زاينة واقفة فالباب يديها على خصرها تتسوط فرملية: مدام مايكون عندك باس ! طونسيون طالع وصافي ليالي: متأكدة ابنتي !؟ ماشي ضروري طبيب فرملية: عاودت حالتها دكتور لي رسلني هو لي طمني ! الدوا راه يرسلو لكم مع شيفور ديالكم ليالي: شكرا ابنتي ( شافت اسماء ) وصلليها الله يخليك ...على تنهيدة خديجة الحارة شدات فيها ليالي بقوة مسانداها ، و اسماء رجعت جالسة حداهم تتحسر من غير زاينة لي شدوها الجنون و خرجت هابطة ..عين مع دروج و عين مع الخارج تا وقفت عليهم زياد لي واقف مع اباه اوا قصداتو مامسوقة لا لوايسها ولا الوازنة ! طارت عليه من تيشورط بقوة جاراه مخرجاه و بلال ولدها صغير بدا يبكي وهزو خوه حسام مسكتو زاينة: ( دفعاتو بقوة ) اهضر ؟ بغيتي نتمرغد لك فأرض ؟ باغيني يشدوني لينييغ اولد الحرام فعايلك ؟ نوصير : ( شد بلال من حسام تيسكتو ) صافي ازاينة حتى الدار! زاينة : ماااصاااافييييش اسيدي ! و الا صافي شربو انت وياه ! انا تنقول الناس عندي احسن اولد فالعالم ( تتهز بيديها و كتافها تتفشخر ) ولدي كواايري و رياااضي و مصلي مدين تنووض انت تجينا اخبارك تتسكر ؟ الله يعطيك شي مصيبة نوصير : ( غوت عليها ) زااااينة زياد: ( مربع يديه حاني راسو ) آخليها الواليد زاينة: معلووووم يخليني ! على مالي ماشي امك ؟ ولا كبرتي ؟ انت بذاات قلبتي ليا موازين حياتي و مادوزتي عليا وكاااابرت معاااك و تابعاك بحال هبيلة تاوقفتي علل رجليك وقفتي على صح ! الشهادة لي تنفعك و اباك مخلي شغلو و خوتك صغار و تابعك من بلاد البلاد وانت اش درتي الصمك !؟ زياد : ( تيطلع نفس بسيف ) الالة انا غالط زاينة: انت ضاااسر ! انت نكرتي والديك بهاد الفعلة ، عوض تكون القدوووة لخوووتك باغي ترجع انت مكفس فعينهم ! و الله تنشوهك و االله تنسمح فخوتك و اباك ونبقى تابعاك فالفقهاوي و بيران ! ياك غير سكرة ؟ نسكرو بجوووووج و على غداااديك حتى نسكر نوصير : ( بتعب) آزاااااينة ! نوصير : ( خرجت فيه عينيها و طلعت سما ) باااغيني نموووت !؟ لا قووول باغي يشدوني اعصاب؟ نوصير : حاشا نتي العمدة زاينة : اوا خليني نخرج لي عندي ! اما مع ولدك راني رجعت رجلين ، ياك طيارتك يلاه حطاتك هادي شي جوج سيمانات ؟ الشوووفة مزال ماشبعتها فيك زياد: ( حط يديه على حنكو تيحك مبرد ) وصافي الواليدة الله يحفظك زاينة : بغيتي رضاتي !؟ بغيتي صحتي ؟ رجع كرة ديالك اولدي و تبع لونطريمو ديالك زياد: ( تنحنح ) احمم ! انشاء الله االواليدة زاينة: ( شدت ولدها من نوصير ) راه نعاود نسمع عمك لاجودان تيغوت عليك راه اناااا نكوليه ديييه و ربيييه من بدا وجديد و عاطياااه الضو الاخضر وللهلا يخطيه علينا هوووو لي عارف ليكم اما حتى اباك راك لقيته ظريف ...كملت عليه بهاد الهضرة ! نوصير بالنسبة لزياد هو عينيه باش تيشوف ! دموع تحبسو فعينيه و نزل راسو خارج ! خلات نوصير تيشوف فيها ماقدر يغوت عليها وينوضوها ماقدر يتبع ولدو عارفو يكون فقمة اعصاب ! خرج براء ماشدوه و تبعو زياد ماشدوه !! دوز ديك العشية بيناتهم ! و تلفونات خدامين تيسولو ! ..نوصير جالس فصالون شاعل تلفزة واولادو حداه دايرين قيامة هو ماكاينش هنا بلال : بابا كواااا نوصير : صباح اولدي لعبو كرة ! عمر دخل خوك يعنس عند ماماك ...شد خوه مدخلو بيت مالقهاش ! رجعو دخل بيت حسام لقاوه جالس تيلعب فتلفون ! سولوه على زاينة ماشافهاش ، حسام شد خوه ينعسو و عمر خرج اخبر نوصير انه ماكايناش ، وقف تيسوط تيحك فشعرو، عارفها فين كاينة وفين تتكون هاد حالات ! طلع فوق البيت زياد فتحو لقاها ناعسة تما متكية معنقة حوايجو نوصير : ( تاسف ) زاينة نعلي شيطان بطول عمرو زاينة : انااا خايفة عليه ! كنت نخاف عليه من براني و العديان فاخير صدق غير مع راسو ؟ نوصير : ( جلسها وجلس جنبها معنقها جنب ) ازاينة راه دوزنا حنى حنا الشباب وعارفة للحظات طيش زاينة: آسيدي انا ولدي تعذبت وهزيت وحطيت باش يخرج احسن مني ومنك ! نوصير : شوفي من جانب مزيان ! شد الباك و تبارك الله كواايري مخير ! داكشي راه مفروغ منو و دراري ماشي هما بنات زاينة: اوا فينو !؟ باش يجي يعتذر مني غادي زايد فيه؟ نوصير : نتي هاديك هضرة تسمعيها ليه ؟ اممم زاينة : ( خرجت فيه عينيها ) مالي اش قلت ليه؟ نوصير : ( ضحك و قبل راسها ) ماكلتي والو ! نتي شوية ؟ زاينة : بسيف عليا نكون لباس ! خاصني نزل نعيط اختي خديجة نشوفها كي ولات نوصير : الله يهدي هاد دراري ! تنضربو تمارة عليهم و لكن راه فترة لي تيدوزو منها حساسة! جايب لهم الله كبرو و قطعو الواد و نشفو رجليهم زاينة : انا ولدي يبقى ديما عندي صغير ! ولدي مااااانفرطش فيه ، و نبقى تابعاه تا نوصلو فين بغيت نوصير : راه عندك تلاتة ازاينة شوية هنا و شوية لهيه زاينة: زياد صعيب فيهم و لي عانى فصغرو ! حسام الله يرضي عليه عوضني على تعب قرايا و الصغار راه مزال صغار نوصير: ( باسها بحب ) اجي نجربو نشوفو هاد مرة واش تجي بنت -؟ زاينة: ضحك على رااسك ! ماعندي زهر فالبنات دبا نزوج ولدي شي شلحة تتقطر بزين وتكون ابنتي نوصير : ( نزل راسو تيضحك ) اوا مادرنا والو ! بعدي من زياااد ازاااينة ! واش انا زوجاتني امي !؟ زاينة: انا ماشي خالتي الوازنة ! انا زااينة شلحة ولدي انا نزوجو ..و الحياة تستمر !! براء بعدما مامشى خرج شد طريق تازة و اطلب من جدو يخبر خديجة ! تعصب و تكره و طفى تلفون يتكالما ! اما زياد راه مع رفيق طفولة تكذبان !! مرت ايام، و العطلة انتهت و بدات الدراسة ، من فيلا عند نبيل علة طبلة الفطور الوازنة جالسة تتفطر و نبيل على يمينها جالس امامهم زكريا و اسماء واقفة تاسخر عليهم زكريا: ماما واجلسي تفطري اسماء : نجيب الما نسيتو زكريا : ( وقف ) انا نوض اماما !! _تتقولها فغيبتو حضورو الحنين مرضي !! جاب الما عاد تبغوه اخوتو ، نعمة لابسة دجين مع سويت اديداس و سبادريل كدالك كولشي اوريجينال هازة صاط آدو فظهرها سبور و يوسف هاز ضوسيه لابس كاجوال نبيل: نعرضكم تفطرو ؟! ( دور وجهو للوازنة ) الواليدة وجدي راسك لليلة نتعشاو عند مغيث غدا راجع فرنسا الوازنة: اوا الحبيب الغالي نتوحشو ! اوا و امير ؟ نبيل: امير دبا مستقبلو هنا !! هما مزال مشدودين مع عبد الله و جنى فقرايتها اسماء: اوا شنو دارو مع الخطاب ؟ نبيل: ( بهدوء ) راه عطاوها ! ولكن مزال تاحاجة ما رسمية ( وقف ) يلاه ابنتي نعمة واجدة ؟ يوسف: ( وقف ) انا الواليد ؟ نبيل : ياك داير مع عمك !؟ يوسف: ( شداتو سخفة ) صافي نمشي فطاكسي اسماء : اوا وصلو معاك!؟ نبيل: ( شاف ساعة ) عمو يدوز عندو آاسماء ! ( قبل راس الوازنة ) وخرج غادي و نعمة تابعاه ، وخلا اسماء فدار و توام خرجو الجردة يوسف: اخا زكريا سير بلاصتي زكريا : ( حرك راسو بشوية ) انا عندي عقل تنفكر بيه ! انا مارضاااااش نجيب تبرية للوالديا يوسف: الا تشفى يتبلا زكريا : وايلي ؟ ماكانش فخباري يوسف: الله يحفظك غير اليوم زكريا: بعد مني اصاحبي ! باغي نوقف قدام عمي على اساس انت ؟ بربي تيطيرني يويسف: ( جلس تيطبل على ملف ) تانطير آخوتي تاجبتها فكري ! دبا لاسليت لا صداع ، غير نعطس يوصلوها ليه زكريا : مزيانة ليك ! يلاه تزير راسك و تقرا يوسف: يقراو عليك انشاء الله ! دلمكم ماصدقتوش ، زكريا: ديرها بيديك وكول ماصدقناش ! غادي تزهى اصاحبي فالخلا ؟ يوسف: سميتها دروس دعم للزوجة مستقلبية ! آااازير راسك و تقف راسك لا تخلي لينا مراتك مطيحة منك زكريا : ( صدمو ) برب ما تتقشر اصاحبي ! يوسف: شتي الا مادرتش فيك واحد شوفة قتالة ديال راك السبع مور ماتش راك خاسر المعلم زكريا: ( هز صوابع بلا حول ) نوض هاد عمك جا يوسف: (وقف تيقاد شعرو ) عمنا ! صم بكم عمي لايبصرون و جعلنا ورائهم سدا و بينهم سدا زكريا: دعائك مقلوب اساط ! خلي عليك كلام الله راه قال : وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ يوسف: مهم النية ....خرج ركب معاه ! النفس ماتيطلعهاش ، بالجهة اخرى كان نبيل وصل هو نغمة للثانوية خاصة بريفي ! دخلو إدارة خلص لها مستحقات و خدا معلومات على أساتذة عطاوه استعمال الزمن و ورقة الكتب و خرجو من مؤسسة ركبو سيارة متجهين مكتبة ، نزل هو اول عطاهم الورقة بدات بنت تتسولو عاد شير لها تنزل بدات تختار لي بغات خلص لها و طلعو بحالهم نبيل : صافي ماخاصك والو؟ نعمة : بابا الا بغيت نبدل تلفون تبغي ؟ نبيل: ياك مزال جديد !؟ نعمة : بغيت آيفون ابابا! سامسونج ماعجبنيش فالخدمة نبيل: ( وقف فالسطوب حط شعرو ) نبدلوه ابنتي ! نشوف واحد معرفة يدير معانا روبريز نعمة : ( بملامح جامدة ) شكرا ابابا بزاف نبيل : رزقكم ابنتي ! غير هو راك عارفة لي عليك ، ديها فقرايتك و جيبي شي نقطة مشرفة ، بالنسبة الدروس الدعم ولا للغة من بعد نشوفو شي مركز مزيان نعمة : غير صداع راس ابابا! تنخدم راسي ، قالي براء يدوز ليا دووس راه عندو نبيل : مهم نتي تعرفي ! ( وقف فشاريع ) هاحنا وصلنا نزلي ..دايرا صاط آضو تابعة نبيل ! عاطية العين و لكن هيا ماتتسوقش ولا تحضي هدا ولا هداك، جدية بزاف ملامحها دائما معقودين ! مدة نبيل تيتكلم مع مزل محل ختى طلب منها هاتفها شافو البائع و تفاهمو على تمن ، خدات منو لاكارط ديالها فورماطاتو بيديها و مداتو ليه بائع : تبارك الله عليك ابنت حاج احسن حاجة فاش تبغي تبيعي تلفون انسطاليه بيديك نبيل: ( ابتسم ) اوا تكنولوجيا مافيها تقة ! ( مد لها ايفون ) شوفي هدا ! ..شدات تلفون تتقلب فيه و تبحث مدة حانية راسها ، تامداتو ليه موافقة عليه نعمة : صافي بغيتو ...خلص لي خلص ! و خرجو هو وياها فصمت ، تتهضر عند الحاجة تتجاوب على مهم ، وصلو الدار داخلين فدخلة طيرات اسماء لومبلاج تلفون اسماء : آري نشوف ! نعمة: راه ديالي اماما اسماء : ( بأمر ) اري هنا نشوف ! ماتتشاوروش نعمة : ( تنهدت مدات لها لومبلاج طلعت فوق ) انا فبيتي اسماء: وخة لالة نعمة شوية نطلع لك عصير نبيل: مالكم ؟! اسماء : ( بضحكة فقصة ) جاني احساس غريب بحال المراة لي عندها ضرة ! دبا انا عندي ضرة ؟ نبيل: ( هز حنكو طبطب عليها ) حطي الغدا اماشا حطي اسماء : نحط لكم الغدا ونسبقكم عند خوك نبيل : نتي وزاينة ؟ اسماء : اااه !! هانت معاك دراري حتى تجيبهم فليل نبيل : و الواليدة ؟ اسماء : داز خويا مغيث داها وراه مشى معاه زكريا نبيل: ( حرك راسو ) فيها الخير ! _حطت ليهم الغدا ! وخلات يوسف فوق بيتو مع سلوكة ضو ! نعمة بيتها و نبيل واقف تيصلي وهيا تتلبس تطير هزات صاكها باش مايبقاش يحاضيها ... يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02