قصة المزحة #الجزء 54 : ارثر: انا غادي نهنيك ماغاديش نصدعك مازال و لكن اي حاجة بغيتيها راه نمرة ديالي في الكارط عيطي ليا وقتما بغيتي, بسلامة. ماتسنهاش و مخلاش ليها الفرصة حتى تجاوب كان خرج و سد وراه الباب, و طبعا هي كبريائها ماخلاوهاش حتى توقفو و لا تعيط عليه. خرج ارثر معصب منها و داز قدام جودي و باتريك بلاما يقول حتى كلمة, باتريك لي عارف صاحبو و شافو مقلق عيط ليه ساعة ماجاوبوش جودي: نوض تكًعد سير تبع صاحبك شوفو مالو, و نتا كلستي ليا هما كيف النافسة شديتي الركنة باتريك: اه خاصني نمشي نشوف مالو جودي: احسن حاجة غادي دير, راه خاصني حتى انا نوض نمشي الخدمة باتريك: اوكي تهلاي و ناض خارج كيجري تابع صاحبو وصل لباب باش يحلو و ضار عند جودي باتريك: جودي شكرا بزاف و سد الباب و خرج و خلى جودي كتبسم بوحدها هاد الاخيرة لي ناضت نيشان عند ايلاف باش تعرف اش طاري جودي: دابا تقولي ليا اش كاين ايلاف بقات حالا فمها: حتى نعرف انا بعدا, كنا صحة سلام كيف العادة كنتناكرو حتى قال ليا كتذبي و ديري راسك ناعسة باش ماتشوفينيش انا غادي و مانعاودش نبرزطك جودي: و اش قلتي نتي؟!! ايلاف: والو, صدمني قبل مانجاوب لقيتو سد الباب و خرج, و راه مولفة ديما ندير معاه فعايل كثر كاع و لكن اول مرة يدير ليا هاكا جودي: هاي هاي ناس بقى فيهم الحال, ايوا ايكون غير كعاتو شي حاجة و نتي جيتي في طريقو و صافي ايلاف عاد سرات معاها من هاد الهضرة لي قالت ليها: نوضي اختي ماعندك خدمة لا والو كالسة ديري ليا تحقيق هنا و اصلا نساي عليه خليه الما و الشطابة حتال قاع لبحر جودي: ها هيا غادية , سري انا لي جايا عندك باش نشوف اش طاري , تبغي شي حاجة قبل مانمشي؟ ايلاف: سلاامتك باتريك لي شد صاحبو في باب العمارة باتريك: مالك كاعي ؟ اش طاري ؟ ارثر: من بعد عافاك , مافيا لي يهضر دابا باتريك: يالاه معايا نمشيو لشي قهوة نكلسو و حتى ترتاح و عاود ليا ارثر حط يديه على كتفو و تبسم ليه : لا غير خليك ا صاحبي راني مزيان غير بغيت نبقى بوحدي و صافي باتريك: اوكي لي بغيتي, الا حتاجيني غير عيط ليا و تلقاني حداك ارثر كان حل طوموبيل و يالاه غادي يدخل ضار عندو و حرك غير راسو بالايجاب ركب و خلاه وراه هاد الاخير لي ماكرهش يرجع عند جودي يزيد يكلس معاها و لكن تفكر بلي عندها الخدمة, بدا يفكر واش يطلع و لا يمشي فحالو حتى بدات تصب شتا و دار بناقص و مشا لطوموبيلتو جودي لي نازلة و كتقدات في كاشكول ديالها يالاه خرجات و بانت ليها شتا و هي ماهزاتش مضلة يالاه بغات ترجع طلع تجيبها حتى كيبان ليها باتريك خارج من طوموبيل و فتح مضلة و جاي عندها جودي: مازال مامشيتيش ؟ باتريك: اش كيبان ليك ؟ مشيت و خليت راسي هنا جودي: و اش باقي دير ؟ اش بغيتي ؟ باتريك: سري انا لي كالس نتسنى فيك جودي: ماعنديش الوقت باش نبقى نتناقش معاك هنا, غادي نتعطل خليني نمشي فحالي يالاه تحركات و هو يقبطها من يديها باتريك: ماكتشوفيش الشتا برا فين غادي تمشي ؟ باغيا تمرضي ؟ جودي: نسيتيني كاع , راه غادي نرجع نجيب مضلة و نجي. و لكن هو ماطلقهاش جودي: ماشي وقت ضحك هادا ا باتريك طلق مني خليني نمشي, راه غادي نتعطل باتريك: راه قلت ليك يمكن كنتسنى فيك جودي: ايييه يعني باتريك: مضلة في يدي و طوموبيل لهيه, يالاه نوصلك يالاه غادي تجاوبك و لكن قاطعها باتريك: ايلا كنتي غادي تقولي ماتركبيش معايا, ناشي مشكيل نبقى غادي معاك حتى توصلي و لكن كنفضل الخيار لاخر باش مايمرض فينا حد و مخلاهاش تجاوب تاني و هو باقي شادها من يديها, بقى جارها حتى حل ليها الباب دخلها و دخل حتى هو و تحركو من تما......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM