حبيبي البطل #الجزء 42 : بغيت نوض وانا تلفت بان ليا فيصل ناعس ومخب وجهو كامل اما رجاء ناعسة نعسة فضيحة خايبة نعسها رجليها كل واحد فيجيها وشفت ..... نزلت عيني كنلمح يوسف ناعس على كرشو حاط راسو فوق من كرشي ونعاس كنوف فيه وهو ناعس كي الملاك مسيت شعرو الرطب لكيلمع ولحيتو الرطبة والمترسية على وجهو بقيت شاهية فيه وكنبتسم دازت فبالي سارة وحيدت ايدي كانني معنديش الحق نمسو ماشي ديالي ديال سارة اصعب حاجة فهذا الدنيا انك تشوف حاجة وكتمنها تكون ديالك مي كتصدق ماشي ليك تماما ...بحال يوسف لكنضن حاد الاحساس لوليت كنحس بيه تجاهو حب مكنضنش انه اعجاب ولا احترام له لا بل شي حاجة كتر وليت كنحس بالامان معاه بالرحة النفسية كيعصبني كنبغي نغوط عليه بمجرد كنطلع فيه عيني كنشوف عوينات البني ديالو كنسى حتى سميتي وليت كنبغي ندوز معاه معضم وقتي كنخاف نشوف اليوم ومنشوفوش غدا ....هدا الشعور غريب عليا ممولفاهش فحياتي وعمري جريبتو خصوص انا لكنت مغرور ومتكبر ومكيهمني تا شي حد دبا ولا شخص معين كيعني ليا الدنيا وما فيها كنتقلق ملي كنشوفو مع غيري ......مي هذا الاحسايس والمشاعر لكنعتبرها غير من طرف واحد كلشي مجرد حلم وخاسني نفيق منو مي منقدر نتقبل فكرة انهو مخطوب كلشي كيشوفني راسم ابتسامة او ضحكة مزيفة لا اكثر انما فقلبي بركان مبغيش انفجر خلاص ويهنيني هدا الحزن كيكلني فالدخل ديالي كنبغي نغوط مي مكنقدرش كان لساني مكيتحركش عقلي قرب اينفجر من الافكار كذاب ليقال الدموع كتخفف كون بصاح كتخفف كون خفات عليا مي ولو مزال حاملة فقلبي حجر تقيل كيقتلني بعض الاحيان كنقول ..اقدر غير انا لتعيسة وكلشي فرحن مي كنقول "اعوذ بالله من الشيطان الرجيم "حيت غير شيطان وسوس ليا هزيت راس يوسف حطيتو فالارض بشوية وانا نوض حسيت بيد جرني اكيد يوسف هداك جرني ونعسني وجاء فوق مني .....سد ليا فمي بيديه وكيشوف فعيني يوسف:(بصوت منخفض)فين غادة اا انا:(عضيتو فيديه ودفعتو وانا وقفة وهازة صبعي لعندو)اخر مرة تحط ايدك عليا نهرسة ليك يوسف؛(غير كيشوف فيا ومصدوم) انا:بعد من طريقي حسن ليك ايوسف عطيني التساع ولا كنوعدك نشري ليك الصدع مع محبوبتك نقول ليها حبيبك نسونجي يوسف:ليلى بلعي لسانك انا:اوه خايف بزاف تقلقها مسكين متخافش انا ... يوسف:(قاطعني بتصرفيقة حتى دخت)انا مخايف اتقلق حد فهمتي شوية بانت ليا سارة غير شافها يوسف مشاء دخل لعندها نيشان يوسف:(وجار سارة فيديها)شوف اتجمعي حويجك اتخرجي سارة:مي انا اشنو ... انا:(قاطعتها وحيدت ايد يوسف عليها )شوف اسيدي الا كان كيسحاب ليك كتدخل وتخرج لبغيتي راك غالط نتا هنا غير حارس شخصي ديالي لا اكتر يوسف:بركة سارة نخرج نجي منلقاكش هنا انا:(بالغوط)متمشيش اسارة ومكاين حد ليخرجك يوسف:اش كتحولي ديري سارة:يوسف اشنو درت والله مشاكيل يوسف:بمجرد نتي هنا هداك هو المشكيل براسو انا:(كنصفق )بغفو سي يوسف .... طلعت وخليتو مشيت لبيتي غسلت حالتي وبدلت حويجي لبست صاي لاصقة قصيرة فالخضر وقميجة فالابيضة مدخلها فالصي وصباط عالي فالبيض وصاك فالاخضر وشعري درتو كعكة ومكياج خفيف بغيت نخرج وهو يدخل يوسف لابس سروال فالقهوي وتشورات فالبيض ولافيسط فالقهوي وريحت برفانو وصلني قبل ميدخل لبيتي انا:اشنو معلموكش الصواب ايخ يوسف:(جرني فيدي)سارة سمعيني انا:(صرفقتو)ليلى سميتي ليلى......... #يتبـــــــــع........ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM