميرة : امممم زعما زعما غير ضاحكين بلاتي هاني جاية نمشي غير طواليط ونرجع
حسام : اكي ... وفين الساط واش معايا أنا وليني برهوش مع راسك مالك على هاذ البلان زعمتي عليا
_ ونتا بلان لي درتي ليا قبيلة غير ديال لي يهزك يهرب بيك
حسام : باقي ماتزادش هاذا لي يديرها اودي غير برد في الرجعة لوحك معايا غير هو مرة أخرى فاش تبغي شيواحد يقضي ليك غراض عرف كيفاش دوي ماشي تغوت على البشار وتسب كيف كيقول المثال تبغي حاجتك من الكلب قول سي كلبي سمعتيني ماعلينا سميتي حسام ونتا
_ أنا أمين
حسام : اول عام ليك هنا عمري شفتك من قبل
_ اه عاد جيت جديد لهاذ ليسي عندي الباك هاذ العام كنت في مدينة اخرى
حسام : حتا أنا في الباك اشمن قيسم واشمن شعبة
_ جيت في svt 5 ونتا
حسام : هههه ولسقة مع راسك كان كيسحاب ليا غادي نشوف كمارتك غير ليوم ساعة يوميا غادي نتشاوفو جيتي معايا
_ بصراحة عجبني الحال انهو جا معايا كيبان دري في شكل ودرويش نتعاشر معاه حسن مانبقا بوحدي قبل مانكمل نعرفكم براسي أمين من مدينة أسفي العمر 25 سنة ايه 25 سنة وكنقرا في الباك كنت منقاطع ومع المعرفة خوكم رجع يقرا ولكن كاشكل كنبان صغر من عمري تيعطيوني ديك 20 عام عندي حقي في الزين عازب ومقودة عليا من جميع النواحي لازهر لا ميمون ... ايوا دابا ملي تعرفتو عليا نرجعو لقصتنا وعيشو معايا القص. ... وايه الساط يله تهلا نمشي نخلص جمعية الآباء
حسام : وايلي على تخلص واش بغيتي يبيدقوك فلوس كيضربوها غير في جيبهم بلا ماتخلص أنا عمري خلصت
_ خليت ليه ڤي ومشيت مزاحم مع البشار حتا خلصت وتميت راجع عند حسام والبنت لي معاه وريحت ... حسام كعما عرفتيني على ختنا لي معاك
حسام : هاذي سميرة زبل ديالي بغيت نقول القمر ديالي سميرة هاذا أمين
_ مشرفين مي على حساب ماعرف القمر مضوي وهاذ القمر لي معاك طافي ... ختنا تقرصات ... غير كنضحك معاك مشرفين بقينا داويين وضاحكين حتا دازو من حدانا واحد 3 البنات وناري وحدة فيهم فسرة وتا راه بزاف ديال بزاف هاربة ليهم من السويد
سميرة : جميع ريوگك ... مال هاذا عينيه خرجو
_ الساط شكون هاذي ؟
حسام : غير نسا بلا ماتسول عليها ماغديش تعطيك وقت وماشي من نوع لي كيتصاحب المدرسة كاملة حاطة عليها العين مي مكتعبر حد بلا ماتعمر بيها راسك وباها بوكو عاقة وحاسة براسها
_ نتا كيبان ليا كاع الضواصا عندك عارف كلشي
حسام : حيث من نهار طلعت ليسي وانا كنقرا معاها و نزيدك ضوصي اخر غادي تقرا معانا هاذ العام
_ هكاوا هك هك بغيت نطير بالفرحة بقا ليا غير نوض نشطح . ابلاتي اسي حسام قال ليك ماكتعبر حتا حد وهاذا لي كتسلم عليه من الحنك
حسام : هاذا واحد من كليكة ديالها هوما كليكة مخلطين ولاد وبنات من غيرهم ماكدوي مع حد
- شنو سميتها ؟
حسام : تاراه قلت ليك نسا
- هاهو ناسي بقيت حاضيها بصارحة قلبي تزعزع من بلاصتو اول مرة نشوف بحالها ملاك فوق الأرض بقيت مريح مع حسام وسميرة و ساهي ومرة مرة كنتلفت ليها وهي مريحة مع واحد الكليكة وكضحك وقلبي كيضرب ناري على ضحكية بريئة كتفاجي القلب طيح نجمة من السما
حسام : نوض افلان نتحركو الى بغيتي نلوحك
_ يله ... تمينا غاديين دايزين من حداهم حتا ...يتبع
تابعوا باقي القصة واكتشفوا قصصًا أخرى عبر :
الفايسبوك : www.facebook.com/9isasRM
الواتساب : whatsapp.com/channel/0029VaicQtDKLaHqQiLXua02
مسنجر :
www.facebook.com/messages/t/25863888246590490
تلغرام : t.me/kisasRM
ليست هناك تعليقات:
إرسال تعليق