قصة المزحة #الجزء 43 : دخلها و لقى جودي كتوجد ليها ناموسية و مشات تجيب صاك و تلقى لباتريك ارثر حطها في ناموسية و مع كان قريب ليها بقاو شحال و هوما كيتمعنو في بعضياتهم حتى كانو غادي يزبلوها دخلات جودي حرمات عليهم اللقطة عاد رجع ارثر ناض ايلاف: صافي شكرا بزاف عذبناكم معانا, بغيت نقول ليكم كلسو حتى تشربو شي حاجة و لكن كيف كتشوف يالاه جينا ماكاين مانوجدو ارثر: لا ماشي مشكيل مابغينا والو دابا و نقدرو نتسناو حتى توجد شي حاجة ايلاف شاف في جودي و هضرات بدريجة: اويلي حاي , جريت عليه و سيد مابغى يحشم , انا حشمت و هو لا جودي: صافي انا نمشي نوجد لبوهم اتاي و ينوضو فحالهم و منها نيت مايبقاوش يجيو مالي انصيب ليهم عصير و لا قهوة ايلاف: ههه احسن حاجة اديري و بان ليا صفر الكمارة غير حاضيك جودي: وييه غير سكتي مشات جودي لكوزينة و كيف كانت متأكدة تبعها باتريك و بقات هي و صعصع راس في راس ايلاف: واش ماغاديش تمشي ارثر حدر راسو و خرج من البيت بلاما يجاوبها و حتى قالت تهنات منو حتى بان ليها راجع و جايب معاك كرسي حطو في جنب الناموسية و دار رجل فوق رجل ارثر: لا باقي عندي شي شغال هنا ايلاف: واش غادي تبقى غير حاضيني ؟ ماعندك خدمة ما والو , زعما صاحب سلسلة فنادق طرررر ارثر ربع يديه و بقى حضيها كتهضر بوحدها ارثر: واش ماكتعيايش من الهضرة ؟ ايلاف: على حساب , دابا علاش مامشيتيش فحالك ؟ صافي راه وصلنا على خير ارثر: كنتسنى في شي ناس يجيو ايلاف: اييه و مال هنا محطة استراحة ؟ سير تسناهم فشي قهوة و حكا راه القهوة لي شريتي و مابغيتيش تشوفني مازال فيها فاش ترجع راه قريبة من هنا ارثر: بالمناسبة فاش جبدتي نتي الموضوع نهضرو دابا ايلاف: مابغيت نهضر على والو, صافي عارفة راسي انا لي غالطة من لول و نتا من حقك تجري على لي بغيتي غير نعلمك من دابا فانا مابقاش بامكاني نخدم هاد الفترة كيف كتشوف و نزيدك كنقدم استقالتي ملي راك دابا هنا نعلمك ارثر: دابا نتي هضرتي واها قلتي مابغيتيش تهضري, ايوا كيف سمعت ليك اتسمعي ليا ايلاف: و الا مابغيتش ؟ ارثر: بز منك اتسمعي ايلاف: لاا لا مابغيتش نسمع هممم لاااا بدات دير دوك اصوات باش ماتخليهش يهضر ارثر غوت: ايييلاااف حتى صقلت ارثر: راك بعقلك و مازال ديري هاد فعايل دراري صغار, قلت ليك غادي تسمعي. اولا سمحي ليا على الهضرة لي كنت قلت ليك تانيا غير نسياي عليك الخدمة دابا حتى تبراي و ديك ساعة عاد نهضرو و تالتا قاطعو تيليفون ارثر: الو , وصلتي , واخا انا جاي.. قطع و ضار عند ايلاف: انا دابا انرجع و نكملو هضرتنا خرج ارثر و من بعد 5 دقايق رجع عند ايلاف مع واحد القوقة هادشي اقل ما يقال عليها. ايلاف لي تصدمات و اخر حاجة كانت كتوقع انه يجيب ليها شي وحدة و تكون بحال هاد خايتي تيييتييزة. ايلاف: شكون هادي ؟ ارثر: هادي سامانثا, هي الممرضة لي غادي تبقى معاك و تعاونك ايلاف: مالقيتي غير هاد القرطاسة ؟ ارثر: اشنو قلتي ؟.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM