المدللة و المتوحش الجزء 26 : مراد:(عرفها شنو تفكرات) اه يالاه راه ديك البرهوشة كتسنانا خرجو مراد و الما ل ريسطو مشهور بزاف كان هادئ بزااف الناس كيهدرو بشوية و كان مضوي كلو غير بالشموع استقبلو مراد ب حفاوة و داوه لطبلة مولف كيكلس فيها مراد طلب من السرباي داكشي لي مولف ياخد ليه و للبنات بلا ميتشاور معاهم . الين:اش هاد البلاصة لاش جايبنا مملة بزاف الما:و انا لي مخنشة ف هاد الحوايج هنا سخون بزاف كنحس براسي فالفران (كتحيد المونطو و الكاش و تهدر) مراد:قلتو ليا فيكم الجوع ماشي باغيين تمنضرو كولو و نبدلو القنت الين:ممل مراد:عارف شكرا بداو كيحطو ليهم الماكلة و الين غير حالة فمها تا كتقول سالاو و يعاودو يحطو حاجة خرا الطبلة مبقاش فيها فين تحط شي حاجة عاد مشاو . الما:ممم هادشي كيشهي بزااف غير من ريحتو الين:(شبعانة و معندها فين تزيد ريحت الماكلة رونات ليها كرشها) عندك الحق مراد:علاش مكتاكليش الين:مبقاش فيا الجوع شبعت غي من الشوفة مراد:اصلا كنت عارف مورا لي كليتي مستحيل تاكلي شي حاجة خرا الين:لا كان فيا الجوع (شافت ف الما لي كانت كتاكل و ممسوقاش)ولكن شفت شي كمامر و تسدات ليا الشهية مراد:(دوز يديه من تحت الطبلة و قرصها ف فخدها) الين:اي اش يسحابليك راسك كدير مراد:هادي باش تعلمي تجمعي فمك شوية و تعاودي بحال هاد التصرف غنعاود ليك ما قسح منها الين:(كتحك بلاصت القرصة)مريض مراد:(بيك قالها ف خاطرو و خنزر فيها ) هاكا دوزو عشيتهم خارجين من بلاصة ل بلاصة وصلات 8 تالعشية رجعو للدار الما جمعات حوايجها باش يصبح الصباح و تسافر اما مراد دخل للمكتب ديالو كيخدم و الين هازا تيليفونها كتلعب و تموسق تا غفات /اصبحنا و اصبح الملك لله/ الما فاقت بكري و جمعات حوايجها مشافتش مراد ولا الين وصلها الشيفور للمطار و ركبات لبلادها اما مراد فاق لقا راسو ناعس فالبيرو عنقو كيضرو بزاف و نعاسو خاسر نايض مغوبش طلع لبيتو بدل عليه و دار رياضتو الصباحية و رجع دوش و لبس لقا الين كتفطر و فرحانة الين:صبااااحو مراد:مالك الين:مالي تاني مراد:ضرسة العقل واخا معندكش كتبان حيدي هاد الضحكة السخيفة من وجهك الين:انا فرحانة و نتا مالك مراد:حيت الما مشات الين:(دورات راسها يمين و شمال بمعنا لا) مراد:و شنو الين:اليوم غنمشي للمدرسة هادشي لي مفرحني اوووف مليت من ديك البيت بزاف بزاف (حدرات راسها)توحشت بيتي بزاف مراد:اه مزيان المهم انا غندوز ليك اليوم مع 12 نقدر نتعطل شويا اوكي الين:واخا مراد:(ناض من كرسيه و باسها ف جبهتها)ديها ف قرايتك و بعدي على المشاكل نتي عارفة اشنو وقع ليك اخر مرة ايلى بغيتي شي بلاصة انا نديك ليها الين:ههههه اش هاد الحنان مع الصباح( وقفات و حطات يديها على جبهتو)نتا لاباس مراد:(دفعها) ميصلاحش معاك نتي بنادم يتعامل معاك مزيان الين:لا يا سيدي يصلاح يصلاح هههههه يالاه راه تعطلت مراد:اوكي زيدي قدامي وصل مراد الين لمدراستها و هو رجع لخدمتو اما الين دخلات كتقلب على ألاء غير لقاتها بقاو كيتعانقو و يتباوسو فحالا عام ما شافو بعضهم و بدات الين كتعاود كلشي ل الاء و الخرا مصدومة الاء:يا ختي هادشي كامل طلع من ديك السفريطة انا من اللول ما رتاحيتش ليها الين:نساااي عليا قولي لي نتي اش خبارك . الاء:والو هاني كيف خليتيني ولكن عرفتي شنو تعرفت على واحد يااااي كيحمق الين:هههههههه على سلامتك الالة الاء:اش بان ليك مور 12 نتغداو انا و ياك ف شي بلاصة الين:اففف راه غيجي ليا مراد ولكن نقدر نطلبو غدا باش نخرجو مغيردهاش ف وجهي الاء:و منها نعرفك على حبيبي الجديد الين:يالاه باي خاصني ندخل للكوغ بسلامة بب دخلات الين للقسم حالا عينيها و كتحاول تفهم شي حاجة موصلات 12 تا غفر ليها الله خارجة كتجري لقات مراد كيتسناها ركبات معاه و مشاو تغداو العشية كاملة دوزوها على برا فينما تقول ليه عييت يعاود يديها لبلاصة خرا تا قربات 12 تالليل .عاد ردها للدار كانو الضواو مطفيين داخلة الين و شادة صباطها ف يديها رجليها طابو عليها بالمشي غير دخلات شعلو الضواو ف دقة وحدة الكل: مفاااااااجأة الين:(حلات فمها و حطات يديها عليها اكيد كتقولو شكون الكل غير عفة و ألاء و جويرية و صحابها اللي معاها فالقسم واخا نصهم مكتعرفهم )اش هادشي ا مراد مراد:كاين شي حد كينسى عيد ميلادو كل عام و انتي بخير البرهوشة ديالي الاء:الين كيف جاتك المفاجأة........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM