قصة المزحة #الجزء 146 : مشات تلاحت على ركابيها و حطات يديها و راسها على ناموسية. ايلاف: شكون كان يقول انشوفك بهاد الحالة، انا عارفاك قوي و عارفاك اتنوض و ماغاديش تخلا علينا و على الحياة، عافاك نوض و نسمح ليك، غير نوض و نبداو صفحة جديدة، كنتي كتخطط لمفاجأة من ورا ظهري و فعلا تلقيتها، نتا مسرح هنا في سبيطار، نوض عافاك. ارثر: كن عرفت اتسمحي ليا كن رميت راسي تحت البني شحال هادي ايلاف: ارثرر ارثر: عيون ارثر ايلاف: كنتي غير كتفلا و ضرباتو لصدرو حتى غوت ايلاف: سمح ليا سمح ليا ارثر: ماكنتفلاش، و. لكن ماتنسابش نتي قلتي غير نوض و تسمحي ليا، و انا كنت يالاه انعس حتى سمعتك دخلتي و قررت نكمل التمثيلية نشوف اش غادي تقولي، و فعلا انا مثشبت بالحياة غير علة قبل و ماشي حتى غادي نربحك نسمح فيها بهاد السرعة. ايلاف: وشكون قال ليك انا قابلة عليك؟ انا غير سمحت ليك و صافي ارثر: حتى هادي خطوة مزيانة، دابا خاصك تردي ليا الخير. ايلاف بتعجب : اينا خيير!!؟ ارثر: نوبتك دابا باش تحضيني، و كوني اكيدة ماغاديش نعذبك كيف درتي ليا باش نقبل، انا قابل انك تحضيني. ايلاف: هههه واثق من نفسك دخل ادم و جودي، هاد الاخيرة لي تمنات ليه الشفاء و طلبات منو السماحة على المفاجأة لي فضحاتها. *من بعد اسبوع* ارثر كان ناعس في ناموسية و ماقادرش ينوض لان القفص الصدري تضغض ليه و ماخاصوس ينوض من بللصتو زوج سيمانات، سمع دقان في الباب و عرف اتكون هي، كيف لا و هي هادي هي وقتيها كل نهار فنما ترجع من الخدمة كدوز عندو هو لول تشوفو. ايلاف: هاي ارثر: على سلامة، تعطلتي 2 دقايق ليوم ايلاف: اه و شحال من ثانية؟ ارثر: ماحسبتش غدا نقول ليك شحال ايلاف: كيبقيتي ارثر: شفتك وليت بخير ايلاف: لا راك مزيان نيت، المهم جبت معايا ضيف ليوم بغى يشوفك ارثر: شكون!!؟ ايلاف: ضارت لجيهة ديال الباب و قالت دخل حتى كيبان ليهم صفوان داخل صفوان: عمو ارثر كيبقيتي ؟ ارثر: انا جا عندي صفوان كامل فاكيد انكون بخييير صفوان: خاصك تبرا دغيا باش نلعبو اللعبة لي قلتي ليا ديك المرة ارثر: صافي كن هاني، على قبلك انا انوض نبرا دغيا صفوان: الله يشفيك، انمشي عند سامي دابا. ارثر: اه و قول معاك لجوري تنقص من غواتها و لا نمشي نسكن معاكم و نخليها هي. صفوان: بصح تجي تسكن معانا؟ ايلاف: صفوان سير، سامي كيتسناك صفوان: واخا ا ماما. غير مشى و سد الباب.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM