_لن يأتي مثلها احد ....ليس مثل حنانها احد...ابتسامتها نور تضئ البيت و كلامها حكمة تتطرب الاذان ...لا يخلف الام سواها..تجاعيد وجها تشهد سنين للي مرت ..تسبيحها بين اناملها و جبهتها على سجادة الصلاة و كلمات دعائها لله معانا شعائر من الجنة...هيا الرائحة الجنة..هيا الوازنة مولات القلب لي جامع حفايذها بالصغير و الكبير ..هيا الجدة التي لا تقارن بيها الدنيا ولا وطن ..هيا الجدة دافئة مثل الشمس وهم "احفاد الشمس" ...🔱أولاد الوازنة🔱 ❤الفصل الرابع❤ احفاد الوازنة ....السنين تتمر و الصغير تيكبر و الكبير تيشيخ ! و الله يكبرنا على طاعة الله و الرسول ، ايام فالله جات فالتالي رمضان بقى للعيد الصغير تلتيام الا خرج شهر بتلاثين و يومين الى اخرج بيومين هادي كانت جملة الاخيرة لخيرة النسا هما جالسين فطبلة الجردة على برا مفرشين جليسة فطوش : ( تتكب لها زيت ) ياك ؟ الوازنة: اوا شنو ؟ شوف الهلال اش يدير فطوش: اوا تخلي يدوز العيد و تولد ! كولشي يكون اساد الوازنة: الالة تولد حتى صباح العيد ! اش مشى لينا ؟ لموهيم يفكها الله على خير فطوش : ( عينيها فبانيو ) انشاء الله ! نزيد الزيت ؟ الوازنة : ( تتعجنها فيديها ) اوا هدا جهد فطوش: اوا سلو النفيسة خاصو يكون ميدم الوازنة: براكة عليها ..نزيد رونها فطوش : آري عليك ؟ الوازنة: اوا شرفنا من ركابي اما اليدين فيهم الخير و البركة ..هزت راسها تتسمع قهقهاتهم و ضحكهم داخلين تيجريو موراهم نبيل لي وقف بعيد عليهم تيهضر فتلفون ... يوسف: ( تينهج ) الميمة تديري العجينة؟ الوازنة: الا الحبيب ! هادي الزميتة فطوش : ( تتشوف فزكرياء تيضحك ) هدا سلوو لللاسبوع ماماك زكرياء : ( ضرب يدو براسو ) هاء ؟ السلو ولا زميتة ؟ الوازنة: بجوج الحبيب (مدات ليه شوية ) اوا ذوق رد عليا الاخبار ؟ يوسف : ( دفعو بضحك ) آري انا نذوق.. ..مدت لهم بجوج ذاقو تيضحكو و يتبننو و رجعو طلبو هما يدرو حدا الوازنة واحد جلس فليمن واحد ليسر وهيا تتعجن و نزلو عليها اسئلة _الميمة منين شريتو زميتة ؟ _الميمة شكون خرج زميتة ؟ _الميمة شنو تديرو فزميتة شكلاط ؟ ..باتساع الخاطر و فصيح للسان و يديها خدامين و فطوش تتزيدها زيت بدات تحكي ليهم .. الوازنة: هدا زمان الاحباب كان راجل مسكين طلب اليد البنت زوينة تيقولو لها بنت المكناسي يوسف: مسكين تيسعرى الميمة الوازنة: كلنا نسعاو الله ! كان على الباب الله ، طلبها اسيدي و اباها طلب ليها الصداق المكناسية ! داك السيد جلس يخمم و يفكر فالصداق المكناسية ؟ زكرياء : اوا الميمة لقاه الوازنة: لقاه اوليدي! لقاه عند اميمتو لي قالت ليه نمشيو للنظير يكري لنا البلاد ! اوا سيادي كراو البلاد و مشاو للدراز اوا صاوبو بونداف داك المسكين متبع ميمتو عالله يعرف الصداق المكناسية ! زادو للتراب و صاوبو بوعفاس منها دازو للعواد وصاوبو ليهم محراث ..اوا بقى ليهم الحداد صاوب لهم سكة يوسف: اوا الميمة ؟ الوازنة : اوا الحبيب طلعو الخميس شراو البهايم و شراو من الرحبة الزريعة اوا كل فجر كانو يحرثو البلاد و يقلبوها و يطلبو ربي يعطيهم الشتا و تزيان الصابة و يسبل زرعهم و يهب الشرگي يبس لهم زرعهم ، جا الحصاد نوذرها بيديهم بالمنجل و صاوب لهم النجار جفنة دخلوها الدار و جمعت العيلات ينقيو معاهم زرعهم و الخراط صاوب ربعهم و خرجو العش بلي حرم ربي وداوه للرحوي و سرق لهم منو وشكاوه للفقي و عطاوه فلقة يوسف و زكريا : هههههه فلقة الوازنة : اوا جابو زرعهم و طلعو لزرهون جابو الخروب و جاوبو العسل و المراة تصفي و تغربل و حمد لله يوسف: بزاف الميمة فهاد زمينة ! الوازنة : هيا صداق المكناسية .. ..هكدا جلستهم مع جداتهم القصص و حكايات آخرتها نعسو مع مغرب ...على طاولتهم مجموعين و الطاولة منزلة فرقو الصيام وناضو صلاو معاهم نبيل تيصلي بيهم تاكمل خارج هو يشوفها جالسة تتشرب الما و كريشتها قدامها فرحان بيها كثر من فرحة اولة لانه عرف عندو بنت قرب حداها جلس نبيل : عيتي ؟ أسماء: بغيت نخرج وصافي نبيل: فطري و نخرجو ! اسماء : ( تتحط يديها على كرشها ) شبعت صاافي ....ناضت طالعة فوق مزال الحمل ماتياخد منها لا تعب لا والو ! الوحم عادي لكن مزاج لا تسال ، دخلت بيت تبدل تاا تتحس بشي حاجة سخونة تتنزل منها و صرخت بجهد نبيييييل ... _طلع تيدير فالدرجة جوج دخل لقاها مبلوكية تتبكي ! شدها تيسولها وهيا عاد الوجع بداها نبيل : آتولدي ؟ صاااافي تولدي اسماء : عيييط طبيبة سوقك نولد ولا نجلس !! نبيل : ندخلك حمام ؟ أسماء: ( تتعصر ) امممممم !! يااربي مابغيتش نولد دبا ياربي ....نازل طالع تينزل فصيكان عاد طلع نزلها و الوازمة و انها تتدعي معاها ...ركبو و شاد طريق ! تلف و الخلعة تتشدو تا سمعها تتغوت اسماء : نقققص من سرعة باغي تقتلنا ؟ نبيل: ( حرك راسو ونقص سرعة ) صبري مابقى والو ! اسماء ...توجع وتوجع و تقلب ...تاني تنوض تغوت عليييه : غادي بشوية باغيني نولد ليك هنا ؟ آمييي اميييي نبيل زاد سرعة وشوية ينقصها، صابر عليها وخايف عليها ...وصلو كلينيك نزل مدخلها تاشدوها منو و رجع هاز صيكان و تلفونو تيرن وصلهم االاخبار من الوازنة تيسولو واش تولد ولا غير الوجع ! يلاه تيجاوبهم بمعارفش....جلس فالممر تينتظر طبيبة تخرج عندو و تيدعي فخاطرو تانادو عليه فالاستقبال خداو معلومات ونفس الوقت تلاقى بنفس طبيبة لي تتولدها نبيل : امضرا الدكتورة ؟ د : انشاء الله تولد كولشي مزيان البنيتة مقبلة الوالدة مفتوحة نبيل : ( مسح راسو من توتر ) بلا مانوصيك الدكتورة الله يجازيك بخير الا ماديري جهدك د : فامان الله .. _دفع لهم الشيك و ملاء الاستمارة و رجع جلس منتظرها ! رسل مساج خوتو و جلس متوتر و تيقرا الدعاء فداخلو ...مزال تيتفكر نهار دخلت عليه و تتخبرو بحملها ..كان اليوم السبت كما العادة تتكون فمحل و دراري مع زياد تيلعبو فالفضاء حتى ساعتهم داز يجيبهم 🔙🔙🔙 نبيل: ( تيشوف دراري من مراية ) لعبتوو ؟ : اااه ابابا نبيل : ( شافها مرفوعة ) مالكي ؟ أسماء: ( جامدة ) مماليش .. ..طريق كلها صداع دراري فرعو لهم راسهم و الغريب فالامر اسماء لي تتخاصم عليهم ساكتة ! ممسوقاش ...وصلو الدار تعشاو وجلسو مجموعين تا كلها دخل بيتو وهيا مزالة على نفس الحال نبيل : ( متبث فيها شوفة ) معامن دابزتي ؟ اسماء : ( حاطة يديها على حنكها ) تواحد ! نبيل : اوا قالبة وجهك ؟ كالك شي واحد شي هضرة ؟ عصبوك دراري ؟ ..على كلمة عصبوك دراري نزلت دموعها تتبكي و تشد فراسها فالبلاصة تتزنك و عرق فجبهتها تيزراق ..تاخلعاتو مقرب ليها محيد لها يديها تيسولها نبيل : نطقي مال دلمممك ؟ هاد شي لي معصبك ؟ اسماء : ( تتنخصص ) صافي طلق مني نبيل : ( عنقها بقوة جنب ) مااطالقش ! مابغتيش تكولي اش ضارك ؟ واش تنخليك نهار كلو برا راش تجي مريضة هاكة و مفقوصة ؟ شنو ربحي من هادشي اسماء : ( بدموع ) انا وااااقيلاااا حااااملة _ حبس عن حركة وهز صبعو تيحك حاجبو و شاد واحد ضحكة عجيبة .. نبيل : ياك عاد ؟ اسماء : ( وقفت قدامو تتجذب ) اااه غير بشهر حبست كينة انا حاملة ! كاعد عليا حبسي كينة راها ضرك ؟ راها تعكرك ؟ راها تشد ليك ؟ اوا دبا شنو ندير ؟ نبيل : ( هزها معنقها تيدور بيها ) احححح على اخبار ياربي ..ناري صدمتني اسماء : ( تتويل و تبكي ) ماتكونش مصدوم قدي ...انننن نبيل : شكون بحالك تولدي ولادك نتي صغيرة تجمعي طوي اسماء : ( تسخف بالبكا ) او توام ؟ راه عقلي خرج!نزيد كرش ؟ أنا لي هبيلة دايرة عقلي فيك نبيل : ( مرتاح فرحان ) اوا فيك نوبة كلهم والدين جوج راه صاحبتك زاينة زادت وليد اسماء : انا اصلا عندي جووووج نبيل: تتسمى الولدة وحدة امو عوينات اسماء: تبقاش تكولي مو زبل ! غدا نمشي طبيبة نبيل: ( جرها معنقها ) نمشيو 🔚🔚🔚 هكدا بدات مع حملها و فالقاعة الولادة الان تنتهي ...مرت ساعة مع خديجة و ليالي ومغيث لي لحقو عليه اما زاينة ولدها صغير دازت عند الوازنة مع اولادهم تنتظر الاخبار ..تاخرجت طبيبة مبتسمة قاصدة نبيل د : مبروك عليك العزبة نبيل : ( بفرحة ) الله يبارك فيك! او مراتي؟ د : حمد الله امور على ما يرام .. _ باركو ليه الكل وجلسو تينتظروها طلع شومبرة لان الولدة عادية .. مغيث: منين اولدتي البنت عاد تحس بالراحة و الكبدة بصح نبيل: قبل ماتزاد ونا ربي لي عالم بيا .. مغيث : آش تسمي ؟ نبيل : ماماها لي مختارة سمية ! ( بحب و حنان نطق اسمها بين شفايفو ) #نعمة يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02