_الاشخاص أنواع ! و النفسيات مزاجات ، هادي وحدة منهم تتشد فنفسها على اتفه اشياء ممكن للناس عادية تافهة لكن ليها مهمة ، قاطعة كلامهم و خاوية جلستهم ، عقلها ماقال لها ، اليوم هو عيد مومنين يوم الجمعة، السنة تتقول بدايتها طهارة و نظافة و اقرب عبادتها لله صلاة جماعة و عند مغاربة تيكمل أجر بالجماعة على كصعة كسكسو ، نهار كانت تتقولهم خالتي و عزيزة عليا ؟ مانافقاتها ما غذراتها ، فعلا كانت خالتها نص امها وهيا كدالك تتقولهم آبببنتتتتي ، على صباح باكر سخنت دوش ودخلاتها دوشت لها ، عاطياها الخاطر و مع العمر تيتزاد اللحم تيعزاز و تيتعكر ، دوشات لها على خاطر خاطرها و نشفت لها و لبساتها انظف و افخم ملابس ، مزالة محتفظة على لونها مفضل أبيض، اخر قطعة كانت قفطان أبيض مليفة حرير فوقو فيسط قطنية و شال تليجة وتقيشرات مع صابو مديكال رشات لها عطر مسك و مدات لها التسبيح و تتسمع منها افضل كلام : _الله يرضي عليك آبنتي ! الله يفرشك بالرضى و يغطيك بالرضى! الله يرضي عليكم كاااملين _تتمسح فوجها من عرق وهيا مبتسمة لها .. اسماء: بصحتك اخالتي ! نمشي نوجد الفطور الوازنة: ( تتحك فمها من فوق ) كلاني السلام الحبيبة كلاني اسماء: ( بفرح ) مور العيد رؤيا جاية راها قالتها ليا ..خلاتها تصلي صبح و ترتاح ، طلعت كوزينة توجد فطور ، حتى دخل عندها مدوش لابس سروال كيطمة و بيل و شعرو كبر ، حط لها عجائن من مخبزة نبيل: صباح الربح اسماء : ( قلبت وجها ) صباح الخير نبيل: مزال ماهداك الله ؟ شوفي غير فيا اسماء : بعد مني عفاك ! نبيل: ( حرك راسو بسلب ) يموت لي يموت و اسماء هيا أسماء أسماء: الله يخلينا فصباغتنا ! نبيل: كالوها ليك ( تيحط عجائن ) شوفي بركة؟ اسماء : زيد ليوسف ديال شكلاط( سكتت تتفكر تنهدت ) نبيل: اوا نوضتيها معاه ومجرية عليه تتسولي عليه ؟ اسماء : هداك راه ولدي حبيبي ! جاني فوقت لي ماشي هيا هاديك نبيل: وصافي نعلي شيطان ! ( قرب باس لها راسها ) الله يرضي عليك ويجعل بركة فوليداتنا _عارفها كل جمعة تتدوش الوازنة من غير الا كانت عند إحدى أولادها ، مقابلة اكلها و دواها و كل راحتها ، كل ماتيشكرها تترفض شكر و تتجاوبو بانها ميمتها ، هادشي تيكبرو فعينيها ونبيل ميمتو عندو بالدنيا كلها اسماء: امممم ! نت راه خاصك تزيدني صداق نبيل: ( تيرتب كيسان ) صداق واحد راك دتيه اسماء : ( تتفكر ) المرحومة شداتو ! ماكنت عارفة والو ، عاود ليا صداق نبيل: عاودي ليا ليلة عرس ! اسماء : ( بحسرة ) الله يقطعها ليلة ! اححح ماداز عليا نبيل : و الله ماظلمتك ! سكوتك و تحرامياتك لي خرجو عليك ! لكذوووب كوارث لهلا يرجعها ايام اسماء : ( بتحلوين ) والا عاودت ليلة ؟ شحال تعطيني؟ نبيل: لاش باغة فلوس ؟ اسماء: ( بعضت شفايفها ) حمقني واحد براسلي جاكوار نبيل: ( بهدء ) مور عيد ناخدو ليك ! غير ضحكي و رخفي النفس اسماء : ( ابتسامتها ساحرة ) نضحك علاش الا! _معاونها حطو الفطور ! نزل زكريا مدوش تاهو متبع عادة نبيل ترجع تيصلي ، نعمة الا مانزلاتش ماكاينش شكون يفيقها ! يلاه سماو الله هو يتسمع دقان فالباب، اسماء : هدا الباب لداخل مايكون غير بلال تاني هرب لهم نبيل : (وقف ) ولا تيدلع هاد بريهيش ( فتح الباب ضوب فيه واقف بوقفتو شامخة هاز فيديه زعيعرة ) اهلا اهلاااا ( قرب باسها ) على سلامة فاروق: ( حرك ليه راسو ) يسلمك الحاج! ( دخل عليهم فمفاجأة ) الواليدة ها ابنتي ! الوازنة: ( ضربت كف بفرحة ) السلام صباح كلاني ( فتحت يديها ) احباابي و السيااادي شكون جاني _شدو ياسمية من واحد لواحد و رجعت لحضن فاروق! فاق صباح هزها جاي يجيب وازنة ، فطورو مجموعين واسماء فرحانة تمشي معاهم، نبيل: راه وصيتو ! راك عارف فسبيل الله تنخرج العيد لدوك الناس لي على حسابي فاروق: الله يجعلها صدقة جارية ! مهم شوف ليا شي جوج حوالة دبا رؤيا كاينة نبيل: نشاء الله ! نزيد واحد لرؤيا واحد لولدي يوسف فاروق: خليه يشريه راسو ! يعرف بحق زمان نبيل: اوا شوية هكا شوية هكا ! هاد الساعه راه غادي بما يرضي الله فاروق: والله اخويا الا هداك بذات عندك ضهشرني ! ماعرفتو لمن شاد ، كولشي مزروب فيه نبيل: الله يسهل عليهم و يسمح لنا من الواليدة، التربية مدرسة و الرعاية جامعة فاروق: كن جات على تربية راه كولشي مربيي بالفطرة! كاين شي احد كبر راسو ؟ راه تنوكلو و نشربو ولبسو اوا فاش يكبر تما خاصك رعاية اوا تما غنات كلثوم _الجماعة كسكسو كانت واضحة تكون عند خديجة! ركبو سيارتهم و خبرو زاينة تخلط عليهم و توكلو عالله ....منين حطاتها طاكسي ! صونات على الدارهم نزل خوها يفتح لها مقلوب بنعاس ! ماكاين لا على سلامة اختي ! لا مرحبا بيك ! طلعت تتمسح فانفها من دموع تخنقت ، حتى دخلت عليهم جالسين تيفطرو طلعو فيها شوفة و كلها منين تينطق الام : جيتي بوحدك؟ الاب : فين ولدك آبنتي ؟ الاخ : مالك مجرييين عليك ؟ ( تيحك فراسو ) فين محمد ؟ _القهرة هيا لي تتحس بيها ، لي متاكدة منو انها ما حاملة ما راها فالعادة شهرية، لكن كاين واحد نوع من االاشخاص حساسين ، ممكن كلمة تبكيهم و نظرة طيحهم و للمسة ذوبهم ، و نور من هاد الناس الحساسة ؛ جاية تتحس بالغيرة ! هيا غيرة هبيلة من لوستها ، لكن القلب مايشاور ، سمح فيها ليل كلو و صابح تيتغزل بيها جاتها ناقصة مككن واحد السن ضحك على نفسها من هاد الغيرة لكن حاليا متبعها احساسها .. نور : ( بقت واقفة ) اوا سمحولي ! _تمت راجعة نازلة تتبكي ! على منادتهم ، مافهمو والو! خوها رجع تيطل عليها امها نازلة تابعها ، الام : هادي بيها شي حاجة ! مايمكنش الاب : دموع فعينيها ! ياك ماكلنا عيب ؟ جاية لا ولد لا راجل الاخ : ( تيتفوه ) من صغرها تنكول لكم راها مانازاش الام : لخاطرها ! راها مسكينة وحدانية ...خطوة تابعة خطوة ! ضربت فصاكها شافت تلفون طافي خلاتو فتحت بزطام تاكد من فلوس، شدات طاكسي لسونطر و قصدت مقهى عائلية ، طلبت فطور و ساهية تتفكر هما دموع تاني يغلبوها تفكرت ولدها ، هيا تشعل تلفون تشوف تصاورو بشعلة برنة اتصال تنهدت جاوبات نور : الو ! امير : ( بغصة ) غير كولي ليا آش هاد لفعايل ؟ باغة تهبليني؟ خارجة بوحدك و جيتي داركم عاودتي خرجتي ! فين راكي ؟ نور : ( بنفخة ) تنفطر امير : بصحة لالة ! عطيني عنوان القهوة نجي عندك نور : ماتجي عندي مانجي عندك ! غادي ارتاح و رجع راه مانسمحش فولدي امير : ( تيسوط تيشوف محمد ناعس فكرسيه وراه فطموبيل ) عطيني غير عنوان نبقى نتسناك برا حتى ترتاحي على خاطر خاطرك ...قطعت عليها رسلت ليه عنوان ! مسافة طريق كان واقف بسيارة امام المقهى ، هز سوارت و هاتف نزل تيقاد ملابسو فتح الباب جهة محمد هزو بكرسيه دخل مقهى لي داز تيشوف فيهم تاجلس امامها امير: تبارك الله عليك نور : ( قلبت وجها قربت باست محمد ) حبيبي ماما خايبة ؟ امير: ( ركز صوابعو بين عينيه ) اححح اربي ..طلب ليه قهوة ! و التزم صمت على ماتبرد ، مزال مامتيق تكون غارت منو مع اختو ! دور وجهو غالباه ضحكة هيا تقشعو و غلباتها ضحكة نور : زيد دور وجهك امير : ( شاف فيها تيضحك غمازاتو تيبرزو ) الله يسمح ليك طوفتني هاد صباح ! ديما موصيك شنو ماوقع بيناتنا نقادوه بيناتنا نور : ( سكت ) ....ليل كلو انا تنتسناك طلع امير : ( تنهد شد يديها جرها قبلها ) ماعليش جنى لهاتني ! ولكن خاصك تعرفي علاش ؟ نور : ( رجغت حمرا مارضاتش ) انا ماقلتش على ختك امير : ( عض شفايفو ) شوفي تشووووفي نور : ( قلبت وجها ) مانعرفت امير: ( بحب ) مايطيرش لك ! جنى مولفة معانا كلنا هكاك ، البارح راها كما كنت تنظن مجيتها وراها شي حاجة ، بغات دخل داك عالم تجميل و تغير شي حاجة وجها نور: ( بدهشة ) اويلي راها زوينة آش تغير ! اش خلات ليا امير: مالكي نتي ؟ تتحمقي نور : ( عوجات شفايفها ) زعما ؟ امير : ( بحب ) مافيهاش شك ! مراتي غزالة الله يجبها ولدت ليا الزين الله يحفظكم ليا ...نزلت راسها بخجل ! هما خجلين ، خجل الغزل و خجل الغيرة هبيلة لي ركباتها ، هيا عزيزة عليها جنى و لكن موقف ارتبكها ، امير بطبعو مسالم، رضى خاطرها ما حكرش على موضوع، دوزو وقتهم فالمقهى و خرجو دوزو وقت فالدوران ، مع العيد قرب اقترح عليها شوبينج ، شرات لي بغات ولولدها ، دوزو نص صباح مع بعض ، مساعدها فمحمد يهز و يحط و هيا فرحانة بالمعاملة، حتى اتصل بيهم مغيث امير : الو مغيث : هانية الامور اولدي؟ امير : لله الحمد ! نور معايا مغيث : دوزو تغداو عند عمك فاروق نتسناوكم ؟ نور : ( شاف فيها تيسولها فعينيها دارت ليه إشارة يمشيو دارهم ) غير بصحة الواليد و اسلم عليهم مغيث : الله معين اولدي امير: تصلت بيك ماماك ؟ نور : خويا خلى ليا مساج ! ( نزلت راسها ) صباح دخلت عليهم ديك دخلة ناقصة امير : ماشي مشكل ! نقصي من لافونس نور : نقصتو ! ( باست ولدها ) عمري حبيبي امير : ( حضنو برفق ) صافي مشينا ؟ نور : ناخد لماما جلابة ؟ امير : ماتبقايش تشاوريني فهادشي عمرني نمنعك بلعكس خاصك تبادري لصواب _كملو شوبينج ! خدات لي فخاطرها ، فطريقهم توقفو تقضاو كدلك بعض مشتريات، حتى وصلو الدار، فالباب رحبو بيهم ، عندهم امير عزيز ، عمرو نقص منهم ولا كان قاطع للرحم ،بمناسبة او غير مناسبة تيزورهم ، حطو الطعام و تجمعو الله، و كل ملهي مع محمد ضحكتو و عويناتو و بشرتو غير نور ، دوزو وقت لابأس بيه الام : ( حطت اتااي تتكب ليهم ) شريتو العيد اولدي؟ امير : ضروري ! ونتما الاب : مزال ليلة بليلتو مولف هاد العادة امير: الا مالقيتي لي يعجبك اتصل بيا كاين واحد السيد عندو فيرما معرفة الواليد داكشي عندو ناضي الاب : نشاء الله امير: نور نمشيو ؟ نور : انا واجدة ! _الانسان لي تيسبق للخير و المساعدة و السلم و الهدوء هو الخيرة الناس ، هاد نوع معدنو اصلي هاد صفة من صفات امير .. ...اتصال اول و تاني و ثالت ولا من مجيب ، هو يرن هاتف البيت مرارا تاهزت سماعة مخنزرة و جاوبات بصوت ناعس نعمة : الو نبيل : هدا كلو نعاس ؟ خوك مادازش عليك؟ نعمة : ( تتحك فشعرها تجهت لافابو تتغسل سنانها تتكلم منغنغة ) شكون فيهم آبابا ؟ نبيل: يوسف! زكريا راه مع حسام فلاجونس خدامين نعمة : ( تتنشف ) ماجاش ! مافيا لي يجي ابابا نبيل: ( تنهد تيمسح وجهو ) نعمة الله يرضي عليك شدي طاكسي من الباب لباب ودبا تكوني عندي _سمعت صونيت و نزلت فدروج! نبيل تياكد لها تجي مع سمع رنة الباب ظن انه يوسف قطع ، خارجة ضاربة فيها شمس تتنكر عارفاه عندو سوارت ، فتحت الباب طلعاتو من اخمد قدميه الى وجهو حتى نيت ضرباتها فيقة مزيان نعمة: ( بدهشة ) برااااء !! براء: ( حيد نظاظر ) تتسناي شي احد؟ نعمة : يوسف براء : شنو تمشي ؟ نعمة : تسنى نلبس و نهز تلفوني براء: على اساس الا كان معاك تجاوبي ! ( دخلت خلاتو هو هز انظارو فدار عمو نوصير تواحد ماكاين تبعها ) عاد فقتي ؟ نعمة : ( طالعة بيتها ) امممم _جات تهز بودي هيا تشوفو واقف ماناقصو حتى خير تيشوف فيها ، ماشي من عاكزين حيداتو قدامو و هزت بيل جديد جات سروال هيا دور عندو نعمة: براء خرج ! براء: ( بحدة ) كملي ! زعما بفلور آشيفور نبدل ؟ مالك على هاد قصوحية راس ؟ نعمة : ( دخلت حمام غيرت ) شفتي ختي رؤيا ؟ براء: ( تجه خالتها هزو ) نتي اولى شفتك نعمة : ( تاترش ريحتها و هزت صاكها ) يلاه براء: ( تنهد هاز تلفونها فيديها ) مزال ماحشمتي تسلمي عليا؟ نعمة : ( برود قربت ليه باستو فحنكو ) هانا سلمت براء: ( عنقها بجنب رجع لها بوسة فحنك ) توحشتك العميقة ونتي قلبك قاصح عليا نعمة : ( نزلت راسها ) انت مااتتفاهمنيش براء: ماكاينش لي يفهمك قدي انعمة ! بقوة ماشوفتك بعيني ديما صغيرة حاسبك ابنتي قبل حبيبتي انشاء الله اتكوني مراتي نعمة : راه غير فضول! ماشي تعمقت ولا دخلني شك ؟ براء: ( بشوفة من نيتك ) نننعمةةة !! راني شفت كولشي نعمة:يلاه نخرجو لا يجي يوسف _حضنها و نزل عليها بقبل حنينة ، شاد راسو بسناسل عليها اي تهور يتحسب عليه، خصوصا ان والديه فخبارهم بنيتو ، نزلو بجوج خارجين سدت الباب هو منتظرها حتى ركبت جنبو براء: نكلمو هضرتنا ولا حتى من بعد ؟ نعمة : انت كونجي ؟ براء: عندي هاد نهار لغد ليه مع جوج نعمة : ماغادي تقول حتى لواحد على داكشي ؟ براء: ماغاديش نكول ! شغلي معاك قاد بيه ، ولكن هااااااد المرة اااي حاجة ! اااااي سؤال جاك بالك و لافضول فااااي موضوووع سوليني نفعك اكثر ما نضرك ! غادي نختصر ليك واحد لبلان يعجبك على أقرب الناس ليك نعمة: ( بتساؤل ) شكون؟ براء: عمي نبيل ! وقعت ليه شي حاجة قبل ولادتك قبل مايتزاد حت خوتك ! حنا كنا صغار مانعقلوش ، ولكن لي طرا مع باباك على ماعاود ليا الوليد عطاهم درس الدنيا و الدين نعمة : مااقاليش ، ولكن فخباري شي حاجة وقعت فلافيراي مانع علينا ندخلو ليها براء: مهم ! من هاد الكلام بغيت نوصل ليك ان اقرب الناس ليك يمكن ليه ينفي لك اي شك واي تردد ، الموت حق و حنا العباد مسخرين و الحساب كاين و الإيمان بالقدر خيره وشره و اليوم القيامة ماتحطوش كلام وصافي نعمة: دبا انت تتبقى تحاسبني على شي حاجة مادرتهاش ! قلت لك صدفة براء: انا عارف ماشي صدفة ! يعلم الله من وقتاش نتي تتنبشي ، حنا مسلمين بالفطرة و ال دي ن الأصح فجميع الدي ان ا ت هو ال إ س ل ا م ..يعني اي حاجة اخرى هيا خروج عن الملة ، داك الموضوع بدات مايحتاجش منا نقراوه فكتاب ولا منشور دايز ولا رواية خفيفة نعمة: ( صمت ) براء: ماتسكتيش ! هضري ! نعمة: البارح انا مانعستش رجعت قريت و شفت شي حوايج غافلة عليهم و قارنت شي دلا ئل وداك موضوع سديتو براء: انااا غادي نشوف ( مد لها تلفون ) هاهو تلفونك ، مابغيتش نخدم فيه تاابليكاسيون من موراك، سمعتك و صدقتك و احترمت كلامك لكن مرة جاية نضرب فشي 9لاوي بحال هدا مانضمنش لك راسي اش ندير نعمة : ( بهدوء تتسمع نيمت عينيها ) رجعو ؟ براء: ( باجابة بحركة راس ) رجعو ! _ديمارا السيارة متجه نحو دارهم، نسبيا من شوفتها ارتاح و طمن عليها و شبع منها ولو نسبة قليلة ، ملتزمة هدوء و صمت الا دل هاد صفات عند نعمة راه تيعني انها تتفكر، وصلو نزلت هيا اولى فتح لها العساس باب صغير نفس وقت فتح الباب كبير ابراء لي دخل سيارتو ، هزة لي هز راسو هو يشوفو واقف فبالكو هاز ياسمينة بحواجب قاطبين قرا الفيلم كلو و تبعهم بنظراتو ، هيا دخلت هو وقف تيشوف فيه حتى لمح خديجة خارجه عندو تتفرح بيه فاروق: ( قبل ياسمينة ) بَّا ! خاصنا نزربو على هاد جوج لا يحاشمونا مع الحاج ( هززها ) ياك ؟ ياسمينة: ( بصوت طفولي ) روروو فاروق: نمشيو عند رورو لي طلباتها ابنتي نديروها يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02