إنتقام عشاق الجزء الخامس 🔥🔥🔥 ( التتمة من بعد 320 لايك طاكيو صحابكم يعاونوكم عليها ) واحد نصف ساعة وحنا نسمعو الدقان مشا الاستاذ حل وتما كانت الصدمة المدير داخل ومعاه ديك البنت لي خرجت فيها لبارح قدام باب الليسي والكردو كورات ديولها وجاي معاهم حتا الحارس العام والناضير وواحد الأستاذ تقول غير شي لجنة داخلة الثلاميذ كاملين بقاو مسمرين بلاصتهم وغير كيشوفو حتا قال لينا الاستاذ وقوف و وقفنا حتا قال لينا المدير نكلسو والغريب في الأمر ختنا جاية داخلة دايرة نظاظر و وملابساش الطبلية وداك المدير كيعاودو عليه جلاخة سروال مقطع ولا شورط يردك عليه يحصلك لابس كاسكيطة ولا داير كييت يديهم ليك وهاذ ختنا بحال لا مسركلة ماقدرش يدوي معاها المدير : نعرفكم بالزميلة ديالكم أسيل رحبو بيها أوليدتي _ بدينا كنرحبو بيها وسي أمين كيبان ليا عينيه وريوغو خرجو من بلاصتهم وأنا نقرصو فيق أتوفيق أمين : تاورق الساط على تيتيزة كيف دايرة _ بديت كنحك البلاصة لي ضربني فيها الكردكور ديالها وقلت ليه غير نساها عليك متليقش ليك بلاتي يخرج المدير ونعاود ليك بلانها . المدير : سمعوا ليا أوليداتي مانبغيش شيواحد يقلق أسيل ولا يدير ليها شيحاجة حيث غير توصلني منها شيكاية بشيواحد منكم غادي نطردو مباشرة وقد أعذر من انذر _ بديت كنفكر وأنا مصدوم شكون تكون هاذي بسلامة لي دايرين ليها هاذ القيمة كاملة وأنا كنفكر سهيت حتا كنسمع المدير كيقول ليا المدير : نوض أولدي من تما نتا ولي حداك بدلو البلاصة ولي من وراهم تانتوما بدلو البلاصة خويو دوك 2 طويلات _ بديت كنجمع أدواتي بنفخة وكنقرقب فيهم حيث معجبنيش الحال ياك كاع ولا 9 شهور باش حسن منا هي واحد الوقت هزيت عيني فيها لقيتها كتشوف فيا وكتخنز وتا أنا خنزرت فيها ورجعت لور أنا وأمين وهي مشات البلاصة لي كنت كالس فيها ودارت واحد التصرف لي قلقني و بكل روجولة حتاقرتني بيه جبدات كلينيكس وبدات تمسح بيه البلاصة فين كنت كالس من بعد مامسحاتها شافت فيا ولاحتو جيهتي وهادشي أمام كولشي ومدوا معاها تاوحد أمين : تاشوف هاذ الميكروبة شنو دارت شكون يسحاب ليها راسها دير هكذا _ غير خليها أخويا والله ماتبقا فيها هاذي هي التانية عندها أمين : كيفاش التانية اجي واش هاذي هي لي قلتي ليا عليها لبارح _ أه هي اخويا أمين : أخويا سمح ليا ماكين لاش تنتاقم لا والو هاذ البنت سحراتني بالجمال ديالها وباينة ملعقة غادي نحاول نطلقها عليها _ إلى قدرتي غير ديرها هاذي تاشوفة ماغدي تشوف فيك المدير : يله الله يهنيكم هاذ الساعة أسيل بنتي إلى حتاجيتي البيرو ديالي مفتوح ليك في أي وقت _ مجوباتوش وخرج هو والحارس العام والناضير والكردكورات حطوا ليها شكارتها وقال ليها هذاك لي ضربني بيلا غادي يكونو حدا الإدارة ومشاو . الاستاذ عاود رحب بيها وبدا كيشرح ثاني وأنا ساهي كنشوف فيها وكنقول مع راسي واش هاذ الزين زنزونة ولا شنو مخرجاتش شي كلمة . ولكن أنا غادي نخليها تدوي صحة خاص غير لقا الفرصة ماعلينا أنا بديت نتابه الشرح وفهمت مزيان مع عقلي خفيف وبدينا في التمارين وأنا واحد البنت لي كنتناوبو على الصبورة ماتبقا غير المكلخين وفاش كنبغي نوض كنبغي ختنا تنتابه ليا ولكن دايراني ماكينش تاشوفة ماكتشوف فيا . وهكذا دازت الحصة تقريبا كاملة .فاش بقات 10 دقايق ويضرب الجرس قال لينا الاستاذ جمعوا ادواتكم ودويو بشوية داك الجن ديال أمين طاحت عليه واحد الفكرة باش يشد نمرة أسيل هز دفتارو وبدا كيدور على بنادم كيقول ليهم عطوني نوامركم غادي نديرو كروب وتساب باش نشرحوا لبعضياتنا تما بدا كيدور عليهم بواحد بواحد وكلشي عطاه النمرة تا وصل عند أسيل ودارت ليه واحد البلان لي خلاه مصدوم حط ليها الدفتر قدامها باش تقيد نمرتها وهي تجبد الستيلو وبدات دفع بيه الدفتار حتا طاح من فوق الطاويلة وهزات ادواتها ورمات الستيلو في الزبل وخرجات . أمين رجع عندي كاعي أمين : هاذ ختنا بزاف لأول مرة نحس بالاحتقار شتيها شنو دارت دفتري دفعاتو بستيلو بحال لا أنا موسخ _ راه قلت ليك ماغديش تشد ليك غير نساها عليك أمين : غادي نشدها وهاني قلتها ليك فاش كندير شيوحدة في بالي ماكنمشي تاكنشدها _ هادي لاشديتها نكتب ليك Sh بسميتك وعد مني أمين: تحديتيني هانتا غادي تشوف . يوسف على دكر Sh شنو غادي تقول لماماك إلى سولاتك منين جبتيها _ فكرتيني الله يفكرك في الشهادة وليني مشكلة صافي مفكرتش في هاذي أمين : يله تغدا معايا في الدار ومنها نفكرو فشنو تقول وبالليل دوي معاها _ صافي واخا وداكشي لي درنا من بعد مضرب الجرس مشينا لدار أمين دخلنا سلمت على الأم والاب ديالو و بداو كيسولوني على Sh قال ليهم أمين شراها وبدل الموضوع دغيا أمين : الواليدة فين الغدا راه فينا الجوع أم أمين : موجود أوليدي غير سيرو غسلو إيديكم غادي تلقاوني حطيتو مشينا غسلنا و تغدينا من بعد ماكلينا دخلنا لبيت أمين و بدينا كنفكروا فشنو نقول لأم ديالي أمين : قول ليها ديال أمين يله شراها ومرة مرة خليها عندي وها مريضنا ماعندو باس _ لا فكرة غبية تقدر تلاقا الأم ديالي وديالك وتجبد الهدرة بالصدفة على المطور ونتفرشو ... صافي لقيتها شنو غادي نقول ليها وعاودت ليه البلان عجبوا أمين : فكرة مزيانة ولكن زعما تيقها مك. _ممكن نتمناو خير . أوف عييت بغيت غير نعس شوية أمين هاني غادي نجبد عليها بيما قرب وقت ليسي وفيقني وداكشي لي درت نعست تاوصلات 3:30 غسلت وجهي وتحركنا الليسي مع وصلنا لقينا هناء ونسرين كيتسناو فينا حدا الكرديان بلاصينا الموطور وهبطنا سلمنا عليهم بلابيز أمين بان ليا معنق هناء تا أنا زعمت وعنقت نسرين فرحات ودخلنا ليسي معانقين لي شافنا يقول داخلين لبرتوش ماشي ليسي مشينا ريحنا في واحد القنت بدينا مجمعين وكنتعنبو تا أنا تلقت في الهدرة ولات كتقول ليا ختنا هاذا غير لي كنت كنسحابوا ضريف وحشومي ساعة طلعتي مساهلش... قلت ليها مع راسي الأخلاق مشاو مع تيريزا أمين : البنات شنو بان ليكم نتلاقاو ليوم مع 10 كاينة واحد الدار ديال واحد الدري غير خاوية نزهاو شوية هناء : أنا نجي الحبيب ديالي شوف غير نسرين يوسف _ أنا وافقت وتا نسيرين ودار معاهم أمين فين نتلقاو ومشينا الكلاس كانت عندها ساعتين عربية دخلت وبديت كنتسنا في أسيل دخل الساعة اللولة كاملة و عيني مع الباب ووالو مجاتش . هاذ الحصة دازت مملة عندنا واحد الاستاذ كيجيب النعاس من بعد ماخرجنا مشيت أنا وأمين باش يوريني الدار ديال خونا ودار معايا فاش يقرب الوقت نمشي نجيبهم بالمطور وهو يبقا يتسنا في الدار من بعد ماتفقنا وصلتو لدارهم وأنا مشيت لدار مع ديك 19:30 بديت كندخل في المطور حيت ساكنين في دار سفلية وهي توقف عليا الأم ديالي الواليدة : يوسف ديالمن هاذ المطور _ ديالي الواليدة كيف جاك الواليدة : أويلي على ديالك على نتا منين غادي يجيوك الفلوس باش تشري هاذ المطور ياكما المسخوط وليتي كتشفر ريان : واو واو دابا هاذا ديالنا منين جبتيه _ وغير دخلو ونشرح ليكم . من بعد مادخلنا لقيتاها موجدة الكسكروط و بديت كنقسي . الواليدة ماكين مايتخبا الموطور شراتو ليا المدام تيريزا الواليدة : كيفاش شراتو ليك المدام وبأشمن مناسبة _ لبارح فاش جرات عليك من الخدمة مشيت عندها وبديت كنطلب فيها ترجعك الخدمة وبديت كنقول ليها راه علماتك بيلا غادي تخرج قبل ماتخرج بقيت كنطلب فيها واحد الوقت وهي تفكر وقالت ليا غادي نجازيك حيث فكرتيني ختار لي بغيتي وختاريت موطور وهادي هي قصة المطور . بدات كدير فيا شي شوفات الواليدة : القضية فيها إنا زعما هادشي لي كاين ريان : تاشنو بغيتيه المهيم هو المطور _ هادشي لي كاين الواليدة سيري سوليها . بقيت كندخل ونخرج في الهدرة حتا تلفتها وخليتها تقتانع . ومشيت لبيتي وشديت التيليفون دخلت الوتساب بقيت مجمع مع نسرين بيما قرب الوقت . فاش وصلات 21:30 بدلت حوايجي وخرجت مطوري ومشيت وأنا غادي عند الدريات دزت من حدا الجردة خاوية ومظلمة ومبلاصية تما واحد الطومبيل قلت مع راسي غالبا شيواحد جايب شي وحدة هنا وخدام معاها نقصت السرعة باش نشوف وهي يبان ليا واحد خونا هاز واحد 17 على واحد البنت ومع الظلمة مابينيش مزيان وقفت المطور باش نعاونها وبديت كنتسلت و كنقرب ليهم و فاش قربت تصدمت لقيتها أسيل خونا باغي يتكرفس عليها باغي يحيد ليها حوايجها بزز وهي كتبكي وكتقاوم غير شفت داك البلان مشيت كنجري بواحد السرعة خيالية جمعت خونا بواحد النص ماعرف باش تبلا هزيت الجنوية وهو يهرب أسيل غير شافتني وهي ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM