الحاجة اللي مصبراني هي هاذ المرة حطونا أنا ويونس فشومبر وحدا.....مع الدخلة قال ليا يونس مغاديش نطولو هنا....نسا شي حاجة سميتها نطولو.... -كيفاش....غنهربو.. يونس: حنا بناذم لداخل وهربناه بقا غا ريوسنا -صافي اللي درتيها أنا معاك اعشري.... كانو معانا جوج ديال الناس فالشومبر...واحد خونا باينة فيه ذاخل غا على شي شيكات حيت الله يعمزها دار ودمدومة ماشي وجه الحبس...وواحد الراجل آخر شااارف...مكيدوي مع حتى واحد باينة فيه خااتر فالحياة...ماعلينا ريحنا كنجمعو وقلنا بلي ضروووري خاص شي طريقة باش نخرجو....واحد الحاجة غرييبة كننا كنلاحضوها فاليامات اللولين...داك الشيباني معمرو نعس فالناموسية ديالو ديما كيتعس جنبها ولا تحت منها...جاتنا غريبة هاذ القضية ولكن محكرناش حيت قلنا مع راسنا بلي غادي يكون غا كيضرو ضهرو ولا شي حاجة حيت هو راجل كبير.....ماعلينا شي ربعة ديال الشهور كنقادو فالخطة ماعلينا مابينا...علمنا داك خونا الدمدومة قال لينا منقدرش. نمشي معاكم حيت عندي غا عام وغانخرج.....ولكن قال لينا بلي مغادي يقول واالو....الشيباني وقتما دوينا معاه مكيدويش معانا وكيبقا مطمر....تال واحد النهار اللي باقي مرسخ ليا فعقلي مزيااان....معمر شي نهار ضحك ليا الزهر كيما ذاك النهار...كنا مريحين كنجمعو انا ويونس ماعلينا مابينا وحنا نتفكرو يامات ENSA...قال ليا يونس بلي باقي عاقل على شي حاجة....خدينا واحد الورقة وبقا كل واحد كيكتب شي حاجة عاقل عليها...شي علاقة ولا شي نظرية...بقينا كنكتبو تال واحد اللحضة تناقشناعلى واحد العلاقة ...انا كنقول فشكل وهو كيقول فشكل آخر...حتى كنا غادي ندابزو....انا تعصبت وشديت ديك الورقة طويتها لحتها فواحد الشبكة ديال الزبل....وبقينا مريحين تا بدينا كنتهدنو شوية...ماعلينا عيطو لينا نقصيو مشينا...الشيباني دغيا كلا ورجع...حنا بقينا كنقصيو....فاش رجعنا وحنا نشوفو الشيباني شاد ديك الورقة وكيصحح فيها ..والله تا داكشي بصح نيت اللي كنا كنقراو...سالا وجابها لاحها حدانا ...هزيناها كنشوفو فيها ...لقينا بلي لا أنا لا يونس عندنا صحيح ...غا كنا معذبين على والو وصاف....المهم مع شي الوحدة د الليل...حتى نعس كولشي...وهو يجي الشيباني فيقنا بجوج... الشيباني: هيا استيقضو...لدي شيء أريد إخباركم به... لااا متقولهاش 5 شهور وحنا كندويو بالعربية....باينا غايكون فهم شنو كنقولو وعرفنا باغيين نهربو.. -هل تتحدث بالعربية الشيباني: نعم ....أنا من أصول عربية.هاجرت إلى أروپا قبل زمن الإزدهار...كنت معلما هنا.... على مافهمت من هضرتو...هي أنه خونا شي عاالم هاااارب ديال بصح...جابوه باش يقري فلالمان فاش كانو كيعرفو غا ينعسو وياكلو بحال البهايم....ومورا ما بداو كيتثقفو....كان هو من المناضليين السياسيين ...وتحكم عليه بالمؤبد من ديك الوقت تال دابا...اوااااه ...هاذ خونا مخبي بزاااف ديال الحوايج خاصنا نعرفوهم...ماعلينا مشا تحت الناموسية وحيد واحد الزريبية صغيرة هو يبان ليا تما واحد الباااب....وااااا عباد الله غادي نتسطا....هاذشي كانشوفو غا فالأفلام....المهم هو نزل وحنا نتبعوه للتحت....كتبان ليا تما أكبر مكتابة شفتها فحياتي...جميع أنواع الكتوبا اللي يطيحو ليك على بالك كاينين تما....