...فطور العرس... ..غيثة بنفسها شرفت عليها ..بنت الوحدة و فرحة وحدة ، دات لها افخم فطور و هدايا مع ناسها و حبابها ...وصلو بسياراتهم لابسين ومقادين و تاويل تعطي الفاسة وراتة ...كلها واش مطلع فيديه و الكونسيج معاونهم فالبالز لي عامرين بحوايجها و صيكانها ..و مطلعين بلاطو مدور مزين بفواكه الجافة و طباسل الحلوى مغربية و جداتها هازة ذهبها صبوحي .....دقو استقبلهم مغيث بجابدور جديد و خرج يشوف الا مزال شي فاش يعااون .. ..غيثة طارت على بنتها تتسلم و تعنق و ليالي غير تبتسم لماماها كانها تطمنهاا ..سلمات عليهم و ناضو بنات خلاتاها يوجدو لي جابو باش يحطوه ....للحظات و جات الوازنة وماشا و رؤيا سلمو على ناس و ندمجو فالحوار على تعب العرس و ماجوارهما ... ليالي: ماما خديجة ماجاتش !؟ غيثة: لا حبيبة راها جااية ..(تتلمس فشعرهاا ) قولي احبيبة طوفابيان !؟ ليالي: (بحشمة) وووي !! مي صباح هبط مني شي حاجة (تتخيب فسيفتها) غيثة: امممم ، المراة فاش تتزوج ابنتي تتغير شويش (تتهضر برقة و هدوء ) ارتاحي تنشوفو شي طبيبة ليالي: (شافت فلي كااضو مبتسمة) ديال عرس !!؟ غيثة : وي ماشيغي .. ...حطو البنات الفطور و تيرحبو بالوازنة لي مجمعة مع جدة ليالي و فطوش متفكرين الزمن الجميل ..تاتصلت خديجة بغيتة تطلب عنوان و عطاتها نعث .. ...امام باب العماارة واقف مغيث و فاروق لي تيكمي خلاو عيالات على خاطرهم و جابدين حواار نبيل على اسمااء .. مغيث: بنت ظريفة !! و امها رضيعة امي ولاكن خووك ماتيتفااهم تامع حوايجو اصااحبي !! فاروق: (مخنزر و تتيحك راسو تيحس شيب يطرطق ليه بقلة نعاس و تعب) اوودي راه نواور علياا اناا !! مهم طرق المسمار مع الواليدة ..بنت ديالنا و معرفة و صغيرة و عزيزة على الواليدة يعمرو عليها الدار ، نبيل راه يتهلا فيهاا مغيث: اللهم يسر ولا تعسر ..وانت !؟.. ..يلاه جا يجااوب هو تبان ليه نفس طموبيلة فالعرس تتبلاصي ومغيث شافو فاش تيشوف .. مغيث: اسبحاان الله فاروق: (رمى كارو و حرك ليه راسو بمعنى راني معاك ) شكون هاد ختنا !؟ مغيث: صاحبة لمدام و مخطوبة ... ...خلاه باغي يضحك على زهر مقود هو تيشوفها جاية لابسة جلابة سوسدي الفوق شفاف بللون رمادي وتحت اصفر بثوب حريري و صباط كلاص حات متل عارضات مجلات و هازة فيديها بواط مغلفة بابي كاضو ... خديجة : (مبتسة) سلام سي مغيث .. مغيث: (سلم عليهاا) مرحبااا ختي خديجة !! مرحباا ..تفضلي خديجة حركات راسها كتحية لفاروق لي طيرها بنظراتو و تقدمات قدام مغيث لي سابقهم و فاروق موراهم ..ركبو فساانسور و هيا حانية راسها و مغيث حاضي خوه لي عاض على لسانو و مثبت فيها شوفة تتحل الباب امام باب برطمة و فتح لها الباب دخلات تسلم عليهم هو فاروق دخلو صالون صغير ... مغيث: تتعرفهاا !؟ طيرتي بنت بعينيك فاروق: كدايرة هاد صبحة لي جامعاها بمراتك !؟ مغيث: (بملل ) فف صاحبااتها خداامين بجووج و تيديرو سبور بجوج !! فاروق: شمن خدمة هاادي !؟ مغيث: عندهم مقاولة صغيرة دزاين ..اشهارات و داكشي طموبيلات ومحلات فاروق: اوا كلنااا نزعمو على معاارف !! مغيث: (سكت مررجع سينتا للور نهار تبع ليالي و فرشخ داك خونا و سمع حوار خديجة) ااوواا فاروق: (حس بوليسي خدم ليه) واا غير كووول ! اش فبلااان مغيث حك شعرو من للور مغمض عينيه تيشوف مين يبداا ، تعاود ليه فيلم و بانها جرات عليه ... مغيث: من تماا ما عرفت جديد فاروق: الجديد خليه علياا !! ..مغيت : عرفتي انا مسافر ، ماحدنا هنا نوض نغوت الواليدة نطرقو مسمار نبيل .. فاروق : (شد رااسو) عتقني بشي نورمال مععااك .. ...حرك لليه مغيث راسو .. مشا كوزينة خدم لامشين عمر خوه كاس القهوة ..وفرجعة شير على امو تجي عندو و ابتسم لموعوينات ديالو لي محشية فمامها..تارجعو عند فاروق و عطاه القهوة .. فاروق: ارااا الله يحفظك ... الوازنة: (تطبطب على ركبة مغيث) اوا الحبيب مبروك علييك ..النااس نخوة و شان الله يكمل عليكم اولدي مغيث: (هز يديها باس و قبل راسهاا) الله يطولنا فعرك اتاج راسنا .. الوازنة: اوا عقبا ليكم كاملين نشوف بوليدااتكم ... فاروق: ساااهلة الوااليدة الوازنة: (حركات راسها ) احياااني عليك انت و داك سلووم جياارة (حطات يدها فقلبها) راه تنفكر فيه قلبي تيتزير مع ديك كرة مغيث: مااايكون غير خير ..مهم الواليدة نبيل نوا يجمع راسو و يدير اولادو. !! الوازنة: (مركزة معاه) هدااك هو نهاار الكبير الحبيب ..نزوج لمونسني و مرضي و حادك ديالي ..وشكون اولدي هاد بنية !! مغيث: مهم الواليدة هو راه ختارها !! مداام ختارها راه بغاها !! باش نكونو متتافقين ! الوازنة: ايااه اوليدي !! انا ماقلت والو ختارها و بغاها لي عليا نخطب ليه و ندعي معاه .. فاروق: البنت غير من العائلة الواليدة !! الوازنة: بنات عمكم !؟ مغيث: لا بنت رضيعتك اسمااء الوازنة: (سكتات تتفكر ) بنت مزال ماراشدة يلاه 17 ولا 16 مغيث: اواا هداي عليا!! شوفي مع واليديها فاروق: لي صغيرة دبا تكبر الواليدة !! مهم مدام بغا زواج زوجيه الوازنة: ايه الولدي ..الفايدة ماشي فالزين والعين الفايدة فالتربية الوالدين و الدين ..ولدى و عارفااه !! مغيث: هاا نتي هضرتي !! نبيل و عارفااه الوازنة: متساالني غير نجيبها ليه عروسة الا بقيت حية اما الا مت فيكم كافية ... مغيث: (باس راسها تيقبلها) انشااء الله الواليدة تخطبي ليه و تسبعي لولادو .. ...العااائلة القبااج مزال مااساقت خباار ...اشمن خباار توصلها !؟ كفااش تستقبلهاا ؟؟ للحظة لي طاح على وقفتو وتمينط ماعرف باش تبلااا ..خمسة متحاامين عليه كلها منين شااد ..شدو المجرمين السفااحين و طيااحين رووح !! قلبو تيضررررب تيضررررب مصدوووم تشوووكا عينيه غمامة كحلة عليهم !! تبلج من صدمة و غوات ابرااهيم فوذنيه نوووووصييير و خويااااا نووووصيرر و طلقووووه وااانووووصيرر ابراهيم غادي يتسطى و درااري جاين تيتجاارااو تيغوتو ....طلعو نوصير صطاافيط و داارااري تيجريو لي وصل اول تيضرب فصطاافيط و يعااود و غوات و سباان و عقولهم تخررج..سؤال واحد فبالهم اش دار دار .. ..ترونات فداك طبيب مع مشجعين التراس و كرين بويز و المكانة..قلوب تشعلت فيها عاافية ..كابوو سكوادراا دريالهم #شدوه ...اش من ذنب داار !؟ طول عمرو مشجع للرجا شغلوو الوحيد هو نتظار مباراة الرجاء البيضااوي ..معروف عليه عاشق رجا و كابو ذو قلب حنين دائم فعل خير و محارب للفساد و تيدافع عن حقوق الرجاء و باافعالو و اقوالو كسب قلوب مشجعين ....تقلب داك طبيب شي تبع نوصير للكوميسارية و شي دخل يقلب على خليفة و تاكد من موتو منهم ابراهيم عارف راسو مايقدرش يشوف فنوصير بلا خبار صاحبهم. ..من دخلة لايغجونس اوا شوفة تقول قايمة فالبلاد حرب سورياا ...كاشي بدمااياات و تونيااتهم اغلب للون الدم على اللون خضراا ..ها لي مهرس هاا لي مشات ليه عينيه هاا مبليسي هاا تيغوت و يصرصر من حق ضربة واش عند طبيب المخزن اش يدير قدام هاد مئات مشجعين ... داراي تيقلبو علة خليفة للاستقبال فطبيب مخزن شي حاجة مستحيلة شكون يقيد ولا يكتب اسماء المرضى تيعرفو من دخلة يكول ليك خلص صنوق عاد دوز ..دراري يحمااقو بتقلاب لي سولو فداري لي مضروبين تيخسر عليك ماشفتوش !! كان معانا !! لا تقااص لا ماتقاصش حقيقة ملموسة ماكااينااش ... ..دخلو جهة الاموات ...هجمو على سيد لي تماا تيرغبو يشوف لهم واش خليفة تماا ووراه براهيم صورتو فتلفون و تبعوو حل ليه جوج تلاجات الموتى اول مااشي هوو و تااني ماااشي هووو .. : هاد جوج لي ماتو اخويا من مطايقة رجاا ابراهيم خرج دموع فعينيه منظر داراري لي ميتين شباان فعمر زهور !! ددذنبهم لبسو توني اخضرا و هتفو انهم رجااوين تاتلاقاو مشجعين ( بعض مشجعين دو روح خبيثة) ضربوهم تازهقت رووحهم ..اش تكون حالة امههااتهم ..شمن كرة هاادي تفقدك حيااتك و ضيع والديك فيه مع خررجة جاين داراري تيجريو .. : رااه فووق مهرس من ظهرو تيتسنى طبيب . ابراهيم : (تيمسح دمووعوو) نشووفووو ..طلعو تيتجرااو والكلوار مطرطق بالناس وكلشي تيحتج على غياب ممرضين و اطبة ..دخل عندو لقاه ناعس بلامخدة وجهو مجروج و تنين بالااام ابراهيم : (حنى عليه شااد فرجلية تيبكي بدمووع) ااعشيريي وااا عشيري خليتك ساعة جااني خبااارك خليفة: (مغمض عينيه تيبكي تقهر عمرو كان من صحاب شغب بلعكس تيتحكم فعصبيتو فتيران ) هانا مزاال حي ..جيب ليا الوليدة ابراهيم: داراري مشاو يجيبووها خليفة: (باغي يمسح غير دموعو ماقدرش ) نووووصير (تنخنخ بدموع) كالو ليا داراري ...... ابراهيم: تهرسوونيش اعشيري ..شد فرااسك (تتبرك على رجليه ويهبط يمسح دموعو فسروالو و يشوف فيه) عشيري اناا غاادي تابع ككاابوو خليفة: ربي معاكم و معاناا ..الله ياخد حق .. ...لي بقى بقى تماا ..لاكن اغلبية هبطوو لكوميسارية خبار بدات ذيع و الشبكات الاكترونية تداول اخباار ..نبيل كان اول من سااق خبار تيتصل بتلفونو طافي خرج من سربيس طفاه و مغيث تلفونو فلبيت ...تيهس بعرق تيهبط مع ظهرو و نفس تتطلع بسيف هااا لي كاان خاايف منووو هاا لي كانوو ينهيوه علييه .....ديمارا ديريكت دار مغيث ، وصل صونا فلانترفون جاوبو مغيث خبرو ينزل هو فاروق بلا مايخبر للوازنة ..هبطو تيتجراو غير شافوه من وجهو مزير نطق مغيث عرفو قضية تتخص واحد منهم مدام هما بثلاثة كاينين وصلو عندو فين واقف حدا طموبيل مغيث: خووك دارك كسيدة !؟ نبيل: شدوه صحاب الوقت فاروق ماحس براسو تاضرب راسو مع طموبيل ...بااط ..نطق مغزززف عروقو تنفخات و : ولاااد قحاااب شدوووه !! مشااو يغرقووووه وووو رب العااالي اش نكووول ميمتي ... تيضرب فرااسو مع طموبيل نبيل مشوكي و مغيث غااادي جاي تيستوعب لي جرراا ... الميمة حنينة هياا لي فبال نووصير هو جالس فكرسي تحقيق امام احد ممحقيقن لابس قميجة و سرال توب و جالس قداامو تيبخ فكارو !! من جلسة التحقيق لي غريية نوعا ما عن مغربي لي تيتقدم اولا عند وكيل الملك كما معروف ..هنا نوصير دخل معاه القااصح وعرف ان القضية قااصحة ...ابتسم ابتسامة حزن و خيبة امل على نهاية كابو ... : نوصير قبااج 28عام نوصير: نعم : اش تتكول فالتهم منسوبة ليك !؟ نوصير: شمن التهم اشااف !؟ : تحريض عن الشغب و غسيل دماغ المشجعين نوصير : اناا شاف كابو سكوادرا !! اناا مشجع رجاء بيضاوي و تنآطر الاف مجشعين فتيران و تنكونو منظبظين و منظمين للتفوات خاطينا شغب اشااف .. : فبلادي ظلموني ! السبت الاسود !! تيفوات تتهز امن البلاد !! اليوم جوج الرواح طاحت، و نت متهم وحيد !! نوصير وذنيه تصمكوو من قوة ضغظ "التهم متوجهة ليك) يعني اماا المااتش تبااع اماا هو كبش فدااء امااا تبااع ..تاني مرة تيبتسم ابتسامة ربي لعالم بيهاا ..و نطق بحسرة ... ..نوصير: اشااف !! عاد مات قومان الناس بسبب فيضان كانو تيتفرجو فماتش ان لي غرقتهم !! يومياا البحر تيلووح بنادم هارب من فقر اناا لي تنحكرهم !؟ عاد ولد حرق راسو فتكوين مهني بسبب 40درهم انا لي حرقتو !!؟ ...انا شجعت فرقة ديالي قبل ماننزل تيران تنتوضى و نتوادع مع ميمتي و حبابي !! انا لي تنرفع راية رجاء البيضاوي فاعمال الخير.. : (سمعو و طفى كارو و شااف فيه مطول) فخبارك اناا ودادي !؟ تنعشق حمراا للجنون تحية من إلترا وينز لكرين بويز ...فبيتي قبل هاادي 7سنين كنت تنعس انا خويا لي رجاوي حتى نخااع وديما مخارين انا وياه و شد فيا نشد فيك وكلاشات ولاكن تنبقاو خووت وجهين للعملة واحدة ..نهار تتكون رجا فشي مدينة نضبر ليه فلوس هو كدلك علاش !؟ محيت تنتفسو عشق كرة ..وعشق تشجيع ..كنا يد الوحدة تا جاني خباارو و دفنتو بيدي و مدفون معاه راية رجاا ..بسبب شغب نهار ديربي دافعو مات مخنوق ..ماكرهتش الكرة ولا الرجا ولا الوداد ربي بغاه و داه و ساعة وصلات ..لاكن نصيحتي ليك قلب على نقطة ضايعة فحيااتك و صلحهاا ....خليكم اليد ومغاربة تاالموت ...سطر على مغااربة ... ..ناض محقق خرج و نوصير نهاااار تيبكي !! جاامي يكررره رجااا ولا ينذم على وقفتو شي نهاار فتيران ولو يعطيها عمرووو لاكن شي ضربات فالحياة تيوكضوك للعمرك لي غاادي ..هو مستعد يتخلا على كابو فحالة دوك 80الف مشجع وقفو ضدو ..اما حتى قانون فالبلاد يغير عشق الرجاا 💚💚 ...فاروق تحرك من جهة معارفو خبار من هنا خبار من لهيه و لي كاان خايف يسمعو هو لي سمعو .. خوك اشاف ! بيعوه عجل كان متبوع من شمشامة المخزن ... ..اتصل بمغيث لي لغى سفرو و خلا ليالي فدار بلا خبار و تحرك من جهتو و عيط محامين صحابو و القضاة لي تيعرف اما نبيل هز مو داها الدارها و تيحس عرق فجبهتو تيزدح ..عارف يلقى حومة مقلوبة و فالباب يكولوها ليهاا ..داكشي لي كان لقات درب عامر جرها نبيل مطلعهاا و جلسها و اسماء هازة رؤياا و فطوش حاسة شي حاجة ماشي واقعة ..خبرهاا الخير طاح عليها كصااعقة ...المرأة مومنة ماضربات فخادها ما ويلات هزات يديها للسما تتدعي و دموع حارين تينزلو و فطوش حداها تتبكي و اسماء لي تتبكي معنقة رؤيا ..عزيز عليها نوصير ..... ..دار عمرات وجيران تيواسيو ..لي داز الدار عند خليفة يدوز دار عند نوصير ....ليلة صبااحية و درب عااامر ..لانعاس شافوه لا ماكلة كلاوها ..دراري من بعيد جاو ...تفكيرهم فالخطوة جااية ... ...لليلة صبااحية ..الوازنة بايتة تدعي و طلب الله يحمي لها ولدهاا ..وفطوش و اسماء لي مقابلة رؤيا ...اما نبيل داخل خارج و تلف ماعرف مايسبق ولا يوخر !! ديمااا ينهيه و ويصيفط ليه فاروق ينقي ليه وذنيه لاكن هوس الكرة خرج عليه ..فاروق من البارح مادخل ومغيث تا جوج ليل عاد مشا دارو متجاتش يخلي مراتو فول ليلة ليها بوحدهاا .. 🌄🌄 ..فاقت صبااح تتحرك فناموسية حلات عرويناتها لقات بلاصتو خاوية ، دخلات حمام غسلات وجها و حكات سنانها خرجات من بيت مالقااتو لا فالكوزينة ولا فالصالون ولا فالبيوت اخرين ....بقات تدور فعويناتها تفكرت بليل فاش دخل و فيقهاا .. 🔙🔙🔙 داتها عينها و بالها مشغول من بعد ما اتصل بيها قالها ايتعطل ! ماعجبهاش الحال لاكن ماكبراتش موضوع تايجي و تفهم منو الموضوع يلاه بذات تديها عينيها تاتحس بيديه على خصرهاا و تيقبل كتفهاا ليالي: (بصوت غالب عليه نعاس ) جيتي !! مغيث: ديزولي اعمري !! ديزوولي ليالي : (حساات بيه مغبون و صوتو مغنن مبحوح دارت عندو تتشوف فعويناتو نايمين ) شنو وااقع !؟ مغيث: (شبح بتسامة ترسم علة محيااه) مااتشغليش باللك ... ليالي: نوو بليز قولي !! انا منك و فيك طمني !؟ مغيث جرهاا عندوو معنقهاا فحاجة ليها تكون سند ليه ، دوزات يديها على عنقو و طلعات شعر تتماصي ليه راسو و عينيها غير عليه و هو تيتنفس بقوة و راسو حاطو على صدرها تيفرغ طاقة سلبية ...تاارتاح و عرف طريق كلام قبلها فمها تيشوف عويناتها لي تيحمقوه و جرها للحضنو مغيث: تلغى سفر ديالنا نعوضوها ابخي ليالي: سي بكغااف !! ماقلتي لياا والو !؟ مغيث: خويا نوصير صغير !! تشد فالكوميسارية ليالي؛ (حطات يدها على فمها مخلوعة) مي بوغكوا !؟ اش دار !؟ مغيث: سِي سَالوبخوبليم !! مدار والو من غير انه تيشجع كرة سيتوو ليالي: اووووه لوبوفغ !! ربي معااه و الله يفك سرااحو .وماماك كي بقات !؟ مغيث : ( تفكر الوازنة دوز يدو على وجه حابس دمعة) كي غادي تكون !؟ كبدتها تتشوا و كلنا تنتشواو ... عنقااتو تتزير عليه و تواسيه ، خبار صعيبة على اي واحد ..اول مرة تشوف مغيث على هاد جانب ، اثر فيها بزاف و بقات فيها عائلتو ..ماحساتش براسها امتى نعسات و قبل راسها و قادها فبلاصتها و غطاها و ناض دوش و بدل حوايجو حط لها كارط كيشي حدا راسهاا و سوارت الدار دوبل و خرج مع اذان الفجر ... 🔚🔚🔚🔚 رجعات بيتها عاد شافت كارط كيشي و هوت تلفون تصلت بيه !! مغيث: بونجوغ بيبي ليالي: بونجوغ صافا !؟ مغيث: حمد الله ..صبحتي مزيان ؟ ليالي: وووي ! شنو درتو مع نوصير !؟ مغيث: هاحنا مقاتلين ياكما يخرج باقل اضرار !! ليالي !! اتصلي بماماك تمشي معاااك الطبيبة و خودي شنو خاصك منين تكملي تصلي بيا نجي عندك اوك !؟ ليالي: اوك ..بخون سوان دو طوا جوطيم .. مغيث: موا اوسي ، بيزو ......قطع الخط معاها بان ليه فاروق خارج من الباب لابريكاد جاي عندو .. مغيث: اااشنوو .. فاروق: (حالتو حالة يومين ماشاف نعاس غير كارو و خدمة للحية ناضت ليه و تحت عينيه رمادين ) من البارح انا تنطربخ مع هاد ولاد قحااب بوليس !! الا شدوه و ركبو لي فراسهم ! قضية تحول الرأي عام و ندخل فيها صحافة و الجامعة و لي بان ليا فطريق .. مغيث: هضرت مع الرئيس الجامعة و اتصل بيا العامل ..كالك خليو امور تاخد الامور العادية ضروري يدخلو .. فاروق: (تيحرك راسو بلا) المخزن اكبر حيواان ونااا واحد منهم !! نهار تنشدو بنادم ماترحموهش ، من اعوام الحرب دون رصاص (عهد حسن تاني) و الانقلاب لي فشل ، من تما مخزن مابقاش يرحم ..البوليسي مع جدارمي مع مخزني تيتحط فبلاصة وحدة كلها حسابو فراسو ..الا خلينا امور تاخد مسطرة يطلع معانا اكبر قالب ...(قاطعو تلفون ) فاروق: اش تم !؟ : شاااف خوادري هبطوه المحكمة !! فاروق: (قطع تلفون طلع راسو تيقلب على تنفس) داااوه مغيث: زيد نتحركوو ... ....بالمينوط فيديه وبلويس جارينو معاملة مجرم ..معاه 6 بلويس منهم صحاب للبسة و سيفيل مشهد خروج من كوميسارية غير باش يطلعوه للصطافيط تذكرنا بمشهد اصطحاب مجرم للتمتيل الجريمة ...حاني راسو و قلبو تيحس بيه ايخرج خاايف !؟ نااذم !؟ مصدوووم !؟ ..تاحاجة من هاادشي !! نهار عشق رجا دمها تخالط مع دموو و تيتنفس الرجااء البيضاووي للكن خوفو لااا هياا تخلا عليه ..اول ما ضرب فيه ضو النهار قبل ما يفتح عينيه ، فتح وذنيه لااصواات لي تتناديه .. ..عشرات هما !؟ مئات هما !!؟بل آلاااف هم !! رجاوين من داخل وخارج كازا الكل يصيح La liberteeee noussir (الحرية لي نوصير) Nooo capoo no partyy ( لا كابو لا حفلة) ...بخطوات اتجاه الصطافيط فتح عينيه فالرجاوي متجمهرين امام الكوميسارية و ابتسم بابتسامة ليهم و رفع يديه لي فيهم مينوط بعلامة ✌ (الحياة او الموت ) طلعوه الصطافيط ومعاه بوحدو للور و سدو عليه الباب و قلعو .... ...فالباب المحكمة جمهور اااخر جاين ..نبيل مغيثة فاروق و اقفين وقفة الوحدة بملامحهم رجولية و عيون الحزينة كل واحد فيهم مكمدها و سااكت ....تحرك مغيث عند المحامي لي يترافع على خوه لي صباح كلو هو فالكوميسارية تيطلع على ملفو .... مغيث: هاد جلسة زعما !؟ اش تتكول فيها !؟ المحامي: سي القباج !! ماكاين مانخبع عليك فكرة تخرجو معاك فيديك اليوم مستحيييل ..غادي يتقدم و يدوز الحبس و غالبا يدوزوه الجنائيات مغيث: شحال ضحايا مذكورين فالبلان ؟؟ المحامي : جوج ... ..فاروق: (دخل فالحوار من بعد ما سمع جواب اخير ) عطيني عقدة لي شادين !؟ المحامي : سي لاجودان راك رجل الامن !؟ عارف خدمة مقدمين !! فاروق: ويلا جبت هاد ولاد زنى لي قتلو هاد داراري!؟ المحامي: تخاف تزيد تغرقو !؟ راه يوقفو قدام وكيل يديروها فيها مكدمين فاروق و مغيث غادي يتسطاو تاشافو نبيل جاي تيجري جهة طريق ..دورو وجهم بانت لهم صطافيط داخلة و الدراري تيغوتو بسميتو و يهزو فشعارات الرجا ...حلو الباب و نزلووه للمح خوتو هبط راسو ماقدرش يشوف فيهم ..دخلوه بزربة هما تابعينو مع محامي و دخلو قاعة فانتظار المحاكمة ...دوز وحدين هما علة الكرة بتهمة شغب و ضرب و جرح .. جات نوبة كابو سكوادرا لابس توني خضرا ومزال بالمينوط وقف قدام القاضي و خوتو واقفين حلقهم شااحف و حاجين يديهم فجياابهم و تيدعيو معاه ..القاضي شافو مينط طلب من بوليسي يفكوو .. القاضي وجه ليا التهم المنسوية عليه ..و نوصير نكر كلشي و هضر متبث بالآراء المقتنع بيها لاكن مجعات سرية لي كان تيمشي ليها تزادت ضدو و اخرها نهار عرس خوه ...نتهت محاكمة بتأجيل للموعد اخر يعني الحبس ...مينطوه و فااروق خرج هو اول و مغيث تبع محامي ماتبعو غير نبيل تيهضرو بغوات .. نبيل: نوووصير كووون رااجل ماتخاافش نوصير: (بدموع و ابتساامة ) خووويا امي اخووويا و سمحووولي خطفوه قبل ما يسمع جواب خوه و هبطوه تحت امضى على المحضر ..و ركبووه تاني الصطاافيط وطرريق للسجن ....الله ينجيك من جايات !! خبار ذاعت كابو دخل الحبس ! لي بكا لي غوت لي سب البلاد لي تشفى لي ماممسوقش !! ...قضية #نوصير تختصرت فالجملة #البلاد_الظلم_بالقانون .. ..تيسمع على حبس ، و تيعرف دراري دخلو ليه و تيطلب الله يعفو عليهم و مرات تيضحك هو عشرانو بمقولة #الحبس _للرجال ..لاكن واقع شيء ااخر ..الحبس لهلا يدي ليه شي المسلم المظلووووم ..تفتح الباب الحديدي الكبير و دحلت صطافيط لاامام الباب داخلي نزلوه شادينو من ذاعو ..سلم الامرو لله الحبس هاهو جا ليه ...فالدخلة تقلب و حيدو ليه مينوط سيور سبرديلة و الخاتم و سنسلة وبوليسي حط ليهم ساشي ميكا فيه تلفونو و بزطامو و شي صريف ....شدو مخزني من ذراعو و نوصير تيحس بالبرد فعظامو من رغم الجو الساخن تيتسمع صوت مفاتيح الكتيرة و صوت صواقط كل رواق معاه الباب تيستد و كل الباب تفتح و تسد قلب نوصير تيتزير ...دخلو دخلو الزنازانة منفردة فيها درجة من الحيط الحيط و كاشة كحلة و قف تيشوف في زنازانة صغيرة شديدة بروودة تا سمع صوت انغلاق الباب و ضربة سوووارت طاااااااااق ..الوازنة وصلاتها خبارو بكات و بردات و من دعاويها ماخصاتو ... انااا رااااضية علييك اولدي دنياا واخرة الله يااارب الكون يااا شايف و العاالم راه ماقاتل ما ذابح ما ساارق مااا متطيح بياا ..رااااضية عليه تسبيحها فيديهااا و كفوفها للسماا ..ليه دمعة العين و ليه تكسرت القلوب للمظلوم المغدور ..دخل عليها نبيل قبل راسها و يديها و طلع بيت خوه يجلس فيه ...اما دار عامرة مطرطقة ناس ماتتعرفهم الوازنة تافوجهم جاو يساندوها و يديعيو معاه .... 🏙🏙🏙 مساءااا .. ..فاروق يلاه داخل الدار و فجيبو ورقة من عند نوصير من بعد ما دخل شافو بعد عدة اتصالات الوسااطة ..خلاه تيبكي ووصيتو الوحيدة هيا #الوازنة وفاروق خرج من عندو بحر هاايج اعصاار مدمر كاره البلاد و زاد كرهاا ..نذم النهار لي ادخل السرفيس لي كلو #افوزغدغ (تحت امرك ) ...طلع نيشان بيت نوصير لقى نبيل جالس هاز تيشورط ديالو و تيشوف فسقف .. نبيل: شفتيه فاروق: (جر كرسي و جلس جبد كارو شعلو وخدا نفس طويل وخرجو متبع دخان ) ولاد قحااب حاطينو بوحدو ! صبر عليا يصبح صبااح نبيل: (قهقه مستهزء) لي نطق على حقو يردوه دوزيام زفزافي !! فاروق: (صاعر و تيهضر تحت سنانو) عااااد شديتو هنا مقنتو !! عييت نفهمو و نوعيه ، ماااتحضرش تجمعاات ضرب و قيييس ..حضر ماتش ولا جوج براكة عليك و ميك على ديربي ، ماتخرج على بلاد مااتبعش رجاا فين مااكانت خليها هيا تبعك .. نبيل: دبا هاد مونتيف لي ملصقين ليه !؟ نساو حملات تبرع و الدم لي تيعطيو و تيفوات لي تيصنعو من جيبهم و ماتشات لي تخسرو فيهم زبالة فلوووس .. فاروق: صحااب الحال مانعسينيش على وذنيهم سياسة جديدة فالبلاد !! هااد طوندونس زبي لي يومياا طالع صاروخ ؟؟ بناادم حال فمو و كرو متبعين ليا زوامل و قحاب و مغنين و ممتلين دجدريال و ها لي محيد سليبو علنا ها لي مطلع مرتو تتلوز !! قواو ذويتين محمقين معاهم شعب غاافل عن دولة هيا تتخد قرارات جديدة و تصادق عليهم بالفور اشيفور و و ملاير تتهرب خارج البلاد وشعب متبع ليا رجا و الوداد نبيل: (ضيم طاح عليه و خوه بين عينيه فللحظة لي منزلينو) اناا خويااا مظلوم !! ماقتل ما هز مانكوات و هبط زعيم يشندخ ليا فالبشر .. فاروق: خوك رفض محامي من الاتحاد تابع رجا !! مابغى تا سنتيم منهم ولا معاونة ، نبيل: وعلااش اصااحبي !؟ فاروق: خووك مااشي ضبع !؟ خوووك سبع عاارف فيلم علامن داير !؟ فهمتي ؟؟؟ كرة لي هيا غير للعبة عند فاهمين و الواعين !! العرب رجعوها تابعة للوبيات هما محكمين فيها من بعيد شي يربح ملاير وشي يشد حبس بحال خوووك .. نبيل: بيعوه عجل !! بوليس شمايت .. فاروق: البلبلة قوات و رجا وصلات عالمية وكلاشاتهم كثرت باش يركنوهم شوية خاصهم هُوتة ، خوك هو هوتة لي يقدوموها قربان لي للفوق منهم و يتسماو راهم خدامين و اللجام فيديهم .. ....حوار لا نتهي ..متاهة دخلك فالاخرى ....مر يوم و يومين و تلات و اسبوع و شهر ...الوازنة ولادها حالتهم ماتكون الكافر بالله مغيث يخفر فجهة و مخدم فلوس صحيحة و فاروق فين ماكاين شي صحفي و جريدة الكترونية صيفط ليهم اتباعو يشرويهم بسبق صحفي عن اخبار لا اساس لها من صحة عن نوصير نوصير فالزنزانة الفردية (هو بقى فيها يومين التحق بسجناء عادي) ..ادعى انه داير اضراب عن الطعام و حالة صحية مزرية و تيتعرض مضايقات و عنصرية....روبل ليهم الدعوة بالاخبار و دخل حتى الحالة الصحية الوازنة بسبب سجن الولدها المظلوم ...بمعارفو خرج تلفون خوه لي قلبو وفلاه حتى طاح فرقم احد اشخاص سرين تابع رجاء ..صور ليه فقط رسالة خوه نوصير على جملة مفيدة..مع لايام القضية تنشرت فالتلفزة و اذاعة # مكاااينش مضااربة ...هاحناا مشدوددين ..ماتصفقووش علياا طبقووهاا # ..رسالة قصيرة كانت تخلل معاني و معاناة ..الحال ضاق بيه فالسجن واشتاق الحنانة و تظلم اشد الظلم .....رسالة و صلات الايدي امينة و تلفون رجع بلاصتو للسجن ..اليوم مان موعد مباراة الرجااء البيضاوي مع فرق منافس .....لاكن صحاب الحال فاخر مطاف غيرو مكاان مباراة من ملعب للآخر بسبب #دوافع امنية .. لاكن السب مزاد الا اصرار رجااوين ..الملعب بلان بالمشجعين من اول درج فاللارض الا آخر صور الملعب فوق ..كل هادئ و مبرد اعصابو ..الامن منتشر بقوة فالملعب ...لاتيفو لا شعار الكل هاااديء فاانتظار بدء المبارة للنقل مباشر ..بين المشجعين نبيل لي لابس توني خوه (رغم نتماء للفريق اخر ) ومغيث لي فالمحكمة تيجري و يجاري و فاروق لي خدا بلاصة خوه نوصير كابو من بعيد .. مع بدء صافرة الحكم ..الملعب هتز بالمشجعين و نفس جملة تقال Nooo capoo no partyy .. ..تهزو شعاارات تندد بالظلم و تطلب اطلاق سراح للكابو ..مدة 94 دقيقة و ملعب تيهتز لدرجة مشجعين متافسين ايدوهم ...المدذيع ماعرف واش يعلق على المبارااة او المشجعين ..جمهور اخر خارج تيران منهم ابراهيم و خليفة لي فللكرسي متحرك ..مع نتهاء مباراة..انطلقت مظااهر للتطالب بإطلاق سراح كابو ..شورايع عمرت و تهتف بشعارات رجاا ...مسيرة مهيبة تقشعر ليها الابدان ..لليدين قوين كلها عروق تتهتز بسما بعلامة بيس ✌ و حنااجر قوية صوتها زلزل الشوارع ...تجمهرو فاكبر الساحة فالمدينة ..و بوليس داخ مع الشعب ..ساعات يهتفون و يننددون بالظلم ... فاروق : (مربع يديه متبعهم و تيحس نار شاعلة فيه ..يوميا تيتهربو من شوفة الوازنة لا خدمة مقابلينها لا اكل لا شرب ..خوه لي مزال عريس طال نهار طاج بين محامين و محكمة ...للحظات رن هاتف ديالو و جاوب .. : آشااف ..خوادري جاه العفو ... ....خبر سمعو فاروق حس بارض تتدور بيه ..سمح فكلشي تحرك ضرب طوالة لطموبيلتو حاطها بعيد ..ركب و ديمارا بسرعة متجه السجن و اتصل بمغيث لقى الخبر فراسو سابقو ...قلبهم تيضرب بشك كايرتاحو حتى يشوفوه قدامهم .....وصل لقى مغيث مربع يديه واقف على طموبيل مكروازي رجليه فانتظار نزل عندو فاروق بلا مايهضر شعل كارو وبقى غاادي جااي و مغيث كل مرة يجاوب نبيل لي آمروه يجلس فالدار خوفا على الوازنة لي ولات مقابلة تلفزة و تفرج متبعة اخبار شي تفهمو شي مدوزاه .. ..ضربت 12 ليل زادت الوحدة وصلات جوج ليل و انفس اخوين تتحبس و تتضايق فاروق فيه لي يحيح تا الصباح لاكن لعبها مطور يكمل تا التالي القانون بالقانون ... مغيث: هااد ولاد قحااب !؟ مافقلبهم رحمة لي مسجون ساكن فتلث خالي كي يدير !؟ فاروق: يخرج يكرسي باش يرجع دارهم ولا يطيح روح فالدورة شانطي و هاهما ناشطين ..الحبس رجع مدرسة للمحابسية لي دخل شفار يخرج اكبر نصاب و لي دخل اكبر نصاب يخرج قتال و هي غادة تا قلب تيموت و كبدة و تتحجر و ضمير تيموت ..وناا بربي خووك نتحروو بيدي وماايرجعش ليه ...وخ نعرف نحبسو عندي فلابريكااد مغيث: ااودي الواليد الله يرحمو كان تيعاود ليا على الحبس فعهد الحسن تاني بنادم تيدخل الحبس تيخرج استاذ ولا معلم ولا حرايفي تايخرج مدمج فالمجتمع ...حاليا تكوين مهنى كثر من مدارس شعب تيتكلخ وشواهد تتباع عندو مول زريعة .. فاروق: اااودي ...محتاجين هتلر و شوف تشوف مع مغاربة .. ..فخضم حوارهم تسمع صوت الباب تفتح و دورو وجهم لمحو خارج بطولتو هاز فيديه ضرابو الرجا بمجرد ماخطي الخطوة الاولى نزل سجد الارض تيحمد الله على الحرية ..هزة لي هز راسو رجع للور من ضربة من فاروق لي جمع معاه لفم ... فاروق: تتصلي بلا وضو !؟ (جاي يكمل عليه) مغيث : (فرقهم) ريييح اصاااحبي الواليدة تقهر نوصير: (شد فمو تينين شاد ضحكة ) اااححح الله يسلمك الخواادري فاروق: زيدها فكككرك ..برررررب يااااولدي ياا نوصير يعاود يجيني خبارك تنزيد نغررق لمك شقف .. ..زاد خلاهم ركب طموبيلتو و قلع ..تا عنقو مغيث ..ت مغيث: على سلامتك اخوياا نوصير: الله ينوورك اخوويا ..الله يخليكم ليا مغيث: (تنهد و حل طموبيل بكلي ) ركب ركب .. ...قلعو و نوصير تنفس بالراحة مشتاق للحرية ، ما تنحسو بقيمة الحاجة حتى تتنفقدوها ! شوارع و الهواء طليق و نجوم لليل و الناس ....مرورا بالشارع تيسمع هتفاات بالفرحة خبارهم وصلات مع خروجو و مرو من حدا الساحة و طلب منو مغيث ينزل راسو لان الا شافوه مايخرجوج من تماا..تيحس بقلبو تيضرب لقوة بالفرحة قلبو تيضرب فقط الحنانة و الرجا ..لسانو تربط و هو هاز راسو تيشوفهم من وراء هو غاادي ..هز ضرابو بااسو و تيشم ريحتتو ... ..لامغيث ولا خوتو عارفينو هو رجا حتى الموت لاكن يتمناو تكون هاد شهر حبس قرصة اذن ليه. يجمع راسو اما رجاا راها فعروقو تتمشى ...وصلو الدرب لي كان مطرطق لمحوه شي داراري ناضو يغوتوو و تابعين طموبيل ..بمجرد ماحبسات طموبيل نزل تيشير ليهم ولقى الباب المفتوحة طلع فالدروج تيلهث و عينيه مدمعين تادخل من الباب لقاها جالسة فالصالون مقابلة مع الباب كانها تنتظر دخولو لانهم ماخبروهاش .. تيتمشى بخطواات تقيلة و هيا مجرد ما لمحاتو نطقت بللهفة الوازنة: وولددددي ولددددي ..جرا عندها راكع على رجليه تيبوسهم ليها ..و تيطلب منها السمااح و هيا تترضي عليه ، طلع مقبل يديها وراسها نوصير: سمحيلي اميمتي سميحلي اميمتي مااشي خااطري الوازنة: (معنقاه تتشم ريحتو ) على سلااامتك اوليدي ..وكي تحلا ليا دنيا بلا بيك المصرانة تالية وكي ناكل بلا بيك اوليدي انووصير .. نوصير: هانا الوااليدة هاناا ..الله يطولي ليا فعمرك .. ..تهدنات القلوب و دموع الفرحة نزلت ، تواحد فخوتو ماالقى قدامو سلم على فطوش لي لازمت الوازنة و اسماء بقات مع باها ....جلس حدا ميمتو تا جاو جيران فداك ليل يباركو هو هبط الدرب يدير الواجب ..سلم على صغير و كبير ، باركو ليه على سلامتو و شكرهم واحد واحد ..عينيه تالفين على عشرانو تاوقفات طاكسي صغير و نزل ابراهيم تيهبط كرسي متحرك معاه شيفور تيهبطو خليفة جلسوه هو بقى غير مصدوم من المنظر ....تاقرب ليهم خطوة خطوة .. ابراهيم: (عنق عناق رجولي) على سلاامتك اعشيري ... نوصير: (طبط على ضهرو و عينيه على خليفة لي تيمسح دموعو) يحفظك اعشيري نزل مستواه عنينه تالفين على رجليه اخر ماسمع عليه انه حي بخير فقط .. نوصير: (كية تطلع فحلقو تيهضر مخلوع) ماكالوش ليا اعشيري !؟ خليفة: (خبع وجهو بيديه تيشهق) قدر الله اعشيري .. جرو عندو معنقوو تايواسيه و بتلاتة تيبكيو و كلشي تيبكي معاهم مأثر، تلاتي رجاء ومن لايعرفهم مجموعين فالخير فالشر فالضحك و حاليا جات وقت المحنة لله الحمد مجموعين .. نوصير: منين بقيتي بالحياة اعشيري كلشي يهووون خليفة: حمد الله على سلامتك اصااحبي خلتينا بحال حنش مقطوع راسو نوصير: (بمزح) ماكين تتيز ماكاين رعدات !؟ ابراهيم: ههههههه الامام اول هو تاني خليفة: نوضو زوجوني ... ..ليلة كانت الصبااحية ..فالدرب الكل لي كان فالمظاهرة نزل الدرب يسلم و يتصور مع #كابو ..تاتفرقو و الحياة تستمر... 🌄🌄🌄 فطوش: (لابسة جلابتها وهازة صاكها) اوا رضيعتي هو هدا ، نمشي لمحالي الوازنة: لهلا يخطيك ارضيعتي ، اوا كولي ليا دباا ؟ فطووش: (عرفاتها تتهضر علة موضوع الخطبة خبراتها قبل وبقات بيناتهم حتى اسماء مافخبارهش) نكولها ابااها و مرحبا بيكم ارضيعتي مالقى حسن منك للنسوبية و البنت راها بنتك انتي الرّري نتي الشوار !! الوازنة: الله يكبر بيك ارضيعتي !! هو انتي عارفة الولد عندي ماااااعندو ما هنطقة و ضواو و اسمحيلي ارضيعتي نتي ماشي برانية !! ندوزو خطبة و عقد و تروح و لي عليا ماتنقصها معايا تاحاجة ولي مادرتو اولادي بتلاتة نديرو نبيل فالجهاز .. فطوش: اختي الواازنة انا عاطيااك البنت بلي اقسم الله تقبلي عليا و نقبل عليك ، و ياويلها و سود ليلها تهز العين و لا تقلل تربية ...الا وافق اباها جي ديها .. الوازنة عنقاتها و شكراتها و تفاهمو بيناتهم تلفون وهبطات معاها حتى الباب موصلاها عاد رجعت طلعت لقات نبيل عاد فايق نبيل: سلام ..فين كنتي !؟ الوازنة: (تتلهث من دروج) الله اربيي ..وصلت فطوش .. ..نبيل: (تيخوي قهوة) كن فيقتني نوصلها ! الوازنة: طاعة الله ماسلمتى على خوك !؟ درب مزال عامر بالعزارة انتما لي خوتو خويتو !؟ نبيل: ( تيمسح عينيه من تعب نوم) صمت الوازنة: اواا وجد رااسك الخطبة !! نبيل: تكلفي الواليدة !! الوازنة: كاتتعاود غير صلاة على نبي !! انت لي بااغي تزوج ؟ يكما شكاو عليك كالو ليك باغة خدامة !؟ نبيل: (ماتيشوفش فيها قاعدتو يهضر بلا مايشوف فيك) قبلت !؟ الوازنة: اوا هدا عليا !! فطوش عاطيانا البنت خاصها تشاور اباها ! نبيل: (وقف تيهضر بزربة) سيري خطبي باش نجمعو الوراق بنت صغيرة ادوز فالمحكمة و خطيني من صداع عرس الواليدة ...خرج .. الوازنة: وووولدددي الاولاد !!! ... هو خارج تلقى نوصير فالدروج .. نوصير: (وقف تيهضر مبتسم توحش خوه)واتااك الاخضر .. نبيل: (جاوبو نازل ) ااه كي شي خرية طليها على وجهك 🏠🏠🏠 ..وصلات فطوش بساعات ...لقات دارها تتشعل و الغدا واجد اسماء محشية مع خيوطها وطرز ماعندها تلفون و تلفزة ماعندهاش معاها ..تادخل اباها توضى و صلى وتبعاتو فطوش طولو مدة تاخرجو ..تغداو مجموعين تانض الاب يتكى و جمعات اسماء طبلة غسلت الماعن رجعت جلست حتى نطقت فطوش فطوش: اوا راكي غادي تزوجي !! اسماء: شناهواا ؟؟ فطوش: جاوك خطاب !! ولد خالتك الوازنة اسماء: (بذات تغبن) اناا امي شكيت عليك !؟ شكوون كاليك باغة نتزوج فطوش: اش تجلسي اخويتي ديري !؟ اسماء: نجلس ناكل ليك الخبز و نصبن نسيق و نطيب فطوش : انا عطيت لرضيعتي الكلمة وبااك موافق .. اسماء : (تتدمع ) وعلاش ااامي علااش ورااه شاارف عليا اش جاب 17ل 40 عام و مطلق و عندو بنت ! فطوش: تي الاا!! ماشي جدارمي هداك صغير اسماء : اويييلي غااادي نذب وراااه نوصير بحال خويااا انتحرر فطوش: تي هداك مول لافيراي نبيل ماشي نوصير اسماء: (جمعات وقفة مكفطة تتبكي) انااااا نتزووج داااك معققد ؟ من ابا وفطوش ناخد 1111 علااش !؟ و الله لا تزوجتوو فطوش: و الله تاتزوجيه !! هااداااك لي غاادي تاخدي ، باغة تجلسي ليا هنا تبوري تفونك نوراة !؟ اسماء: اناا باااغة نطلق نباااتة !! شكيت عليك اختي ؟ بكيت عليك ؟ (تتبكي بدموع) باغة تخاسريني مع خالتي الوازنة هييءهيءهيء ..نتزوج انا معقد .. ..فخصم حوارهم خرج باها لي ماتطلعش نفس قدامو صاح بصوت رجولي قوي الاب: تي لاش هاد غواات !؟ بغينا نقتلوك راه بغينا نزوجوك ... اسماء: (تتغبن و تتبكي) اباا هيءهيءهيء الاب: بغيتي تكوتي ابنتي المرضية ديري عقلك و تزوجي .. ..حركت راسها بااه دخلات بيتها تتبكي و تويل ..نذمات تا زطمات تما ....اخر واحد كانت ظن يخطبها هو نبيل ! ماتتحملووش تتخاف منوو .. اسماء": زهررري يهودي جاب ليا عريس كي استدعاء محكمة ....و الله تنهرب ..(دورات دورة فبيتها و تنهدات) خرراا الخرااا .. ...شهر لي مر عليها فبداية زواجها كان شبه كئيب لازمت زوجها هاد المدة كلها و تتمشي طل على عكوزتها !! حاجة الوحيدة لي هدأت الجو بيناتهم هو خدمتها رجعات لها ..لان فهاد المدة شافت مغيث الحزين و متقلب المزاج و هيا بطبعها هادئة تتخاف لا تقربو هو معصب الا ماعطهاش اشارة تجي عندو او هو يبادر تتجلس مع بيسي ديالها تتخدم و واتساب مع غيثة لي تتشوفها يوميا اما تجيها خدمة او تجي عندها و لا تمشي ليالي.....هاد صباح فاقت لقاتو ناعس فالصالون تلفون فوق صدرو واضح عليه تعب ..مرت الكوزينة وجدات فطور وحطاتو فصالة مونجي ورجعات بيتها تلبس و ساهية مع افكارها لبسات قميجة مزخرفة و حطات ميكاب ..قدات فراشها و هوات بالكو يتهوا البيت ..تاويل غيثة و جابتو معاها ليالي دراها لي ديما مجموعة و نقية وغيرات فيها شلا حوايج وضافت ديكورات و اثات بمساعدة خديجة ...فطرت و غطات فطور وهزات مسائلها و خرجت ..مع سدة الباب ضرباتو الفيقة ... ..منين دخل البارح هو تيتكلم فتلفون خاف يفيقها جلس فصالون مكمل مكلاماتو حتى نعس ...ناض دخل دوش يصحصحو ..وخرج لبس حوايجو و جلس فطر و نزل متجه خدمتو .....طلع نيشان الادارة حط طلب لاجازة و رجع خرج غادي خدمة ليالي ... ..ليالي: (سمعات دقان فلباب) ووووي : مدام ليالي سي مغيث برا !؟ ليالي: (وقفات ) دخليه .. ..خرجت البنت هو مابغاش يدخل لا تكون فجتماع او مشغولة كما تحترم خصوصيتو تيعاملها بالمثل ..دخل عليها مدوش و مقاد مبتسم ليالي: (توترت بزاف) بونجوغ مغيث: (حس بيها و كره راسو لجفاء لي رجع فيه مؤخرا بسبب مشاكل) ااجي عندي ااجي . ..تجهت عندو فاتح ليه ذرعانو ، ترمات فحضنو كانت جد مشتااقة ليه هو اكثر .. مغيث: tu me manques (توحشتك) ليالي: تانااا بزاااااف مغيث: (بتسم ليها تاتجبدو عينيه عسلين وحك حنكو مع حنكهاا و تكلم بهمس ) جيت نخطفك و نديك بعيد.. ليالي: (اطير بالفرحة) جاااكصيبط (موافقة) مغيث: يخليك لي لي اغزاالي ..اوك انا تنسناك برا انسافرو دباا ليالي: ووفين !؟ مغيث: (شد لها حنكها باسها) اكادير اعمري..يلاه ديبيشطوا (سربي) ... خلاها تتضحك جمعات صاكها و خرجت و هيا تتصل بخديجة تخبرها بسفرها و نفس وقت اتصلت بغيثة لي طريق كلها وهيا شداها بالهضرة تادخلو الدار .. مغيث: (تينادي ليها من بيت) لياااالي ليالي: اوك ماما نخليك (قطعت تلفون حطاتو حدا سورات دخلات عندو ) وي مغيث جرهاا من خصرهاا ..بدون سابق انذار نزل عليها بقبلات جامحة نتلخص مدى شوق لي هازو من جهتها ..و هيا تتبادلو نفس شعور بمذاعبتهم وصلو ناموسية لاتمام توحيد جسمهم و روحهم تا تتزير فيدو و وتعصر مغيث : رخي رااسك ..ليلة اولى ومادرتيش هكا !؟- ليالي: هنننن هيءهيء مغيث: ششش بب طلقي راسك ... ..رجع مكمل شغلو تا طلقات معاه و قضية لقها مزيرة ...تادوشو بجوج و لبسو مشابهين دجين و بيلات بيوض ..جمعو حوايجهم ناشطين ضاحكين ..هز مغيث باليزات مقربهم الباب على ما تكمل جميع صاكهاا و شارجورات ..دار يهز سوارت هو يسمع مساج فتلفونها ، تراجع يهزو لاكن فضول كلاه و هزو عارفين كود تلفونات بعضيتهم ورغم دالك محترمين خصوصيتهم هو خدام و هيا خداام طبيعي يتلاقاو رسائل ..جا فتحو رجع سدو تاوقفات قدامو هازو صاكها مد ليها تلفون .. ليالي: م للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02