قصة المزحة #الجزء 50 : ارثر شافها تبدلات عرفها اتكون كانت كتحلم بشي حاجة ماشي هي هاديك و بغى يستفزها ارثر: اش نقول ليك, انا و تصدمت فيك, ماكانش كيصحاب ليا كتباتي تحلمي بيا و تبداي تهلوسي بسميتي هههه ايلاف: هااااااااا, اش سمعتي ؟ ارثر لي شافها تفرشات و هو غير بغى يضحك و صدقات ليه و بقى يضحك على منضهرها ارثر: هههههه هي كنتي كتحلمي بيا ايلاف: علاش كضحك, راه غادي يكون غير تخايل ليك, اما علاش نحلم بيك, غادي تسمعني هلوست بسميتيك غير الا كانو كوابيس اما باش نحلم بيك غير في احلامك ارثر: صافي بلاما تكعاي راه غير كنضحك معاك و شد ليها في كنحانها لي ولات حمريين, كتحشمي هههه ايلاف: و بعد مني, و نتا دغيا لقيتي الفرصة باش ضحك عليا ارثر: مايبقاش فيك الحال و بلاما تحشمي مني ايلاف: نوض سير فحالك و براكا من طنز ديال والو راه غير تخايل ليك و نتا عجبك الحال ارثر عاد مازاد في الضحك و تم نايض غادي فحالو, غير وصل لباب و ضار عندها ارثر: مهم عشية نرجع نشوفك كيف بقيتي ايلاف: لاش اتجي ؟ شفتك ولفتيها, ها انا صحة سلام غير سير بلاما تعذب راسك و تجي ارثر جمع ضحكة شوية و لكن باقي متبسم: ماكنتشاورش معاك غير كنعلمك يالاه تحرك زوج خطوات و رجع ضار عندها عوتاني ارثر: اه قبل مانسى, خصك تعلمني اللغة ديالكم ايلاف بتعجب : علاش ؟!! ارثر: باش نعرف اش كنتي كتقولي نتي و البنات في انسطا ايلاف: غير حلم ماغاديش نقول ليك ارثر: كضحكي, ماشي مشكل نتعلمها في قنت اخر ايلاف: بلاما تحاول الا ماكانش شي مغربي قح و الله الا تعلمتي ليها ارثر: كنعرف مغاربة و مغربيات , {~و ركز على مغربيات حتى جمعات الضحكة~}, و هوما نسولهم اصلا باغي غير نعرف اش كنتي كتقولي فاش كنتي تحلمي بيا مع كيف تعرفي كنتي كتهضر بلغتكم و انا مافهمتش داكشي علاش سجلتك و غادي نمشي نسول ايلاف: ارثثثثر, سيييير فحااللك قبل مانوض ليك ارثر: هههههههه ياك يالاه كنتي كضحكي, صافي سكتك ايلاف: ارثثثثثثثر ارثر: هههه خارجة سميتي من فمك كيف العسل شيرات عليك بمخدة و بدات تغوت ارثر: صافي انا غادي بلاما تزيدي تعصبي خلاها مسكينة غادي طرطق غير سمعاتو سد الباب و تأكدات بلي خرج ايلاف: ساااماانتاااااااا سامانتا جات مقفوزة بالغوتة ديالها , صراحة هاد خيتي هي لي كتبقى فيا سامانتا: نعم!!!! مالكي؟!! فييك شي حااجة؟ ايلاف: شكون لي خلاه يدخل عندي ؟ سامنتا: انا حليت ليه الباب و قلت ليه انفيقها و قال ليا بلاش هو لي يجي يشوفك بلاما نفيقوك ايلاف: و علاش مامنعتيهش ؟ ياك انا لي معنية بالامر ؟ كن دخل و كنت فشي وضع ماشي هو هاكاك؟ سامانتا: هو لي مخدمني و قلت راه صاحبك عادي ايلاف: شناااااهو ؟!!!! ماصاحبيييش و خو مخدمك باش تعاونيني انا يعني الحاجة لي نقول انا هي لي تكون و انا كنقول ليك اخر مرة يجي و تخليه يدخل عندي و خلاص و انا ناعسة سامانتا: اوكي ايلاف عاد تنفسات: و سمحي ليا الى غوت عليك راه غير تعصبت و ماشعرتش سامانتا: ماشي مشكل, فاش نقدر نعاونك دابا ؟ ايلاف: غير سيري جيبي فطور راه وجداتو جودي و اجي نفطرو بزوج و تعاونيني نوض لحمام سامانتا: اوكي خرجات و سدات الباب و هي تهضر مع راسها سامنتا: واش انا ممرضة و لا خدامة ؟! كن ماكانت الخلصة لي كيعطيني فوق من مزيانة, دقيقة مانزيدها معاهم هنا, كلشي حمااق مشات جابت ليها فطور و عاوتنا حتى دخلات الحمام و فطرو بزوج و داوات ليها الضربات و قاداتها في بلاصتها عاد خرجات من عندها و مشات لبيتها......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM