التلميدة و الأستاذ الجزء الثالث ( تتمة من بعد 200 لايك طاكيو صحابكم يعاونوكم ومنها تكبر العائلة) الاستاذ: آحممم آحممم.. *هذا مالو كيحنحن عليا..حيد ليا يدي بشوية وشاف اش كااين.. الاستاذ: أش هاذ الخط !! انا: ها !! آه ءء تت.. *بقى كيشوف فيا شحاال وانا كنتمتم عليه..حط يديه بجوج فوق الطاولة وهود راسوا لعندي ...دخت ملي شفت عينيه ورماشوا العسليين وقنينفاتو الحمرين..مشاءالله هذا الزين غادي يدير ليا الطيارة حبيتو.. الاستاذ: علااش مكتكتبيش؟ انا: هاا ءء ألا هانا كنكتب.. الاستاذ: رجعي الدفتار ماليه وخودي دفتارك قدامك وكتبي ولا خرجي عليا من هنا. انا: ولكن راه مكتبانش ليا السبورة. الاستاذ: نوضي جلسي القدام. *غير سمعت القدام وانا نخرج عينيا.. انا: هاا لالا غنبقى هنا راه كيباان ليا كلشي شكراا استاذ شكراا.. الاستاذ: لا نوضي جلسي نييت قدامي باش نحديك. انا: مالي غنهرب (أ حااااي نسييت بلي كنهدر مع الأستاذ ) الاستاذ: فآخر الحصة غنتفاهموا..نوضي تگعدي دابا جلسي القدام. *مشى فحالوا وانا نضت جمعت روينتي.. الساط: نااري غتمشي عليا أ ساطة حتا ولفتك انا: هانتا تشووف أ سااط ولكن متخافش فالمواد الاخرا نجلس حداك. *هزيت كتوبتي ومشيت جلست فالصف اللول جنب واحد خيتي فيها الشيكي والبخ..طوول الحصة وانا دايرة راسي متبعة أما انا تفكيري كامل مع أشنو غناكل فوقيتة دالغدا..عندي غير عشرين درهم وضروري نشيط منها!! امم نشد بيها غير دانون وبيمو..لالا مغاديش يقدني وانا معدتي كبيرة..صافي نشد بانيني بعشرة الدراهم يميييي..سمعت الجرس وانا نوض بديت كنجمع فحوايجي بلا عقل وانا الوحيدة لي واقفة كلشي جالس وكيجمع بهدوء وانا راه غير بغيت نهرب على هاذ الزمر خفت منو ..هزيت راسي فيه لقيتوا كيشوف فيا..دار ليا بايدوا غير خلييك أبنيتي غييير خلييك..صافي رجعت جلست وكلشي بدا يخرج ووقفت عليا وفاء.. وفاء: يالاه أ صاحبتي مغادياش؟؟ انا: هاناا تسنايني قدام الباب متمشي فين. وفاء: اوكي. *صافي كلشي خرج وبقيت غير انا وياه.. الاستاذ: قربي لهنا.. *مشيت قربت ليه وانا قلبي كيضرب عالجهد..كنخاف ومنحشم.. الاستاذ: شنو قلتي ليا سميتك. انا: منال. الاستاذ: اوى أ لالة مناال مالكي كطيري مع الطيوور!! *بغيت نهدر وهو يقاطعني.. الاستاذ: انا مكنحملش البعالك لي كيتصرفوا بحالك واش نتي باينة عندك 19 عام ولا عشرين؟؟ خاصك تمشي ترجعي تقراي الابتذائي وترباي من جديد.. انا: أستاذ !! منسمحش ليك تهيني واخا ؟ الاستاذ: جمعي راسك وعرفي معامن كتهدري!! انا: عارفة راسي معامن كنهدر أسي الاستاذ ولكن باش تقول ليا شنيولة ولا برهوشة ولا خاصني نرجع نتربى من جديد راه منسكتش ليك الاستاذ: هااي هااي هااي لالا نتي بزااف معمر شي حدْ تجرأ وكلمني بهاذ الطريقة. انا: اوى هاني تجرأت وحاكيتك بيها والله يعاون هاذ الساعة. *مشيت خرجت وخليتوا حال فمو فيا..هذا هو طبعي ديما كنرجع الهدرة على الاساتدة حتى ولاو شي وحدين كيخافوا مني خخخ..الوحيد لي فهاذ العالم كنخاف منو هو فهد خويا نااري كو كنت زاعمة عليه كو راه قتلني ودفنوني شحاال هاذي..المهم خرجت تلاقيت بوفاء ومشينا المطعم خدينا الماكلة ومشينا جلسنا.. وفاء: شفتي الاستاذ شحاال بوگوض البيوضة والعضلات واللحية گاعمة باينة عليه ثلاتين عام. انا: على هو عندوا 30 عااام!!!! الشاارف الاخر وصراحة مبيناش عليه. وفاء: واييه راه قالوا لييك استاذ واعر. انا: يوعار على راسوا أما حنا مالنا. وفاء: وراه كيسلخ. *وحلت ليا الماكلة.. انا: كح كح كح.. *وباش كملت بان ليا داخل المطعم مع شي أساتذة وهو مخنزر...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM