قصة المزحة #الجزء 98 : ايلاف:صباح لخير البنات: صباح نور ايلاف كتهضر معاهم بالدريجة: مابانش ليكم خونا هاد الصباح؟ جودي: لا كلنا عاد نزلنا ماشفنا حد. يسرى: مهم انا غادي نمشي معاهم ليوم و انخويو ليك الساحة نتي و الحوبان. ايلاف: اويلي على الحوبان لقيناه حتى نصبحو عليه, ماعرفت فين غاطس على الصباح, اصلا نتي سيري عند راجل و لكن لوخرين ماعندهم فين يمشيو ا لالة. جودي: لا اختي انمشي عييت من التشرد و ها هو جا لي يكلس معاك و غير هاد اليامات و غادي تجي تبعينا و اصلا انكونو معاك نهار تحيدي الكبس. اسيا: اه بصح واخا اختي مابغيتش نخليك مع داك تيتيز كامل بوحدك و لكن هاد الهايشات جروني اختي.. اااااي تيماء قرصاتها: هادي باش تولي تسدي داك الفم, و حنا هايشات حنا. اسيا كتحك في بلاصة القرصة:صافي انا ساكتة هادي و توبة. كملو فطروهم و كلهم خرجو و كلسات ايفا و جودي باش يدردشو شوية. ايفا: ايوا بقات ليك يومين و تحيدي الكبس, شنو احساسك؟ ايلاف: هههه ولفت الفشوش, و لكن اخييرا الحرية انولي نتحرك على خاطري و مانبقى نبرزط معايا حد. وصلها ميساج " صباح لخير" ايلاف: صباخ لخير ناشفة!!!!! دوزات ساعة عاد جاوباتو على الميساج الناشف. "صباح لخير" ماجاوبهاش و بقات تسنا فيه يجي و والو قنات و البنات ماغاديش يجيو تغدات و ناض و كلسات و تفرجات, هضرات و نعسات و فاقت و والو الوقت مابغى يدوز و ارثر مابان ليه اثر و لا ميساج حتى ظلم الحال و سمعات الدقان. ايلاف: دخل ارثر داخل هاز معاه بلاطو و مبدل حويجز لابس سورفيط يعني جا و بدل عاد داز عندها ارثر: كيدايرا ليوم. ايلاف: بخييير و دارت ليه الضحكة الصفرة. ارثر: ها انا جيت نتعشى معاك كيف تافقنا. ايلاف: ايه زيد مرحبا كتهضر و هي نافخة كاعية زعما على بالها كتفشش على بوعزة ساعة ليهودي لاخر كيهضر معاها من نيتو. و ماعارفش هاد القوالب. وقت العشا كامل و هو كيهضر معاها عادي بحال ماكاين والو حتى كملو العشا. ارثر: صراحة ماسخيتش بالكلسة معاك و بغيت نزيد نكلس معاك ايلاف هنا تبسمات حتى بانت ليها ضرسة العقل و قالت مع راسها " ها المعقول بدا يبان" و لكن صدمة كانت قوية فاش كمل هضرتو. ارثر: و لكن عيان و الخدمة ليوم كانت كثيرة انخليك ترتاحي دابا تصبحي على خير. ايلاف: هااا و مريضنا ماعندو باس. اسيا: لا اختي ماتبعيش هاد خياتي, سمعي لختك اسيا و نوضي اغتاصبي بوه, انا اصلا ماعرفتش لاش جيت مع هادو و كن غير بقيت عاونتك فيه اختي. ايلاف: هههه ايوا الله يغصبك اش نقول ليك. جودي: ايوا صافي ديري ماقالت ليك تيماء. ايلاف: داكشي لي غادي نديير. نعسات على امل الغد يكون احسن, فيقاتها تاني ايفا و داكشي لي دارت البارح دارتو ليوم و لكن ليوم ناضت تحفظ مع فاش غادي ترجع لقراية ادوز كاع الامتحانات لي تجمعو عليها حتال وقت الغدا و علماتها الخدامة بلي غادي جا ارثر باش يتغدا هي بالفرحة عليها قالت تهبط بوحدها بلاما تعيط ل ايفا باش تعاونها و اصلا مابقى ليها والو و تحيد الكبس يعني تقنيا راها برات, بقات درجة درجة حتى وصلات و لكن لقات ايفا كتهضر معاه و مرة كتنفاعل و مرة كتضحك حتى وقفات عليهم ~ جرب نار الغيرة , جرب نار الغيرة و قولي قولي ~. ايلاف و فقات حداه بعكاكزها و تعلات على باستو في حنكو قدامها. ايلاف: جيتي نتغداو مجموعين. ارثر: في الصراحة كنت باغي غير واحد الضوسي نسيتو في البيرو هنا و تلاقيت ايفا نيت لي من شحال هادي و انا باغي نتلاقاها و قررت نكلس نتغذا. لا صافي هنا ايلاف تقولو تخوا عليها سطل ديال الما بارد ماتسرطاتش ليها, بعدات عليه و كلسات في الكرسي و حتى هوما تبعوها و الوقت ديال الغدا كامل و كعما معبرينها. ايفا: و راه هادوك هوما مبادئي و مانقدرش نتخلى عليهم. ارثر:هاها نفس الجملة عاودتيها و هي لي كانت استفزاتني ديك الساعة و لكن من بعد فكرت بطريقة مهنية عرفت بلي عندك الحق و انت لي غلطان غير كنت معصب و صافي. ايفا: كطرا ماشي مشكل. ايلاف ولات زي الاطرش في الزفة و خلاص هوما اغلبية هضرتهم بالمانية و واخا تعلمات ليها هي و جودي الا ماشي بزاف و ماكيتقنوهاش يفهمو كلمة و مايعرفوش 10. يالاه غادي تهز واحد الفطيرة معمرة و مدسمة و ايفا ضورات وجهها لعندها. ايفا: لا هاديك ماتاكليهاش, ياك درنا بروكرام. و رجعات ضارت كتشوف في ارثر زعما تكمل معاك الحوار و زعما رادا لبال لخدمتها واخا هاكاك و لكن هنا فين فاض الكاس. ايلاف: و لكن سامي كان كيخليني ناكل كلشي , و كن تشوفي كيفاش كيتعامل معايا, بعدا عمرو نخلني و دارني ماكايناش و قلبوها لغتهم, على اي بصحتكم انا شبعت. لاحت سربيتة فوق الطبلة و هزات عكاكزها و ناضت, يالاه غادي تبعها ايفا و لكن حبسها ارثر. ارثر: لا غير خليها, منها نيت تحرك بوحدها و هي كاعيا دابا, خليها حتى تبرد و ترجع. ايفا: اوكي. ايلاف: شوفي كنوس و تقولي واش واحد بغى ينوض يعاوني يخخ يخخ. ارثر كات حبس ايفا ماخلاهاش تنوض معاها حيتاش فقصاتو بهضرتها و فاش جبدات سامي, كمل هو غذاه و ناض مشى فحالو, و هاكا دازت هاد اليومين الهضرة ناقصة و العشا كيبداو يهضرو عادي. ليوم اخر نهار ديا الكبس, ناضت ناشطة بوحدها على امل يوم جديد و احسن من ايام لي قبل و فعلا هاد اليوم زوين بالنسبة ليها و غادي يتبدلو بزاف الحويج.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM