قصة المزحة #الجزء 99 : فاقت ايلاف و بالفرحة عليها فاقت قبل الوقت دخلات دوشات و قادات الحالة و صلات و دارت مكياج لي من نهار تهرسات مابقات دارتو و كلسات كتسنى ايفا باش تجي تفيقها و لكن دخل ارثر هاز البلاطو الفشوش تاني ارثر: صباح الخير ايلاف: صباح الخير جا و. باسها من حنكها و حط البلاطو فوق طبيلة صغيرة قدام الفوطوي و مشى شدها من يديها و نوضها ايلاف غير مصدومة ماعرفتاش اش طرا ليه حتى تغيير 180 درجة عاونها حتى وصلات و كلسها و بدا يوكل فيها. ارثر: اليوم غادي تهناي من هاد الكبس. ايلاف: اه, متحمسة, اخيرا انرجع نتمشى على خاطري و نرجع نمشي لمدرستي. كتهضر و تبسم و كتاكل واحد توست فيه مربى التوت و هو غير حاضيها و كيحفظ ملامحها, حتى كملات و دوز صباعو على جنب فمها كان بقى فيه شوية توت. ارثر و هو باقي كيمسح ليها فمها و كيهضر: و غادي تمشي و تخليني ياك!!؟ ايلاف زاد ليها صدمة على صدمة: ها ...لا ... اه... .زعما لا, اووف نوض بركة من الهضرة و يالاه نمشيو. ارثر: نوضي يالاه شد فيها و تحركو وصلو الباب ايلاف: بلاتي نهز صاكي و العكاكز. ارثر: غير خليك انا نجيبهم ليك هز ليها صاك ايلاف: و العكاكز!!!؟ ارثر: انا غادي نعاونك انا رجليك ليوم و اخر يوم. و رحبو معانا بعنوب 2. نزلو و شدو طريق لسبيطار و مشات معاهم حتى ايفا غير وصلو و هي تلقى القشلة قدام الباب كيتسناو فيها. ايلاف: اويلي حاي راه و الله غادي نحيد غير الكبس ماغاديش ندير عملية على القلب. جودي: الله يحفظ, راه غير بغينا نكونو معاك و مانخليوكش. ايلاف: و لا هاكا لا ,كلكم غيبتو لخدمتكم و قرايتكم. اسيا: نتي عندنا اهم من هادشي كامل. تيماء: مستحيل كنا نخليوك بوحدك واخا غير تحيدي الكبس. يسرى: انا اختي ماعندي هضرة بحال هاد زوجات, كنخليها غير لراجلي و يالاه دخلي حيديه دغيت باش نرجع عند غاجلي سيدي اووومر. ايلاف: هههه هاد خايتي لاش جايبينها؟ جودي: باااز لاوووومر معاك اختي. اسيا: ههههه و راه غير لصقات فينا. تيماء: ههه مانديوش عليها. يسرى: كتهضرو معايا انا , ههه كعما فايقة ليكم من نعاس, عارفاكم غير غيرين مني البايرات. ايلاف: ههههههه زيدي زيدي الله يمسخك, و كان خاصك تبغي غير شعرك بصفر و تكمل. يسرى: ههه و ندير في الفايس اميرة زوجي. ايلاف: هههه و براكة زيدو و لا نباتو هنا حسن. دخلو هاجمين و تقولي وحدة بغات تخرج بقاو كلهم معاها في الغرفة حتى جا طبيب و حيدو ليها و طمانهم بان كلشي هو هاداك, ناضت جمعات النوضة. ايلاف: اخيييرا تهنيين منو . يسرى: ايوا على سلامتك انمشي انا راجلي كيتسناني. جودي : حتى حنا خاصنا نمشيو ياك ا باتريك؟ باتريك: وي يالاه. تيماء: اه حتى حنا خاصنا نمشيو دغيا. اسيا: و جودي دينا معاك في طريقك. و كلهم تسرسبو و خرجو, بقات ايفا معاها نوضاتها و دارت ليها نفس الحركات لي عوداتها عليهم. ايفا: دابا مزيان تقدري تمشاي عادي؟؟ ايلاف: اه مزيان حسن من المرات لي كنديروهم , دابا حسن كاااع. ايفا: اه ايوا على السلامة. ايلاف: شكرااا بزاااف ايفا: لا شكر على واجب. انساحبات ايفا حتى هي و بقات مع ارثر راس في راس ارثر: يالاه نوضي نمشيو حتى حنا. ايلاف: فيين انمشييو !!؟ ارثر: سوبرايز شد في يديها و خرجو من سبيطار ركبو في طوموبيل و تحركو, طريق كلها و هي كتسولو فين غادي بيها و والو ماعطاهاش راس لخيط و حتى طريق مامولفاش تشوفها, حتى دازو من حدا واحد المول كبيير و دخلو الباركيك, بلاصا طوموبيل و نزل فتح ليها الباب. ارثر: نزلي. ايلاف: اش غادي نديرو في المول؟ ارثر: عمرك جيتي لهاد المول؟ ايلاف: لا ارثر: داكشي علاش, دخلي و غادي تشوفي اش جينا نديرو فييه. دخلو و كان المول مقسم لعدة طوابق و كل طابق متخصص بشي حاجة. ارثر: نهار باقي طويل و ليوم ديالنا, فهاد المول انضوروه كامل و شفتي هاد الطابق متخصص بالملابس و هذا بسينما و هذا بالمطاعم و هذا و هو الممتع فيهم بجميع الالعاب لي ممكن طيح ليك في بالك. ايلاف كتهضر بتحمس : بحال ديال ديزني ؟؟؟ ارثر: ههه اه بحال ديزني, قولي ليا باش بغيتي تبداي؟ ايلاف: ههه الماكلة طبعا. ارثر: كنت متوقعها هههه زيدي قدامي. خداو المصعد و دخلو المطعم طلبو الغدا اصلا كانت جوايه 12 تغداو عاد بداو المشوار. بداو بالحوايج دخلو لكاع البوتيكات لتما تقادات ليها شلة حويج و في لا كيس ضاربو تاني و في الاخير ربح و هو لي خلص و حتى هو تقدا و سيفطو ديك التقدية مع واحد العامل. ايلاف: واهيا ناري ساعتين غير في التقدية و انا لي بنت و مابقيتش بحالك في شريان لحويج. ارثر: انا لحد الان باقي مافهمتش دوقك لي شفتيها تقيسيها تجيك تاخديها صافي............ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM