....تيقولو الله ينجيك من جايات ! زاينة تشدات فالكلينيك ونفس للوقت بدات رحلة تحاليل و سكانيرات منها شعاعية ، خديجة جلست معاها و فالخاريج نوصير مع مغيث فالاستقبال اخبر نبيل بالمستجدات !! نبيل ...نبيل لي اسماء دخلت حمام فدار خديجة و براء رؤيا بغاو امهم و زياد لي كل مرة يقول ماما و يتجبد و يتنتر باغي يخرج .. نبيل: ( معنقو تيسكتو) وصاافي اعمو ! هاماما جاية زياد : ( يعض يدو من داخل مجنن و يبكي ) مممماممممه نبيل : ( دخلو كوزينة غيل ليه يدو وجهو ) نشري لعمو كاطو ؟ ( يرفض ) نخرجو ؟ زياد : باااباا عن عان نبيل : نخرجو طموبيل ؟ ( شاف براء ورؤيا لي جالسين ) عمو تخرجو ؟ رؤيا: وفينها ماما ؟ نبيل : دبا تجي اعمو ! يلاه لبسو صنادلكم ...جابت سبرديلة خوها لبساتها و هيا لبست صندلة و نبيل هاز زياد و قرب حمام تيدق نبيل: اسماااء ! اخرررجي الله يرضي عليييك ماتزدنيش اسماء : ( جالسة على ساش تتبكي ) تاتجي زاينة ! نبيل : ( جهدو كمل ) هاهيا جاية ! خرجي غير من حمام ، انا نخرج دراري راه زياد مابغاش يسكت اسماء : وتخليوني بوحدي ؟ نبيل : ( تيبرك على راسو من اي ردة فعل لا يبكي زياد ) ماغاديش تخرجي ؟ اسماء : انا و الله مادرت شي حاجة ! نبيل : انا لي درت ! انااااا ، صافي ؟ يلاه _خرجي اسماء : انبقى هنا ! بعد مني ....مازادش معاها ، زياد تيبكي اولاد فاروق مخلوعين ، قلب بعينيه على سوارت الدار ؛ هزهم وجرب فالباب تاكد منهم و خرجو وعينيه معاهم ، نزلو فالسانسور و خرجو الباب زياد ضرب فيه الغربي وتنهد ،ركبهم فطومبيل للور و طلع بلاصتو تيصوك ، فطريق تفكر الوازنة و تصل بيها طمن عليها و اخبرها ان زاينة فطبيب و شرح لها موضوع و بقات تدعي معاها و رجع مكمل طريقو ماعرف فين يرد الرأس، تيتفكر موضوع كوميسارية شعر راسو تيوقف جات مع هاد الطيحة ولكن عندو معاه كلام اخر ، دور دراري و وشرا لهم للعب و حلويات و كل مرة يتصل باسماء لاجواب...مجرد تهدن زياد وشد فيه نعاس رجعو الدار ..طلع هازو و براء فيد رؤيا دخلو الدار ، حطو فناموسية و رؤيا تكمشت مع خوه تاهياا و رجع حمام تيدق نبيل : اسماااء ! اسماااااء اسماء : ( فيقها من نعاس ) امممم نبيل : حلي الباب ولا خرجي ! واش نعستي ؟ اسماء : ( بدموع ) عييت هنا ضرورني رجلي نبيل : ( بهمس و بين سنانو ) يااا اتخرجي يانهرس دلمو هاد الباب و ندخل نكمل بييييك اسماء : ( وقفت تتسند حيط تا فتحت الباب و خرجت ) بعد مني لي فيا كافيني نبيل : ( جا في يشدها من ذراعها يعاونها هيا تخاف ) خايفة من الضرب ؟ راك مضوربة فعقلك خلوق اسماء : ( جلست فصالون ) ربي خالقني هكا ! انت جات فيك المراة تتخطب وساكت ؟ نبيل : هادي هضرة خاوية ! ماشي سكت ؟ راني غير مراعي ليك وديك لي ماتسمى فدقيقتها جريت عليها ما تصلاحش ليك اسماء : ( بقهرة ) فوووجهي قالت ليا عطيني راجلك ؟ على قلة رجال شافت غير راجلي ؟ شنو صرفت فيها من عيب نبيل : سولي راسك لي تتقيلي معاها فالدار ! اسماء : ( بغات تسطى بالبكا ) مااعنديييش زهر ! ماعندي زهر فحتى حاجة ، شمتتاتني و مرضاتني فصحتي نبيل : الزهر فالله ! ماحدي معاك ماتحتاجي والو ! كان عليك فاش شديتي مساجات ؟ تجي عندي تسوليني اسماء : علاااش انت ماتقوليش فالاول نبيل : ( هز يديه فوجها ) على ود هاد الحالة ! واش اتقتلي فراسك على ود حاجة ماتستاهلش اسماء : عنندددك نت ما تستاهلش ! انا راه كرههت راااسي و ندمت غلطة عمري لي خاني عقلي و عاودت لي مايتعاود لي غدارة بحالها نبيل : براكة من البكا ! اسمعيني الله يرضي عليك راني واقف بزز و شاد راسي عليك بزز اسماء : ( وقفت معصبة ) آسيدي عطييني شبر اتساااع ! لي ماعندو زهر يتعزى فحياتو ! خبعتي عليا و كذبتي عليا و ضحكتو عليا و بسبابكم مشيت بوليس ! انا غير دريويشة و ماقادة على ضرة ولا صاحبة ! انهز حوايجي نمشي دار ابا ! حاسديني على اعصاب و الضرب و الغبينة نبيل : آشنو ؟ اسماء : انا غادي نمشي بحالي ! نتما خنتوني ...خنتوني ! وحيدوها لها من فمها !! واقفة امامو تتبكي و تتشكي ، الفكرة الوخم تتغيب عليه ، تتبان ليه يجمع معاها ولكن موضوع علاش تتبكي مقدر موقفها منو !! كان واعد نفسو انه عمرو يحط عليها يديه ، لي مربى راسو ماتربيه العصى و خصوصا نوع اسماء راسها قاصح ..خلاها تتضارب مع الباب و ترجع عندو تنكر تنكر و ترجع الباب تاعيات دخلت كوزينة وغير سمعها سقرا تبعها نبيل : فيك جوع ؟ اسماء : بغيت زبدة ! نبيل : شوفي الا ماكيناش نخرج نجيبها ..خنزرات فيه و قلبت قالثلاجة تا لقاتها و جبدت خبز وراك ذهين الزبدة ..تدهن و تعاود و تكولش شي مادهنت نبيل : راه بزاف ! اسماء : انا تناكل الزبدة ماشي الخبز نبيل : ( هز فيها راسو ) بردتي شوية ؟ نهضرو ! اسماء : ( بدموع ) علاش خبعتي عليا ! نبيل : نتي علاش درتي راسك فراس زاينة مشيتو عندها و جبدتو مشكل ؟ ها زاينة طاحت بالاعصاب ؟ اسماء : ( تاتفكر زاينة تتبكي كثر و كثر ) بقات فيها مسكينة ! قلتي ليا اتجي هاهما تعطلو نبيل : ( تنهد ماعرف مايقولها ) عاودو شدوها ! تجي خديجة تقابل دراري و نمشيو اسماء : ( تتحط يديها على كرش تتحس بنادم طلع لها ) زياد ناخدوه معانا ! نبيل : مابقتيش تمشي داركم ؟ اسماء : ( تابيض فدوك عينين ) الله يخلصكم هدا مانقول انا غير مسكينة ما تنآدي احد نبيل : ( جر كرسي و شدها فيديها جابها عندو جلسها فوق رجليه ) تانا غير مسكين ! وربي جمعنا بجوج ، حيدي فكرة اني نشوف فالوحدة اخرى ولا نفكر نتزوج ، حامد الله بلي عندي اسماء : ( نزلت راسها باسف ) الله يخلصها نبيل : ( هز راسها من ذقنها و قبلها فمها ) آمين ! ها علاش تنوصيك و نخاصم قبل لا طيحي فشي الحفرة ؟ بنادم حجر وطوب ومن هادشي كلو ماعندك ماديري بيه لي مزيان ؟ مزيان راسو و لي خايب راه خايب للراسو .. اسماء تتمسح دموعها تفكر للحظة تااتجمع نبيل حوايجو و جلستها على سريرهم و شوفاتها ، و الكلام لي لاحت ليها فوجها ! قلبها تيتعصر ، هزت راسها تاتشوف فيه هو لمحها بنظرات حب و اعجاب ، دائما شوفتو ليها تيشوفها زوينة فجميع حالاتها هز يديه دوز على حنكها و قبلها قبل كتيرة وقربت عندو عنقاااتو و طبطب عليهاا اسماء : انا عارفة ماعندي عقل و الوحم كمل عليا نبيل : الا شفتي جوج متفاهمين عرف الصبر على واحد ! وحنا الصبر علينا بجوج ، لي بيناتنا أ اسماء ما يقدر عليه غير ربي لي خلقنا اسماء : ( تتشوف فيه) دوزنا بزاف نبيل : دوزنااا بزاااف و ديما مع بعضياتنا و نهار تتنفكر انك تخطايني تنبغي نصعر ، نساي عليك هاد الفيلم كلو وخودي العبرة منو إسماء : (بتقة ) اعممررر بنت المراة دخل داري ودخل فشغلي ، ربي لي كان عالم بيا نبيل : لي ضراتك اجي عندي ! ولو نضرك انا ؟ اجي بكي و شكي و نحلو مشكل ، ماعدنا علاين على بعضياتنا اسماء : ديا ارجعو الكوميسارية ؟ نبيل : ( حرك راسو بلا تيدوز يدو على كرشها ) الا ! داكشي يتكلفو بيه الرجال اسماء : ( سهات ) انا مسامحهها والله ! تعطيني غير اتساع نبيل : تنوض زاينة و نسمعو منها ! ( قبلها بقوة ) براكة من دموع راه تيحرقوني اسماء : ماغاديش يقتلوني ! غير خليني نخوي وتوحشت امي نبيل : نطلع انشاء الله نجيبها ! اسماء : الله يرحم ليك الوالدين نبيل : ( تتطيرو ) والدينا والديك اختي ....جاها جوع ! و جبدات طيب ليهم هو معاونها ، واقف بجنبها و ورائها و اماماها ، نبيل ديما كان معاها لكن دوزو شوووط كبير حتى وصلو لهاد درجة التفاهم ..هزت تتاكل خص نبيل : ( رشها بالما ) صافي سالينا ؟ اسماء : هاد الماعن ؟ نبيل : لاصافي ! هادشي لي بقا اسماء : اصلا هادوك ندوزهم بصبعي ! غير رجعت نعيا نبيل : ( تيمسح لها فمها ) انا فصالون راسي ضرني ! كملي واجي تكاي اسماء : بغيت نمشي راه خفت يرجع جدارمي خوك نبيل : مايهضرش معاك ! والا تاهضر معاك؟ راه مصلحتك اسماء : ( سمعت دقان ) شوف شكون ؟ نبيل : نقصي من خوف انا معاك و تخافي ؟ ..خرج فتح الباب تادخلت ليالي و امير معاها و تتبحث بعيونها تاخرجت عندها اسماء اسماء : عاد جيتي ؟ ليالي : ( بخوف ) اش واقع ؟ عاد فيقني مغيث بتلفون اسماء: ايه اختي نتي لي وتاك نعاس ... يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02