حبيبي البطل #الجزء 2 : مشيت لافاك من بعد ما تودعت مع بابا حبيبي تاجهت لفاك غير دخلت كانت الانضار كلها عليا بصارحة وبدون كدوب نص ديال الدراري فالفاك معجبين بيا حيت زوينة وانيقة وعندي ثقتي فنفسي ياعني دفع كبير عليهم كانني بنت شي مالك او وزير شوية جات لعندي رجاء كتجري اه نسيت(رجاء بنت قدي فالطول زوينا شعرها قهوي ومبكلي من عند الله هه سمرا وانيقة ضريفة وكتحمق على شي حاجة سميتها الدراري هه ) رجاء:ليلي توحشتك انا:انا كتر احبيبيتي وخا غير البارح شفتك رجاء:ناري جابو واحد الاستاد كيحمق مي عينيه زيغا انا:اف اشمن استاد هدا تاني رجاء:استاد مادة الفرنسية انا:وخا يلاهي نشوف شكون هدا جريتها ومشينا دخلنا لحصة لفرنسية وكان استاد فعمرو 30 سنة طويل ومديرش اللحية غير شافنا وبداء كيضحك بوحد تفو باينة فيه بو بنات استاد:صباح الخير الفتيات رجاء:صباح نور استاد استسمح على التعطال استاد:(وهو جاي جيهتا وجا وقف قدمي وكيضحك ومد ليا يديه)اهلان انا استاد حمزة انا:(مدة ليه ايدي)مرحبا بيك استاد خليتو ومشيت كلست تفو بو بنات شحال خايب ايخ محملتوش رجاء:ليلى هدا الاستاد عمرو حيد عينيه عليك انا:تفو مدخلش ليا لخاطري الله امسخك لا نتي لا زينك ايخ سلات الحصة وجيت نخرج وهو يعيط عليا داك اللصقة حمزة:ليلى الاشكر انا:نعم حمزة:اجي انا:(مشيت لعندو وانا منفخة )اشنو استاد حمزة:ليا الشرف نقري بنت بحالك انا:(باستغراب)بحالي حمزة:اه كنقصد انيقة وزوينة وجداب ومحترمة انا:(بتكبر)شكر انمشي دبا سمح لي حمزة:وخا الله ايعونك خرجت من عندو وانا بغيت نقجو تفو شحال خايب وجاي قالك بنت زوينة انا عرف راسي زوينة قبل مايجي متخلف بحالك اقولها ليا ايخ رجاء:مالنا على ديك العصبية كامل انا:داك العجب ديال الاستاد رجاء:حتى نتي تهدني شوفي العشية انمشيو لحفلة انا:حفلة رجاء:اه حفلة عيد ميلاد انا:فين رجاء:فالبار انا:نو مكنمشيش لبحال دوك الامكان رجاء:عفاك انا طلبتك انا:وخا مي نرجعو دغيا كنتخنق فبحال دوك الامكان رجاء:اف شحال مغرورة انا:ياك بقينا فالكلية حتى لديك 6 رجعت لدار واكيد مالقيت حد دخلت وكليت وطلعت لبيتي دوشت ولبست غوب قصيرة فالحمر وصلة الركبة وصباط طالع فالكحل وشعري درتو بوكي ورديتو لجنب ومكياج متوسط وخرجت وانا كلي ثقة فنفسي.......... #يتبـــــــــع........ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM