التلميدة والاستاذ الجزء الرابع ( تتمة من بعد 200 لايك ) انا: ككحححح كحح كح.. وفاء: وحااي المسخوطة شربي الما وبشوية عليك. *شربتوا وعاد تنفست.. انا: اش غيجرى دابا ؟؟ وفاء: كفاش؟؟ انا: طولت عليه لساني بزااف ياكما غيسلخني عصى!! وفاء: ههه نتي باقا فيك ديك القاعدة من الليسي يااودي كوني تحشمي راك مبقتيش صغيورة. انا: وداباا قولي ليا !!! ناري وضربني والله حتى نرجعها ليه. وفاء: هههه نتي قديتي غير على داك خوك بقا ليك غير هذا. انا: وناااري والله حتى خلعتيني عنداك شي نهار يحبسني ويسلخني عصى. وفاء: اممم يمكن ملي رجعتي عليه الهدرة راك مشيتي فيها خلا. *بقيت ساكتة وكنخشي فوجهي وكنشووف فيه وهو كيتغدا.. انا: واش مزوج؟؟ وفاء: شكوون؟؟ انا: هااذ الاستاذ لي سميتوا ءء اش سميتو نسييت؟؟ وفاء: عمران!! منعرف بحالي بحالك ولكن منضنش راه مديراش الخاتم. انا: وعاااك شحال برگاگة. وفاء: ونتي علاش كتسولي!! انا: وغيير بغيت نعرف. *المهم بقيت كنشووف فيه وهو يهز عينيه لقاني كنحنزز..مرضيتش بديت كنتحرگ فبلاصتي.. *سالات الاستراحة ومشينا قرينا ديك العشية ومشينا خرجنا فحالنا..رجعت الدار وجا النهار الاخر قريناه ومكناش داخلين عند داك عمران رجعت مع الستة ولصقتني ماما نخرج معاها..اوى بدلت لبست جلابية فالصفر وبلغة ولويت على راسي زيف ومشيت خرجت انا وياها..مشينا واحد السوق كيعمر فليل ومن بعد دخلنا عند واحد الذهيبي .. ماما: سيري جلسي فوق الفوتوي وتسنايني حتى نسالي. انا: ومتبقايش شادة ليا الجماعة. *مشيت جلست وبديت كنخربق فتلفوني وانا حادرة راسي..المحل كان شوية عامر..الكراسة لي حدايا كاملين جالسين فيهم الناس..هزيت راسي عالله وتلفت اليسار وانا نتصدم..لالالالا ميمكنش!!! والاستاااذ استااذ!! تلفت بزربة قدامي وانا مزالة مصدومة..گاعمةمالك شافني..سمعتو نطق وقال : الواليدة زربي شوية..*وميمتيي مو واقفة حدا مي وشادة معاها الحديث..ناااري على زهر عندي اش داني نخرج..غبرت وجهي بالزيف وبقيت جالسة كيف الصنم بقيت هكداك حتا خرجات ماماه عاد رتاحيت ولكن شيحاحة ضراتني في خاطري خفت لا الأستاذ غادي يكون غادي يخطب شي وحدة بقيت كنفكر حتا نغزاتني الواليدة أديك الجنية أجي تشوفي خاتم الخطوبة ديال خوك أنا : مشيت معاها وشفت الخاتم وبديت كنسول فيها ماما شكون ديك المرا لي كانت مجمعة معاك ماما : هاديك أبنتي هي لي غادي نتناسبو معاها خوك غادي يخطب بنتها وكنعرفها من شحال هاذي وتاصلت بيها باش نختارو الخواتم أنا رجليا فشلو عليا بديت كنقول مع راسي أويلي أويلي داك الصكع ديال خويا مالقا غير خت الأستاذ موشكيلة صافي ....يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM