......صطافيط كولها داك بوليسي لي معاه تينهض !! _سكتووونا !! هنيييوناااا !! ..وصلو لكوميسارية الكبيرة ، لي ماشي اول مرة تحط فيها زاينة رجليها ، وعلاش الا ماطيحش فالنفس الكومسير !! اسماء ضرباتها للقوة دائماا الصدمة القوية ما تتسكتها وعاطياها البكا و الزوجة اولى فقط تتستغفر ! اما ريحانة و وزاينة وحدة تتحلف فالوحدة بنظرات ؛ دخلوهم جملة وقف البوليسي تيعاود الشكاية تااهز الكومسير عينيه فزاينة لان ذاكرة المخزن لا تخون كومسير : ( تيحك فحنكو ) فايت شرفتينا ياك ؟ زاينة : ( بصواب و آداب و عينين تيتهزو و يتحطو ) اوا سي كومسير قدر الله ماشاء فعل ! المرة لولى المظلووومة و هاد المرة انا مع مظلومة كومسير : ( حن حن خاطب ريحانة ) ريحانة عامر القاطنة بعنوان **** نتي لي قدمتي شكاية ؟ ريحانة : نعم ! هاد جوج اتجهجمو عليا فقاع داري ! و تهموني بشرفي و شوهوني قدام امة الله الاجمعين ك : ( شاف فبوليسي )قيد اولدي قيد ! لله فسبيلاه جاو عندك ؟ ريحانة : اتهموني اتهامات باطلة زاينة : ( تتغزز سنانها ) اسي كومسير نهضر ؟ ك : اتهضري اتهضري ! ( اشار اسماء ) جلسي اشريفة جلسي ..تشربي ؟ اسماء : ( تتبكي ) لا سيدي ...طلب منهم اسمائهم و طلع على حالتهم العائلية وعرف ترابطهم العائلي كومسير : ( ضرب بستيلو فبيرو ) هضري انسيبة لاجودان ؟ زاينة : ( بتباث ) هاد السيدة لي تتدعي اننا تهجمنا عليها ! كااذبة و تترمي الباطل على هاد المسكينة لي واحلة فروحها ، هادي اسيدي تتخدم عند عكوزتي مقابلاها و بانت فراجل هادي المسكينة ! منين ماصورت منو والو دازت للمراتو تترسل لها مساجات تتفقصها و تستفزها و فاخير عيطت لها قالت لها اجي تشوفي راجلك عندي ! اوا سي كومسير مشيت معاها نثبتو الخيانة ساعة خرجت لها بموس ودافعت على مرات لوسي ريحانة : ( بجنون ) كذوووب ! نتي لي جيتي تتهرس عليا الباب و نعتثني بخطافة الرجال و العاهرة زاينة : اوا راكي خطافة الرجال كومسير : ( ضرب فطبلة ) هيييي !! سالينا ، عندك شي دليل امدام ؟ زاينة : ( طيرت تلفون لاسماء من يديها ) ها مساجات دبا و مكالمة هضرت معانا فالفيكس اسيدي مالقينا كي نديرو نسجلوها كومسير : ( تيقرا ) جوج حوايج ؟ يا كلها تهز جلايلها و تفرقو عليا جقلة ! يا نقدمكم المحكمة ريحانة : انا رافضة تنازل ! بغيت حقي زاينة : تاحنا سيدي بغينا حق مرت لوسي ! لي مصدومة وحاملة شادها وجع و بغات طير لها راجل من قعر دارها و تترمي عليها السحور بغات تحمقها و تهبلها الزوجة اولي : الله يجازيك بالخير اسي كومسير الا ماغلق المحضر ، زلة شيطان و االعياذ بالله كومسير : ( شاف ريحانة) اش قلتي ؟ ريحانة : ( تاتفرك يديها ) اووو زاينة : ولكن اسي كومسير انا حتى نطمن على صحة مرت لوسي الا وقع فيها شي حاجة تنحمل المسؤولية ليهاا ، لان مساجات بوحدهم جنحة بغات تقتلها بالفقصة ( نغزت اسماء ) اسماء : ( بذات تبكي ) الله ياخد فيها الحق ك : ( حط يدو على فمو تيشوف و خاطب بوليسي ) خرجهم برا وفارقهم زاينة : اسي كومسير مرات لوسي خاصها طبيب ! كومسير: ( هز تلفون ) خرجوو عليا براا ! ...حول الاتصال لاجودان و نفس الوقت هما خارجين اخ ريحانة داخل لي واضح ان الاخبار وصلاتو ، الضو مقطوع من وجهو ! بوليسي رفض يخليه يتحدث معاهم و خرجهم مفارقهم و ممنوع تلفون يتجبد .. ك : اسي فاروق ! راك فلابريكاد ؟ فاروق : اش فبلان ؟ انا فقهوة ك : واادوز دوز راه نسابك هنا عندي فاروق : ( عقد غوباشة) شمن انساب اصاحبي ؟ مكركر بيرات بنهار ؟ ك : ( تيضحك و تيقرا اسمائهم ) اسماء لمنوني و زاينة ... فاروق : ( هبط على قهوة واقف خارج خلا دراري تيشوفو اي معاه ) اقطع اقطع ! اقطع كومسير و طلع و هبط فاخ ريحانة ! طلب منو لاكارط ناسيونال و قراها اخ : اسيدي اتصلو بيا مالين دار قالو ليا زوجتي و الاخت ديالي هنا ! ك : ( حرك راسو ) انتظر برا على مايوصل الولي الامر البنات اخرين و نشوفو هاد تجمع ديالكم ....شد طريق للكوميسارية و نفس الوقت تيتفكر ، مع عقلو كاليه ان الموضوع يمكن سرقة او تحرش او طاح لهم شي اوراق مهمة ، وصل هو تلفون تيتصل بيه كانت خديجة فاروق : وي خديجة ! خ : فاروق راني راجعة الدار مالقيتش لا اسماء ولا زاينة فللدار ! فاروق : كنتو دايرين رونديفو ؟ خ : راه زياد معايا و ناوين ندوزو العشية تما فاروق: ( طالع تيجري فدروج داخل ممر للمكتب) هكاك ! كول تحزمت فكوسة بالخيارة وقالت لها يلاه نقطعو طريق ! غير رجعي راني عندهم راهم فكوميسارية ....من بعيد شافتو اسماء ناضت تهرنن و تبكي و زاينة غير شافتو نزلت راسها و تتدور فدوك عينين اسماء : ( بدموع ) يعطيني غير موتة تديني ! مشى يغوت عليا زاينة : يمووت عدوووك ولي تيحفر ليك ! ( تتوريها يديها ) شفتيني تتنترعد ؟ اما تزمي عليا ولا نوض نكمل بيها فالكوميسارية اسماء : ( نسات حمل وتقل ) يعطيها السالمة ! غدراتني زاداها باغة دخلنا حبس زاينة: ( شافت فاروق دخل ) الحبس ؟ مالك قاتلة كينيدي ؟ نتتتتي لي تخرجي من هنا و تمشي عند طبيب تعمري عليها ضواسة و تغرقيها بالصح و معقول ( تتحك عنقها ) آويلي آويلي على شمتة اوووويلي اسماء : اليوم يجري عليا من الدار ! زاينة : من بعد ؟ يجري عليك هزي خالتي واجيو عندي ! عرفتي اختي ضبري راسك معاه انا و الله ماناذمة على هاد طلوع نزول اسماء : بنت حرام جابت لنا بوليس زاينة : باااش تعرفي آش كنتي تتدخلي دارك ( قربت لها تتهضر بتركيز ) سمعيييني مزياااان انا عاااارفة زهري مالح و و يدي سابقيني و لساني اعور و نوصير الا اعرف ماشي بعيد نرجعو ايامنا الضرب و تجنديخ ولكن نتي راكي اختي و لي قاسك نجبدو لمو بلابز عينيه وانا هدا ماعطاني الله حاارة و نفسي تتاكلني ! اسماء : ( تتدمع ) علاش تتقولي ليا هادشي ! زعما انا مطفراه ؟ زاينة : تنقولك هادشي ؟ باش تبثي معايا فهضرة وحدة ! داكشي لي قلتو لكومسير نتي تعاوديه فاروق و نبيل وانا نوصير ! تقوووولي هياااااا رسلت لنا مساجات و تصلت بينا تتقول ليك راجلك عندي اجي شوفيه اسماء : ( تتشوف فارض ) نتي قلتي الفيكس ! حنا عدنا شي فيكس ؟ زاينة : ( تتضحك بفقصة ) عدنا تلفونك عيطت ليك فيه ! وتقولي ليه لقينا سحور اسماء : انا عمرني شفتو زاينة : تشوفي لي ماتعتقك !! ( تتضرب فخادها ) معذذر اختي يخوروك ! فين اسماء لي تنعرف ؟ مالك تحليتي ؟ اسماء : ( شدات راسها ) صافي داكشي لي وصيتني نقولو زاينة : ( ربعت يديها تتنفس ) اوا هكاك اسماء : اوا و نبيل !؟ زاينة : اهل مكة ادرى بشعابها اسماء : فهمت تا داريجة بقى ليا غير فصحى زاينة : ياك اختي ؟ نهار صحيبتك كانت تتهضر بيها تتفهميها ؟ اسماء : ( سرطاتها و سكتت ) واش يشدونا هنا ؟ زاينة : لاوعلم ! صبري تايخرج فاروق .. ..على ذكر فاروق ! منين دخل هو جالس تيقرا فالمحضر تا كمل و هز راسو فكومسير تيسولو فاروق : هادشي غير دبا ؟ ك : وايه اصاحبي ! هزوهم من قدام الدار راه اخوها برا واقف فاروق : ( لاحظ قضية مساج و مكالمة ) دخلو نشوفو هاد المنامة باش تسالي ..كومسير ادخل الاخ و اجلس امام فاروق ! ك : اش قلتو فالمحضر ؟ اخ: انا السيد كومسير ! جوج مرات فحياتي دخلت الكوميسارية نهار درت لاكارط و الباسبور ! ماقاد على صداعات ، مشكل محلول من اصلو و سوق العيالات راه معروف وانا تنواعدكم يا اختي تنعاود لها التربية فاروق : ماختلافناش سوق العيالات اه ! ولكن السيدة لي كرشها لفمها كن وقعت لها شي حاجة ؟ اخ : ( خط يدو على صدرو ) انا نتكلف بتعويض و عندي الكلام مع سي نبيل القباج فاروق: ( حك وذنيه تيدور الهضرة فراسو ) محضر ماغاديش نسدوه اشريف تا نطمن على مرات اخويا و كما قلتي نبيل يتكلف ( وقف شاف كومسير ) ندييهم معايا ؟ ك : دخلهم يمضيو وديهم ! ( خاطب الاخ ) حتى انت دخلهم يمضيو و ديهم تا نشوفو مستجدات ...تم الامضاء ! الاخ خرجهم و كن لقى الارض اتشق و تبلعوو مارضاااش !! مارضااش !! اما فاروق سابقهم فاتح لهم طموبيل طلعو ركبو للور بجوج و ركب هو حاني راسو تيشوف فتلفون تيهضر فاروق: فين نبيل ؟ اسماء : ( قربت تبول ) مع خالتي و مغيث فطبيب فاروق : ماتيضرك والو ؟ اسماء : ( اتسخف ) والو فاروق : ( هز فالمرايا تيشوف فزاينة ) بردتي الفقصة ؟ زاينة : ( سرطت ريق ) ماااظلمتهاااش !! والله ماظلمتها فاروق: كن ماتت فيديك ؟ ولا فوتت فيك شي ضربة ؟ زاينة : الساعة الغضب ولكن راها بغات تسكت لها القلب اسماء : ( تتبكي ) فاروق : ايااه ! منين ماسكتش ليها القلب اسكتوه نتما ليها( ريحانة ) و لرجالكم !! ( دار نظاظرو ) نحطكم عند خديجة و بيميني شي وحدة فيكم يكولها عقلها ندير ها ؟ولاا ها ؟ نبيتكم فلابريكاد بيدي اما الكوميسارية كي والو ، القفة راه قلبناها على هاد خيتنا ... زاينة : ( برطوبية ) خويا فاروق راه رمات عليها سحور و عرضت زواج على نبيل و تتقولها فوجها ربي عطاك قسمي معايا فاروق : ( بحدة ) زااينة نقصي فيخرات انا ماشي هو كومسير زاينة : ( ضربت اسماء فرجلها ) والله القسم ماكذبت اسماء : ( تتبكي بخوف) ... فاروق : ( باستغراب ) الزواااج كاع ؟ شاااروخان ماناقصو تا الخير ....تتوصل الوقت تيحركووو جوع !! منين تينزل راسو فتمارة هو البيع و الشرا و حسب هادي و خلص هادي ، وقف بالسيارتو امام الفيلا نزل بخطواتو تيطل على ارض لي دفع عربونها و تيتقاتل يجمع فلوسها و رجع صونا فالباب و تينتظر تاوقفت طموبيل مغيث و نزل نبيل فتح الباب على الوانة مد لها يديها تنزل تا قرب لها نوصير شاد يديها و مقبل راسها و خلاه نبيل تيتفتح الباب نوصير: الواليدة الجميلة توحشتك الصحيحة بخير الوازنة : ( شادة فيه داخلين ) نحمدو اولدي و نشكرووه .. الوازنة دخلت بيتها ترتاح ! جلس نوصير فالصالون و داخل تابعهم مغيث هاز شاسيات فيديه الدوا ! و نبيل طلع فوق مالقهاش و زاد طلع السطح و عاود قلب للبيوت و نزل تحت نبيل : أسماء ماكيناش ! نوصير: ( تيشوف فارجاء ) كفاش؟ زاينة راها معاها ، صباح عيطت عليا قالت ليا نجي نتغدا هنا نبيل : ( جيد تلفون حول الاتصال ) تلفونها طافي مغيث: تهدن يكونو خرجو يتسخرو نوصير : (تيعض فشفايفو و نفس شي تلفون طافي ) تلفونها طافي نبيل : ( تيحس بظهرو عراق ) فين زادو ؟ عنداك يكون ضراتها شي حاجة مغيث : مايمكنش ! الا شدها وجع اول حاجة اتصل بيك ! يكونو مشاو يتسخرو نبيل : ( هز راسو تيسوط ) علاش تلفونان مطفيين ؟ تخرج بلا ماتكولها ليا اصاحبي ؟ راه غير تاترمي الرجل و عيانة فين تخرج فييين ؟ نوصير: فين ماكانو دبا يجيو ? كاين شي الغدا راني واكح نبيل: ( خرج الباب فتحو واقف ) تاكل فيه جغديد ...نوصير طلع كوزينة لقى دجاج مزال اخضر فالكوط ! نزل تيسب و يعاير و فالباب ومغيث خارج تا تسمع صونيت فالباب مغيث : هاهما جاو غير تتعصب اصاحبي نبيل : ( سابقهم يفتح الباب خارجي ) فارووق فاروق : ( هن عينيه لقاهم مجموعين ) جبتو الواليدة؟ مغيث: لا راه جبناها للامور بخير فاروق : ( حط مور وذنيه ) سدو الباب تبعوني ...اخر واحد هو نوصيير سد الباب وقفو مقابلين معاه تينتظروه يتكلم نبيل : مالك اصاحبي ؟ طلقنا الفراجة فاروق : ولهيلا الا الفراجة ! يلاه جبت زاينة و اسماء من الكوميسارية نبيل : عارف اش تتكول ؟ مراتي انا فالكوميسارية ؟ الهبال هدا فاروق : ( هز عينيه فنوصير لي سقر ) لاهادي انت تيقها ؟ نوصير : ( تيعض شفايفو ) اشمن منتيف دارت ؟ مغيث: هما بعدا بخير ؟ فاروق : هانية الوقت راهم عند خديجة ! منتيف لي دارو هو سي نبيل مرون من مورانا نبيل: ( بعصبية ) آاااش مرون ؟ غادي نشوف هادي لي مخليها فالدار واصلة كوميسارية فاروق: ( بحدة ) نبيييل ! تبث معايا الله يحفظك ، خلينا نفكو مشكل و نهدي نفوس و الواليدة تسمع غير الزوينة نوصير : دابزو مع شي الوحدة ؟ ضسر عليهم شي احد ؟ فاروق : هااادشي لي خممت فاش عيط ليا كومسير ولكن فاش مشيت لقيت رووينة و الزواج ما زواج و خطيف الرجال نبيل : ( شد فراسو مصعوق ) هااااد القلاااوي اصااااحبي تسد فساعتو ! فاروق ": (معصب )مرررريض انت ؟ مرااااتك اصاحبي كما تتقول الواليدة رجل فالاخرة ! رجل فالدنيا جالس تخطب و تعاود مغيث : ( تشوكا ) من نيتتتتك اصاااحبي ؟ هانا قدامك كنت نضيع راااسي و اولدي و حياااتي بسبب سخونية الراس ! نوصير: ( بعدم رضى) اتزوج اصاحبي على بنت لي تتموت عليها من الصغر و تتوصيني عليها وتكولي راه الخوادرية ؟ نبيل : ( طونسيو تيشنشن ضرب طموبيل بيديه ) واااا البشاااار و العمااالة ! و ااش بقى ليا غي الزوااااج ، زعما ماااعاااارفينش منين دزت ؟ نوض انا فدقيقة تسعين نطبز لامها العين فاروق : واش اصاحبي نجلسو معاك هنا العام ؟ ادوي سي نبيل راه وذنينا مامتقوبينش ! مغيث : اطلقناااا نطق ! نبيل : دييك بنت الهم لي تاتجي ضرب الواليدة شوكة و تقابلها ! نوصير: اييه ! اييه مالها ؟ نبيل : ( دور عينيه فيهم مازاد تعصب ) شوو راني نبيل وتريزوني الامور اكثر من المخير فيكم بلا دوك شوفات والو ! فاروق : هااا لي كلناا ؟ واش تبقى تتدور فالهضرة ؟ طلقنا نبيل : جيت من العمرة لغد ليه اتصل بيا اخوها كالك بغاني مابغاني ! مشيت هضرتا تاحطها ليا فوق الطبلة ، اختي تتعرض راسها للزواج فاروق : ( تيرد ذاكرة و وفكر خوها وجوج منقبات ) اييااااه اصحاب زوجتك نفسي ! مغيث : ماسمعنا بهادا ! نبيل : ( معصب ) هانت سمعتي بيه ! اوا قلت ليه اخا عفيني انا ماشي ديال هادشي وراحة بالي اولي وتبريت فاختو تقطع الرجل و سدينا الموضوع مغيث : الله يهديك اش تسد ؟ ااااش تسد مع العيالات ؟ نسيتي هاديك لي طحت معاها على بونت كانت تصفيها ليا نبيل : باش اخا انا نعرف هاد تنوعير ؟ فاروق : سولنااا ! سووولني ؟ واش جيتي تا عند العيالات و بغيتي ضمسها ! ها هيا كانت تمشي فيها مراتك ومرات اخوك ! نبيل : ( عروقو يخرجو ) شرحت لك ؟ وشرح لي فاروق : هاد ختنا لي بغاتك ناضت تتصيفط مراتك مساجات تتحشي لها الهضرة و كملاتها تتصوني عليها تتكولها راجلك عندي ! اوا كانت معاها زاينة وكمل من عقلك نبيل : اش نكمل ؟ ااااش نكمل !!! كمل انت فاروق : مشاو عندها خلاو دار بوها وهزاتهم صطافيك جملة نوصير : دييرهااا وتفوووتها عندي ديك السوودانيو ولكن و الله تنحسب لها سنانها من هادي الكارو ! السيدة ولفت الكوميساريات نبيل : فين غادي ؟ نوصير: مانعرفت ! فاروق : ( شعل كارو ) اسمع بالله تمشي تنوضها عندي فداري تنكبثها معاك جلس تا نمشيو كلنا و انت ! هاد المرة خرج سوق العيلات وداط نعيوة لي جا تيخطب ليك اختو راه هو سبب هاد المنامة لانه طالق للجام لهاد بايرة نبيل: ( تيحرك راسو بالفقصة ) دبا اسماء عندك ؟ نبيل : عندددي ! و البنت اتموت بالخلعة والخوف ، مشكل بحال هدا اصاحبي تيتناقش و تيتحط اطابل نوصير : انا مادخلش لمخي عاد ستون ! وزاينة فايت مدابزة معاها نبيل : مانعرفت لجدها ! انا تندخل من الخدمة تلقى الامور هانية ، اسماء تاتشكر فيها و الواليدة كدالك ! فاروق : هاد قضية البراني يدور فدارك ما تتدخلش دماغ ! تتدير خدمتها ؟ آلي اانافا الباب الاحباب مغيث : هدا موضوع طرقناه ! من هنا الفوق الواليدة ضرب الانسولين راسها و راها مسؤوليتنا كاملين نبيل : الواليدة نهزها على رومش عيني! انا نيتي نجيب لي تعاونهم ، اما انا آخر واحد يثيق فالبشر ! جاتني المراة بدينها و وقارها ماخممتش بزاف نوصير : ماحدها تتقاقي وهيا تتزيد فالبيض ! وشنو درتو فالمحضر ؟ فاروق : قلبنا القفة لينا ! تبث عليها مساجات الاستفزاز و تنازل اخوها كمل الباهية نبيل : اها ؟ وحق مراتي ؟ فاروق : هانت نطقتيها مراتك ؟ هادشي علاش جيت عندك ، دوز معايا كوميسارية مغيث : اهم الحاجة هما بخير ! اما لي دازت على الراس مزيانة ، انت اخا نبيل كما كلتي تتريزوني الامور ؟ اوا دير الما منين يدوز نبيل : ( تيحرك راسو باعتراض ) عااارفها ما تتزططش راااسها ! قلبها بيض و مع هاد الوحم كملت البهية ! فاروق : واجبك هدا اصاحبي !! مغيث: دبا هاد نوع فيه واحد نوعية تتستر بالدين ! يعلم الله نيتها فاروق : ( شعل كارو ) الدين بريئ منهم اصاحبي ! زمان! ( تيهز راسو ماكد ) الزماان كانت النسا تاتحشم على عرضها و تتستر راسها لله وحنا المغاربة كان عدنا النكاب ! تيديرو المراة للحفظ راسها و لله اولا ..اما هاد صحاب النقاب حاليا لي حيدو الكاف ردوه القاف ؟ داخل فيه السلفية و اصحاب الجهاد و المتطرفين و المتششدين و المتعصبين عاد تايجيو تجار الدين عاد تيجيو لي ماعندهم لا دين لا ملة ! تديرو نقاب وتحيدو فالباب لابواط ولا تتلقاه بلحية و افعايل ابليس...الا الحج ؟ الحج و الله عز وجل امر فالحج تكون المرأة بوجه مكشوف و ايدي مكشوفين !تجي انت تبقى تاجر بيه ! مغيث : وحنا حمد الله مسلمين ! المفروض هو حجاب و هاد نوعية راه بحال حوتة تتخنز شواري ! قراو معايا فلافاك واحد جوم توام بنات شيخ معروف فطنجة الله يعمرها سلعة نبيل : وغير الامام صاحبي ! من اصلح الناس ،بايع الدنيا فاروق : شفتو هاد النقاب دخلنا من المشارق ! ها افغانستان من ايران و زيد الخليج وهاد الدول كافي مانقلدهمش و مانتأثرش بيهم لاسباب العدة ! اولا حنا المذهب المالكي ! المذهب الصحيح لي تياخدو منو باقى المذاهب ، وحاولو يدخلو لنا حتى الزواج العرفي ! و الزواج العرفي فالمذهبنا المالكي هو الزنى لانعترف بيه نبيل: كلها تيحاسب عند ربو ! باش تعرف بنادم داخلو كي داير مغيث : ماتعاشرش مع لي فيه الخواض و ضباب نبيل : اوا كتابت وصافي ، قلنا تتعاونهم و تتقربهم من الدين فاروق: هاء ! واش انا كرهت ابنتي تكبر تحجب و تبع الطريق الصحيح واطلع حسن مني ؟ ولكن تحجب و تمشي على طريق الصحيح فقلبها عاد تشوف واش تنقب ولا تحجب ولا تعرا كاع حريتها هاديك مغيث : وهادي حاجة واضحة ! ماتنعمموش فالبشر ... طلعو فطموبيلات مخلين الوازنة ماسايقة اخبار ! متجهين للدار فاروق ! مسافة طريق وصلو ، هما الطريق و صوت لومبيلونص طريق، تادوبلاتهم وقفت امام العمارة و نزلو منها مسعفين تيجريو !نزلو تاهما مجموعين بحال قلبهم العلم انها جاية للبرطمة فاروق ..مع دخلة سولو سانديك سانديك : ايه نعام اسي راها عندكم جات لومبيلونص شي وحدة سخفت ......طلعو تيتجارو نساو سانسور ! برودية اعصاب لي بردو رجعت ناضت عليهم كاملين ، من صوت درجات الاخيرة تيتسمع البكا للأطفال و الغوات .. يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02