قصة المزحة #الجزء 65 : الكل: شنووو!!!..... ارثر: غادي تمشي معايا لدرا مستحييل نعاود نخليييك بوحدك. ارثر: غادي تمشي معايا لدرا مستحييل نعاود نخليييك بوحدك. ايلاف: شناااهو!!!ماعندي فين نمشي معاك ا سيدي ارثر: ماغاديش نعاود الهضرة زوج مرات , قلت ليك غادي تمشي معايا صافي ماكاين لاش نبقاو نتناكًرو ضار عند جودي ارثر: جيبي حويجك حتى نتي باش تمشي معانا... باتريك ديها لدار و تسناها بما جمعات الحويج و حتى تبعونا لدار جودي: ا سيدي زريبة هادي فين انمشيو معاك... ماعندنا فين نمشيو من غير دارنا... ارثر: اوكي, مابغيتيش تجي هانيا و لكن ايلاف غادي تمشي ماغاديش نخليها مازال بحدها ايلاف: باي صفة!!؟ ارثر: يكفي انني انا سباب المرة اللولة حتى درتي الحادث و المرة الثانية السيدة لي كنت مخدم هي سبابك حتى وصلتي المستشفى و ماغاديش نبقاو نتناقشو هنا... غادي تمشي معايا حتى تبراي و ديك ساعة انكون كملت الواجب ديالي و ديري مابغيتي. كمل هضرتو و عطاهم بظهر غادي فحالو باش مايزيد معاه حتى واحد الهضرة.... من بعد ماخرج بقاو كاملين مصدومين حتى نطق باتريك باتريك: جودي يالاه نمشيو جودي: نتا واش كتسطى عليا؟! ماعندي فين نمشي معاك غير سير الله يعرضك السلامة... باتريك: غير فكرو بالعقل, طبيب قال ليهم بلي ماخاصهاش الحركة و خاصها العناية و نني ا جودي تابعاك القراية و الخدمة كيفاش اديري لهادشي كامل و حتى الا جبنا شي ممرضة راه شفنا اخر تجربة... ايلاف: انا قادرة على راسي, و حتى هاداك الكنس عندو خدمتو و مالو غادي يبقى حاضيني باتريك: ارثر و انا لي نعرفو الا دار شي حاجة في بالو كيطبقها واخا تكون من سابع المستحيلات... و نتي ماقادرا على والو ا ايلاف, راه القضية ماتحتاج لتفكير و بلاما تعقدوها الا فكرتو مزيان غادي تلقاو هاد الهضرة منطقية, مهم انا انتسناك برا ا جودي. خرج حتى باتريك و بقاو ساكتين شحال كيفكرو في هضرتهم حتى نطقات ايلاف: غير سيري معاه و جيبي ليا كتوبتي و حتى زربية و لبسة ديال الصلا انا لحويج راكي عارفة شنو غادي تجيبي. جودي: مسطية نتي غادي تمشي معاه!!!! ايلاف: هذا هو الحل الانسب ماغاديش نلاهيك على قرايتك مازال يكفي هزيتي همي هاد اليامات كاملة مانزيدش عليك و خليه هو نين يهز الهم ملي باغي و هو السباب كيف قال انديرها ليه قد فمو. جودي: غادي نمشي معاك رجلي برجلك مانخليكش معاه بحدك ايلاف: ماتخافيش عليا و اصلا كيف غادي ديري و المدرسة و الخدمة قراب ليك و تمشي تبعدي عليهم!؟ اللهم بقاي بلاما نزيد نعذب راه و الله حتى كنتعذب معاك و خلاص الا كنت انا سباب الخاجة الوحيدة هي غادي نخليك بحدك هادي هي لي مامرتاحاش ليها. كلسات جودي حداها و عنقاتها جودي: انا لي خاصني نخاف عليك, اما انا ماغادي يطرا ليا والو كوني هانيا. ايلاف: يالاه سيري دابا, صفر الكمارة يكون كيتسناك. خرجات جودي و لقاتهم بزوجهم برا, خنزرات في ارثر و شافت في باتريك. جودي: يالاه نمشيو, باش نرجعو دغيا واخا ماقادراش نخليها معاه باتريك: وافقات؟! ارثر كان كيسمع ليهم و لكن وجهو كان عليه برود بحال مامسوقش و لكن هو كيتسنى اجابتها احر من الجمر.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM