وصلات لواحد البلاصة و هي حنكها دغيااا حماار و بداات كتبكي و خربقات شعرها داااخلة عند المدير كتبكي وتنخسس زينب : استااااذ عزيز : يااك لباس ابنتي اشهاد دخلة (دور وجهو لهيه ) ستري رااسك بعدا شنو هاد الحالة كانت مشركة حوايجها من جهة الصدر زينب : راه هو لي دار فيا هاكا كان هى هئ كان بغا يغتاصبني عزيز : شكوووون هدا ؟؟ ماالها ولات عندي زريبة فالمؤسسة زينب : مول الصبور موحى سماعيلي عزيز خرج عينيه و خبط على المكتب : وااش كتفلااي عليا زينب : عيط عليا لمكتبو قدام صحاب القسم و تحرش بيا فاش مبغيتش شرك ليا حوايجي و طرشني عزيز : اجي معااياا كان رجع لوضعيتو السابقة تا حس بشي حد دق و فتح الباب هز عينيه بان ليه المدير و هي مورااه و تكلم عزيز :موحى شنو هادشي كتقول البنت ؟ واش طرشتيها موحى ببرود : اه طرشتها عزيز بصدمة : كفاااش و لكن نتا وااش خرج ليك العقل ولا مالك جاي تقري ولا جاي تحرش ليا على الدريات موحى سد ودنيه و حلهم دييجا رااسو مصدع مع سميرة مناقسو صدااع اخر موحى : اول حاجة نزل صوتك تااني حاجة طرشتها تقدر تقول دافعت على راسي ولا حسبها كيف بغيتي عزيز : كتقول بلي عيطتي عليها من قدام القسم و جبتيها لمكتبك و بغيتي تغتاصبها ؟؟ موحى طلعها و نزلها : اشفيها ميتغتاصب بعدا وهي كي موكة ؟؟ تسناني هنا انا جاي دبا خرج موحى و عيط على القسم تبعووه موحى : فااش جيت انا لهنا واش عيطت على شي حد فيكم؟؟ التلاميذ بصوت واحد و مستغربين من سؤال : لااااااا موحى : واش عيطت انا على هااد البنت قدامكوم ؟؟ جر عزيز زينب لقدام و هوما غا شافو حالتها حلو فمهوم تلامييذ : لااااااا زينب شاافت فصاحبتها هي لي غتعتقها : نجوى نجوى لي شافتو فاش عيط ليا عزيز : هادشي بصح ؟؟ بداات نجوى غا كتفتف و صاحبتها كتخرج عينيها فيها زعما اكدي هضرتي تا نقزات وحدة اخرى تلميدة :و لكن نجوى كانت معايا الحصة كاملة عزيز خنزر فزينب و تكلم موحى موحى : و نزييدك عندي تا كاميرات المراقبة شكون تحرش بلاخر (مع غمزة ) هااد القضية بحد الداتها نديك عليها لحبس و عاد المس بالشرف ديالي و كنتي باغا ديري حاجة لي تخرج ليا على خدمتي شنو بان ليك نجبد كاميرات المراقبة قدام التلاميذ اوا ها هي زينب حصلاات حصلة ديال الكلاب و هي لي دارتها لراسها ملقاات غا تبكي و تندب على زهرها المكوز دغيا تفضحات قدام القسم كامل زينب : لا لا عفاك مديرهاش بقااو كااع صحاب القسم كيوشوشو و يعايرو فيها بيناتهوم على فضيحتها لي فضحات راسها براسها و تما شاف المدير فزينب المدير : من هنا لتلث ياام ايكوون عندك مجلس تأديبي على فعلتك موحى : بلاش غا متبقاش تجي لحصة ديالي خليها تكمل دراستها عادي عزيز : سمح ليا و لكن القضية ولات كتعلق تا بشرف المؤسسة هادشي ميمكنش يتسكت علييه و هادشي لي دارت اتخلص جزاءو موحى شاف فتلاميذ : الحصة سلاات نتلاقاو فحصة اخرى غا خرج عيطات زينب :استااذ حمر فييها المدير :مزاال عندك الوجه لي تهضري معاه ؟ زينب : بغيت غا نطلب سماحة عفاكم سمحو ليا مبقاش نعاود المدير :كلامك و دموعك ديال التبوحيط اجليهم ليوم المجلس التأديبي لي حفر شي حفرة كيطيح فيها داازت تلث يام سميرة كانت دايرة فيهم شهادة طبية بحجة مريضة فااقت خااسرة دغياا كملات هااد تلث يام لبسات حواايجها و وجهها خلااتو عادي مدارت فيه والو مراشقاش ليها سنانها و غسلاتهوم غا بزز باست لمها راسها و يالاه خارجة تا شدات ليها فطومة يديها فطومة : الى باقا مريضة الحبيبة ديري بلاما تمشي لا تسخفي تاني سميرة : لا لا رااني بيخير بسلامة ا ماما خرجاات مباانش ليها من داك نهار و حتى ليوم كانت مولفة كتلقاه كيتسناها قدام لباب و كيمضي معاها تال المؤسسة واخا عارفها مباغاش دبا ملقاتوش حسات بشي حاجة ناقصة فصباحها وصلات لباب المؤسسة و تنهدات كتفكر فشنو وقع و شنو دارت لداك القسم خاصها تعتاذر ليه دوزات الحصة لولة مع قسم اخر كتشرح ليهم و هوما فالبداية بقاو عليها استاذة توحشنااك استاذة كي بقيتي و هي كتبتاسم ليهم تاا خرجو لي كيعجبهوم فيها كتبقى تعاود شرح تا يفهم كولشي و كتشرح بأمثلة حبباتهوم فالمادة و كيخرجو حافضين من القسم لي مكيحفضش كاع كيجيب عندها 13 دخل لقسم لاخر و غا تجمع كولشي نااضت هي بانت ليها غا بلاصة لي خاوية متسوقاش حيث عادي كيكون الغياب شي مرات بقاات كتشووف فييهم و هوما كيسناوها تبدا شرح تا صدماتهوم سميرة : اول حاجة قبل منبدااو كنعتااذر منكم على شنو وقع داك نهار متحكمتش فرااسي و سمحو ليا على اي كلمة قلتها ماشي حتى لتماا غا هااد التصرف ديالها كيبين على تربيتها و على احترامها لتلاميذ كون شي واحد اخر مكانش يتسوق كااع شي مرات كيكونو مدايرين والو و كيبقاو يغوتو علييهم بلا اسباب و هادشي لي كيخلييها محبوبة عند كولشي بنادم حال و حوال و لكن الاهم يعتارف بأخطااءو و هدا جزء من الشخصية القوية كتحمل نتائج تصرفاتها بداو تلاميذ دروسهم ناشطين و فرحانين متوفر عندهوم الجو الدراسي بامتياز توجهات لقاعة الاساتذة مع كتكون مع العشرة استراحة د عشرة دقايق حتى كتهضر وحدة معاها الاستاذة : على سلامة فاش جيتي كيبقيتي مزيان سميرة : الحمد الله يسول فيك الخير الاستاذة : وييلي كوون شفتيي شنو طرااا فغياابك سميرة : شنو وقع ؟ الاستاذة : الاستاذ د صبور موحى تاهماتو تلميذة بلي بغا يغتاصبها خرجات عينيها و قلبها بقا كيضرب بجهد شداتها السخفة : اشنووووووو. ؟؟؟ الاستاذة : ويلي خليني نكمل ليك البلان .... عاودات ليها كولشي من طاق طاق تال سلام عليكم الاستاذة : اوا دبا رااه عندها مجلس تأديبي من هنا لشوية و كولشي ايحضر ليه تا حنا انشهدو على تصرفاتها و نتافقو على قرار واخا الزغبية مشات فيها و المدير بغا يرجعها عبرة لبنات لوخرين كتبان ليا اتمشي فيها الطرد نيشان سميرة بقات غا سااكتة تا بدااو كيدخلو الاساتذة ديال ديك تلميذة لوخرين و رئيسين د جمعية اباء و اولياء التلاميذ المدير و اخر شخص موحى لي شاف سميرة ببرود و دور وجهو الحاجة لي خلاتها ميعجبهاش الحال واخا كان طلبها هداك "دير راسك بحالا مكتشوفنيش " مشا جلس فبلاصتو و بداا الاجتماع بالحوارات كل واحد كيعطي رأيو و الاغلبية شهدو على التلميذة بالخايب نظرا لتصرفاتها و حتى القراية مكانتش كتقرا مزيان و المدير كان مصمم على قرار الطرد جوج لي مكانوش مشاركين فهادشي كامل هوما سميرة و موحى هي كتحس بالانجداب حيث هو حداها فالكرسي و ريحتو مختارقة انفها و هو كيفكر غير برفضها ليه 4 شهور و هو تابعها فينما مشات بحال الهبيل باش فلخر يكون فنضرها غا باسل و عنيبة ياما حرقااتو الشمس قدام بابهم كيجلس فديك الدريجة منو لضس تا كيرعف جوج د المرات و هي كاع هاادشي بااش تسميه غا عنيبة كيتلوط فراس الدريبة كون تعرف بلاصتها فقلبو تحشم و لكن تا هو عندو كبرياء و كرامة كيفرضو عليه كيما بغاها ينساها و لكن علاش عينيه كيهربو لجنب قاتلهوم لفضول يشوفوها بحالا اول مرة ؟؟ و علااش نيفو مملش من استنشااق رائحتها القوية رائحة القهوى قطع شرودهم الاستاذ د الفلسفة : سميرة مقدمتيش لينا رأيك حنحنات و نطقات : احم فنظري الطرد ماشي هو الحل المناسب حنا هدفنا كأساتذة نحببو التلميذ فالدراسة كنقتارح التوقيف ديالها لمدة معينة ولا شي حاجة غيرها تقدر ترجع تقراا مزيان بعدها و تستافد من أخطاءها شاف فيها الكل بإعجاب و اهتمام واخا قالت حاجة عادية و لكن ديك الرزانة ديالها و التباثة لي فيها و ديك الصورة لي كتاخدها عليها كتخلي اي واحد يحتارمها و يقدر رأيها كملات كلامها : و بنسبة ليا الأستااذ موحى هو لي من حقو يقرر شنو ايوقع لهاد التلميذة فالأخير حيث هو المعني الاول بالامر سمييتهاا و كييف سمعها من فمها فودنييه تاني مرة يسمع سميتو من عندها اي حاجة فيهة متسطييه و لكن غيقاوم كاع هاادشي المدير : شنو بان ليك ا سي موحى ؟؟ موحى : كلام الاستاذة سميروغ بصح الاساتذة كاملين استغربو معروف على موحة كيقول سميرة غا زيين فينما كان شنو تبدل ميضنوش يحشم من المدير حيث المدير براسو كيبقى شاد معاه التقشاب يعني واقعة شي حاجة المدير : اذن اخر قرار اتوقف عن الدراسة لمدة شهر شاف فيه موحى بستغراب سبحان مبدل الاحوال اكثر واحد بغا يطرد التلميذة و لباس بمجرد تكلمات سميرة بدل قرارو شنو يكون زعما شاااف فالمدير كيشوف سميرة و بلاما يحس خبط فوق الطبلة تا شاف فيه الكل رد البال لنظرااتهم و تكلم : سمحو ليا خرج من تما و خلاهم حتى شوية و خرجو تا هوما و ماين زينب كتحزر فاولياء التلاميذ و تشكر فييهم تا قالو ليها بلي خااص تشكر الاستاذة سمير. و مال كان تقرر قرار الطرد و مشاات شبعات فيها بوسان لياام كيف كدووز لبارح كيتعنب عليه و ليوم معفر عليها بحالا مكيشوفهااش داايرة الكييت فودنيها و كتصنت لأغنية قدام بابهوم " وا هيااا المعفر تعفر بشوية " تا بان ليها دااايز من حظاها هو و صاحبو متسوقش شاف فيها و دور وجهو عند صااحبو و متنكرش تصرفااتو فقصووها ولا فشكل و حتى الضحك لي كان فيه مبقاتش كتشوف ضحكتو كاع و ليني علاااش يولي يعاملها هكاك بل علااااش هي كتحس بحاال هاكا ؟؟ فيينما تفكراات بلي رفضات الزواج منو بلاما تسمعو كتبغي تسطا و عااد شاغل تفكيرها 24 ساعة على 24 كااع هااادشي خلاها تعض على فمها و تنطق ولات دبا متأكدة من مشاعرها بتااسمات جنب و نطقات : و لكن منكرش بلي جا معاه تعفار و زادو فزين و الهبة مبقاوش بعدا كيتلوطو عليه البنات بزااف .....# يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM