.....الاخبار الولادة شاعت فالعائلة ؛ ليالي اخبرت والديها لي صبحو تما و مغيث اخبر نبيل لي بنفسو هز الوازنة اتجهو طبيب لان اخبار مثل هادي ما تتخبعش !! الكل ينتظر ...امها بكاات او ويلاااات غير ليالي لي شداها و تتصير فيها ، خوفها على ابنتها كان كبير ، الوازنة و مغيث تيصبروها و الاب بنفسو مصدوم مربع يديه و عيونو على الغرفة الانعاش لي واقف فيها حدا بابها فاروق مربع و متكي على الحيط .. الوازنة: دعي معاها ! ربي تيفك نصرانية بقى غير المسلمة الام: ( بألم و خوف ..تتنخسس ) ابنتتتي !! كبيييدتي اختي الواازنة الوازنة: الله يقومها بالسلامة ! ربي كبير ليالي: ( حلت قرعة تتفزك لها يديها) طاطا اقتلتي رااسك و خديجة محتاجاك اطاطا الام: ( تتشوف فليالي تتفكر خديجة و كلامها تتذبذب راسها بحرقة) غير تنووض ليا ابنتي اليالي غير تنوووض .. الوازنة: ( تتحسر) رجانا فمولانا الله يشافيها الله يخرجها منها.. الام: ( تتمسح دموعها) شفتو الوليد !؟ مغيث: ( جايب لهم الما و مدو ليهم ) خالتي شوية !؟ الام: نشوفها اوليدي و نسمع صوتها عاد ارتاااح مغيث: انشاء الله اخالتي !! الوازنة: اوليدي و تربية فالقرعة !؟ مغيث: اياه الواليدة الام: انا تبقى ليا غير ابنتي ! اولاد الثامن صعاب للعيش ليالي : ( تتمسح دموعها ) علاش اطاطا امير ولد السابع وعاش ! و ولدت بين الحياة و الموت بطانسيون و ربي تيسهلها الام: ( تتبكي ) ايه تنعقل ابنتي خديجة بكات عليك مغيث: ( حد يدو على كثف ليالي لي جالسة على ركابيها و شد عليها كانه تيقولها برا و باس عليك ) خالتي !! واش رجعو احسن من الاطبة ؟ الطب تيطور راه ولاد خمس شهور و تيعيشو ! كلام اولاد الثامن ماتيعيشوش كان زماااان ! زمان القرعة ماخرجت اما دبا طب تقدم !،خليونا من كلام خاوي الوازنة: كاينة الحبيب طب تقدم و داكشي لي بغينا تنوض تشد وليدها بين يديها .. .....الوقت تيمر وشي داخل شي خارج !! فاروق اقتلو الانتظاار و الاب ربي لي عالم بيه !! الام خديجة غير تتبكي و تدعي معاها و ليالي كل مرة تتجاوب فتلفون على بنات لي جلسو فدار يشدو دراري اما نبيل و نوصير فالجردو طبيب واقفين مع خوهم مستعدين لاي مستاعدة ..بعد أذان الظهر .. طبيبة: ( وجه متعب ) سي القباج !! على سلامة مدام ! فاروق: ( تيميح وجهو) معنى !؟ طبيبة: تجاوزت مرحلة الخطر ! نزيف احبس و خدات الكافي من دم !! شوية تخرج من انعاش فاروق: و ولدي !؟ طبيبة: يلاه اتصل بيا طبيب اطفال طالب ملف الحمل مغيث: و تحاليل !؟ طبيبة: عندو ... ..اخبروهم اخر للاخبار و فاروق و مغيث طلعو مع طبيبة للمكتب طبيب ....لي داخل فالصلب موضوع مباشرة طبيب: ( مد طبيبة تحاليل) بون ! بوغ اوليد تحاليل خرجو مزيانين حمد الله فاروق: حمدو لله مغيث: حمدو الله !! دكتور بالنسبة ليه ...زعما قضية ولادة الثامن !؟ طبيب: ( بجدية ) قد مااتقدم العلم اسيدي تاتبقى شي الحاجة اسمها القدرة إلاهية هادي اولا ! عاد نقدرو نطرقو قضية الحاضنة و تطور اساليب انعاش و تنفس و محافظة على حرارة الجسم للعيش جنين !! ( تيشوف فملف ) واضح من عدد اشهر الحمل مدام خديجة لمليح بقى لها الايام قليلة ادخل فالتاسع ! كما تنعرفو الولادة ممكن الحامل تولد فاول نهار من شهر تاسع او مثلما شاسع حاليا تخرجو بسبب قلة دورة دموية و الحركة .. فاروق : الله يجازيك بخير ادكتور عندي كامل تقى فيك بعد لله طبيبة: ( سدت ملف )مسيو القباج نعس على جنب الراحة تحاليل كما بغينا ! مسألة وقت سي تو مغيث: يعني بيبي مايكونش عندو مضاعفات او نقص فالمناعة طبيب: لالا سيدي ! احسبو راه فكرش امو ! قضية وقت يستوعب عالم خارجي و يعرف يتنفس بوحدو اتاخدو ولدكم فاروق: ( تحيس بذاتو تتحرق ) شكرا الدكتور .. ...خرجو من مكتب و فاروق غير تيحط فيهم صحاح ! هادي فلوس تحاليل هادي لافزيت طبيب ها فلوس قرعة !!،نزلو تحت و الاجواء بدات تلوح بالفرج !! الغيمة سوداء تتبخر فالهواء بانتظار بعد مرور 6ساعات مع حلول المساء ...دراري كل مرو يدخلو يطلو و يخرجو ...تا دازو من حداهم فرمليات داخلين الانعاش و فاروق متبث شوفة فيهم تا للون تحطف فوجهو هو تيشوفهم مخرجينها فوق بيااص ....وخرجوها من جهة اخرة طلعوها فسانسور فاروق: ( اتجه للاستقبال ومغيث تابعو) شفتهم خرجوها !؟ مغيث: لاش الاستقبال اصاحبي ! سول طبيبة فاروق: ( جبد تلفون تيصوني عليها تاوقف عليهم فرملية) ماتتجاوبش هاد خيتنا فرملية : مسيو القباج المدام راها فغرفة 11طابق اول .. فاروق: اوك شكرا ..( طلع تيجري فدروج هو الباب و طبيبة الباب ) فاقت !؟ طبيبة: لا مزال ناعسة ( شافت ساعة ) احسن حل اسي قباج خليوها اترتاح و طلب من العائلة تتمشي ترتاح فاروق: ( باصرار) ندخل نشوفها ! طبيبة : ( هزت يدها باستلام) آمري لله معاك مغيث: ( تيرطب جو) صبري معانا الدكتورة الله يجازيك بخير طبيبة: عملي هدا !! الانسان لازم يقدر نصائح الاطبة فاروق: ( قلب وجهو دخل ..لقاها ناعسة و فرمليات على شرف انتهاء تاخرجوو ...قرب لها قبل راسها ) على سلامتك عمرني نموت منين دازت هادي ...بعد مشاروات جلس فاروق فكلينيك مخلص ليلتو و قنعهم يمشيو ..غادرو بسياراتهم راجعين للمنزل الوازنة ؛ الدار الوازنة لي ول البارح كان فيها فرح السابع ريحة دجاج و للحم مزالة فقناث الكوزينة و الدار مزالة عامرة ! نسيبات الوازنة مزالين مع هاد الشدة جلسو يآزرهم ...جلسو الرجال فصالون و الوازنة و الام خديجة فصالون لاخر ، استقلبوها البنات اسماء و زاينة بدموع ! و شكون لي مايبغيش زينة البنات مولات العقل و تاويل ، حطو لهم العشا و كلاو لي اقسم الله و ناضو يتوضاو يصليو مع تعب و عقل مشغول كلها فيم اشد سداري ! مغيث: ( هاز امير تيبوسو لقاه ناعس ) بيبي نمشيو !؟ ليالي: ( تتحك فعينيها) يلاه .. .. اسلم عليهم و خلاهم بخير ! و ركب هو مراتو و ولدهم غادين دارهم ، لانه بساطة تيبحث على راحتهم الحال قريب بلا ماينعسو معذبين ، بعد طريق وصلو للعشهم مثلما تيلقبو مغيث حط ولدو بلاصتو و دخل خدا دوش هو تيفكر أحداث اليوم ، تأسف لخوه و نفس الوقت حمد الله انه نقز منها ..خارج من دوش بعضلاتو قوية و شعرو اسود تيقطر ..نشف و للبس شورط وجلس عريان تيحس بحرارة و تعب.. مغيث: ليااااالي ليالي: ( قطعت خط مع غيثة تطمنها ..) وووي مغيث : ( دخلت عليه تتمسح دموعها) كنتي تتبكي !؟ ليالي: ( نفت براسها) غير مع ماما وصافي .. مغيث: ( جرها معنقها و طعم صدأ فحلقو) كولشي تيدوز احبيبة كووولشي تيدوز ليالي: ( تكت فناموسية طلقت عنان للدموعها ) هاااديك راها اختي ( تتشهق) و شحال ضحكنا على صدفة لي خلاتنا نتزوجو الخوت ! كانت راسمة حياتها فشكل مي القدر مغيث: ( جرها عندو تيمسح ) المكتاب هداك !! تافاروق مامقصرش من جهتو ليالي: ( تنهدت) الله يخليهم لبعضياتهم ! و الله ينوضها لولدها على الخير ، خديجة تتحماق على دراري و حلمها يكون عندها بيبي مغيث: ربي ماخيبهاش ! ارزقها و نشاء الله تفرح بيه .. ليالي: ( بعيون نائمة تعبانة) قلتي سماتو براء !؟ مغيث: ووي ! هادشي لي قال فاروق ليالي: سي منيون ! براء ، دازت عليها مسكينة مغيث: ونتي ليالي: مالي انا !؟ مغيث: ( تيفرق قبلات على جبينها) امين !! دازت عليك فالولادة !؟ ليالي: ( بنظرات حيرة) دازت !! طونسيون طاح ليا مغيث: ( حط يدو على صدرو) شفتي ديك للهفة الخوف لي عندي على امير سببابها اني ماحضرتش للولادتو ! ضرني خاطري بزاف ليالي: ( طبطبات على صدرو) لي فات فات مغيث: ( عنقها عندو بقوة) ووي ! نعسو ياك !؟ لياالي: غدا الصباح نمشيو عندهم ابونوغ !! مغيث: انشاء الله ! ( عنقها مخليها تنعس عندو ) ..كلام كثير باقي فحلقو !! عتااب كثير لليوم ولادة امير ! لكنه واعدها انهم يطويو صفحة و يرميو الكتاب ، ظروف لي مرو منها بعد زواجم ! كانت الاصعب ! ردة فعلو لي ندم عليها ! و حياتهم لي تقلبت راسا عل عقب بسبب غيثة ! كان لازم قدر قليل من الصبر و تريث ، لكن هو كان اسرع بردة فعلو و غيثة قالت ليه ماتعرفش ! مرت الايام و المياه رجعت للمجاريها و غيثة لي كانت بوؤرة مشاكل رجعت مكانها صحيح ، لكن بصمة ندم مزالة تتاكل فيه ... 🌄🌄🌄 السادسة صباحا مغيث: ( تيهضر فتلفون ) كي صبحتي !؟ فاروق: ( صوتو بحاح) راسي يتفركع مغيث: هضرت معاك ماتتسمعش اصاحبي ! اتصل بطبيب لي متبع معاه يخرج لك شي كالمون ! واش باغي خديجة تنوض وانت طيح فاروق: ( بنفس حارقة) مغيث ! جيب انسابي و رؤيا تشوف خوها ! ( تيحك عينيه) توحشت الحاجة ديالي مغيث: غير تبدا الزيارة انا معاك ! فطرتي !؟ فاروق: اممم .. مغيث: ارتاح اصاحبي ماتعطيهش جهد تاطيح فاروق: يكون خير ... مغيث: يلاه تهلا (اقطع ..و قبل ليالي ) ليالي ! ليالي: ووي ! بونجوغ مغيث: بونجوغ بيبي ! انا غادي عند فاروق ! تيفيق امير فطرو و تبعيني لكلينيك اوك !؟ ليالي: داكوغ .. ...كي تحرك فالفياق تحركت معاه تتحك فعينيها !! خرج من حمام مطرف و فاهم عليها شنو باغة ، ليل كلو و هيا تتطلب فيه نبيل: ( عاقدهم على صباح) رجعي تنعسي مزال الحال !! اسماء: ( بتوسل) عفااك ديني نشوف اختي خديجة ! نبيل : ( تيلبيس حوايجو) مزال مافاقت ! انديك تبقاي جالسة تما ، هنا بعدا مرتاحة فدار و عينيك على دراري اسماء: راه أمي تحظي رؤيا !! ( تقرب عندو عل ركابيها فوق ناموسية) عفاك عفاك نشوف اختي خديجة عزيزة عليا نبيل: ( حرك لها راسو) نزلي فطري ! شوفي شكون يمشي معانا اسماء : واخة: ( ناضت نازلة عكلاتها ملاية و هيا تزدح) اااي نبيل: ها اولى ! مزال ماديمارينا ؟ تنكوليك خدمي بعقلك ! جمعي فراش و اعرفي فين تتحطي رجليك .... جمعت فراش و غسلت وجها نزلت تحت لقات الكل فايق و نوصير مغمض عينيه جالس هاز زياد طالق ليه ماسق الرجا تيسكتو اسماء: فين زاينة !؟ نوصير: فالحمام ! هاكي شدي زياد اسماء: ( داخلة كوزينة) لي ولد شي يشدو نوصير: ( هزو تيبوسو ) كفاش انت زعما غير تتبكي !؟ هااا .. زياد ..تتيبرقق فعينيه ، شوفة الكرش مضببة لكن صوت نوصير تيميزو خصوصا اصوات اغاني ، خرجت زاينة شداه و اتجمعو على الفطور ، تادخل غليهم مغيث هز انساب فاروق و رؤيا جات مع اسماء و نبيل بعدما لبساتها ..والباقي بقى فدار .. رؤيا: ( شادة فيد اسماء داخلين طبيب) ماسا و فين ماما خديجة !؟ اسماء: ناعسة .. رؤيا: اممم ! مزالة مريضة !؟ نبيل: ( سابقهم تاوصلو طابق فين ناعسة ) هاباباك ! رؤيا: ( شافتو مشات تتجري عندو ) باااباااا فاروق: ( هزها تيعنقها ) توحشتك اباباا رؤيا: وفين خويا !؟ فاروق: (حطها تيشرح لها ) راه فواحد القريعة رؤيا: ( تتضحك ) هاء القريعة ههه فاروق: ( جارها من يدها و نبيل معاه و اسماء دخلت عند ام خديجة) اياااه ! مزال خاصو يكبر شوية ! نبيل: اختي خديجة فاقت !؟ فاروق: ( حرك راسو بسلب) الا ضرب نص نهار ومافقتش نوض نحيح ! نبيل: زعما علاش !؟ فاروق: ( وصل القاعة اطفال حاضنة ) شكون اعرف يكونو منعسينها ) هاهو برااااء رؤيا: ( متبعة نعث فاروق حتى لمحاتو و فرحة بدات على وجها) وااو ابابا صغيور !! وخرجوه راه يتخنق مسكين نبيل: ( طلع حواجبو فيها ..تيتفكر فيها هضرة اسماء ، عارف رؤيا تتاخد منها)صمت فاروق: طبيب لي حطو تما باش يكبر !! خوك عزيز عليك رؤيا: (عنقات فاروق بحب ..تتوصل ليه احساسها) بزاااف ابابا فاروق: ( باسها فراسها ..ضربت فكرة فدماغو ) غادي تكونو اختو لي بعقلها الحاجة ياك !؟ نبيل: ( غاب بنظرو للقاعة اطفال) صمت فاروق: مشينا !؟ نبيل: زيد ! الواليدة تتسول وتعاود .. فاروق: الله يسمح لنا منهم ! بلا بيهم مانسواو والو .. ...نزلو القاعة تحت الكل فانتظار تفيق خديجة ! اسماء بقات فيها ، والام كبدتها تتشوا، التحقت عليهم ليالي و زاينة لي سرقت الوقت تعمل الواجب ..جالسين مثل اي عائلة مغربية تتجمع فالسراء و الضراء ..رؤيا غير تتلعب و دور دور ترجع عند اسماء، صغيرة على احساسها بخطر البيبي وخديجة ..فاروق غادي جاي و مغيث سامح فكلشي مونسو و منتبه لأي ردة فعل ! خوه تيعرفو يقدر فاي للحظة يبان فاروق الخاسر.. فرملية: ( خرجت عندهم ) مدام خديجة فاقت ! مسيو القباج تتسول عليك فاروق تيحس بعرق بارد على ظهرو و مؤخرة راسو ..دخل بسرعة عندها ..توحشها و توحش صوتها و عينيها ..شحال جنن هاد العيون و خلا هاد الصوت يرتفع من افعايلو ....قرب ليها وشد فيديها الدافئة مثل العادة ..فتحت عينيها ببطئ و بصوت خافت مجروح وودموع صامتة خديجة: ولدي !؟ فاروق: ( باس كف يديها و جبد تلفون طلق لها فيديو ) هاهوو خديجة: ( متبعة شريط تتحس فعيونها أبر تتكها مع ذالك تتشوف قطعة قلبها تتحرك ..مع كل حركة دموعها تتفيض و قلبها تيوخزها) شنو طرا ليا !؟ ولدي مكاملش !؟ فاروق: كامل حمد لله ! كامل ( تيقبل راسها ) كامل بام بحالك البلارة خديجة : ماما !؟ فاروق: ( رد تلفون بلاصتو ) برا !! انا ندخلها .. خديجة: ( شداتو بقوى ضعيفة ) الله يخليك لينا ..ماخابش ظني فيك فاروق : ( كلماتها سهم عشق اصابوه) و يخليك ليااا .. ...خرج تيحس براحة نسبية و تارك للمجال اقرب الناس ليها ! امها و اباها !! بعد دالك دخلو البنات و مغيث لي هاز رؤيا ، رؤيا لي شافت خديجة فحالتها بكات عليها و ضرب انذار احساس خطر فخاطرها و واساتها بكلمات _ماما انا شفت خويا صغيور _ماما الله يشافيك اماما _ماما اطير ليا هاد حنة و ندير حنة اسبوع لخويا .. البراءة رؤيا و براءة #براء كانو بلسم للجروح لخديجة لي ابتلاها الله بمرض نفسي و بولادة العسيرة ، لكن كل مؤمن مصاب ...نالت فاخير هاد المحنة حب زوجها و أولادها و عائلة تحطها على الجرح يبرا .. ...بعد مرور الاياام ، الدار الوازنة خوات ، النسيبات رجعات لديورهم و رؤيا رجعات الدارهم لي فرحة مادقداها بالبيبي ، رجعت الحياة العادية ، من داخل بيتهم مقرد على ركاابية تيقاد ناموسية لزياد و زاينة واقفة تتلبس حوايجها ولدهم فوق ناموسية تيلعب برجيلاتو راضع شبعان .. زاينة: ( تتدهن يديها بالكريم ) سمعتني !؟ نوصير: ( مركز مع شغلو ) آش كلتي !؟ زاينة: خرج جيب ليا الكينة غدا نكمل الربعين نوصير: ( عقد حاجبو مع رجليه ضروه) اااح اامي امي !! على سلامة اختي ! عاااد تكملي ربعين خليتي صعر يركب فيا زاينة: ماالي لخاطري ؟ مهم راه صيفطت لك تصويرة كينة نوصير: ( وقف تيتكسل و نزل على ولد بالبوسان) علاش هاد الكينة !؟ زاينة: ماراشقاش ليا لطنزك و الله نوصير: نتي فين عمر رشقات ليك !؟ ( هو ولدو طالق ليه اغاني ) بااا اباااباااا زاينة: ابعد على الولد تلفون ! كينة للمنع الحمل نوصير: ( خرج فيها عينيه) كينة منع النم !! شكوون كاليك اصلا ماباغي اولاد !؟ انا لالة باغي نشبه ابَّا الله يرحمو نولد ونفرخ .. زاينة: حلف بالله !؟ نوووض تقضي شي الشغل الا عندك ! هادي وحدا اخرى نجلس نفرخ فالاولاد نوصير: كفاش تفرخي ؟ ياك الوحم تاتجي فيا ؟ الولادة كنتي اتولدي فدخلة طبيب !،صافي ماتشربي لا كينة لا سيرو ، رزقنا الله مرحبا زاينة: ( وقفت محمرة فيه ) رجعتي تشلاهبيت ديالك !! ( تتدور صبعها) نعااودوه !؟ نوصير: ( هاز ولدو مبرد عايش حنان الاب) نعاودوه ! لاش مزوجين !؟ نديرو اولاد نعمرو الدار، واش نحمق راسي على واحد ! تنضربو تمارة تنضربوها اللهم ولدي ليا زاينة: تووولد من عييينيك ! درتي معايا نولد ودير ليا مشروع لي قريت عليه ! نوصير: ااه ! نبرك علة بطونة و تخرج ليا الملاين و نعطيهم للالة زاينة دير مشروعها ! اصبري عليا شوية زاينة: شفتي الكينة !؟ اتشريها ونت تتضحك نوصير: ( هز ولدو خرج ) يااا برب لااااشريتها والا بغيتي صداع انا مولاه زاينة: ماتشريهاش !! عندااك تشريها ؟ تانا النعاس ماكاينش نوصير: ( وقف فالباب تيغض شنايفو ) زااينة لبديها ! اليوم الاحد جالس نرتاح ماشي تخرجيني على طوعي زاينة : انت تتقلب على صداع ! واش انا اربعين يلاه كمتها ولدك بين يديك للحمة تتكولي تزيدي !؟ فين نزيد !؟ نوصير: زيدي خمسة صبعان على فمك و هنينا !! نتي ماشي ديال المفاهمة زاينة: ( اشارت ناموسية زياد) حططط الولد نوصير: انا فالصالون مع الواليدة مامخرجوش ! زاينة: اوا !؟ نوصير: لبسي ! لبسي ااانخرجوو ... ..قلبت عينيها بغضب ..لبست رمات شالها على عبايتها قدات وجها رشات ريحتها و جدات صاك زياد ! مدة ماخرجت زنقة من غير طييب عند خديجة ولا تلقيح ، خارجة من البيت هازة صاكها و صاك ولدها و سلمت على الوازنة و خرجو ... نوصير: ( تيحك راسو و عينيه فتلفون ) فين نجرو !؟ زاينة: ( خنزرت فيه) معامن شاد الخط نوصير: ( جمع تلفون ) والو اصحاب الكرة ! فين نديك فين !؟ زاينة: مالك تتسوط !؟ ياكما جاراك بسيف ؟ نوصير: ( تيشوف زياد من مرايا فكرسيه ) ابابا مال هادي مالها !؟ زاينة: باااز !! زيد لشي كافي فاميلي نوصير: مرحبا لالة ! امي كوراصون ، الي وتااك الكحل وجاك قتال زاينة: ( عوجت فمها) عليها جبتي ليا شي كاضو تيهضر ولا شي سنسلة نتفكرك بيها !، نوصير: ( تيضحك ويشوف فطريق و يشوف فيها) اها ! ورمانسية زاينة: ( جبدات ضحكة) ههههه سير ضحك مع قرانك نهار اول راك عرفتني ! ماتياكلش معايا كلام معسول ، انا بغيتني برعني و لبسني و كبطني و هز بيا ! نوصير: ( وصل البلاصة ) ديري زيفك ديري ! ( دار هز ولدو فكرسيه ) زيااادو زاينة: ( طولة ولاطاي و مشية مع عباية غير خليجية) نجلسو فجهة جردة نوصير: لي بغيتي ! ...ختارو طبلة جلسو فيها ، طلبت لي بغات و لي تشهات اما هو اكتفى بقهوى كحلة ، عيونهم بجوج على زياد حوارهم كان مثل العادة شد ليا نقطع ليك تادار لها وجبد موضوع دراري و عصبها من جديد زاينة: باغي تحمقني !؟ راه عاد عندي عشرين عام ابنادم ! عندي مشروع فراسي انفذو ونت واعدتني نوصير: زيديني غير هاد العام !! ولدي فيه ولدنا تاني ولا بنية ؟ تلقايني جمعت راس المال صحيح ! زاينة: تتفلى عليا !؟ كولها ! نوصير : ( هز قطعة كاطو يوكلها) حللي انا مزاوك زاينة : ( برفض ) واللهما تحيد عليا يديك تا نشوهك قدام الناس !! نوصير: ههههههه بردي غير تنهضرو حنا زاينة: كفاش غير تنهضرو !؟ واش انا ماتنعرفكش ؟ نوصير: انا باغي اولاد ! ماتكولي ليا لاكينة لا نم ، مشروع صبري شوية زاينة: انت باغي تغرقني دراري ! وتقلني نوصير: ياك ؟ حيت باغيك وهابل عليك و باغي اولادي يكبرو معايا ! زاينة: انا عندي مشروع واعدتني بيه ! هاد مشروع فصالحي وفصالح اولادي فاش يكبرو نوصير: دبا هضرتي والو ؟ تنطبل !؟ زاينة: و انا هضرتي !؟ ماعندها قيمة ؟ ...#الولد_ثمن_شهور عاش !! براء خرج من القرعة و تتم تسع تشهور فيها ، تنفسه طبيعي الوزن طلع لثلاثة كيلو، اكتاب ليه العمر جديد ولخديجة كدالك ، ولادتها كانت عسيرة و لايموغاجي كان ممكن لا قدر الله تفقدها حياتها ....الدار نورت بمجيئهم ! الكل فرحان برجوعها ولدها بين يديها، ثلااتة ايام باش رجعت الدار ..الكل فرعايتها امها و اباها و الوازنة لي تاتجي يوميا ورؤيا تتساعد بكل حب الا فاروق لي يومين هو شاد قنت فصالون عاطيها نعاس فقط .. رؤيا: ( متكية على ناموسية تتمد ليها ليزانجيت) ماما براء خوينز هههه خديجة: ( تتغير ليه ) ههههه ياك ! ( غيرت ليه و لبساتو ) تهزيه !؟ رؤيا: ( بفرح ) اه ..جلساتها حداها و حطاتو لها تتشوف فيه بحب و تبوسو ! خديجة تترجع صحتها دقة دقة ، نفسيتها مرتاحة و تتحاول تنسى لي فات جالسة تتجمع حوايج براء و مراعية لجرحة تادخلت امها االام: ابتني نحط لكم العشا دبا !؟ خديجة: فاروق مزال ناعس !؟ الام: مزال ناعس ! وباباك راه خرج يصلي العشا شوية ويجي خديجة: ماما غدا شهوتي نمشي حمام و بغيت ديك حنة بالعشوب ديك السيدة الام: البنتي و جرحة !؟ خديجة: عندي بخوطيج ! وطبيبة قالت ليا ماعندك مناش تخافي ! الام: اوا نشوف اباك يطلع حتى تازة ! ولا نتصل بجارتي تسخر لينا خديجة: الله يخليك ليا ! عذبتكم معايا ! ( هزت براء تيبكي و جبدت صدرها ترضعو) احححح الام: صبري ابنتي صبري !! خديجة: تنحس بريوس تيتقطعو اماما ! كانو تيجبدو مني الحليب وجرحوني الام: ( تتطبطب على ظهرها) فيها الآجر الحبيبة ! اوا السابع وقتاش ديريها !؟ خديجة: تنبرا اماما ! غدا يذبح لبراء و يصدقو و العقيقة حتى تنتشافا على خاطري ونشد صحتي للا بغى الله الام: اياه ابنتي ! لله ينوضك بسلامة ... ... تترضع ولدها تتوجع بسب ريوس ثذيها ضارينها ، تاطلقها راسو و يرد الحليب معاه الدم.. رؤيا: ماما شوفي دم خديجة: ( بدات تصفار وتخضار ) اعتقيني اماما ولدي تيرجع الدم الام: ( مصارنها تقلبو) ماتخافايش ابنتي ! فاروق: ( دخل عليهم خاسر) مالو !؟ خديجة: ( بدموع) رضعتو و تقيا الدم فاروق: ( شدو من نسيبتو و تيدوز يدو على ظهرو و رجعو قدامو تيشوف فيه عوينات خضيضرين و زعيعر ...) مابكاش !؟ خديجة: الا فاروق: ( باسو بشوية حطو لها ) نوضي نديوه طبيب الام: مايكون والو انشاء الله ! ربما تجرح فمو ولا شي حاجة فاروق: (جبد حوايجو ودخل حمام يلبس حوايجو لقاها مزالة تدور) راه هضرت معاك تحركي !؟ خديجة: ( تتبكي ) مااقديتش نمشي نسمع لي يضرني !؟ فاروق: الولد تقيا الدم ! خاصو طبيب عادي ، اش تسمعي !؟ االام: ( بود و بروية) نوضي الله يرضي عليك ! انشاء الله ربي يحفو مايكون والو ...رؤيا خافت على خوها و غير تتبلق بعويناتها ، فاروق حتى تيكول نقزت و يرجع خطوة الوراء !! نزل ديمارا طموبيل و قف حدا سانسور تينتظر خديجة تنزل ..ركبو فالسيارة قاصدين نفس كلينيك لان الحال معطل .. فاروق: ( دار شد فيها تنزل) خدييجة توكضي معايا ! خديجة: ( تتحس سخفة شداها تتهز ولدها ) غادي نمووت بالخلعة .. فاروق : ( تيمسح راسو داخلين) اترتاحي هنا نشوف طبيب اطفال .. ..الخوف لي تيحس بيه فاروق مضاعف ، لان لي داز عليه معاهم ماشي قليل ! مدة هو تينتظر طبيب يوصل ، هاز براء بين يديه و خديجة جالسة شادة فراسها تتدعي وتقرا القران .. خديجة: تعطلووو افاروق فاروق: ( ماتيجاوبش ) ... خديجة: (دقات قلبها تتسارع ) فاااروووق فاروق: سمعتك اخديجة!! تصلت بيه كالك هاهو جاي !( قرب براء وجهو تيبوسو ) ...راكبة اللور فحضنها ولدها ، مرتاحة نفسيا ...تتشوف فملامحو و عيونو و راسو لي فيه شعر زعر ، ابتسمت ابتسامة خفيفة تتحس بقلبها مرتاح .. فاروق: ( وقف فسطوب ) ناعس !؟ خديجة: ( بحب ) وي داير دودو فاروق: ( حرك لها راسو و قلع) غدا الصباح نهبطو لواحد دوار مع نبيل نفرقو تما حولي السمية لبراء خديجة: الله يجعلها صدقة مقبولة ! الاسبوع بغيت غير نبرا شوية فاروق: ديريه فوق ما بغيتي ! غير كونو على راحتكم .. ...وصلو الدار ورؤيا تتدور بخوها ، جلسو تيتعشاو و خديجة تتخبرهم بشنو طرا فالطبيب 🔙🔙🔙 طبيب: ( فحص براء ) مسيو لاجودان الوليد حمد الله صحيحة مزيانة فاروق: راه تقيا الدم طبيب: ( فتح ليه ليكوش و رجع سدو) مدام شنو تترضعو !؟ خديجة: تنعطيه من صدري و مخلية الرضاعة احتياط الا حس بجوع ! طبيب: ( لبسو حوايجو ومدو ليها) صدرك تيضرك فريوس !؟ فاروق: ( شاف خديجة ) تيضروك !؟؛ خديجة: اه مجروحين ! طبيب: ( حرك راسو بتاكيد ) متخاف والو امدام ! بيبي رضع الدم من جرحة و مع حليب الرضاعة ، سبحان الله خدا الحليب و تقى الدم هدا ماكان خديجة: ( فتحت عينيها متفاجأة ) تخلعت ماظنيتش طبيب: سي هدا أمر شاسع ! نصحك خليه يرضع هو رضاعتو ايداوي ليك جروح ! مهم نظافة قبل ما ترضعيه نظفي بالماء دافئ، فاروق: بلا ماتحتاج لي الدوا !؟ طبيب: نو نو ! خليه يرضع على خاطرو ! 🔚🔚🔚 الام: اوا ماطحتش ليا فالبال ابنتي ! اما راه دايزة هاد القضية على وذني الاب: اوا الكبدة ما تاتشاور .. فاروق: ( مسح يديه ) مهم طمنا عليه ! دبا الولادة مبكرة ديما تيقى دوك مخاوف ( شاف رؤيا) بابا غدا ليكول !؟ رؤيا: ( تتاكل عنب ) انا بابا مابغيتش نقرا ! تاانكبر و نمشي نقرا بحال ماسا فاروق: ياك !؟ يلاه بيتك حكي سنانك خديجة: ( شدت فجنبها اتنوض شافتها مشات تتجري ) علاش تتغوت عليها !؟ فاروق: ( وقف خارج ) ماسمعتيهاش اش تتكول !؟ خديجة: ( تابعاه) مليون مرة تنقول ليك البنت صغيرة ! وصل فكرتك بشوية فاروق: ( جبد كارو ) على سلامتك امدام ! الى توكضتي قابلي اولادك راه مابقات عندي فين تكيل ليا لا مع ابنتك لامع ولدك خديجة: رجعت حليمة عادتها القديمة فاروق: ( تيحك راسو ) حمقتوووني وهبلتووووني ... ...الحياة تستمر ! خديجة دخلت عند رؤيا و تتوجد لها شنو تلبس و رجعت تحببها فالمدرسة و تفكرها باهميتها ، عارفة ان فترة مرضها ردات الراس على اسماء، و تتشد منها الهضرة و الحركات ..نعساتها و دخلت بيتها دير الدوا للجرحة و تبدل حوايجها و غسلت صدرها و رضعت براء و حطاتو حداها مزال ماتتنعسو فبيتو ..تادخل لاجودان البيت فاروق: نعس داك صفر السيفة !؟ خديجة: هداك قلبي هداك فاروق: ( حيد تيشورط تكى تيتفوه ) اخخخخ ..راه مدايم ليك غير انا خديجة: ( طلعت بلاصتها ) اولادي ! فاروق: اممم ! كولي ليا ؟ ماتشوفيش شي خدامة تعاون مك فالدار خديجة: ( رمشت بعينيها) بلاش ! غير رجع صحتي نوض للداري ! فاروق: ( جرها عندو بشوية ) حق رب حتى توحشتتتك دوزتيها عليا البلارة خديجة: ( تتفكر الولادة دموع تيتجمعو عليها) الله يجعلها مغفرة للذنوب ! دزت من الموت .. فاروق: ( تزير من داخل ) ربي الكبير ! ( باسها فراسها ) دراري هما هادو خديجة: عمرررني نذكر اولاد ! براكا عليا البنية اوليد ! فاروق: ( حس بخوفها و معاناتها) الله يجعل بركة الالة ! صحتك هيا اولى ، نتسناوك حتى تبغي خديجة: الله يحفظ ليا غير هادو ! نقريوهم و نكبروهم ! فاروق: ( داتو عينيه) حكي ليا راسي ..بكل حب مدات صبيعاتها تتحك ليه راسو و تتكلم فوق راسو عن احلامها و طموحاتها للعائلتها ..تانعس قبل منها و فاق براء و بذات رحلتها ليلية معاه .. 🌄🌄🌄🌄 ...فاق بكري دخل دوش و لبس حوايجو و تيرتب بزطامو و عينيه تيشوف فيها مقلوبة بالنعاس، تاكمل شغلو و جلس حداها تيفيقها نبيل: اسمااااء اسماء: ( تتلوى فديك ملاية ) امممم نبيل: انا مشيت ! اليوم جلسي فدار مامساليش نوصلك ورجعك اسماء: (حلت عينيها ناضت جالسة) خويا نوصير يوصلني نبيل: الا ! ( هز تلفونها تيقلبو ) اسمااااء ! انا مشغول مع فاروق ! قسما بالله و يكوليك عقلك تعصي كلامي حتى نربيك من بدا و جديد اسماء: وراه رجعت تنغيب بزاف انبيل ! نبيل: ( حاني تلبيس سبرديلتو) تتغيبي باخباري و للظروف ! مدرستك انا مكلف بيها اسماء: ( غير تاتشوف ) اش نجلس ندير !؟ خالتي تافيق تتمشي عند خديجة !؟ نبيل: سيري معها ! نوصير يوصلكم و ديري عقلك اسماء: ( ترمات بلاصتها مغطية راسها) لي سمعك يقول هاد البنت هارربة من صبيطار الحماق نبيل: الا طلقت ليك بخصايلك دخلي ليه ! ( وقف عليها ) واسلمي عليا نمشي اسماء: انا بلاصتك مارضاش نسلم على هبيلة نبيل" ( جر الغطا و باسها بسيف ) ديري عقلك تنكولها و نعاودها ! ....خرج مخليها تتكمل نعاسها، هبط تحت ضرب فنوصير ناعس فالصالون وجد قهوة وهز طبسيل كاطو و خرج حدا نوصير يفطر .. نوصير: ( شم ريحة قهوة فاق ساد عين وفاتح عين ) آفين !؟ نبيل: مالك اصاحبي ديما مرمي فهاد صالون بحال كلوشار !؟ نوصير: لي عندو اولاد تينعس !؟ البرهوش تيفيق بزاف نبيل: ( وقف حط ليه ساروت كراج ) حل الخدامة و اليوم توصل سلعة جديدة وقف عليها نوصير: ( حيد غطا جلس تيحك فراسو ) اتعطلوو !؟ شريتو حوالة ولا مزال !؟ نبيل: مانعرفت ! انا كالي دوز عندي وصافي ، احقا وصل الواليدة ومعاها اسماء عند خديجة ! نوصير: ( رمى ملاية ) كون هاني نبيل: طوي ملايتك اصاحبي ! نوصير: تاهيا كن هاني .. ..الخوت انواع !! كرش وحدة حطات لكن طباع تختلف ، كاين نوع لي تتلقايه منظم فحياتو و خدمتو وكاين لي عكس منظم ! يقضي الغرض ساعة بساعتو ويأجل الساعة بساعتها ، ديمارا طموبيلتو و اتجه عند فاروق هز من امام العمارة و متجهين الدوار للي نعث ليه فاروق ، طريق كلها و فاروق تيتكلم فتلفون تاوصلو .. نبيل: واش شريتي !؟ فاروق: ( دار نظاظرو ) وصيت واحد الكساب تنعرفو هنا ! شوية يوصلو نبيل وقف تيشوف منطقة كان دوار صغير نوعا ما من ناحية السكان ، كل دار مبنية فطين مبنية فجهة و فدخلة الدوار كان جامع صغير بصومعة ..وصل الكساب مع جزار و معاهم الحوالة ، ذبحو الحوالة جهة الساحة الجامع و الامام جامع واقف معاهم قرا لي تيسر الله من القرآن و قف على السمية #براء ..كملو شغلهم و خلا فاروق الامام جامع يفرق دوك الحوالة على سكان الدوار فسبيل الله ؛ صدقة علة مراتو لي نجات من الموت و زيادة مولود براء ....هما مقلعين هو الفقي كان تيوذن نداء صلاة الظهو هو نبيل يشد الفران تيسمع نبيل: ( صوتو حس بيه تخلل فقلبو) الله يعفو علينا ! ماشاء الله صوت عندو فاروق: ( تيصيفط خديجة صور حوالة) الله يعمرها سلعة هاد الامام ! خطبات عندو و نشر الوعي بين الناس عندو مايكول ! لكن دولة مضيعاهم نبيل: راه خرجو لهم التأمين !! فاروق: حتى ماتو االفقهة و لي لقى ماياكل ! الفقهة لي فالشمال ولا الريف راهم مبرعين مع الناس تيعطيو القيمة للفقهة و لي فالداخل راهم تابعين دولة اما لي فدواور بحال هاد شكل عايشين بالبركة ! نبيل: ( على اثر انتهاء الاذان ) الله يصاوب ! تاحاجة مابقات تعجب فاروق: ( تلفونو تيرن طلعت نمرتها ) من زمان مابقى..الوو بديعة: الو فاروق ! لباس عليك فاروق: اممم ! كاين شي مانقضيو !؟ بديعة: رسلت لرؤيا واحد الكولية للدار ورجعت ليا !؟ وار رحلتو !؟ فاروق: من بعد ! بديعة: اوا راني فكازا ! بغيت تشوف رؤيا و نعطيها شنو خديت لها ! فاروق: ( قلب شنابقو ) انا انشوف ! بديعة: ماتعطلش عليا عفاك ! راه خاصني رجع للداري و راجلي فاروق: اها !! امتى تزوجتي !؟ بديعة : اوا خير الله هدا !! فاروق: اوا الخبار فراسك !! هاااوذني منك ... بديعة: ( قاطعاتو) عاارفة افاروق ! ماتحتاج توصيني ! فاروق: لا اختي نوصيك ونعاود ! ابنتي مانحمل حتى القواااااد الشوفة يشوف فيها ..بقى غير راجل امها ( اقطع) نبيل: صمت فاروق: دلمها على وجه ابنتي صابر لها ! غير تكبر نقطعها عليها !، نبيل : وراها امها اصاحبي فاروق: ابنتي شخصيتها لي طالعة بيها دبا ساهلة ! تتأثر باي حاجة ! غدا تكوليك بغيت اماما ؟ تما غير نتعزا فتربية ابنتي ...الايام لي مرت عليهم مثل اي عائلة عاملة ، منين يصبح الصباح حتى العشية هما مع الخدمة و الشغالات، خارج من الوزارة بكري ، الوقت عندهم غير محدد فالخروج ..راكب سيارتو حاضي مع طريق متجه الحضانة امير ، مسافة الطريق وصل و نزل داخل يطمن عليه، الحضانة من احسن الحضانات فالمدينة ! صاحبها من بلجيكا و الحضانة تتمشى بالاطر تربوية كاورية .. مغيث: ( استقبلو المدير ودخل قاعة الرسم ) بابيتوو امير : ( كان لابس طابلية خاصة برسم و طربيش تيرسم رسومو المفضلة ) داااااد مغيث: ( نزل مستواه باسو ) شنو تاترسم !؟ امير: مينيو ادااد مغيث: ( عطاه المربية تغير ليه ..) الوغ ! تيلعب مزيان طخانكيل ؟ المدير: نعم ! تيميل للكرة بزاف مغيث: ( عطااتو ليه المربية بصاكو ) ميغسيى! اوغفواغ امير: ( تيدير باي باي) اغوفواااغ ...حطو فكرسيه دار ليه سمطة و ركب بلاصتو صايك ،شد طريق لاجونس لعند ليالي ..لان لي سبق ياخد أمير من الحضانة تيتاصل بلاخر يخبرو ، مدام ماتصلتش بيه واضح انها فلاجونس ...حبس بطموبيل قدام لاجونس اول حاجة لاحظ ان سيارتها مكايناش ، خلا امير فطموبيل و نزل بسرعة يسول فلاستقبال مغيث: بونجوغ ! مدام ليالي مشات !؟ مساعدة: بونجوغ مسيو القباج ! مدام خرجت هادي ساعة مغيث: ( غزز سنانو ) اوك ميغسيى ..خرج تيشوف يمين و يسار تاركب هو تيسوط و صدرو تيطلع و ينزل ، جبد تلفون مهبط راسو تيشوف رقمها و امير موراه تيلعب ..ظن انهم اغلقو موضوع الخروج ! ظن انها تفهمت موضوع صاحبتها ! حول الاتصال ليها هو تيغلي من الداخل ! ليالي: الووو مغيث: وي صافا ! فين راك !؟ ليالي: انا فريسطو كنت معروضة ! ( شافت ساعتها ) جبتي امير !؟ مغيث: وي هاهو معايا ! عطيني لادغيس اليالي ! ليالي: ( هزت راسها تتشوف لاورا و صديقها واحد الصديق آخر خدام في نفس مجال ليالي) نوو سي باكغاف ! انا جاية مغيث: ( زير على يديه بقوة) اتخلييييك فالبلاصة فين راااكي و غاادي ترسلي ليا لوكاليزاسيون ! خارجة بلا اخباري اول حاجة ! تاني حاجة بالعربية تتكولي ليا ديكاج ! مامسالياش ليك ليالي: ( لاورا مراقبة حركاتها تتسولها بعينيها) ماشي هكاك امغيث ! و الله لقيتني خارجة مغيث: اوك ! ماتخرجيش حتى نجي و نشوووف معامن كنتي جالسة ! ليالي : ( خلاتهم و خرجت تتهضر) كفاش تشوفني معامن جالسة ! افيك ليزامي سي تو ! مغيث": ( تحرك صايك) ااه وي ! ليزامي ؟ عطيني اليالي لادغيس ليالي: ( بردت الجو) **** فوالا ها لادغيس .. ....حرك روايض مع طريق كلو معصب تيغلي من داخلو ! تيقنع فراسو يبرد و يقول من حقها تخرج و تشوف ! لكن هاد الاقتناع فوق طاقتو تيحس بقلبو تيتزير ..وصل ريسطو و لمحها واقفة تتنتظرو ، نزل هاز امير توقف قدامها بنظرات نار.. ليالي: ( ابتسمت ) اميرووو مغيث: شفتي غير امير !؟ ( تعلات سلمات عليه ) صافا !؟ ليالي: ( هزات امير تتبوسو) وي صافا ! نمشيو !؟ مغيث: ( هز عينيه مثل نظرات صقر تيلمح لاورا مع جوج رجال من زجاج ...دور يدو على خصرها ) ندخلو نتغداو ليالي: ( تتسرط ريقها ، خايفة من ردة فعلو) مغيييث مغيث: ( ابتسم لها و جلسو فطبلة مقابلة لاورا) ووي ! هاديك هيا صاحبتك !؟ ليالي: وي ! تبغي تعرف عليها !؟ مغيث: ( هز يدو لسرباي لي وصاه على كرسي اطفال لامير و موني) نتعرف عليها !؟ وهادوك لي معاها !؟ ليالي: غير ديزامي ! خدامين فنفس دومين ديالنا .. طلعهم و هبطهم واضح انهم دراري محترمين واضح انه جامعهم العمل من طريقة الحوار، طلب ليهم الغدا ، وطول الوقت عينين مغيث على لاورا ، ماحملاهاش ! ماقبلهاش ! اما ليالي مقابلة امير كل مرة يطيح و يهز ..تاناضت لاورا خارجة و مرت بطبلتهم توقفت بابتسامة حوار اكيد كان بالفرنسية لاورا: بونجوغ ! متشرفة بسيادتكم مغيث: ( برود ) بونجوغ لاورا: ( حست بالقمعة باست امير و ليالي) نهاركم مبروك ! شهية طيبة ليالي: اطوا اوسي ! باي ...مغيث: ( تبعها تاخرجت و شدات طاكسي وغير تيتنهد ) اميرووو شبعتي !؟ نمشيو ! امير: ( تيزلع فلاكلاص) دااد شكولا ليالي: ( هزاتو تتمسح ليه ) وقتو دالنعاس ! خلص نمشيو .. ...وقف متجه لاكيس ، جبد لاكارط باش يخلص هو يلمح دراري مزال جالسين واضح نقاشهم طويل ؛ مغيث: عفاك خلص حتى ديك لاطابل سرباي: ( دار شاف فيهم و جبد فاكتورة ديالهم ) 670 درهم مغيث: ( مد ليه لاكارط ) خلص كولشي ( دخل كود و خلص ) ميغسي سرباي: مرحبا اسيدي .....الوازنة فرحانة بحفيدها ، يوميا تجي طل على عروستها ، خصوصا فحضور امها، مابغاتش تقصر ولا تسمع انهم مخلينها وحدها ، على طبلة الغدا اسماء شمرت على دراعها و مخلات ماحطات و رؤيا خرجت من مدرسة ولقاتها عندهم ماقداتها فرحة ، اما خديجة يلاه دخلت من الحمام هيا ومها .. الوازنة: بصحتك ابنتي خديجة: ( هازة ولدها تترضعو) يعطيك الصحة اخالتي ! سمحولي عذبتكم معايا الوازنة: عذابك الراحة ابنتي ! الله يقومك بسلامة رؤيا: ماما ! فوقاش نديرو السبوع!؟ خديجة: ( قلبت براء بزولة تانية و غير تتألم ) قريب احبيبة ! اسماء: ( تتشوف فيها تتوجع وهيا تترضع ) اختي خديجة دهنيهم بزيت البلدية خديجة: ( تتزير بعينيها) قالي طبيب ماندهن بوالو ! الوازنة: كلو آجر ابنتي ! رضعيه و صبري ، زاينة بلا والو الحليب طار لها الام: عطوها حب رشاد او سردين تيقوي الحليب الوازنة: والو ابنتي ! هزو مولاه .. اسماء: ( تتخوي لهم القهوة ) راه معصبة زاينة بزاف ! راه وصاتها امها ماتعصبش الوازنة: اوا الحبيبة لي معاشر نوصير راه يطج الام: لواه ظريف مسكين ! نهار عرس خديجة عاونا فالسخرة الوازنة: ااوا ظرفات لاتسالي ! ولكن ذراع لاتسالي ، طيري ولا نزلي ماكاين كاع هو فهاد البلاد ! انا مباركة عليا اجمع راسو و تزوج ، ماوليت نعرفو فين مشى حتى جاب المراة ، كان يغبر الحبيبة بسيمانات اسماء: مالو مسكين راه منو من جيلو ! خديجة: ( تتضحك ) اسماء عزيز عليها نوصير الوازنة: وراها بحال اختو ! من صغرها يخرجها تلعب فزنقة و خوت فالكوارث اسماء: (غلباتها ضحكة ) شوهتينا اخاالتي .. ..الجلسة حلات ! و خديجة كانها تترجع شيئا فشيئا ، دخل نبيل و فاروق سلمو و اجلسو عاود احطو لهم الغدا .. فاروق: فين اباك !؟ خديجة: عند عمتي ! ماتعطلتوش ! فاروق: ذبحنا و جينا ! ( طل على براء باسو ) مابكاش !؟ خديجة: الا ! ( تتحاول تنوض ) فاروق: ( وقف شدو تيبوسو ) بابا ! اش هاد زعورية عندك صفرا خديجة: ( شداتو عندها داخلة لبيت ) من البارح انا ساكتة ليك تتعاير فولدي الوازنة: اوا اصلح فمك !! زين هداك فاروق: وايلي الواليدة ! زين زين الوازنة: اوا شنو كاع حفايدي غزلان الله يحفظهم ويبارك فيهم . ..اسماء حطت لهم الغذا فالصالون لاخر ونبيل شاد تلفون مشغول بيه ، تغداو و كملو و فاروق بالو مشغول مع بديعة ،غسل يديه و دخل عند خديجة للبيت تيحك راسو فاروق: خدييجة !! انا مخرج رؤيا تشوف امها راها جات .. خديجة: ( كانت متكية هازة تلفون ) امها جات !؟ فين جات !؟ فاروق: ( تيبدل حوايجو ) لكازا ! خديجة: ( تتشوف براء بحنية و نطقت) ستة شهور هادي فين كانت !؟ فاروق: كالك تزوجات ! ومانعرف دلمها ، تتهمني ابنتي خديجة: كلنا تتهمنا رؤيا ! رؤيا راه بنت العائلة كلها فاروق: ( نزل راسو باسف) ماغاديش نتعطل ! خديجة: وفين اتشوفها بسلامة !؟ فاروق: والله ماعرفت ! خديجة: الله يستر بلاصتها ماخلاتهاش نقية !، اما كن دخل تشوف بنتها فاروق: مااادخل ما تزمر ! نشوف شي قهوة كما العادة و تحسيب خطاويها ! خايف لا تعمر راس رؤيا خديجة: ( حست بغيرة ) اوا سير فاروق: ( حس بنبرتها مرعودة ) خدييييجة !! عيني ماتتشوفش غيرك ! ارتاحي مع راسك خديجة: ( نزلت لها دمعة ) .... فاروق: ( بنبرة عالية) علااااش تتبكي دبا !؟ مرووح عريس انا !؟ خديجة: بلاغواات ! صافي سير فاروق: هاهو غااادي ! بنادم عقلو مبرهش ( خرج من بيت صاعر) رؤؤؤؤياااااا رؤيا: ( خرجت تتجري عندو) نعام اباابا فاروق: زيدي يلاه !، نبيل: ( خرج عندو) مالك اصاحبي !؟ فاروق: مايلى ليا ! زيد جر معايا زيد ...الكل تيشوف فهاد الفاروق لي تيتقلب بحال زمان ، خديجة خرجت بالكو تتطل عليه هو خارج مع نبيل و رؤيا، تادخلت عليها امها .. ام: هدا عندك زاااد فيه ! اويلي من نهارو تيغوت خديجة: ( ابتسمت تتمص غضب امها) هههه خلعك ! راه غير غوت عليه تيعاير ليا ولدي ام: شويني فيه ! لقى جوهرة بحالك و زايدها بالغوات خديجة: ههههه تاهو سيد الرجال ! وحتى زين ماخطاتو لولة ....طريق كلها هو معها على الخط وتينعث لها فين تلاقاه، وصلو القهوة العائلة فيا الخارج العاب و الداخل قهوة ..نزل هو اول عاقدهم شاد فاليد رؤيا لي لمحاتها بديعة من بعيد قلبها تهز لرؤيتها ، بسبب طول الغيبة لاحظت الفرق ! طوالت و شعرها، زادت بياضا وعويناتها صافين ... رؤيا: ( كدالك لمحتها مشات تتجري عندها معنقعها ) مامااااا بديعة: ( لابسة جلابة و زيف على راسها ضعافت شوية ) الحبيييبة الكبيدة ماماها ( هزاتها نتتبو للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02