حبيبي البطل #الجزء 55 : بان ليا بابا كيتسناني وهو بابتسامتو كالعادة ركبنا وحنا متاجهين لعند لصالون دخلت بان ليا الصالون خاوي غير شافوني جروني هلي كيدير المساج هلي كيصوب الضفار هلي كيصوب الشعر وهلي كيصوب وجهي انا دخت بقوة الاجهزة تلفت واخير دوني لبسوني لبسة بيضان قطان بيض مرصع بالحجار كيحمق بزاف ولبسوني الصباط العالي وخرجت شفت راسي فالمريا جيت كنحمق خرجت بان ليا يوسف لابس كوستيم بيض جاه كيحمق بقيت حال فيه فمي وهو حال فيا فمو جاء لعندي باسني فيدي وركبني معاه ركبنا واخير وصلنا لقاعة لعرس القاعة لكانت كبيرة بزاف وكلشي انيق وزوينة ومجموعة ديال الناس المجموعين تماك بتسمت دخلوني بصلاة وسلام على النبي كلست كنشوف كاع حبيبي وانا شادة فيد يوسف مبتسمة بانت ليا رجاء فرحنا وكتشطح مع فيصل منساجمين دوك الجوج من بعد باقو كيلبسو ليا اللبيسات بخمسة واخير قرارت ندير غوب معرية من الضهر وهازة بوكي دالورد يوسف لابس كوستيم فالكحل قطعنا لكاتو لكانت بتصورنا انا ويوسف ......واخير جاء وقت الودع ودع الدر لتزديتي فيها ولديك لربوك ولفتي العشة معاهم بست ماما لكنت كتبكي بهسترية كيف لا وانا بنتها الوحيدة واخير بابا لهاز ايددي وعطها ليوسف بمعنى كيقول ليه هادي بنتي المدللة ربيتها احسن تربية ودبا كنعطيك نور ديال داري واغلى مكنملك تهلا فيها وديرها مراتك حبيبتك وختك واخير عتبرها انثى متحولش تقلقها بتسمت فوجه بابا لكايبكي بصمت انا الدموع مبغوش اتحبسو واخير جاء دور رجاء لمسحت دموعها بمجرد شافتني عنقتني وبتسمت فوجهي وقال ليا تهلاي فراسك وفيوسف وديري عقلك بتسمت ليها وسلمت على كاع الناس لكاينن تماك تودعت معاهم والدموع فعيني ركبنا انا ويوسف فطمةبيل وانا حاط راسي فوق كتف يوسف وكنبكي حتى وصلنا لدار نزلت حل يوسف الدار لكان مضويا بشمع كاملة وبالورد الحمر فالارض بتسمت ليوسف شوية. كنحس بيوسف هازني ورسم التسامة انا قلبي باغي ايسكت مطلعني فالدروج لكان كل ورد حمر ومدخلني لبيتنا لكانت روعة مضوية بالشمع الحمر والورد فكل بلاصة وتصورنا فالحيط يوسف:(وهازني كيدورني)نتي مراتي دبا مراتي نقولها باعلى صوت مراتي انا:(كنضحك)حتني ههه راني تقيلا يوسف:نو مغديش نحطك انا:(بستو فحنكو )بركة يوسف:لا زديني انا:(بستو فشفايفو بوسة خفيفة )بركة نزلني يوسف:دبا وخا نزلني يوسف وهو كيشوف فيا بعينه كيلمعو كيدلو على انهو طاير بالفرحة انا كنبستم قلبي باغي ايخرج من بلاصتو شفت يوسف كيقرب ليا انا:(بارتباك)انكشي نبدل حويجي ونحيد هدا المكياج اف عياني يوسف:(وكيضحك)وخا الا بغيتي تلبسي شي حاجة خفيفة حلي الماريو كاينين شي لعيبات تماك انا:(تاجهت لماريو حليتو بانو ليا غير لشوميز دونوي كلهم قصر بزاف وشفافات )لا بلاش جبت معيا بيجمتي يوسف:(بتسم وغمز ليا )وخا غير للبستي مكيهمش حتى انا انزل لتحت ندوش ونرجع انا:يه وخا دخلت لحمام وانا وجهي حمر رجلي فشلو عليا بدلت حويجي دوشت ولبس عليا بيجامة قصيرة فالغوز ودرت عطري شعري طلقتو منشفتوش المفضل مكياج خفيف كنحط ايدي على قلبي كنحس بيه ايخرج غير خرجت من الحمام بان يوسف متكي وكيضحك غير بوحدو لبس شورت فالكحل قصير وتشورت فالحمر جاه كيحمق بزاف بتسمت ليه وهو يجي وقف قدامي وشادني فيدي بجوج باسهم يوسف:كنبغيك جيتي كتحمقي انا:(بارتباك )بصاح يوسف:(طبع قبلة على حنكي )والله انا:(كنشوف فيوسف كنهو كيقول ليا بعينه فهمي راسك دغيا )اه فيا الجوع.......... #تبـــــــــع.......... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM