...قدر الله ماشاء فعل ! بمجرد اتصل بيهم نوصير ! الكل احضر ، الكل تينتظر خروجها بخير ! نوصير غادي جاي فداك الممر و شانيفو كلاهم باعصاب ..شي فالخارج مع دراري صغار مالقاو كي يديرو لهم و شي داخل! زياد مسكين تيلعب و يجري ماعالمش بلي جاري ...ساعة بالكامل خرجت طبيبة مرتاحة فوجها نوصير : ( مربع يديه تينتظرها ) تعلطتو ادكتورة ؟ زايمة بخير ؟ ط : للحمد الله ! لا مضاعفات لا والو ، الله يعوضكم خير و يشافيها ، لي نصحك بيه هو متابعة عند للغدد #اولدي الا تتعز زوجتك تبع لها بالمراقبة و تنقص من الاعصاب نوصير : ( حط وجهو على حنكو ) شكرا بزاااف ..رجع اخبرهم خديجة و ليالي و اسماء و الوازنة ونجمة ، تاسفو ليها لكن دعائهم ليها ان تبقى بالف خير ..بعد ساعات طلعوها عندهم ، فرحت بداخلها بيهم و تونسات بيهم ، شخصية مثل زاينة من داخلها قوية ليس فقط بعصبيتها لي كانت تتظهرها انها انسانة عدوانية ، فالناس لي مراض باعصاب ماتيتحكموش بالفاظهم ولا ردة فعلهم ، هادشي تيتجلى فاش كانت تتشاد مع نوصير او تتخاصم على اسماء فاش تاعصبها برودها ..دوز عندها ليلة كلها تا جا وقت الخروج ....#مرت اسبوع ! اسبوع على خروجها من مستشفى رجعت دارها مع ولدها مع اختها وامها لي جات الغد ليه ، قابلوها و هزو معاها ولدها ، عائلة نوصير داومو الزيارة و خديجة دفعت لها الوراق للحضانة تدلي بغيابها ..الى ان وقفت على رجليها و نفس الوقت كانت بدات العلاج بدواء .. زاينة : ( غطاتو ناعس ) نعس امامي نعس الام : (داخلة لابسة جلابتها مودعاها ) اوا أيلي الله يشافي و يخلف ليك ! زاينة : يّْما كن غير زدتي جلستي معايا الام : هدا الحد ايلي ! تهلاي فراسك و اولدك و راجلك راه ولد الناس ! مهلي فيك و يخدم نهار كلو و يجي يسول فيك و انا يدور يدور و يكولي خالتي اش خاصكم ! آيْلِي راه الرزق الا بغاك يجيك تالدارك و يفيض كي الخميرة ! ماتعصبيش زاينة : ( نزلت راسها تتسمع ليها ) داكشي لي كاين آيما ! ( مدت لها فلوس ) هاكي امي و سمحيلي الام : ( برفض ) انا الا كان عندي خاصني نعطيك ! مانشدش ، زايدة معذبة ولد الناس زاينة : ( ببقوة تتعطيهم لها ) هادو ديالولي آيما شدي غير للمركوب ! راك كبرتينا و قريتينا و زوجتينا مابقى لك فين تعطينا حنا نعطيوك و نزيدو نطلبو المسامحة( قبلت راسها ) دعي معايا آيما ربي يسهل ...غادة موصلاها و تتدعي معاها ! نزلا معاها تا الباب تحت كانت نجمة و راجلها فانتظارها ، ودعاتهم و بسلامة و سدات بابها طالعة تتنهد ...الهدوووء و السكييينة ، مؤخرا رجعت خاصها غير هدؤ و الراحة ! ماعرفت واش من تأثير الدوا او راس تهرس والمرضة فيقاتها من العصبية لكانت تتملكها تتبغى تريب الدار و الباب دار ، سمعت تلفون تيرن وجاوبات نوصير: الزين ! امك مشات ؟ زاينة : مشات مسكينة والله ماسخيت بيها نوصير : مابغاتش تجلس؟ زاينة : اوهو ! دازت نجمة وراجلها مشات معاهم ! نوصير : الا مامرتاحاش ؟ غدا نوصلك تا عندها وجلسي شحال مابغيتي زاينة : اوا لاكريش زياد و خدمتي ؟ وانت ؟ نوصير: هو انا انتوحشك ولكن راحتك تاني! و كلامي على خدمة راه قلتو ليك خلي زياد عندهم و نتي ارتاحي زاينة: انا بخير انوصير ! جرح القلب ربي كفيل بيه ، لكن خدمة خدمة ! محتاجة نتعلم و نتلف الوقت نوصير : ( بتريث ) واخة لالة ديري لي بغيتي ! انا مانهضرش تنشوف دكتورة اش تكول ! يلاه نخليك و الغدا وجي لي قدرتي عليه الا ماقدرتيش صيفطي ليا مساج نشريه زاينة : راه يما عجنات و طيبات الغدا عاد مشات ! نوصير : الله يكثر خيرها ! واحد زياد ؟ ناعس ؟ زاينة : ااه ! فاق بكري و رجع نعس! تانا رجع نتكى نوصير : يلاه نخليك ! اي حاجة تصلي بيا #اوقات و الايام و العقبات تتمر بينا تنكرهو علاقاتنا و تتبقى تبان لنا فقط طريق مسدودة ! او بما يسمة القرار الاسود هو غالبا تيكون فراق ! لان بفكرنا تنظنو الفراق ايخفف الاامنا او يحد من حجم المشاكل ، لكن القرار الاسود هو فقط انذار للطرفين بان الامر ازداد عن حده ! زاينة ونوصير انذارات مرو بيهم لكن تداركو الامر و فطريقم حبهم تزاد ومانقصش لكن فحياتنا واقعية تنحتاجو شهامة رجل و قوة إمرأة وليس حب فقط _أيام القليلة اخرة مرت ! الحياة رجعت للنصابها ،اخر موضوع كان تطرح بين الخوت هو موضوع الكوميسارية ، مدام البنات تنازلو و جهة اخرى تنازلت الملف تغلق ، لكن نبيل ماكانش من العاكزين مشى نقاهم اخ ريحانة و عطاه الدرس و تعصب ، و الوجه لي ماعمرو شافو اخ ريحانة من نبيل شافو .. مواضيع تتمر من حياتنا و فاخر ختمها تتمر مرور الكرام كان شيئا لم يكن ......من وسط المدينة واقة بكرشها لابسة كسيوة و طالقة داك شعر لي رجع تيضرب لها حتى خصر دايرا نضاضرها و تتشوف اماماها فخديجة تتعزل و تتكلم مع مول المحل خديجة : اوا هدا عليا ماعرفناش شنو عندها ! بائع : مهم ختاري لي حب الخاطرك نتي كليانة ، راه لقيتي عندنا لي كمند واجدين ! ختاري وصافي خديجة : مهم هادشي راه جانا على غفلة ! ( قربت عند ليالي ) شنو ناخد الغوز ولا بلو ؟ ليالي : ( حيدات نظارظها ) بون ! بوغ موا راه باين غوز ! او لااسماء ناخدو الابيض خديجة : ( طوات عنقها ) بففف ! صافي ناخد الابيض ! كمندتي الحلوى ؟ ليالي : سي ! الصباح انا مغيث ، كمندينا جوج خديجة : اوا صافي ! ( شافت بائع ) صافي جمع ليا السلعة الله يخليك ! و دير ليا لاسيط ( طباسل ) وكيسان ديالي سبيدر مان ثلاثة واحد الزا عفاك بائع : مرحبا (نزل راسو تيضرب فماكينة حساب ) هامجموع ! خديجة : ( جبدات بزطام تتحسب ) باسم الله ب : الله يخلف و الله يجعل كولشس مبارك مسعود و الله يفك وحايل خديجة : آمممين ! ..هزو تقضية وجايين لباركينك ، تيتحدثو ، عن تترتيب حفا بما يسمى سبع شهور او بيبي شاور ..حطو كلشي فالكوفر و طلعو مقلعين خديجة : دبا نتي واسماء كيف كيف غالحمل ؟ ليالي : ( تتماسي كرشها ) نوو ! انا دبا داخلة سابع و اسماء سابقاني بعشرين اليوم ، على حسب وراق طبيبة و الحساب لي فيها خديجة : ( تتلوي فراسها ) كرشات مسكينة وتقلت ! هيا يلاه فالسابع ليالي : ماتنسايش لاج تاني ! راها صغيرة تسعاطش العام خديجة : صغر منها راه والدين ! اسماء صحتها قليلة ، الله يفكها على الخير ، ( وقفت فسطوب تتضحك كرش ليالي ) ونتي اطاطا مرتاحة ؟ ليالي : هههههه مرتاحة ! للدرجة عاطياها انا للنعاس معاها خديجة : نو نعاس تيغلض و يدير لك مشكل فالولادة ! ياك دخلتي سبور ؟ ليالي : اوبليجي ! مغيث ما يعتقنيش فهادشي ! ونتي ماتنوضيش تزيدي شي بيبي ؟ خديجة : ( بابتسامة ) براكة عليا الحبيبة ! وليد و بنية الحمد الله ليالي : مي راك عارفة رؤيا عندها ماماها ! زيدي شي بنوتة خديجة : رؤيا ولو يكون عندها جوج موات بلا بيا ؟ تتبقى ابنتي ، اما مها فينا هيا ؟ للاسف تلهات مع حياتها وفوق ما نسول فاروق يقولي ، الغايب حجتو معاه ، دخول المدرسي راه شريت لها كلشي درتو فبابي كاضو و قلت ليها ماماك رسلاتو ليك و فرحت ليالي : ماعمرك تكلمتي معاها ؟ خديجة : ابدا ! هاديك لي دوزاتو ليا جامي نساه ! ليالي : اوا الله يقدرك و تربيهم خديجة : هدا ماكان ! ( وقفت بسيارتها امام دار نبيل ) يلاه ابب وصلناا ...دخلو متقلين بالتقضية ! و دراري صوتهم سابقهم ، تسالمو بيناتهم وجلسو تيتحدثو على حفل الغدا ، الدار كانت عامرة من الوازنة و زاينة و اسماء و فطوش ....متحمسين للحفل الغدا ، متشوقين للفرجة و المتعة ، اختارو شنو يلبسو و حجزو الحناية .. اسماء : ( جالسة جنب تقل مرضها ) خديجة فين دوك سينتا لي فيها خميسة ؟ خديجة : ( جبدات ساشي ) ها ديالك فالاخضر بحال قفطانك و ليالي فالغوز اسماء : بغيتها بيضة ! خديجة : نعطيك ديال رؤيا ؟ زاينة : لبسي خضرا تجيك اسوغتي مع القفطان ؟ اسماء : نتي شمن قفطان اتلبسي ؟ زاينة : لبس عباية تيحمقوني و نضربها بواحد حنة الالة و نبرز حداك اسماء : ( متبعها و تتعبر هضرتها ) نعطيك انا حتى تولدي بلاصتي ماشي غير تبرزي ....طلقوها بضحكة كاملين ! و فطوش غير تافقص ، خصوصا اسبوع باش وصلت و لقات البنت طار لها داك شوية العقل لي عندها تاقيل تخاصم و تغوت حتى تتشوف نبيل عقد 111عاد تتسكت ...الدار الكبيرة تتكون كبيرة تتسمى على جذور اولين ، وفين ما كانت الوازنة راه اولادها دايرين بيها، تجمعو العشا من غير مغيث و فاروق ، من بعد البنات مشاو و زاينة جلست باتت معاهم ،خارجة من الكوزينة وفطوش داخلة فطوش : ( حطت يديها على فمها ) زدتتتي فيه ابنت كرشي ، احااااي تخلي الضياف يغسلو الماعن اسماء : ( وقفت تتشوف فيها ) آمي ! هادوك ماشي الضياف ؟ راها بحال دارهم فطوش : ( تتهز يدها مزيرة كأنها تتطلب من اسماء تنوض ) نكون حارة ! و نفيق بكري و نتي النعاس رجع دايك ، و شغلي نقضيه بوحدي و نزيد نخدم راجلي و عكوزتي والا جاو ضياف مايحطوش يدهم فالما اسماء : تواحد ماتشكى مني ! راني عيييت آمي فطوش : لالا ضسرتي و تحليتي ! خليتي حتى الراجل بنى لك فيلا و نضتي ترخيتي ؟ اوا يوااا اسماء : ( بدموع )آمي بغيت نعرف ؟ واش معمرينك عليا ؟ وعكوووووزتي عمرني سمعت منها هاد الكلام فطوش : العكوزة تاتبقى عكوزة ! انا لي مك نفيقك ، تبقاي بخنزك حتى يدخل عليك الضرة اسماء : ( طلعا نفس حارة ) خليييييه بصحتووو ! ونتي حني يديك فاش يجيب عليا الضرة فطوش : ( نفس حركتها معتادة تتحط يديها على فمها ) اويلي حاي ؟ جوج كلمات تبكي ؟ اسماء : اااه تنبكي ! راني حمقة ترمي حوايجي مافخباركش ؟ و مافخباركش نص حماق ركبني منك ؟ طال نهار نتي تغوتي و تسدي عليا ! فطوش : ( حيدت فواطة ) سيري تنعسي راك هبلتي ! غدا فيقي تا العشرة ....رجعت بيتها تتبكي ! تتبكي بحرارة ، وقت اخرى ماكنتش تسوق لكلام فطوش ! لكت معذورة نفسيتها زفت ..خرج تيمسح وجهو و لاحظها بديك الحالة و توقع جوج حوايج يا الحالة جاتها من ذاتها راسها يا مع امها نبيل: مال اسماء مالها ؟ اسماء : ( تتشوف قدامها ) حل داك بالكون نبيل: البرد اوا ! كولي مالك تتبكي اسماء : ( دورات وجها جهة اخرى ) مماليش ! غدا تخدم ؟ نبيل : ( جلس حداها ) اوا نتما دايرين حفلة نجلس نقنطكم و للهما نخرج اسماء : وفين تمشي ؟ نبيل : ( قرب لوجها حط شفايفو على جبهتها باسها تيراقب سخانة ) نمشي نتقهوى مع مغيث وصافي اسماء : ( تكت عليه براسها ) فين تلفوني تصلح ؟ نبيل : ( نزل طل عليها ) شريت ليك واحد جديد ! واش لي طاح فالما يخدم اسماء : ( بابتسامة ) واراه ليا ! نبيل : ( عض على شفايفو مزير هز يديه حك وراء راسو فشعرو ) وكولي ليا بعدا ؟ ماتوحشتنيش ؟ ماشي عيقتي عليا ؟ قربت نسى على نعسة معاك اسماء : ( وجع شدها من كلامو ) وراه انا حاملة و متقلة ووو نبيل : شفتي هانتي تبداي ! خليني متقي فيك الله و عطيني رزقي اسماء : اضرني ! نبيل : ( تيسوووط بقوة ) مانضركش ( جرها عندو تيقبلهاا و يعنقها ) اسماء : وريني تلفون ! نبيل : حمقة و حاضية حوايجها ؟ ...ناض جبدو من بلاكار ، كان سامسونكS9 ..فلون ذهبي مع الاكسسوار ديالو ، مدو لها و ضحكة نشقت وجها و عيونها خرجو منها القلوبة ، حمقها و عجبهاا ، نبيل : نستاهل شي تعنيقة ؟ اسماء : ( تاتشوف فتلفون و هزت صبعها بجوج ) تستاهل جوووج ....من هنا و من لهيه ، حاول يجرها عندو ، قبلات مذاعبات ، المعاشرة مع زوجة حامل تتكون لها شهوة خاصة ، يلاه بغى يقول باسم الله هيا تبقى تعصر ،محناتو و مرضاتو ، ما حيرتو يسايسها ولا لكرشها لي كل مرة تقلب جهة هو تابعها نبيل : ( تينهج ) واش بغيتي ربطك ؟ اسماء : انننن نبيل : غادي تهبليني ! ( جرها بقوة لحضنو ) تقلبي عطيني ظهرك اسماء : ( قسمم باش فهمت بوزيزيون ) شووف نبيل : (قربها عندو هز لها رجليها تيخدم شغلو ) شنو نشوف ؟ ...ماجاوباتوش ، قاصح وصلها و تتحاول تصبر ليه ، هو من جهتو راه محاول لكن من شوقها تيفقد سيطرة مرة مرة ... و علاش الا !؟ جابتها الوقت ، مرة مرة تحس براسك عندك واحد حيز من حرية ، مرت عليه ايام لا يعلم بيها الا الله ، بعض الصداقة ولو تمر عليها سنين لا تتغير بل تبقى مثل الذهب الحر ، ولو تتنقص اللقاءات لي فالقلب تيبقى فالقلب ..تلاقاو الثلاثي كلها الآن مسؤول عن زوجة و ابناء ، جالسين فالقهوة متبعين ماتش نا تيدخل اخو خليفة خليفة : ( تيتفوه ) اش باغي ؟ اخ : كالت لك مراتك خاصها كينة خليفة : ( شدو من قرفادتو مخرجو ) سير تحرك الدار ! كولها مابقاش جاي اخ : وصافي طلق ! خليفة : يلاه رول ! مالقاكش فزنقة ... ..برهوش ديما سخرتو ناقصة ، مشوهو شحال من مرة يكوليه وسط دراري : مراتك اخليفة بغات الويز نوصير : افين القاصير ! فين نجرو خليفة : ( تيكسل ) زيد نمشيو للسهرة لكم ابراهيم : دوز تجلس القاصر دوز ! بقات لنا غير السهرة خليفة: مالك دخلك الهم ؟ ابراهيم : ( مفقوص) ديها فكرك الخرا نوصير : مالك اصاحبي ؟ طلقها تسرح ابراهيم : ( وقف تيتنهد ) آودي خليها عالله ، تا الخدمة تتعكس خليفة : كلنا ليك راه ولد العربي باغي شكون يدخل ليه المحل ابراهيم : ( تيشر لخليفة براسو ويهضر مع نوصير ) هدا فكرني بداك لي لمصمك لي حركوه فالفلوكة وضربو بيه دويرة فالبحر و حطوه فالمحمدية وكالو ليه هاد سبليون خليفة : ( دافع جبهة ) مالك المحمدية اسبليون ! دبا انت ماخلتينا تا نهضرو نوصير : ( تيحك راسو شيب ايخرج ليه ) اوا هضر ادادا الفهيم خليفة : دبا ولد العربي خرجات ليه كونطرا ! هو عندو محل حدا فالبوك شاريع مابفاش يبيع لا الملك لا يدخل كاري ، قالك اجي نديرو العقد استغلال حنا نحركوه و الربح فالنص ابراهيم : اش تصنع فيه ؟ خليفة: معقيدات خليفة و ابراهيم نوصير : اوا القص هو لي خدام ابراهيم: اوا هاد العقد ؟ الا عمر فيه شي مليار نوصير : وايلي نتما واكلين تبن ؟ راه كلشي تيتمضى قدامكم خليفة : كوليه و زيد قريه ! خدمة مع بريفي راه يسوسوك ! يسوسوك ابراهيم : ( حك راسو ) نشووفوووو ! ونشاور الواليد خليفة:اخرج من روندتك اصاط باغي تشاور اميمة ابراهيم : الذيب ماتيعاود غير لي جرا ليه ! نوصير : هنونا نتما كي حلاقم ( تيسوط ) لش شاف شهر عشرة داخل وصهك اصاحبي خليفة : نوضو نضربوها بشي عومة ...واحد شاف فلاخر ! كلها حركها فراسو ! تحركو للطموبيل بعد ما كلها جاب فوطة وحوايج ، شدو طريق غادين بحر ...ضحك نشاط راجع ...وصلو و لبسو شورطات نازلين للبحر غير قاسوه هو خليفة ينقز خليفة : وااا الخاااااايل ابراهيم : ( رشو تيجري ) المكااااحل ... خليفة : يعلن زامل بوووك للعب براهش ..نوصير : ( داخل بشوية تحنى تيتبرد ) والله الا خاصها غير تبحيرة فهاد ليل ... ..يلاه كمل هضرتو بداو يرشوه ، جررري عليا نجري عليك !! دخلة البحر تا ولفو الما و احد يعوم لاخر زاقف لاخر تابع مواج خليفة: ( تيتهز مع موجة ) بربي ماتيعوم بحالي احد ابراهيم : ( تيضحك وغمر نوصير ) ويلي انت ميطخ ناجوغ كازا كلها نوصير : ( قرب حداه تيضحك ) هههههه القاصر هاموجة جاية ....خليفة دورة لي بغى يدور ، شدوه نوصير نزل تحت حيد شروط و ابراهيم مكتفو جلسو يلعبة بيه فولي ...هاك نوصير ...شد ابراااهيم و خليفة صاعر خليفة : دررااري شووورطي نوصير : كولونيل هههههه كلون هدا خليفة : دبا الا حوت كلا ليا زبي ؟ ابراهيم : داكشي لي بغات وقت .. ..مرضوه فقصوووه ..خرجو بشورط ديالو ، دارو تيشوفو فيه تيضحكو خليفة : ماااشي رجووولة هادي ! بربي تنخرج عليكم زبط ، صحبة طالوني نوصير : ( تيمشط شعرو ) زيد هاك شورط اصاحبي ابراهيم : صدقتي عوام !؟ زيد خرج برا خليفة : خلاها جَدي : سيرو الله يحوركم اولاد القيييحبة ..الساعات ضحك لي دازت ماتتعاود ، خرجو ستريس و نشطو وضحكو ، لبسو حوايجهم زادو شربو الحريرة ، وطرائفهم تتزيد ، خليفة ماكاينش لي جايبها ليه قد افمو... يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02