دانا لواحد الرف خاص بداكشي ديال الفيزياء وجبد لينا واحد المجلد فيه 10 د الكتوبا....وهويقول لينا جوج كلمات مفاتهمش..قال لينا نقراوهم ونلخصوهم مقابل الحرية ديالنا....قال بينا بلي هو قادر يخرج وقتما حبات خاطرو...غي هو باغي يبقى هنا حيت ماينة المكتبة ديالو وماعزيزش عليه كثرة الناس....انا فرحت بزاااف حيت داكشي عزيز علبا نقراه....ولكن حاصني وقت كثييييرك باش نكملو...ماعلينا دوزنا شي خمس سنين وحنا غي كنقراو ونلخصو.....حتى فهمنا داكشي مزياااان....ومشينا عندو شرحنا ليه داكشي اللي فداك المجلد....مشيتا عندو وقال لينا من بعد شهر غادي نحل ليكم واحد الباب عندي فالمكتبة عارفو غي هو بوحدو وتما مناش غادي نخرجو....و غنتسناو واحد المدةوغادي توصلنا البراءة ديالنا ...حيت الشيباني ماطلهش ساهل...حتا هو عاااامر معارف....ماعلينا دوزنا داك الشهر ...فهاذ الشهر تلفنا مابقيناش عارفين شنو نديرو بمرة....انا فكرت أول حاجة نمشو ننتاقمو من پاليرمو...قلنا غير نخرجو نقادو ليه بلان...واخا هو عندو نفوذ ولكن والله لا بقات فيه....ومن موراها نشوفو خوتنا اللي هما سبابنا فهاذ الصداع كاااملو....ماعلينا جا النهار فاش غادي نخرجو تاني...قال لينا الشيباني غادي نلقاو شي طموبيل كتسنانا حدا الباب ديال الحبس..خاصنا نخرجو قبل ما يشوفونا دغيا....توادعنا معاه واخا ما سخبناش بيه و مشينا معاه جمع لبنا شي كتوبا فالمكتبة..وقال لينا ختارو اللي عجبكم ديوة معاكم...انا مكيبان ليا غا واحد الكتاب بالعربية ...(شمس المعارف الكبرى) ندمت على النهار فاششفت فيه هاذ الكتاب...هاذ الكتاب قلييل بزااف وكيقولو بلي فيه شي حوايج خااارقة...ماعلينا دارهوم لينا ف شي محافض وخرجنا كنجرييو....جرية وحدة حتى ماتوقف علينا واحد ميرسيديس بيضا ...حلو الباب وتلاحينا فيها....وأخيييرا الحرية تاني...غادي ندوزو شي يامات ديال الزهو ومن بعد نبداو خطة الإنتقام....وصلاتنا الطموبيل لوسط المدينة عطاونا شي قبيات وطلقونا ومشاو....الغريب فالأمر هو ماخرج حتى خبر كيقول بلي هربنا من الحبس...تا واحد ما كيدوي معانا....بقينا غا كنتجلوقو فالمدينة تال واحد النهار بانو ليا كمامرنا فالتلفازة بلي حنا براءة....نارييي شحال فرحت مشينا فالبلاصة خدينا وريقاتنا من الحبس ومدواوش معانا گاع على الهروب بحال الى معمر هربنا....مشيت لواحد الگيشي نشوف واش باقيين الفلوس ديال پاليرمو تما الحمد لله باقي الخير والبركة...شي ستين الف اورو..هي تقريبا ستين مليون ديالنا حنا...ماعلينا...مشينا كرينا واحد الدويرة وبقينا عاطينها واحد السيمانة غير للساطات والزهو وكل مرة فين ...حتى شبعنا مزياان...اه نسيت مقلتش ليكم.....خديت واحد التلفون مع حليت الفيسبوك كنلقى بسمة مسيفطا شي مليااار ميساج...طبغىعا ماقريتهمش حيت هي دابا راه مرت الراجل....أصلا حيدات داك الفيسبوك شي عام دابا....لقيت تحت منها واحد ختنا دايرة ghizlan el...مع شفتها عرفت واش ختنا ديال المافياا...دغيا طاحت على الفيسبوك ديالي حيت داير السمية والكنية ديجا قلتهوم ليها.....لقيتها كاتبة ليا بلي تزوجات ب پاليرمو....وبلي معدي عليها ديال بصح....اه وقلت ليها ماتقولش ليه بلي خرجنا -جابك الله ....واش باغا تفكي منو غزلان: وشنو كنقول ليك دابا أنا من الصباح...راه مبقيتش حاملاه الزمر واشكتفم -واخا غاديري داكشي اللي كنقول ليك بالحرف...تغلطي غلط واحد مشينا كااملين غزلان: صافي أنا معاك اولد بلادي....عمرني نسالك هاذ الخير اللي غادي دير فيا -يالاه حيدي دابا خلينيننعس ونقول ليك شنو تديري.... هاذي مزيااانة غتسهل علينا كلشي....قلت البلان ليونس حتى هو بان ليا فرح واخا مبينش ليا....ماعلينا دازت واحد السيمانة...وقلت ليها عادي تبقاي حاضية پاليرمو...ولصقيه فالإجتماعات ديالو....نتلاقاو فوسط المدينة....غادي نعطيك واحد الورقة ...شوفي شي طريقة يسينيها ليك بلا ميعيق...وديك الساعة فيفتي فيفتي....داكشي اللي درنا تلاقينا وعطيتها الورقة مكتوبة فيها بلي عطا الزمر ديالو كااامل لغزلان...الله وتصدق هاذي غانتفيشطو ديااال بصح...ماعلينا عطيتها الورقة ورجعت فحالي...دوزت واحد الشهر فالدار غي كنعلم شوية للمونطاج ...وداكشي ديال الهاك حيت عزييز عليا....تال واحد المهار صونات عليا غزلان ...قالت ليا صافي لافير تقضات.....قلت ليها نتلاقاو دااابا فأقرب وقت...قالت ليا واخا أنا جايااا...مع وصلات جبدات الورقة ومشينا أنا وياها بقينا كنطلعو ونهبطو فالإدارات بلا خبار خونا.حتى قضينا لافير.....بقات حاجة وحدا دابا...خونا الى عرف أول حاجة غايدير هي غيصفيها لغزلان....وحتى الى مات اول واحد غيشكو فيه هو غزلااان...الله شهاذ المشكلة تاني....مشيت عند يونس قلت ليه يقل ليا شي بلان نديروه لخونا...قال ليا غادي نخلو شي واحد يقتلو بلا مانتقشعو حنايا...قلت ليه كيفاش... يونس: عقلتي على المافيا لخرى اللي كنا كانتعاملو معاهم فاش كنا خدامين مع داك الكلب -اه عقلت علاش يونس: عقلتي فاش كان كيغشهم فالسلعة...الى ساقو الخبار شغادي يوقع ليه ... -مصخووووط...كيطاحت عليك هاذ الفكرة يونس:تا راه المغاربة وأجرك على الله -داكشي اللي درنا دوينا مع غزلان تسيفط لينا شي حديدة باش نتحركو معطلاتنااااش...فالبلاصة سيفطات لينا واحد الBM مشينا قصدنا واحد المدينة سميتها frankfurt ....تما فين كاينة المافيا لخرى....هوما فشكل مختالفين على پاليرمو...معندهم لا قصورا لا تالعبة....مدورين گرياج بواحد الغابة ودايرين تما البيوتا فاش كيريحو وصافي....ماعلينا مع وصلنا سولنا على واحد خونا كان كايتعامل معاه پاليرمو...جاب معاه يونس واحد الضوسي فالمحفضة فيه داكشي ديال الكدوب والغش اللي مان كيدير پاليرمو مع خوتنا...خونا مع شاف الضوسي بدا كيكشكش وكيهضر بالألمانية...واخا مفهمناش شنو كيقول ولكن عرفت بلي وصلنا لداكشي اللي بغينا...دازت شي شهرين وحنا غا طالقينها تسرح وكنتسناو فوقاش توصل خبارو...باش ندوزو لخوتنا حتى هوما نفاريوها معاهم...واخد المهار داخل للفيسبوك ماعليا مابيا تا كيبان ليا واحد الڤيديو داير بوووم دخلت نشوف اش فيه كيبان ليا واحد خونا تيرا فواحد وبقا كيشتت ليه فراسو بالقرطاس واحد المنضر ماتبغيهش لعدوك....زوميت شوية نشوف شكون هذاك ...حتى كيبان ليا پاليرمو....بلاتي بلاتي...پاليرمو مات .وختنا ماصونات ما تالعبة ...يكما ناوية تبيدقني....يتبع (الخوت 400 لايك التتمة راه هاذ اليامات كتبانو ليا نعستو فيقو معانا شوية وطلعو التفاعل باش نكمل القصة دغيا راه الرجل الغامض كتسنى) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM