قصة المزحة #الجزء 57 : ايلاف: هاي هاي وليتي نزار قباني, عارضة عليا نص باش تقولي ليا بلي كتحسي بشي حاجة من جيهتو و بلا بلا, تي جيني من لخر و قولي كتبغيه و نتي شحفتي بوحدك جودي: واهيا ناري ما معاك هضرة, و ماشي لدييك درجة كاع اشمن بغو و لكن شي حاجة فاتت اعجاب شوية ايلاف: ايه ايه مزيان ا لالة,مهم انوض انا نبدل حويجي و نجي نتخشى حداك شوية... يالاه تمات نايضة بانت ليها ديك لا كارط لي كانت مليوحة تما هزاتها جودي و قراتها جودي: خلا ليك لا كارط ديالو؟ شنو مخبية عليا مازال؟ ايلاف: و الله مامخبية شي حاجة غير هادشي كامل ماشي مهم داكشي علاش ماقلتوش ليك في وقتو اما راه ناوية نقول ليك كلشي جودي: تسنايني انا جايا لييك و نخرج منك الزيت البلدية مشات من بعد عدة دقائق راجعة محملة بشيبس و شوكولاة معولة على ايلاف تعاود ليها قصة جودي: ها انا جيت عاودي ليا ايلاف: راه صافي هادشي لي كاين , فاش كعى باس ليا جبهتي و حط ليا كارط و خرج قال ليا وقتما بغيتيني عيطي ليا جودي: ايوا نتي ماغاديش تعيطي ليه ؟ ايلاف: لا, مادرت والو باش يكعا بحال هاكا و هو نسى اش دوز عليا, اجي نتي بعدا شفتك وليتي تجي في صفو جودي: غير سكتي ليوم انا جايا في صف الحب هههه ماديش عليا اليوم الهرمونات عندي طالعين ايلاف: ايوا الله يغصبك, خاصك تجي مني انا اللولة, و اصلا راه باقي ماسمحتش ليا انا على داكشي لولاني ايوا يطلب سماحة عاد نشوفو و الا بغاني هو يعيط ليا ماشي انا جودي: عطيتيه نمرتك ؟ ايلاف: لا جودي: ديبلوكيتيه في انسطا؟ ايلاف: لا جودي: هاي و باش بغيتيه يعيطي ليك و لا يوصل ليك؟ و نتي حتى الدار لي كيجي عندك جريتي عليه ايلاف: اووف بقات تجبديني , ماشي شغلي ا لالة, مهم انا ماغاديش نعيط عليه و لا نعبرو, نسيت حكا ماعاودت ليك على شنو درت ليوم في انسطا عاودات ليها على كلشي جودي: هههههه ماعندك عقل طلعتي ليه vu و بلوكيتيه, جا عندك لدار و مابغيتيش تشوفيه, خلا ليك نمرتو و مابغيتيش تعيطي ليه, شفتي راه حسك قتلة, لا و من هادشي كامل باغاه هو لي يهضرك ايلاف: واش ماكينة هضرة من غيرو في هاد الليل يالاه غادي تجاوبها و هو تلقى تيليفونها كيصوني جودي: كاينة و هزات ليها تيليفونها بينات ليها سميتو جودي: ها انا مشييت خرجات جودي و خلاتها كتفكر في هضرتها و لكن دغيا ساست راسها و هزات تيليفون كتفرج دازت مدة حتى كتلقى عندها ميساج ارثر: "نعستي؟" من مور ماخرج ارثر من عندها معصب و كان مشى لبار و لكن حاول مايثقلش رجع فحالو لدارو تعشى و قضا شغالو و لكن غير ضلم الحال و جا وقت النعاس و طاحت ليه في بالو تاني, هز تيليفون و بقى داخل كيشوف في نمرتها شحال تقولو غير كيحفظ فيها و لكن كان متردد واش يسيفط ليها ميساج و لا لا, كان قال ليها بلي ماغادي يزيد يبرزطها و لكن خاطرو ماهناتو و عارفها عنيدة و واخا خلا ليها كارط ديالو ماغاديش تعيط ليه و لا تصيفط ليه حتى ميساج و لكن كان عندو امل انها تكون قيدات نمرترو و على داك الامل سيفط ميساج......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM