....التقاليد الفطور و صبوحي فحالة العروسين كانت لا مكان لها، مجرد فاقت و دوشت و فطرو وهيا كلها خجل ، لبسو ملابسهم و خرجو من اوطيل راكبين سيارتهم قاصدين المطار يدورز الشهر العسل لي مدتو اسبوع هدية من عمها مغيث لي شرف شخصيا على الفيزا طبعت لها فايام قليلة ، خداو طيارتهم نحو روما للبداية ايام العسل و الحب و للعشق مع زوجها .... .... نبيل : اسمااااااء ! اسمااااااء اسماء: ( تتشلل و تتسمعو ) صمت نبيل: ( تيدق بابا دوش ) اسماء فتحي لباب ..خرجت تتلبس بينوار كان قصير و لوات شعرها فالفوطة و خرجت معصبة اسماء: لاااش تتدق عليا ؟ واش تسطيتي ؟ نبيل : اااه مسطي ! شنو دبا تتضحكي عليا ؟ اسماء: ( تتستحمر ) فاش ضحكت عليك؟ شوف بلا ماتبقى تمرضني راع تعطلنا نبيل : ( خنزر فيها ) اوا ذنوبي على رقبتك اسماء ببرود مامسوقاش، و تتفكر الصباح رجوعهم من العرس ..🔙🔙🔙 ...سبقاتو طالعة بالفقطان و حالة من صدمة تحوم عليها ، تتفكر رؤيا و ذهابها مع راجلها تضرات فخاطرها ؟ غير البارح ووهيا تتدزر بين جنابها اول مرة جاات عندهم بغات تبات معاها و قبل مايتزوج فاروق كانت معاها .. نبيل: ( حط سورات تيشوف فيها جالسة مرفوعة ) اسماااء ؟ اسماء: سميتني فاطنة نبيل: ( تيحيد حوايجو ) مالك دبا؟ شكون مطيرو ليك اسماء : تايعجبكم الحال تزوجو بنت الناس تديوها لداركم و تخليو والديها واحبابها يتحسرو نبيل : هاديك السنة الحياة، هاديك بنت أخويا تانا ضرني خاطري ولكن الله يسهل وصافي، مالك ندمتي على زواجك ؟ اسماء: لا ويلي( تتشير وجها ) انطير بالفرحة ...خلاها تتهضر الا تبعها غادي يونضها معها وهيا ماتتحشمش ، خلاها قدام مرايا تنظف وجها و دخل يدوش بزربة يحيد العرق و خرج تيتشف شعرو لقاها فبلاصتها حاطة صبعها مكان عقل تتفكر ، دخل بجنبها نبيل : ( منيم عينيه ) موعوينات ، ماتفكرتيش نهار كنتي عروسة اسماء: ( دارت عطاتو بضهر ) لاء شكرا ..نبيل: ( قرب لها معنقها ) وااعفاااك اسماء: عيااانة مدكدكة ، تا نفيقو نبيل : ( تفهمها ) وندوشو بجوج ياك ؟ اسماء: ضروري 🔙🔙🔙 ضحكت عليه و تفلا عليه وكلاتو فرزقو ، فيقها ناضت دوش خلاتو يتبرد ، لبست جلابتها و نزلت بزربة خارجة تا لقاتو جالس فصالون شاد تلفون اسماء: مزال جالس؟ نبيل: ( برود ) ماغاديش ! العرس راه تسالا وكل الغازي يقصد بلادو اسماء : نوض تكعد ! نبييييل نوووض نبيل : مانااايضش ! اسماء: ( زدحات صاك مع صور صالون ) انا ماااالي ! خوك هداك نبيل: اوا ريحي ارض الا خويا اسماء: ( تتفكر خديجة ووتنوض ) ونوض نجيبو غير اولاد نبيل: فاش يبغيو راه يجيبو اسماء: اوا امي لي مخلية تما !؟ نبيل: دبا تجي أسماء: ( وقفت معصبة ) اوا نوووض خرج من قدامي انت نيييت ! نبيل: ( هز راسو فوق ) طلعي الفوق اسماء: ( تغددات و تنازلت وقربت عندو تتملحس ) وصااافي ليل ندوشو نبيل : ( ببطئ حول وجهو ليها ) لاء شكرا اسماء : ( تاتمخشش فيه ) عفااااك نبيل: تا الغدا ! نوضي تهزي دبا اسماء : ( تتشوف فيه بضجر ) وااااانا كذيذيبة نبيل: لا حشومة ! ( تقاد بالجلسة نطق بجدية ) علاش آ اسماء تتهربي مني ؟ اسماء: ( تتدور فعينين ) مااشي هكاك! البارح كنت عيانة نبيل: ونا درت لك خاطرك ! راكي مراتي ماتهربيش ؟ ولكن فاش نوض نعول نطفي شوقي مع مراتي و تفلى عليا ؟ بحال تتقولي جري طوالك راها زنقة اسماء: ( تتسرط فريق ) صافي سمحلي نبيل : راكي كبرتي ! اي حاجة تتضرك ولا ماتتعجبكش تنحيدها و خاطرك قبل خاطري ولكن نتي ما تتقدريش ولكن راه تنكولها ونعاودها لي حنْ يتمحنْ، كن كنت هاجرك فالفراش نخليك نتي تسولي و تقولي شنو ناقصني تا ميك عليا ! وخ تنشك واش تسولي اسماء: ( تتبكي ) والله مانعاود ! وصافي نبيل: ( حرك راسو بسلب ) الله يهديك ابنتي عليا ! ..كسر الشر ، و ناضو اخرجو راكبين فالسيارة متجهين عند فاروق! يجلسو و يعمرو عليهم ، عارفين و مقدرين حالتهم نفسية خصوصا خديجة..وصلو وقف بسيارة هو يلمح اذيب اخ ليالي و شي رجال من عائلة رشيد نبيل : شوفي؟ راااه لقاك تدوري برا ؟ نفنيك أسماء: ندير كولا سبييال ! نبيل : ( شاف فيها ) قادي زيفك اسماء: ( قداتو ) مزيان ؟ نبيل: ( تنهد ) نزلي راه تنجمع ليك ....الفيلا فيها حركة! فيها ضحكات و همسات و ادعية بالفرح ، الصالون عامر بالنسا و على خارج الرجال ، ودراري صغار منهم توام و جنى وحسام فالجردة تيلعبو الا نعمة لي جالسة حدا الوازنة حتى بانت لها اسماء داخلة و ناضت عندها فرحانة _ماما ماما ..اسماء حست بواحد الفرحة لان غالبا فاش تتبحث عليها و تجي عندها ، ولكن الله يحسن العوان اسماء عندها اعاقة مشاعر جاوباتنا بنيتها وباش عرفتني انا ماماك ؟! نعمة..رمقتها بنظرات خوف و هدوء مؤلم و جاوباتها بصوت خافض نعمة: نتي ماما والا كذبتي انقولها بابا اسماء: ..انا ماشي ماماك راه تنهضر معاك ..سرطت ريقها تتبكي وطارت عنقاتها : نتي ماامااا ..طلقاتها بضحكة و تتتعنقعها و تبوس ..و فرحانة بيها ، مشهد كلو داز امام فطوش و ميقات فمها دايرة يديها عليه فطوش : ( تتهضر معها بشوية ) اوا طاعة الله امتى ديري عقلك ؟ براكة داك طيارة #يوسف يهبل قبيلة اسماء: آويلي؟ شنو دار ؟ فطوش: مالي انا نتسناه حتى يدير !؟راه عربون باين أسماء: آمي فاش تجيني الضحكة خليها تخرج فطوش: وااديري عقلك الهيبلة اسماء: هبيلة والدة اولاد و شادة راجل فطوش: الزهر هداك تيكولو ليه ! اما نتيا حدك مزل نعناع اسماء: ( كلام مها مرضها ونفس الوقت فيقها ) صافي آمي ..هزت تلفون تتلعب فيه و فجأة فتحت واتساب ورسلت ليه مساج وجاوبها نبيل : 📧 وي اسماء : 📧 سمحلي بزاف نبيل: 📧 علاش بضبظ ؟ أسماء : 📧 على كولشي نبيل: 📧 كولي ليا ديك الكلمة لي تنبغي و الله يسامح لكن اخر مرة ؟ اسماء: 📧 تنبغييييك بزاااااف نبيل: 📧 الله يرضي عليك ازوجتي ...العشا تحط و خديجة غير ساهية تتشوف و بلاصة رؤيا واضحة ليها ، تتلف و تضحك و مرة مرة طل على سطوري تتشوف واش وصلات ، فالطابق الاعلى بذات بغرفة براء ، جالسين فالبالكو و حاطين العشا يلاه فاقو من نعاس ، امير مرتاح تياكل وزياد يد فتلفون واليد فالطاجين من غير براء لي مخنزر و عاقدهم قاعدتو من صغرر...كلاو و كملو هضرة تجبد هضرة حتى فاتحو امير امير : براء داكشي لي درتي بارح ماتيدارش براء : ( شاف فيه رجع شاف فزياد ) آش درت !؟ امير : انا تنهضر معاك اصاحبي ، نقص شوية من هاد العصبية زياد: ( غير تيشوف ) صمت براء : ( منفعل تيحرك يديه ) كفاش العصبية ؟ جيتي نيشان اساط امير : غادي نجيك نيشان ! انت عاارف لافامي كاملة فيها ثلاتة البنات ؟ رؤيا و جنى اختى تاهيا اختكم و نعمة اختنا زياد: حاجة عادية اخواتاتنا براء : ( بحدة خنزر فيه زعما هضر على راسك ) دبا انا هادشي كلو محيت شفت ؟ اميرر: اصاحبي ! نعمة صغيرة هادي اول حاجة؟ انت براسك صغير ! خاصك اعوااام باش تحقق داكشي لي فبالك وشوف تشوف براء : ( جمع يديه يتنفس بحرارة ) واش انا قربت لها ؟ هضرت معها؟ امير : داكشي لي بقى ليك ! البنت مزالة صغيرة آن بيبي اصاحبي ، عيب حتى تفكر فهادشي بينك وبين راسك نوغمالون حنى اخوت براء : ( وقف شاخظ ) اهضر اساااط على راسسسك ! اختك و خواتتاتكم انا مالي تتعاود ليا ؟ انا نعمة تاشوفة ماكنت تنشوفها ! كنت نقدر نشوفها فزنقة مانعرفهاش بتت عمي ، وي قلت مع راسي للعب براهش و داكشي مي راه كولشي واضح امير : ومزال للعب براهش ابراء ! الا سمع عمي هاد الهضرة فين نوصلو ؟ زياد: الا اصاحبي ! دبا نفاريوها معاه! يجمع راسو وايلي تانت فين هو الباك و فين لافاك و الخدمة و يوقف على رجليه، بقى ليه غير الحب براء : ( بصعرة ) عاااودها لمك انت ! وأنت اخا امير ماتحتاج توصيني ، هانا تنقولها لكم من هناا ! نعمة مااااشي اختي و عمرها تكوووون اختي والا حاسبين هادشي تبرهيش الايام بيناتنا امير : انا بغيت نوصل ليك فكرة فوت لافامي ! براء : ( حك راسو ) دبا هاد ستون فين يحبس ؟ زياد: لبدها اصاحبي امير : يحبس هنا الا انت جمعتي راسك ! انا كبير منك وعارف هاد افكار والمصاحبة والو فين تتخرج براء : باغي تلصق ليا منتيف قطي !؟ امير: راااسك قاصح ! هضرت معك حذرررتتك ؟ ضبر مخك زياد: الا راه عارف الخط فين يحبس امير : آش عارف !؟ العرس كلو هو تيشوف ااتجاه واحد ! صباح ضرباتو فيقة مماعرفتش وقيلا سمع صوتها وهبط عندهم لقاهم تيفطرو برا و بقى حاضيها شفتو بعيني من بالكو زياد: انا كنت ناعس براء : ياك غير شفت امير : نت راه راسك قاصح وبزاف ! لي نكول ليك دير بحساب لافامي و بحساب اباك و عمي نبيل و خالاتي خديجة و ااسماء براء : ديها اخويا امير سوق اسك وانا قاااد براسي و بلافامي ولا تتكول مع راسك هدا شي مريض ولا باغي العيب راك غالط امير : راك مزال صغير براء: اوا دبا نكبر ... ..عاقو بيه فالعرس! وزاد كملها لعشية فاش ناض تابعها! امير نصحو زياد كدالك ، لكن براء صعيب عليه يشرح لهم داكشي باش حاس ! ولا كفاش نظرتو نعمة لي اصلا فين ماتشوفو تخنزر .....الساعت تتذهب و االايام كدالك ، الحياة تستمر ؛ امير ودع العائلة بذهابو لفرنسا للدارسة طب أسنان و رؤيا كدالك ودعت العائلة لذهابها مع زوجها للكندا .... **** بعد مرور خمس سنوات.... يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02