ب المرااة تيتحول لفقدان التقة فالنفس ....كبرات عقلهاا ماحسات برااسها تاوصلت للحومة ....لقات الباب مفتووح ... دخلت عليهم لقاتهم تيفطرو و اسماء تتسخر ..سلمات على نبيل و نوصير بالقول و سلمت على الواازنة بالوجة هيا اسماء الوازنة: كي صبحتي ابنتي !؟ خديجة: حمدو الله اخالتي ، يطولي فعمرك الوازنة: فين رؤيا !؟ خديجة: اناا لباب و مها الباب ، خدااتها الوازنة: ماافيها باس ابنتي !! الله يرضي عليك و يكون منك الزريعة والزرع الا ماديري الماا منين يدووز .. خديجة: ربي يصااوب اخالتي .. اسماء: ختي خديجة نخوي ليك اتاي ولا قهوة !؟ خديجة: فطرت احبيبة .. نوصير: ( وقف ) نمشي نجيب خالتي فطوش دباا الواليدة !؟ الوازنة: الا وليدي عيطت ليا صباح و عندها الضياف غدا تجي بكري هيا و الطياابة نبيل: الواليدة ماخاص والو !؟ الوازنة: لا أواليدي !! خوك راه تيجري بوحدو عيط ليه الله يرضي عليك نبيل: وخ ( شاف اسماء بعينيه زعما تبعيني ).. ..اسماء: ( تبعاتو الكوزينة داخل وقف جهة التلاجة) علااش ماتكوليش ليا امك جاية!؟ نمشي انا نجيبهاا اسماء: بحالي بحالك !! ماعارفة والو .. نبيل: سيري كولي الواليدة انا نمشي نجيبها اسماء: ( بتسمت ليه بمعنى : حلف !؟) راااه كالك غداا تجي راسها هياا و الطياابة محيت عندهاا الضيااف نبيل: اااهاا !؟ عقلك تايخدم فاش تتبغي تخدميه !؟ ( تيبرك على الهضرة بين سنانو) سيري كولي ليها اناا الصبااح نجيبهم هياا و الطياابة .. اسماء: ( عوجات فمها بزعطة ) وااخة ..( خرجات تاتسمعو موراها تيبركم ) نبيل: زيدي عوووجي فمك ..زيدي .. ....امام الباب فالحوومة واقف نوصير حاشي يديه فجياابو تينتظر نبيل ينزل ..و تيهضر مع خليفة من بعيد واقف مع شي بنت فراس درب نوصير": القاااااصيررر اافين ؟؟ خليفة: ( تيدير رااسو صمك ..مكمل هضرتو مع بنت) صافي احبيبة اتجي !؟ بنت: ( واقفة تتعوج معري كثر من المغطي ) هداك هو سكوادرا !؟ خليفة: سكوادرا تيصلي على هيضروة السبع !؟ راه مقودة عليه تااالطرف ..صافي اتجي !؟ بنت: اواا نفكرر .. نوصير: ( تغوت بجهد) وااا سلم علييك الرااااقي كالك كثر عشوووب خليفة: ( حلف لا جاوب) سيري دباا احبيبة ماتهضري حتى مع حتى وااحد راه تنغير .. بنت: كفااش راقي !؟تااتكلم لصااحبك خليفة: غاير مني احبي ! انا لي عندي الزين ..( يلاه تيهضر هو يوقف عليه ابراهيم) ابراهيم: فينااهو هااد الزين نتصورو معاه !؟ بنت: اوااا حل عينيك وتشوف الزين خليفة: ( شاف براهيم زعما قاود) ماتديش عليه احبي ابراااهيم: انا الا كثرت عليك نحل سنلسلة سروالي و نبول .. بنت: ( شالوطية مع رااسها) بزااااف عليك اولد الهاااربة !! ( تتشوف خليفة) هضرر مع هااد الخراا نوصير: ( تيشوف واش نبيل نازل و يرجع يهضر) ابراااهيم وااش هيااا !! ابراهيم: ( تيجاوبو) اهيااا !! نتي لي شفتك خارجة كن عند الشواافة بنت: اسبحاان الله !! مدوريني !؟ نتا بعدا لي تتحل فمك الخاانز !؟، تتعرفني !؟ تنعرفك ابراهيم: يحصل ليييك الشراااف تعرفيني خليفة: ( خسرو ليه بلان ) صاافي سيري تقاودي اختي بنت: شناااهوواا ختك ازااامل !؟ من صباح ونت تعنب و ترغب و تزااوك ودابا وليت ختك ابراهيم: ( ديما خارج فيها فبواط ) سيري هدا راه مايشري ليك حتى كااارو ... بنت: تفووو !! كمامر زلط الله يغبر بوكم شقف .. مع جملة خليفة جا يطير عليهاا شدو غير ابرااهيم .. خليفة:واا دوري تقااودي تااانحويش قحاب ( تيدوز يمين و شمال وابراهيم شادو) بنت: نتا حدك تحوي دجااجة ابب ابرااهيم: ( شاد خليفة تيضحك) هههههه يوززززع نوصير: ( بجهد) اهياااااا ( جا تيزرب) خليفة: (تجنن مع قصير تيبغي يطوال بسيف) وااا يلعندمكم ... بنت: ( حلفات لا مسات واقفة تتعاير وشافت نوصير جااي زادت فيها ضلعة) هداااا راه تحرش القليلة نغرقك ستة شهور حبس .. ابرااهيم: هههههههه تيقتي كررك !؟ رااه كاين فرق بين الخرية و الشكلاطة نوصير : ( تيجر خليفة عارفو يدو سابقاه) عندك حق !! حقوق النسااء اختي خليفة:( تيغوت و دفالو تيطير رجع حمر) فيين هاااااد النساااااء !؟ ووقحببة نكيت عليها وقفت هداا تحرش !؟ خارجة صدرها مزلع علامن تتقلب !؟ لي ييحويهاا ابرااهيم: ( شدوو فو غيغ) ههههههههه ( تكى على حيط تيضرب بيديه) هههههههههه واااااعع بنت: نعري بزول و الطرمة و عندك حق تشوف فقط!! ويلا سخنتي نحكو مع الحيط خليفة: ( تيدفع نووصير) ووااطلق اصااحبي غير نهضر!! ( زاد نوصير شدو هو تيتهز يجاوبها مخيب ملامحو) نحكو مع الحيط !؟ ورااه الا بغيت نمشي معاك خااصك نتي تخلصيني ابنت القحبة !؟ رااه ماقواو غير الزوامل، راه حنا لاعبين نااقصين ، تقلبي على دوا اا ماتلقاايش راجل كاامل بنت: هاااهااااا على نخلصك !؟ قحيبة صاافي نوصير: ختي !! سيري بحالك ماحد وجهك صحيح .. ابراهيم: تاا خلي بااربي تدوي هههههههه خليفة: زبي ماشي باربي !! زينات راهم فتجنيد هاد الكوفرات معمرين دروبة ..دارت مشات تاتلوز و خلات خليفة تيغلي و ابراهيم سخف بالضحك و نوصير تيضحك خليفة: واااشوو قحوب فين وصل نوصير: ضارب شي عصير لافوكا على صباح اابراهيم: ضاارب البَّاايصر ابن عمي ههههه خليفة: اصااحبي تهنيت من قمااقمكم هااد ليام .. نوصير: هههههه تنكول ليك فوت بنات الحرفة !؟ خرر ياامك تزوج قوادة ابراهيم: يهوودي اصااحبي خليفة: ( تيطلع سروالو ) خااصني نطوال اصااحبي !! نوصير: ( بجدية)شرب حليب العصبة اصاحبي ابراهيم: ( جدية كثر منو) ااه شتها فالكروب البنات والوصفات كالك تيغلض و يطول .. خليفة: شنااواا هاد حليب العصبة !؟ نوصير: هداا علياا غير سامع !! خليفة: ( شاف فيه مزيان وشاف فابراهيم ) انا الخير لي ديرو فياا قلبو على اصل مي !! ماتعرفووني مانعرررفكم ... نوصير: ( شاف نبيل خارج تحرك غادي تيهضر ) ابراهيم كوليه هههه ابراهيم: كون هااني !! ( شاف خليفة) حليب العصبة اصاط هو ديال ( شاف لمعلم) خليفة: نطوال على قرن !؟ كاس باش يعمر خاصني شهورة ابراهيم: سلخ حنكليس نتا يوميااا خليفة: ماا رجع ينوض تاماخليت فقهة ولا عشوب و نوض نقتلو بسليخ ..اناا عااجبني طووولي اخاا ابراهيم: من اول لبدهاااا وسكت و فوت عليك القحااب ..راك مرضتينا معااك خليفة: ( تيتبجق) واايلي احوووبي ابراهيم: واااباااز و مااتتقشرش .. تحرك نبيل و نوصير بطموبيل فطريقهم اتصلو بمغيث لقااوه قاصد سوق يشري حولي للسمية و خلطو عليه الحزن مخيم على جميع ..ليلهم ماهو ليل و نهارهم ماهو النهاار ..الاخ نصف الاب مشكلة ليالي خلاتو يعيد النظرو فاكثر من امر ، ليس قلة رجولة منو انه يقول بان الحق مع مغيث فالقضية زواجو او ذل منو انه فضل الصمت ، هو انسان وااعي و تيحسب الامور بالعقل !! هو فقط تينتظر قرار ليالي ، مدام فضلت صمت فضل يحترم قرارها ..لاأن بسااطة عائلة ليالي لي مكونة من الاب و الاخ لي ياخدو زمام الامور!! غيثة افسدت الامور ينوضو يتغاوتو مع مغيث و يسبو يعرقو بااش يتسماو خداو حق ليالي !؟ او يطلقوها بالغصب و يكملو على العمل غيثة !؟ ..الغلط كان مشاارك بين غيثة و ليالي و مغيث .. ....شنطات مخرجهم اذيب امام المنزل مستعدين للخروج و لياالي جالسة فبيتهاا هازة امير...دخلت عليها غيثة لابسة حوايجها و دموع على عينيهاا ... غيثة: ( جلست حدااها و مدات يديهاا شدات امير تتعنقو تبووسوو و تشم ريحتوو ....بصوتها هادئ شبيه ليالي تكلمت بحرقة) ووربي شاااهد كلشي من حبي لييك ( تتخنق بدمووع تتنفس و ترجع تكلم ) انااااا من خوفي عليك من غدر الرجال بغيت نعمل ليك القيمة ليالي: ( حاطة يدها على عينيهاا مخبيااهم تتبكي بهمس) صمت غيثة: طلبتي نبعد !؟ اناا نبعد اوكي !؟ ليالي" : ( مستحيل تجااوبهاا لان الا تكلمت تخسر معركة ترجع صفر. منين بذاات ) صمت غيثة: مستخسرة فياا الكلام ابنت كرشي !؟ على ودووو !؟ حيااة مااتتوقفش على راجل !؟ ترضااي بالذل !؟ فين نفسك !؟ فين كراامتك !؟ ليالي: ( مسحت دموعهاا و خدات نصف شجااعتهاا و نتطق بصوت مرعود) جٌوبُز لاَمِيم كِيستيون جوج اخرين عليك!؟ فين نفسي !؟ و كراامتي !؟ غيثة: نووو مااشيغي !! مايكونش عندك لودوت ( شك) بعدددي منوو ....( رمقتهاا لياالي بشوفات حارين ) اووك ...( باست امير ماسخياش بيه حطاتو واقفة) اليالي: ( وقفات معاها و قلبها تيضرب و رجع فراق مع مها تيتعتصر قلبهاا ) مم ممااماا غيثة: ( حطت لها ساورت طموبيل و سورات الدار ) سي بوغطووا و بوغ امير ...طووجووغ جوطيم طووجووغ نتي ماابخاانسيس ... ..خرجت بلا مااتعنقهاا ولا تبووسهاا خلاتها تابعهاا تتبكي تووقفهاا رشيد معنقهاا ....جا اذيب عنقهاا تيجدد وداعو ليها من بعد ما ودعها فاالصباح هيا و امير و عطاهم لي كادو ديالهم بوسيط بكرسي طموبيل و صاكها و هياا سنيلة ديال ذهب مكتوب فيها Mom ... اذيب: ( كما معود يتكلم معاها مثل طفلة ) نتي مااشي بووحدك !؟ تلفون منك ؟ مسااج منك نوقف ليه فوجهوو اوك !؟ ليالي : ( عنقاات تتبكي و مزيرة عليه) هيءهيء تهللا فماامااا بليز اذيب: هههه توصيني على غيثة!! جااوقت نااخدهاا و نتي تااخدي رشيد ليالي: ( تتشهق و فتحة تتضرهاا ) هيء هيء علاش ماااشي بجووجهم هيء هيء سي صااا لوو نوغماااال !؟ رشيد: ( تيطبطب على ضهرهاا بهدنة) ليااااالي قدر الله مشااى فعل اممم ...استعيذي بالله ...ودعت اذيب لي تبع غيثة و خلاوها منهارة تجهت حضن دافئ الجديد خلاصها من الغربتهاا و وحدتهاا حبل أملها الجديد #امير .. ....خدات دوواهاا و رضعت امير و غيرات ليه مع حجمو صغيور تتراعي ليه و تتخاف نفس وقت عليه من اي حركة ..نعساتو و نعساات تادخل عندهاا رشيد .. رشيد: ارتااحيتي اباباا !؟ لياالي: صاافاا papa.. رشيد: ( تيقبل امير) ارتاح ليك شويش فيق تلقى مفاجأة لياالي بتسمت من غير النفس و نعست ...اخر همها المفاجآت .....من غير عصا سحرية ترجعهاا الصباح مشؤوم نهاار سمعت جملة : 🔙🔙🔙 مغيث: لياااالي (سكت تينتظرها دور ....مادرااتش) حسبيهاا قبل مااتخررجي !؟؟؟ 🔚🔚🔚 .....نعست ساعة وجوج و تلاتة و ربعة لان امير مقلوب ليه نعاس ..نهار ناعس و ليل سهراان ..فاقت على قهقهات و ضحكات تتسمع ليهاا خفيفة ..ناضت بشوية دخلت حمام طرفت وجهاا ولبست كيطمة جديدة و خرجت تتستطلع على الامر ..شافتهم عرفاتها من لاكوب شعرها لي سنين ماتتيتغيرش. ... لياالي": ( بصوت شاكي) عميتووو عمتهاا: ( دارت عندها مبتسمة رغم الحسرة فقلبهاا وفتحات ذراعانهاا ) رووووح عميتوو .. ..سلمت على عمتهاا و اولاد عمتها بجوج و جلست معاهم عللى حوار الاحوال و رشيد ملطف الجو و منبه عليهم يتصرفو عاااادي و مايذكروش اي موضوع ..طوالت الجلسة و اتسرجعو الذكرياات مع مرااكشية عمتها اولادها ضحك من القلب..لاكن شبح غيثة كان مصاحبها تتشوفها فكل ركن لدرجة كرهت الداار و تزير قلبهاا ليالي: ( سمعات امير تبكي) امير تيبكي سمحولي !! رشيد: نوووض ابااباا ..( تبعها بعينيه تامشات و تحسر) ايااي على الوقت عمة: اشااوا خرجت على بنت !! كانت وردة مفتخة ...ارتااحت دبا !؟ رشيد: وواش غيثة تغير !؟ غيثة من زمان تتبغي غير راسهاا عمة: هاادي مااشي بنتها !؟ وحيدتها بقات هاك بلاك تا فرتات ليها العش .. صابر: الله يهديك الواليدة !! جينا نفوجو عنهاا ولا بيتي تغبنيهاا عمة: نقي وذنيناتك نت نيت وسمع ماايعجبك !! كي شتي نت نسيبتك موقراك !؟ صابر: ( شاف خوه ضاحك) اناا عندي ررربح تهز بنتها و تمشي !! مامرتاح غير نسيبي هنيتو منهم بجوج رشيد: ههههه علام هااد صابر ...نهار داز فالجري ..داراري جابو حولي و طلعوه السطح غدا يتذبح للسمية و خديجة خرجت هيا الوازنة يتقضاو حلوى و لي خااص للضياف و عقيقة .. شرات ليدغاجي بيبي دواز آتااي ..رجعو الدار لقاو اسماء تتغسل فالدجاج وملحاتو، اسبوع على غفلة يكون غير المقربين ..الوازنة بمقامها تتوجد و تقاد و فرحتهاا نااقصة لان عارفة القضية اش فيهاا ... اسماء: خالتي نحط عشا !؟ الوازنة: حطي لهم بوحدهم لاينوضو تاني ليا فوق طبلة ونا معاهم مغيث: ( دخل عندهم) الواليدة غداا داك ذبيحة كلها تصدق و نجيب للحم بكري للسبوع اصلا غنمي قاصح الوازنة: الله يجعلو من ذرية الصالحة و الله يتاويكم اولدي .. مغيث .. شاف خديجة عاطياه بظهر تترتب فحلوة حنى رااسو ورجع جلس مع خوتو فللصالون .. اسماء: فين رااجلك !؟ خديجة: اناا عاارفة !؟ اسماء: الا ماعرفتي نتي لي عايشة معاه اختي !؟ نعرفو حناا خديجة: سيري حطي لهم العشا و سكتيني راسي تيدور اسماء: ( تتمسح طبسيل) تحني غدا ليالي !؟ خديجة: ( بحال نغزات قلبهاا) ماتتبغيش صااحبتي و عارفااهاا اسماء: ( تتهمس بشوية) ناض ليه نبيل و كاليه و الله تجيب ديك مراتك تانية لاسبوع والله لادخلات و كن كان اباا حي و الله لادرتيهاا .. خديجة: هدااا رااجلك !؟ اسماء: ( مصت ريق فمها بفقصة و حركت صبعها بلاا) ايه رااجلي !! لاكن مانتيقش تيهز بنات فطموبيل و مصاحب خديجة: ااااه !؟ هداا نبيل !؟ ( اسماء تتحرك ليها راسها و تتمص شنايفها) اواا اش نكول اناا على رااجلي !؟- اسماء: ( تتشوف فطاوة) نحط لهم دجاجة و نص ولا جوج !؟ خديجة: ياكلو فيه جغديد ..( خرجت صالون هزت تلفونها من صاكها تتتصل بفاروق مااتيجاووبش) يااريي صبررر ...بقاات غادة جااية فالبيت و تصوني والو مايجااوب تاسمعت الوازنة تتعيط لهاا ..تعشاو و تتعاون اسمااء و قلبها وااكلهاا ....مغيث نعس فصالون و نوصير حداه باش يفيق فصباح بسيف عليه يذبحوو و خديجة نعست فبيت بوحدهاا و اسماء طلعت مع رااجلهاا 🌄🌄🌄 ..مع ستة الصبااح بحال منبه فعقلهاا جمعات وقفة دخلت حمام دوش من ليلة حميمة بارح ، ابدااا واش رجعات تقوول الا ااو مافيااش ..دوشات و توضات و خرجت تتلبس حوايجهاا ..تا فاق مخسر وجهو . نبيل: ( بصوت ناعس) فين مسرية على الصبااح !؟ اسماء: مي تكون جات مع طيابة نعاونهم نبيل: ( تيدوز راسو على شعرو لي كبر وقواا ) هاانتي نزلي و برررب و تجيبي داايرة شي كاارثة ولا مضروبة ولا مهرسة نكمل عليك يللااه حسبي درووج .. ....مشات هزات قفطانها و لاتوخوز مااكيااج و شربيلهاا و نزلت محيت على هاد حلوف تغبر ليه تا يدوز سبوع ....نازلة فدروج دخلت الدار نيشان بيت خديجة لقاتها مزالة ناعسة حطات داكشي وخرجت نزلت كراج تحت لقات الوازنة ومها موجدين للنصيب ....سلمات عليهم تتضحك .. اسماء: نعااونكم !؟ فطوش: سيري طيبي لفطور لوايسك الوازنة: ( مدات لها زيب بلدية) تقدك خمسة يطرو اللاا بااتول طيابة: اياااه ..على بركة الله اسماء ديك بركة الله لي تتسنى عيااات فطوش ما تغمز و تجري عليها ولا بغات تزعزع ..طلعت الوازنة و بقات تتشوف نصيب على حقو و طريقو مكرفدة عليهم يدين على خصرها ، طيابة تبغي تمد يدها لشي حاجة طاارت عطاتها ليهاا اناا نمدهاا ليك اخاالتي !! رتااحي خالتي !! بغيتي هاادي خالتي وعلاش خالتي مادرتيش الماا !؟ وعلاش خالتي زيت تا اخير .. ..ماا تطلعاات حتى نصبات معاها للحم و دجاج لي دخلو لهم نوصير و رجع هبط لهم الفطور عاد طلعت .. نبيل: ( هو طالع سطح هياا طالعة ) ماتشديش قنت وااحد !؟ اسماء: ( تتقلي ليه سم بعينيها) هوووماا عيطوو ليااا .. نبيل شااف تاعياا و طلع تابع خوتوو واش يمرض رااسو معاها اخرتها قتلة عصاا . ..مغيث و نوصير و نبيل مستعدين للذبح و مغيث هااز تلفون تياصل بليالي ماتتجاوبش و ارجع تصل برشيد .. مغيث: صباح خير سي رشيد .. رشيد: صبااح خير اولدي ..( شاف ساعة لقاها جاية طناش ) ياكما تأخرنا اولدي !؟ مغيث: ( تيدوز يدو على صدرو) احمم بغيناا نذبحوو .. رشيد: خمسة دقايق اولدي .. مغيث: مرحباا .....( اقطع و جلس يطل من سطح و الوازنة طلعات تتحط بانيوات و شبااكي ) الوازنة: ( تتشوف حولي كبير تبارك الله) خير الله هداا نوصير: امي خلي ليا للحم نعطيه صحابي ياك غير تصدقوه !؟ نبيل: ( تيهضر ماتيشوفش فيه) صحابك يتامة ولا اراامل !؟ نوصير": ديبااني اوطني ..و #عاش_شعب .. ... مغيث مراقب درب للحظة طاحو عينيه على سياراتين وحدة غيثة لي منين شافها عض شنايفو و سيارة اخرى نازلين منهاا جوج دراري و مراة و حلو كوفر تايحطو فالباب الكاضوات و لوازم العقيقة عمتها مكبرة بيهاا ..ركز على سيارة اخرى نزلت منها ليالي لي سايكة و رشيد من جهة اخرى فتح الباب هاز امير فالكرسي مغطي و هيا هزات صاكو ....استغرب عدم وجود غيثة و اذيب ...يلاه جاا يدور هو يشوف فاروف جاي على رجليه طالع الدار .. مغيث: الواليدة رااهم وصلوو .. الوازنة: اوا نزل نسقبلهم .. تمات نازلة هو تابعها ... من دخلة سمع بكاا خديجة لي معنقة ليالي توحشاااتهاا بزاااف و قلبهاا واكلهاا عليهاا ....سلمت على عمتها لان تتعرفها فايت حضرت عيد ميلاد ليالي برفقتهم .. عمة: اهلاا بنتي خديجة ( استغربت وجودها ) خديجة: سلام خالتي لباس عليك و مبروك زيادة لياالي ..( سلمت على ولدها صغير تاوصل صابر لي تيعرفها و مايسلم عليهاا غير بالوجه .. صابر : لالة خديجة هناا !؟ كي بقيتي ؟ صحيحة ؟ العائلة !؟ العمل .. اسماء سلمت على المراة و هربت خافت منو يسلم عليا بالوجه .. خديجة: ( وجها طرطق بحشمة ، دارت تشوف فيهم لقاتهم ملهين بالسلام و امير جات ترجع للور هيا تلمحو ) صافا ميغسي .. فاروق: ( شافو سلم عليها كابلات راسو تحرقو ) صمت صابر: حمد الله ..( تبعهم صالون جلس حدا امو وخوه و ليالي حدااهم و شيد و الوازنة تتعطيهم صواب من غير مغث لي هز ولد تيبوسو ) فاروق: ( قرب ليهاا قاطع ضوو فرااسو ) شكون داااك قواد لي مادة ليه حنكك !؟ ( غاادي يطير عليها و هيالا تتهرب منو بوجها) شاايط عليك حنكك !؟ خديجة: ( تتقرا معوذتين ودارت تشوف ماتلقى غير اسماء لي فاهمة فيلم غمزاتها تجي) راااه ر..اارا اسماء" : ( شجاعة و الهبل) ختي خديجة جي شوفي كاطو !؟ فاروق: ( خديجة جات تبعهاا شدها من ذرااعهاا اسماء شافتو حركة هربت تااقفزها ) ااجي نتي هناا ! اسماء: ( وقفت بلاصتهاا قاطعة نفس) ااه فاروق: فوق محلول !؟ اسماء: ( كما قاعدة رااس تيكول الا و لساان تيكول ااه) وقيلا !! ..جر ليك خديجة و تسمع هضرة فوق و تحت دار موراه لقا الوازنة طالعة مع مغيث هاز ولدو و رشيد و فوق نوصير تايتغاوت مع نبيل ميزهم من صوتهم ..دفع الباب و جرهاا دااخلة وسد بساروت .. فااروق: ( تيطوي كمام قميجة) اناا سميتي فاااارووف القباااج لاجوووداان ماااشي مشيل لي مراتو يتسلم عليها من حنكهاا خديجة: الله يهديك وااش نتشهوهو هنا !؟ هانت غير سمعني ( تتشرح ليه و تبرد و تترجع بلور وهو جااي عندهاا) رااه و الله مااعرفني تزوجت و هداك ولد عمت ليالي رااه .. فاروق: كملي !! بااش نعرف نوع دقة لي تجييك !! رراه بحال خوياا !؟ ( فغفلة جمع معاها بتصرفيقة حارة) اناا فخدمتي شفت خووو زاايد ختوو !! عااد تكولي لياا قلااوي !؟ نحررر دنممممك .. خديجة: ( شادة حنكها تتبكي ) ضربتي !؟ كملتي !؟ فاروق: ( تيحاول يبرد ، صدرو تيتهز و و يتحط) شحال من مرررة تبريت منك !؟ وااش نكتب ليك بلاكة كبر من جبهتك نكتب فيهاا هااد خديجة رااهاا مزووجة خديجة: و الله تااغفلني بالله ...اناا اصلاا مامولفااش تنسلم بوجه فاروق: ( حل صدايف قميجة ) جمعي كررك زيدي قدامي يلعن دنمو هاااد سبووع انا لي نخلي بوه بناادم خديجة: ( تتحاول تقرب منو) فااااروق !! مسحهاا فياا عمرهاا تعاود !! و الله الا عندهم عاادي ..انا نكولها لامو والله تنشكي عليهاا ( حطات يدها على حنكو ) فاروق: ( هرب حنكو) حيدي يديك لا نتكي مك هناا !! خديجة: ( هبطت دموع و بدات تبكي و تتحاول تيتسعطفو) وصااافي غلطة عمرهاا تعااود فاروق: محيت اناا نبقى تاابعك !؟ كن ماشفتش بعيني كن مقلوب عليا القفة .. ..شدات فيدو و تتستعطفوو و تجرات تقبل فمو و جراتو الصالون جلسو .. خديجة: بلليز !! ماديرش فقلبك !! راه عندهم عاادي و سلم عليا قدام عاائلة ماعارفش راني مزوجة ... فاروق: ( شاف فيها مخنزر) يلعندمك نتي و يااه تريكت قحووب .. خديجة: فاارووق !! (سكتو تتخليه يتهدن تنطقت) ماجاوبتنيش بارح !؟ فاروق: كنت خداام !؟ ( شاف فيها بتساؤل) ااش فالبلان !؟ خديجة: ام رؤيا جات خداتها و ماقلتيهاش ليا !؟ فاروق: ( تيشوف فعينيهااا مركز) نسيت ! و نسيت مااكلت ليك حتى راه كلت لها تجيب رؤيا اسبوع و ولد عمها و عرضتها تاهياا لاسبووع !! ....خديجة: ماااسمعتكش عااود !؟ فاروق: ( تقااد فالجلسة مفرق رجليه و تيعقد قميجة) الا فااتك هضرة كولي سمعت خديجة: ( طوات رجلها جالسة عليهاا ) فااارووق نفكرك !؟ ااخر مرة كلتي البنت بنتي !؟ و كولشي دياالي و مانوصلوش طريق مسدود !؟ فاروق: (دور وجهو عندو برود) تاناا تنوصيك و ناكد عليك فووتي لياا زواامل اخديجة !!رااه هااد مرض لي تشعل فياا عافية فخاطري تايجهلني !! ( هاز يدو جامع صبعانو جهو راسو) رااه مانعقلش عليك خديجة: مااتقلبش علياا القفة !؟ اش جااب لجااب !؟ كفاش طليقتك جاية تحضر اسبوع !؟ فاروق: ( تنفس بجهد) رااه فاش تصلت بيا تجي تاخد رؤياا عطيتها موافقة و خرجات لياا من باالي فمرة !! فاش كننتي تتصوني عرفتك تتسولي عليهاا . خديجة: عطيني مفيذ افاارووق فاروق: انا جاي و تصلت بيها ناخد رؤياا و هيا طموبيل توقف اونبان كلت ليها تجيبها للحومة ضروري على اسبوع ولد مغيث خديجة: هانت رجعتي بناادم و تتعرف تاجاوب و تفهم !! ولاكن قسماا بعزة جلالة و تحط رجلها فهااد سبووع ياا تنخوي ليك حيااتك كلهاا ماشي غير سبووع فاروق: ( طار عليهاا من شعرهاا وزمجر بغضب) خدييييجة مااتنتهددش سمعتيييي خديجة: ( تتجر يدو تاقمشااتو و حيد يديه) فاارووق اناا رااه ما نعايرك ما نخرج معاك العيب !! اناا راااه نخليهاا ليك خااوية و عمرها بمن بغيتي فاروق: ( مقرب لها وجها ياكلها بشوفات ) وااكلت قحبة مهاا تجيبهاا حووومة مااشي الداار !! خديجة: اناا نخرج نجيبها !! فاروق: لا نتي لا اناا نصيفط نوصير ( هز صبعو) تزيدي كلمة نهبط نفرشخ دااك لهاارب تحت و ندخلها سبوع ضدد و نفني مك من موراهم !! خديجة: ( ربعت يدها تتاخد نفس) صمت فاروق: ( حيد صبااط من رجليه و دار يتكاا ) كحزي فوق ( جات تنووض و رجعها مبعدة و تكا براسو فحجرها و مغمض عينيه ) صمت خديجة: مانعستيش !؟ فاروق: ( هز يديها باسهم و حطهم فشعرو) من لابريكاد لهناا ..( نطق بصوت متعب) مسخسسسااااخ خديجة: ( قلب بيض و روح مسالمة تتغفر بسهولة و تتجنب صداع ..بذات تتمشط ليه شعرو بصبيعاتها تانعس) لاجواااداان فاروق: ( عز نعااسو مجاوبها) امممم .. ..مرت نص ساعة تسمعت تلفون فجيبو تيصوني تحنات جبداتو طلت شافت صورتها تتصوني فواتساب وحلف تتجاوب .. بديعة: ( برقة) الوو فااروق خديجة: مرااتو !! بديعة: اممم !! قسمين مكانة و كوليه يجي ياخد رؤياا خديجة: هاا عمهاا جاي لهاا ..ميغسي ...(اقطعت) فاروق: ( سمع حوار مزال مغمض عينيه) صمت خديجة: ( دوزت يدها برفق تفيقو و تلمس حنكو) فااروووووق فاروق: فاايق ....ريحي هناا اناا جاي .. ناض تيحك عينيه لبس صباطو و خرج و حيد ساروت سد عليهاا و طلع سطح ...لقا نوصير و مغيث و نوصير كملو سليخ و فطوش الوازنة تيقادو دوارة و مصارن فاروق: ( لاسلام لا كلام) نووصير هبط جيب رؤيا من راس درب نوصير: ( تيغسل رجليه من دم) اندوش اصااحبي فاروق: ( شعل جبد كارو وشعلو و قرب حولي تيشووفوو) اش سميتي عزري !؟ مغيث: ( تيشوف تصاور ذبيحة) أمير نبيل: ( تيمسح وجهوو و شمس ضاربة فوجهوو تاشافهاا طالعة لابسة قفطان و شعر شداه بمقيبط و محكلة و وجه من عند الله مزنك يلاه تحط رجلهاا شافتو قلبات نازلة) اسماااااء الوازنة: ( هزات رااسها فيه) اولدي غير بشوية فطوش: ( تتمد لها رية تقطعها) شددي ! راه ميت تهضرو ...فاروق: ( شاف نوصير داخل بيتو) وراااه هضرت معام ابناادم ..هبط جيب البنت .. ..مزادش معاه تم هاابط لقاا نبيل شاد اسمااء تيحاول يفتح الباب و خديجة تما ساكتة حشماانة اسماء: ورااه مراات خوك هناا سادين عليهم نبيل: شكون فخووتي !؟ اسماء: جداارمي يااه !! نبيل: اناا خوووياا خليتوو فووق !! و البااب خليتوو مفتووح ( تيبرك على ذراعها تتوجع) نتي لي سدتيه باش ماانحبسش مك هناا ...حلللي اسماء: ااحححح يدي !! حق قراآن تا طلعوو هنااا .. نبيل: ( جرها معاه جهة دروج و تيغووت ) فاااروووق وااا فاااروووق فاروق" ( زطم على كارو جاي عندو) مالناا نبيل: ( شافو هابط و رجع اسماء مورااه) الباب مسدودة !؟ فاروق: ( مد ليه ساروت و تم طالع تيهضر) زيدها على هاديك لي تما و جيب ليا سوراات .. جرهاا وفتح الباب دخلها تتبكي وخديجة شافتها غرقت فحواايجهاا هو دخل البيت نعاس يدوش ..ماقدرش يزيد يهضر قدام خديجة . اسماء: سد عليك !؟ خديجة: ( حاطة يدها على وجهاا ) ويللي اخر اياامي رجعنا مرااهقين .. اسماء: نوضي نزلوو ..ماحدو فوق و 111 دخل يدوش خديجة: خفتو ينوض يحيح !!؟ اسماء: خالتي الوازنة شوية و تهبط ماعندو منين يجبدك خديجة: ونتي !؟ اسماء: قتلة عصا ويلا تعصب يجري عليا نمشي مع مي نيت توحشتهاا .. ....ناضو بحس و خرجو تيدردبو فالدروج لقاو نوصير عطاهم رؤياا و دخلو الدار لقاوها عمرات و صون الهضرة و ضحك ...دخلو البيت الوازنة و صيفطو رؤيا تجيب ليالي هيا ولدهاا ..وتجمعوو تماا تيذاكروو .. ....مرت ساعات و حطو الطعيم للمعروضين طبلة عائلة ليالي خلاوهم مجموعين و عائلة الوازنة بوحدهم و خوت معاهم ولاد عمامهم بوحدهم اما البنات ماخرجوش ...جابت لهم الوازنة غداا تماا .. خديجة: ليالي كولي !؟ ليالي: ( اغلب وقت ناعسة) بفف خاصني نشرب دواا خديجة: مااجبتيهش !؟ ليالي: فطموبيل تحت عاد تفكرتو !! اسماء: ( مكفضة تتضرب دجاج و تبنن) نوووضي خويتي جبيه انا وخدوج روشيرش خديجة: ( تكات تضحك ) هههه ربي عمرك تشرفي هههه ليالي: ( تبتسم و تشوف فيها) مالكم !؟ خديجة: طون كوزان صابر سلم عليا بلابيز و ناض فاروق يغوت اسماء: وشوية احترام تاني !! راك مزوجة ليالي: ههه ماعرفهااش مزوجة ...سي بااكفااف خديجة: سي كغااف ختي مع لاجوداان .. ..باست ولدهاا هزات من صاكو كونطاكط و خرجات بجلابتها عصرية تتمشى على خاطرهاا قاصدة درووج حانية ررااسهاا تاوقفهاا صابر صابر: اشااووا فين غاادة !؟ ليالي: ( هزات راسها فيه تتضحك) نهبط تحت طموبيل نجيب ميديكامون ديالي .. صابر: ( مد يديه كونطاكط) اري انا نهبط عليك راك مزالة مريضة .. ليالي: (مدات ليه كونطاكط) راه فكوسان دغييغ .. صابر: داكووغ ...انا جااي .. ..وقفت تتنتظروو تاتم طالع مد لهاا الدواا و رجعت بيت كلات شوية و شربت الدوا و امير تهزو اسماء تحطو تهزو خديجة ورؤياا فرحاانة بيه .....وذن العصر مر المغرب و تفرقو المعروضين بقاو غير العاائلة ..هزت ليالي ولدها معاها خديجة هازة كرسي و صااك لقات اباها واقف مع مغيث ..شدات رؤياا مشاو صالون حدا فاروق اسماء دخلت الكوزينة ... رشيد: ( باس امير) ارتااحيتي ابااباا !؟ ليالي: وي شوية ... رشيد: ( خدا نفس تيستعد كلام ) شنو ابنتي درناا !؟ هاانتي هاا رااجلك تنشوف حان الوقت تكلمو و تناقشو .. مغيث: ( يدو على للحيتوو تيحكها بتوتر و تيشوف فيها) صمت ليالي: ( رجعات حمراا توترت وبسيف صوتها تيتسمع) وي جووسي .. رشيد: مهم اناا نمشي مع عمتك معروضين عند شي النااس شنو مااكان اتصلي بياا .. ليالي شداتها بكية و حزن نهار طويل عندها تتودع فيه اعز النااس؛ عنقها تيسلم عليها و قبل امير ..و تسالمو معها عمتها اولادهاا و سلمت على الوازنة و البنات و شكرااتهم هز رشيد امير فالكرسي حطو لهاا فطموبيلة غيثة وسلم عليها مرة اخرى وعلى مغيث و ركب مع ختو قلعوو ... مغيث: ( وقف قدامهاا) نمشيو دارنا !؟ ليالي جاوبااتو فقط براسها و ركبت ديمارت طموبيل مقلعة هو مورااهاا بطموبيلتوو قاصدين البرطمة ..... ...عش الزوجية !! بيت الزوجين !! ممكلة الزوجة و بيت الراحة للزوج !! قصر اطفال و منزل الذكرياات طفولية !! ..... الوجع !؟ وجع هو داارك لي فرشتي و دخلتي ليها العروس بعد العرس اسطوري فيديك حب حياااتك لي فاجئك باحسن ليلة العمر ....داخلة بقلب مكسوور !! كل انتظار ردة فعلهاا و اولهم مغيث !؟ ...حطت ولدهاا نااعس و غطاتو و هزات عينيها تتشوف بيتهم !! بيتهم لي زينو بالورد احمر وشكوولا و شموع ...مسحت دمعة ييتيمة و ناضت خارجة عندو القاتو وااقف كطير منكسر ...لمحت مطبخ و تفكرت ايامهم و ضحكهم و قبلاتهم ..تاطلعات معاها المرااة يوم ماارجع معاهاا نهار المشؤوم ... كل سيدة تترجع بيتها بعد مشاجرة تترجع بحماس اكثر للتجواز اخطااء اخرى و حب اكبر و ضحكات احلى ....لاكن ليالي رااجعة منهزمة و مكسورة القلب .. ليالي: ( وقفت بشموخ !! لم يبقى لها سوا مواجهة بشجاعة او ركووع بهزيمة لاكن امير عطاها شجاعة) تنسمعك !! مغيث: ( هز فيه عينيه مثل عسل البحر اسود ..نايمين و هاايمين) اناا لي بااغي نسمعك !! ليالي: ( ربعت يدهاا تتشتت نظر) سي نوغماال !! تعطلنا على سمعني نسمعك !! ( هزات صبعوو فيه بعتاب) تِس سيِ ( هل تعرف) كلشي نقدر نغفروو ليك الا انك سمحتي فولددددك !! شنوو عمل ليك امير !؟ مغيث: مممككك لي داارت لياا !! مككك لي هزااتك تولدددك بلاااخباااري تاوصلني الخباااار من برااني !؟ ليالي: ممككك !؟ ماامااا مشااات مغيث: طغووطااغ !! ( ركز فيه نظرتو) كن جيت و نتي فلاكلينيك كنتي تمشي معااياا !؟ ااااه عرفتي لي مجنني و فااقصني و جهللني هوو سكاااتك اليااالي عمرني ظنييتك تفرطي فياا !؟ ليالي: (تتكبح دمووع) نفررررط فييك ؟! كاان سوووء تفااهم و ماماا كذبت علياا نهار سمعتها فطلفون تصلت باباا مغيث: كووولشي رووطاار !! مك طعنااتني فرجوولتي ليالي: مااماا !؟ تاتبقى مااما ...هياا غلطت معااك فرجولتك ( دارت حركة برجلها بحال مسحت ارض) انت مسحتي بيااا اررض بزوواجك !! مغيث: ( بركان تفجر فقلبو !! كان ملهوف على كلامها لزواجو نهار تكلمت حرقاتو) زواج !! باابااك راه شرح ليك شنو وقع !! والحل لي درتيه انا معااك غير ماتكوليش لياا طلااق ليالي: طووجووغ و تُووت لااافي تبقى انااني !! زواجك مااهمنيش !! ( هز فيها عينيه مثل جحيم) وووي ( تتاكد بعينيها و رااسها) مااهاامنيش لدرجة ماسولتش لا شكون هاادي ولا علاش ولا كيفااش !! بااغْسْكُو مستحييل تبغي شي وحدة غيري فظرف اسبووع ولا عمررك كلوو مغيث: ( هز شفايفو بملل) ونتي بااش جازتني !؟ تبعتي مك !؟ ودوووزززت ليك بزااف و نبهتككك بزاااف وكلت ليك خلي مممك بعيدة علياا اليااالي ليالي: ( هزات راسها تتمسح دموعها) ووي غلطت !! مي خلصت ودوور عليك اتخلص محيت ظلمتني مغيث: مااظلمتكش !! درت شرع و القانون .. ليالي: كن القانون تيحكموه القلوب ( تتشير قلبهاا) تِي سِييغ ( كن اكيد) تحكم بمؤبد .. مغيث: كنت ديماا تنعطيك و تنبغيك و معيشك احسن عيشة و عيني مااتشوفش غيرككك ..كنتي عشقي !! ليالي: مااششكتش فهاادشي !! لوبخُوف هاناا هنا مع ولدي فالداار ابااه بغااه يعيش نوغمال ..تانا بغيتك لدرجة كرهت حبي ليك ..( تتمسح دموعهاا) ضررتني بزااف ولاكن خليت ليك الله مغيث: اناا مستعد نفني حياتي على ولدي وعليك !! لاكن .... ليالي: ( هزات يدها مقتطعااه) جا وقت تسمع قراري !! حيااتك رجعاات اخر همي !! اناا اليوم رجعت بصفتي أم أمير سي توووووو ... مغيث: رااكي مرااتي !! ليالي: بيان سيغ !! لاكن ليالي فاش تزوجااتك خداتك بوحدك ( جمعات يدها بوكس قلبها) ليهاا و عطيتك قلبي و روحي و حياتي ..ماعنديش استعداد نعيش مع نص قلب و نص راجل و نص فرااش ...كووغااج ليك و كووغااج لياا .. مغيث: ( تبلوكا بلاصتو) صمت ليالي: دوومان نتصل بpapa نخبرو ان امور عاادية و اخبر مالين دااركم ...تيقني !! ماعنديش لا وقت ولا دماغ لي نمرض رااسي معك ولامع هااد مرااتك الله يقلب بيكم .. مغيث: امور ماشي عاادية !! نتي تتحرميني منك !؟ ليالي: تجرب طلاق !؟ نطلعو و نهبطو محاكم و تشوف أمير بحال عيشة رؤيا !؟ جاامي لافي نعطيك ولدي !! مغيث: ( مسح وجهوو و تسمع بكاا امير شافها طارت مشات عندو جلس على وقفتوو ) ودفااااك ..بدلت ولدهاا ليكوش و صاوبات ليه حليب فرضااعة تاشبع حطاتو يلعب برجيلااتو .... ....بعد ماخوات الدار من ضيااف و تامن طامو مشات مع طيابة وصلهم نبيل و رجع ....اسماء و خديجة طلعت نجمة تعاونهم عاد جات من خدمة ..و تعشاو عيلات فالكوزينة على طابل مونجي و الوازنة جلست مع فاروق ونبيل يتعشاو .. الوازنة: الحمد الله داز طرح بسلام !! وخ ديك مها ماجات فاروق: ( مسح فمو بزيف ) الوااليدة تاتبغي تمرضي رااسك الوازنة: ايه حقاا ، وصلوهم ليا القلب و تنبغي نمرض راسي .. .جاية رؤيا تتجري و تحشات فالوازنة تتضحك فاروق: رؤياا تعشيتي !؟ رؤيا: ( تتشوف فنبيل لي سهى فيهاا و حنات راسها تتهضر) بابا نبات مع الميمة !؟ فاروق: غدا ليكول ..( وقف خارج ) عيطي لخديجة كولها يلاه بحالنا !! الوازنة: ( ناضت موراه ) الله يرضي عليك اولدي نقص من عصبية !! ومراتك االله يرضي عليها بنت النااس يدينا بيدها و مصوابة و سر و الحشمة .. فاروق: ( حااشي يديه فجياب تيسمع ما يحيي ما يقتل ، تمات خارجة تتقاد جلابتها جابت لهاا رؤياا صاكهاا ) مشينا !؟ خديجة: يلاه ..( باست الوازنة و نزلات مع رؤياا ) فاروق: ( قبل راس الوازنة) تهلاي الواليدة .. ..تم ناازل تاتيتفكر طموبيلتو خاسرة و خااصو يمشي خدمة فاروق: ( مد ليه كونطاكط ) هزها راه الملكي ، عطيني سورات طموبيلتك نبيل: ( مركز مع تلفزة تيهضر) واا زرب عليها و بدلها راهاا عياات !! فاروق: حديد مغرب بحال المراة بفف نوصير: ( تيجبد كونطاك من جيبو) شمن اونبان ابعدا !؟ فاروق: مرة تسني بزيت مرة بالفران !! (هز يده )هانا مشيت نوصير: رااااه كونطاكط وااحد لي عندي ،حضي الباب يتسد ولا شي للعبة .. فاروق: عاودها لمك ...( خرج) نبيل جالس تتفكر نهار ماشا سدات ليه على كونطااكط فطموبيل ..هز عينيه تيقلب عليهاا بانت ليه تتحرك فالكووزينة و تتهضر مع نجمة و تتضحك ...عض على شناايفوو .. نبيل: ( بهمس) فرنسي البشر وصلي عندي عقديهم !! نوصير: ( شاف فيه تيتمم ) اسبحان الله نبيل: (غادي طالع) نوووض تنعس .. نووصير: منين نجيبوو ..( جلس تيتفرج فماتش ريال مدريد و كل مرة يتهز مع مااااتش تاشافها خارجة من كوزينة) ماااشاااا (شافت فيه و حرك لها راسو ) ااجي !! اسماء: ( جاية تتزرب. تتفرنس) كووولشي جمعتو ليك دجاج و اللحم و حلوة نوصير: يتوووب عليك!! و الخبز !؟ اسماء: نعجن ليك !؟ نوصير: ( طفى تلفزة ) هههههه لا نشريه ..اجي وريني فين محطوط !؟ اسماء: ( تتقاد مخاد) راهم فالفران مخبعاهم ميكا كحلة ..( تتعطس) اتتشننن ..هز ميكا و تم ناازل للعصابة فالانتظار لقاهم جالسن فالقهوة مكمشين من البرد تم دااخل عليهم .. ابراهيم: ( شاف ميكة كحلة) قريعات هادووك نوصير: ( حطو لهم ) عرااضة اسبوع خليفة: ( مد يديه) الله يخلف على خالتي الواازنة و جوورة خاالتي الواازنة ... نوصير: القنطة اساااط !! ابراهيم : ( حرك راسو مع كول قميجة) لااا قنطة تحت الله .. خليفة: اصااحبي الدجاج كاين و الحم و الحلوة خااصنا غير شي ربعة ايطرو وربع ربع لوااحد و نعيطو جبد إفران ! نوصير: ( جلس طالق رجليه من طولتو) بااش يشموك صحاب الحال من دورة خليفة: خوك لاجوداان اصااحبي شكون يهضرك !؟ ابراهيم: ( دار عندو تيهضر بعينيه) يهضروو خووه اولد قحبة ويهضرنا معاااه نوصير: ثلج طاح فافران !؟ ابراهيم: طاحت شي البركة كالك !! خليفة: يلاه نمشيو و ندوزو عند ابن عمي حال الفران فإفران خدام فيه !! نوصير: ربط سلوووكية االقااصير !! دار باش تشريها فافران خاصك تكون بناني ولا لحلو ولاكاادر من كوادر دولة تكولي ابن عمك !؟ خليفة: ( زعما راه فاهم) واايه هو فنوااحي افران تمحضيت ، ديما تيكولي نزل عندي !! براهيم: يااك المرضي !! نوصير: حديدة اصااحبي داها فاروق و خلا ليا طموبيلتو راها واقفة اونبان !! ابراهيم: شنو خاصها !؟ نوصير: زيت وقيلا ابراهيم: ندوزو نهزوها و نتقبو عند حمودة لسطاسيون يشوفهاا !؟ نوصير: سير عالله خليفة: ( دوخاتو ريحة دجاج) نوااكلوو اصااحبي نوصير: جووع و نووع نوصير: انا نطلع لبس مزياان الا تيسرت امور نشدوها ليلة خليفة: ( وقف حاشي يدو فجيب تيشوف شحال عندو) اااه !! ضبرو عليا بشي جاكيطة و النظاظر و طربوش و كاشكول نوصير : ( تيحك فراسو مخيب سيفتو معاه) جلس لا تمشيش ابراهيم: اناا نطلع نبدل حوايجي و نتلاقاو هنا !؟ نوصير: سير !! خليفة: فكوونط ضبر علياا الله يحفظك !! شي تجاكيطة ( تيحرك ليه راسو بمعنى خوك انا ) ابراهيم: ( عندي هادي لابس و ميليتير سخونة !؟ خليفة: صافي جيب ليا ميلتير !! نوصير: ( دار غاادي ) انا نجيب ليك الله يهزك علينا اوجه الحبس .. ..بقى خليفة جالس فالقهوة حاضي الدجاج و الحم لابس سروال دجين و تريكو سخون و جاكيط خفيفة و كاط فرجليه هاادشي لي تيكسااب و فقر و شجاعة كاين واحد نوع داراري ديما هابط على صحابو و ربي كبير!! تلقى وااحد يشري واحد يلبس ليه و تلاقاهم مجموعين فريسطو تلقى واحد مخلص نص واحد ثلت واحد فابور وحيااة السعيدة مهم مغامراات ....كاابو لابس دجين لفيس و كاط نواغ كابيشو رجا اخضر و جاكيط نواغ سخونة و كاشكول راجا و ابراهيم تفس ستيل وكلها اش جاب خليفة تيبدل فالقهوة ماممسوقش و خرجو من حومة متجهين يهزو سيارة فاروق يصلحوها و يشدو طريق افران ...جمعت الدار و طالعة تتعطس و تحك فنيفهاا و ذنهاا ...دخلت البرطمة سدات الباب لقاتو فالبيت جالس تيتفرج فتلفون اسماء: آااتشن ... نبيل: ( هز راسو فيها عاقد 111) صمت ..دخلت حكت سنانها و دهنات كريم وجهاا لابسة بيجاامة رغم انها النهار كلو طالعة نازلة فدرووج و تتسخر لاكن مزال تتحس بذماغها تدور خصوصا فاش شافت عمة ليالي لابسة جلابة راندة بزواقة اخر مكاااين ...مشات ورااقها لي حاطهم فالمجر كوافوز حداها جلسة لي ترتااح فيها هيا ركابيها على ارض , ورااق فوق نااموسية و جلست ترسم رشمة لي شاافتها ..دار شااف فيهاا و رجع فيلم .. اسماء: ( رسمة ماابغااتش تطلع ..نطقت بصوت شبه مسموع) توحشت خيوط و حرير ووتوووب .. نبيل: ( وذنيه تيلقطو هضرة...تتبقى فيه وعارفها باغة تعلم ) صمت اسمااء: انننن نبيل: طلعي تنعسي اسماء: ( صطنعت باتسامة و تتحبس عطسة) ههه مافيااش بلاتي نبيل: ( ضربها لها بتخنزيرة) بااش تعلمي دووشي و تخرجي براسك عرياان، خليتك فصالون جيت لقيتك طرتي ! زعما شنوو !؟ اسماء: اناا كنت داايرة زيفي ياكا !؟ طلعت نعاونهم فالسطح ياكا !؟ اوا فاش هبطتني غوتات ليا مرات خوك تحت ( هبطت عينيها تاتبل فيهم ) نبيل: تنخااف عليك مني شي نهاااار .. .. سكتت و تعصبت مع وراااق فيها لي يكمشهم لاكن خافت منوو يغوت عليها، جمعت ورااقهاا طلعت بلاصتها تتعطس وتعااود و كما العادة ؛ تقلب يمين و شمال و تلعب برجليهاا تتطيب نعااس بحال بيبي ستة شهور .. نبيل: ( حط تلفون وهبط تكي) هز تلفون وخرجي الصالون تفرجي اسماء: ( عينيها ضحكوو ..نزلت هزااتو و خرجت صالون هزات ملاية ) احااح نتفرج فديك بوماضة صفرا هههه ..بقات مع داك تلفوون شوف فياا نشووف فيك !! من هااد عرض لدااك عرض شوية افلام تاقرب يطفي و ناضت جات شارجور و كملت فرااجهاا تا طلع ضو نهاار ..وتكول ديك البنت واش رمشاات او عياات .....ضربت سبعة صباح مشات حطات تلفون ليه و نزلت طيب الفطور و جهد عجيب ف للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02