بااا مغيث ..الووو ليالي: ووي مغيث: اينوغ (ساعة) نصوني عليك تنزلي عندي ليالي: سِيبَّا طيزافيخ (ماشي شغلك) !! مغيث: جرررربي !! جررربي وشوفي واش شغلي ولا الا ... ..قطع تاهو حلف لاتحرك من تما....مزال مافاطر ماوالو و مدوزها غير بقرعة لما ..قاصو هوس و غيرة من دقيقة اولى خاصو حل فاقرب وقت ..من لابريكاد ...اسبوع مر عليه تالف و حزن مسيطر عليه ..هادي يومين رجع رؤيا بديعة ..مايقدرش يقابلها و حتى الوازنة مريضة بسكر اتشطنها و تعذبها و يصدق مضارب مع نبيل!! لان 111 قيس ليه فعينيه و امو الا ....سيمانا كلها خدمة ليل يلاه هاد نهار لي تقلب ليه للنهار ...احر فراق دخل ليه !! تيدخل دار تيلقاها باردة لاروح لا دفى !! حوايجو مزلعين و ماكلة ناقصة ...قراعي موناضا مزلعين وكارو فاي قنت تلقى بوانت ....مابيهش بديعة !! بيه الحاجة ديالو #رؤيا كما مسميها ...عاارف قلبو فيه امو و رؤيا ..ابداا بديعة ماقدرات دير بلاصتها و تعشش ..ولفها ولف العشرة و ام بنتو ...خرج من افكارو برنين هاتف خدمة .. فاروق: الو شيف ديالو: اجودان فاروق فاروق: (اعتدل فالجلسة تعطى سلام ) مون شاف .. شيف: عندي شي دورة تما صباح عيد ..خود راحة فاروق: اوك مون شااف .. تقطع خط تيتنهد ..هدا حال خدمتهم نهار تعرف شاف ديالك جاي خاصك تقاد ليه الامور باين جاي يديى اضحية عيد من بياعة بتمن لي لغى وعلاش الا فابور ...هناه نيت يدوز العيد مع الوازنة و خوتو ربع سنين مادوزو معاهم كي ناس العادين ..جبد كارو تيبخ و يعااود تادخل عليه جدرامي جار وحدة ...عطاه سلام و قدمها ليه .. فاروق: (طفا كارو مخيخ رد سلام براسو لجدارمي و نطق بصون مبحوح خشن) ااش فبلان !؟ جدرامي: سرقو لها طموبيل اشاف ..جات دير شكاية فاروق طلعها و هبطها وهيا واقفة لابسة جلابة مزيرة و جامعة شعر و تعكيرة مطرطقة غير شافتو عرفاتو !! خرج جدارمي بحالو وبقاو بجوج فاروق: شيخة نكادي هاادي !؟ نكادي: (تتلوى و تجبد )هيااا هادي اشاااااف فاروق: منين جات لجد بااك الحديدة (طموبيل) !؟ نكادي: كااااضو اشااااف فاروق: (شار ليها براسو كرسي) جلسي !! نكادي: شووكراان شاف .. فاروق : زيديها فككرك !! نطقي اش وقع !؟ ...جمعات ضحكة وراسها تتعاود ليه ..حطاتها فدخلة سوق خرجات مالقاتهاش .... فاروق راسو مطرطق هيا تتهضر هو عقلو مشى وجاا ...تاوقف تجمع فوراقو وحط سلاح سد عليه ..دار عندها تيهضر بزربة .. فاروق: نوضي خرجي يعمرو ليك بلان و مضيه ..فوتي عليك اسواق نكادي: اوا العيد اشاف !! فاروق: اابراااكة من تقحبين ..اخر مرة نشوف وجهك هناا ..بدلي مدينة ريحتك عطات .. ..سمح فيها وخلاها تتطرطق ..نكادي شيخة معروفة فالبار لي تيمشي ليه و عيات مادور بيه ماشدات منو والو ناضت دارت بواحد جدرامي خرجات عليه مالقات غير فاروق لي خلا داربوها تاتفرقات معاه .....لي ماعرفو خسرو !! لسان قاصح و رذئ و تخسار هضرة فالدم لاكن ماتيتعدا ما تيضلم ...هز طموبيلتو غادي دوز خط بديعة بديعة: (بنفخة) الو فاروق: فين لبنت !!؟ بديعة: تتلعب فاروق: وجدي راسك نجي نديكم بقات نهار العيد ندوزوه مع واليدة !! بديعة: شريتي العيد !؟ فاروق: راه هضرنا !! بديعة: هضرتي نت !! انا مزال ! جيب ليا حولي دارنا نعيدو انا امي و نت بغيتي تجي اجي مابغتيش راها داركم فاروق: (تيسمع ليها جنون تيطيرو قدامو) ايااه !؟ وااسمعي الويلة !! لاليااتك راهم فديورهم موجدين و دايرين بحق العواشر و عيد ولادهم !! لاكن زبل تيبقى زبل ! ماااشي غلطك (تيضرب صدرو) غلاااطي نهار اول نسيقك مع لي فاتك .. بديعة: ساهلة عليك !! فاروق: نتي عارفة وناا عاارف ..دبا تلاحي تقاااودي لهلا فين تعيدي ابنت ققحبااا ...قطعت معاه...ناضت تتحيح و تحلف و تغووت اميمة: ااااختي فرعتينااا راااسنا !! و بزااااف هزي بنتك ورجعي بديعة: (ريتها تاكلها) ولدددد قحباااا !! زااامل لاااخر ..فوق ماينوض يعاايرني بعيالات !!الله يلكيها ليه فهااد عوااااشر اميمة: سمعي انا دااك نهار مابغيتش نسمعك مكالمة !! نتي لي تطيري نتي عارفااه فمو خانز بديعة: شوفي واش العكوزة جات ولا رغبات !؟ عايش حياتوو تايوجد العيد وملاهي مع شيخات اميمة: (تتمسح وجها مرضاتها ) اااختي !! وااش بغااه هزي بنتك و سيري !! ياك جا عندك و عاود ؟ صافي سيري هزي بنتك سيري ..راه رجال جنس واحد بديعة: ماااحاااسبنيش مْراااا !! و مااتيبغينيش !! كن ماكنت حملت برؤيا وخاف على بلاصتو فالمخزن لا ضرب بيا العقد .. اميمة: وراااه مزووجينهم و تيفسدو عليهم و مسلكين وقت !! مهم يصرف و يجي دارو و يهتم بنتو ! بديعة: لا خوتو ولا امو تيحملووني !! بيهم غير بنتهم !! و الله لا مشيت عيدت عندهم و اللله تنحرمهاا عليه اميمة: اناا ختي مور عيد نتقاود بحالي ..عومي بحرررك ..ماتتقاضاايش بديعة ركبات ابليس و قلبها كحال و دارتو بين عينيها و فرااسها ..باغة تركعوو و تجيبو عندها يرغب و يزااوك ....هزات تلفونها تتقلب و تعااود ورجعات حطاتو و جها كحال بالفقايص و شعرها كي جيكس طالع ..ناس فايام حج و العرفة تيقومو ليل و يستغفرو و يتزينو و يفرحو للعيد ديني ولو تيكونو غارقين مشاكل تيحمدو الله و يقومو بالسنة الا بحال شكل بديعة تيقلبو على صدااع وخوتو ...ناضت لبسات جلابتها و خلات بنت معاهم ناعسة وهزات بزاطمها و تلفون و شي وراق و خرجات .... ....طريق كلها غادة على رجليها و هيا تتهضر فتلفون و تسول و تعااود تاعرفات بلاصة و عنوان وشدات طاكسي قااصدة بلاصة .....ركبات رااسها و عنادها...وقفها طاكسي امام الاكاديمية خلصاتو و قفات تاتشوف و تعاود مافكراتش جوج مرات و دخلات مع الباب وقفوها تما...جاوبات على اسئلتهم و عطات لاكارط ناسيونال و خلاوها تما تارجعو دخلوها معاها دركي وصلها بيرو المقصود ... ..مكتب كولونيل ..شاف على شافات اجودان دوشاف خلت واحد هبة تاتجيك من هاد رجال لامن الدولة ....كان متقدم فالعمر لابس توني كلو نجمات و اوسمة ..طلب منها تجلس و عطاها إذن تكلم ..هزيتي مراا و حطيتي مراا ..اشمنك ياادموع و يا تنخسيس مسكينة مظلومة ..تتكلم بالحرقة بديعة: انااا سياادتكم ماباغاش نضيع ابنتي و نشتت عائلتي ..صابرة للضرب و عصبية و معيور و فسااد ...العيد هدا و سامح فينا كولونيل: نوضي ابنتي دارك ..ليلة نحلوو مشكل .. ...تيدورو على صبااح فالقسارية لمدينة و دنيااا مطرطقة ..ناس تيقضاو بقى النهار العيد ..خليفة كما عادة غادي تيفرنس و ابراهيم تيهضر هو نوصير على ماتش جاي لي يتلعب خارج المغرب فدولة افريقيا .. نوصير: (لابس توني رجا لي ماتيخطاهش و كتاف عراض عينيه تيدورو فمكازات سبرديلات و تيهضر مع ابراهيم و تيعض فشنايفو تيحس بيهم ناشفين) باسبور مات ليا خاصني نعاودو فهمتي ؟ ابراهيم: اوا هاد دولة خاصها فيزا !؟ نوصير: (شار ليه براسو الا) خاصنا غير عوومار (فلوس) ابراهيم: نضربو كُورْفي فلافيراي مع داك 111 لخوادي !! (دار جر خليفة لي كان تيعطي نمرة) ااادوي القاصير موجد باسبور!؟ خليفة: اناا ورااني وواجد !! خاصنا عالطيارة و فريمة نوصير: اتخلص عليه !؟ ابراهيم: تخلص عليه اميمة هههههههه خليفة: وااتشهرر اسااط فداك فيديو .. نوصير: وااايه .. ...وصلو المحل مقصود صاحبهم خاص بليكسبور اي توني كرة خرج كيطمات سبرديلات كاسكيطات و سلعة دوريجين تاهو رجاوي نخااع .. نوصير: (دخل مبتسم ليه بسلام رجولي بضربة فكتف) واااش اسلووكي !؟ بائع: هااا حنااا نيكوو!! ...دار سلم على دراري و كلها تيسول على بياس لي بغا و ضحك و نشاط خليفة كي مهرج ..نوصير قيس توني مزال جديد للتشيلسي تيشجعها تاهيا حط فيه 700درهم و ابراهيم عاود خدا توني رجا اما خليفة لي ضربو!! ضربو على كاسكيطات ...تسالمو و خرجو ضريو دورة فالمدينة طالعين بالحومة بالغنا اغاني رجاء بيضاوي و نوصير عطيه رجا وهدا عليه شدو طااكسي ركبو و طريق كلها شادين حذيث مع شيفور على عيد ...تاوصلو دازو نيشان قهوة يلاه يجلسو هي دخل المراة لابسة جلابة و دايرة زيف معاها بنية فعمر ست سنين شادة فيهاا ...كلشي تيشوف فيها ..مراة داخلة قهوة رجال فالحومة شعبية كلها حشايشية ... خليفة: (شافها عرفها) هااد ختنا هياا لكارية فسطح ففكانسي ابراهيم: اش داخلة دير هنا !؟ نوصير مكمش على شنيفاتو لي رجعو حومر بتقشر بسنانو تيشوف فديك لبنية شادة فجلايل مها مزيرة خاايفة ...ديك لمراة غير شافت صاحب دعوتها و حماتها غوات مراة: اللله يااااخد فيييك الحق ..(تتغوت من جهدها مكلومة ) ساااامح فوللاااادك بلا عيد و جالس تحشش ...اعدووو الله راجلها وقف تيشوف فيهاا و البنية بذات تتبكي و سرباي جا عندها تيحاول يخرجها و هيا تتغوت أم مكلوومة على ولادها لي حرمهم باهم من فرحة العيد و جالس يشريها حشيش راجلها: و ماااااعندييش و سيري تقاااودي ...تريكة هممم.. لمراة: ومااااشي راااجل و بزااااف عليك رجلة اشمااتة ..سيادك تيضربو فاس و الباالة و يهزو ولادهم ونت زيزتينا و خلتينا على ضْدْسْ ..دخلو دراري اما شمايت لي جالسين مع راجلها ماتحركوش ..هما مخرجينها و هياا تتغوت و تتبكي و لبنية خافت تتبكي ...دارو بيها دراري و سرباي عطاوها الما .. نوصير: اااختي علاش عليك هاد شووهة !؟ لمرا: اناا كرهت اخووويا ..لاحنين لا حيم ولادي صغار راهم تيبعيو ميكا فسويقة و نا تنجفف و نصبن عند عيالات و ماجمعنا فلوس العيد ..هو شماتة متبع ليا حشيش خليفة: سيري ختي ..حنا نهضرو معاه..بنتك تتبكي خلعتيها !! ...قنعوها ترجع و حومة تجمعت عليها خاصهم غير ما يشوفو ..المرا ربي عالم بيها مدام دخلات عليه القهوة الا كاس فاض ... نوصير: خليفة !! نجمعو ليها نشريو حولي !؟ خليفة: (وقف تيشوف فراجلها تيدابز مع سرباي ) داك زامل لاش يصلاح اصاحبي !؟ ابراهيم: الا دير خير ديروو !! خليك من شماتة نوصير: انا نحطها فبلوك رجااوين .. خليفة: حط حط !! .....ربع ساعة باش خرج من دوش ..لبس كيطمتو يلاه جاي يتلاح فوق ناموسية هو تلفون تيصوني .. فاورق: (صوت خشن) ألو اكاديمي: اجودان شاف فاروق قباج !كولونيل ودغيري طالبك فاروق: (ضرباتو فيقة وتوكض) نعام اكاديمي: مع سلامة ..قطع .. ..وقف تيمسح على وجهو و تيعض فشناايفو ..ارض دارت بيه ...ماعندوش وقت فاش يفكر ..جبد لبستو خاصة لبسها و تيزرب طار هز فوطة علقها فعنقو دوز بطوندوز خفا زربا و حك سنانو و رش ريحة و لبس صباطو سيراه مزياان ...هز شابو ديالو و هبط تيطير ... ..شاد طريق و مااقادرش يفكر علاش استدعاوه !! خدمتو دايراها وكلشي تيشهد ليه بعمل متقون و يعطيو و سلام ..شي مشكل فالدولة ؟؟ شي تبركيكة ؟ ...رجل دولة مهنتهم على محك ..دير ها ولا ها !! دوز محكمة عسكرية و يجريو عليك تبيع بطاطا مع خوتك ...تيحس بصهدة تطلع معاه و يرجع يبرد ...بلاصة طموبيل و دار شابو تم داخل ..عطل سلام و دخل نيشان قاصد بيرو ..دق جوج دقات تسمع صوتو غليض :دخل فاروق: (وقفة معتدلة و راس مهزوز عطاه سلام ) شااف كولونيل: رااحة !! جلس حيد طربوش و جلس معتدل شاد يد بيد ...مستعد حوار ... كولونيل: اجودان فاروق!! بيدي دوزت ليك طلب زواجك هادي خمس سنين !! وامور كانت هانية وعائلتك من الناس طيبين ..كفاش تخلي زوجتك و بنتك بلا العيد !؟ فاروق بمجرد نطق كلمة طلب زواجك طيرررها فسماا و تصااب بخيبة امل فدااخل قلبو مثل ضربة بشاقور .... فاروق: مون كولونيل !! هادشي خرايف كولونيل: ارانا الحقيقة !! فاروق: سيدة خارجة من دارها و هاملة واجبااتها و مبعدة عليا ابنتي و كلشي عندي بدليل ..(جبد تلفون ) كولونيل عبس وجهو مد يديه لهاتف ..وقف فاروف شعل ليه فيديو للدار وحالتها و طلق ليه مكالمة اخيرة لي اتكلم معاها و سمعها كولونيل كلها .. كولونبيل: شنو سبب هادشي !؟ فاروق: ماشي المرا كولونيل: نووض دير لي سلكك ..وتهلا فالواليدة ... ..عطاه فاروق السلام و خرج .....من خرج لاكاديمي و تيحس بطونسيوون تيشنن و عينيه رجعوو حوومر ..تيطلع نفس بسيف ..جبد كارو و قف تيسف فيه ...و دماغو خدام تيفكر ...ايه حقا تواحد ماكامل و عصبي و فمي كارثة ..لاكن عمرني قطعت عليهم الصرف ....بغات دار و فرشتها ليها و سكنتها حدا امها ..اش بغات ندير ..نجلس نطيب !؟ ياك نهار اول عرفات خدمتي مزيرة و مزفتة !! (كمل كارو و شتف عليه و دفل) ونطق بصوت مبحوح و غالب عليه فقصة : بياا غير ابنتي !! اما نتي عيت نميك عليك و نفوت ليك ..ديما قلبك كحل و سم تيقطر منككك ... يلاه ركب ديمارا هو يصوني تلفون ..جاوب بلا مايشوف : الو : سلام شاف !!فاروق واش تترحل !؟ فاروق : (رجع تلفون قدامو تيشوف نمرة عرفها كونسيج) اش فبلان !؟ : راه مراتك جابت كاميو شي خدامة هزات فراش ..سولتها ماجاوبتنيش ..واش تترحلو اشاف !؟؟ ...طريق مشات بيه و جاات ...قطع علي كونسيج و دوز خط لنبيل .. نبيل: الو فاروق: (تيهضر و يغووت و حنجرتو تتغلل) بنتت قحبااااا بيدقااااتني كوووولي اش ندير فيهاا واااكووووولي نبيل: (جالس فبيرو تيسمع ليه مبرد) كلتي شي حاجة الواليدة!؟ فاروق: واااا الااااااا هااادشي مايوصلش الواليدة ... غاادي نقتلها ندفنها و نخسر عليها يطرو مازوط !! نبيل: وابنتك !؟ فاروق: (ضرب يديه مع فولون مغزف) هيااا لي رابطة ليا اليدين و رجلين ...مشات كولونيل شكات عليه و دازت هزات ليا الفراش دار نبيل: انت حماار !! وصيتك ديك لمرة دير اطونسيون منها ... فاروق: ااااش عند دنمها مادير بررربي و نشدهاا حتى نحويهاا .. نبيل: فوقاش هزات فراش !؟ فاروق: غير دباا نبيل: تعرض ليها و هني مخك ..(جاي يقطع ) جيب بنتك ... فاروق: لاااتوصينيش ..خلط عليا دبا دارهم نبيل: دبا نكون عندددك .....قطع معااه حبس طموبيل فشاريع حل كوفر شاف لش شاف و لقاه و سدو وطلع مديماري مكسيري ...........وقف قدام دارهم هبط تيدق فالباب و الو ماحلوش ..بدا يهرس و يضرب بيديه و برجليه ناس تيشوفو مع لابس كسوة ماقدر ا يتجرأ ..تاشوية فتحات الباب اميمة .. اميمة: مالنااا خوووياا على هااد تهراس !؟ فاروق: دمي حر عليكم اقحاب ..طلعي جيبي لياا ابنتي اميمة: تاتجي مها تعطيها ليك .. ..دفعها تاكانت تجي على فمها ..تيدير فالدرجة جوج تاطلع قعر دار لقاها دايرين ليها كاسك فوذنيها مجهدين ليها رسوم ..حيدو لها و هزها و هيا فرحانة بيه ماجايبة دنيا اخبار .....نزل مهبطها لقى نبيل يلاه وقف ...هو غادي و اميمة تابعاه تتغوت و تتجابد معاه باغة تجر رؤيا ..غير مدها لنبيل ركبها تتبكي و قلع بيها نبيل ... فاروق: (دار عندها باغي بشتف عليها) متافقين اتريكة قحااب !؟ اميمة: مااعيتيش من شوهة !؟ ديما مشوهنا فالحومة !؟ فاروق : (قرب ليها وجهو تكولي يضربها) وااااشكوون نتي !؟ زبلة خرية قحبااا تتهزو كلووو فتركيااا مع زامل !؟ قاااودي من قدااامي فووتيني وجه زب اميمة مالقات ليه جهد غسلها و جيران تتطل ...رجعات طلعات هو هز تلفون اتيهضر مع شي احد ماكاملة تا خمسة دقايق وقف عليه لمقدم .. مقدم: اشااف آمر !! فاروق: ضبر ليا كاع شمشامة مخزن (بركاكة مخزن) هااااد بنت قحبا (وراه صوتها فتلفون) هزات ليا فراش دار فكاميو مقدم: (شاف مزيان تصويرة مع لمقدم بق مايزهق ) المدام هادي شاف !؟ فاروق: مصيبة كحلة !! اش درنا .. مقدم: انا معاك اشاف ..(بعد شوية تيتهضر فتلفون تاتم راجع عندو) شاااف كاميو فالهبطة لي هاز رحيلك وخارج من سيكتور سكنتك راه فالهبطة المسيرة شاد طريق هناا فاروق: (تيشعل كارو) وختنا فالله !؟ مقدم: كالك شدات طاكسي سابقة كاميو فاروق حرك براسو فقط ...جلس تكى على طموبيلتو تيتساناها ...لمقدم هو عين المخزن هو شمشام المخزن ..اغلب جرائم تتحل بتبركيكة و اغلب خليات اراهابية تتشد بسبب تبركيك ..حاضين مساجد و قهاوي و مدارس و ليسيات و جامعات و حاضين مخزن براسهم مهم تبركيكة توصل ..قضية بديعة فكوها فمكالمة ....وقفات طاكسي نازلة فخبارها تيتسناها وصلاتها لها ختها لاكن ماخايفاش ظنا منها ان كولونيل حماها ... فاروق: (دور لسانو على سنانو بضحكة جا يوم حسااب) : بفراااشي بنت قحبة باغة تتزلي مع ولاد قحاب ..يلاه جات تكرفض و تجاوبو جمعها بنص تا طاحت و جرهاا موقفها من شعرهاا جارهاا طموبيل ..دخلها من الباب شيفور و دفعها تركب شاد شعرها و وهيا تتغوت ركب ديمارا بيد وحدة ..هضر من شرجم لمقدم فاروق: كول كاميو بتبعني نت عينك هناا .. يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02