قصة زوجوني بلا خباري الجزء 8 مسكين كان فحالي عطاني 100 مليون كانت فرحة لا توصف. فنهار العرس داز داكشي على قد الحال جا العريس معاه عائيلتو باش غايروحوني لبني عروس و باش ماجين ههههه بفركونيطا "207" أنا فديك الوقت كان عندي نركب فالطوموبيل هو بمثابة حلم ركبوني اللور مع النسا و العريس اللي باقي متحفضلي حتى الملامح دوجهوا ركب فالقدام مشينا لبني عروس صراحة حسيت براسي منفية بوحدي مكانعرف حد عملت بنتي حسيت بروح جديدة دخلت معايا مع الوقت ملي كانت عندها 9 شهور دابزنا أنا و الراجل على شيحاجة مابقيتش عاقلة عليها وهو يضربني مشيت غضبانة للقصر الكبير عند خاي اللي كان خدام فكاسطييخو لكن دابا كان تزوج وعمل دار ديالو جيت عندو دازت مدة وهو يرسل رسالة للأخ ديالي 'راجلي' كان المضمون ديالا أنه باغي يتسامح معايا باش نرجع كانت فيها كلمات مضحكة وساخرة ههههه عمري ننساها كانت عندو فصاحة فاللغة و خط رائع كان فديك الرسالة اللي قراها خاي شي كلمات بقيت عاقلا عليهم " سلام تام بوجود مولانا الإمام أما بعد .... صهري العزيز أرسلت لك اليوم لسبب أنت تعرفه وهو مصالحت زوجتي العية نعم أعترف أنني ضربتها بلكمتين ..." كان مضمون الرسالة مضحك وهذا كان قصدوا ولكن عيبو أنه كان قاصح وصعيب كيف الوالد الله يرحموا و عيبوا الأكبر أنه مكانش تايخدم..... #يتبـــــــــع.... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM