قصة المزحة #الجزء 142 : دخلات ايلاف لخدمة و ون شعور عينيها كانو كيقلبو عليه و لكن مابانش ليها، دغيا جمعات راسها و دخلات لبيروها و كملات خدمتها. بعد 3 ساعات، سمعات الباب كيدق، هزات راسها و على بالها ايكون هو ساعة دخل حسام. ايلاف: اهليين، زارتنا بركة حسام: ايه كملت شغلي و جيت نضرب عليك طلة ايلاف: لهلا يخطيك، عارفاك ماناسينش حسام: الهبيلة كيف نساك و نتي امانة من عند المرحوم، عارف راسي مقصر معاكم و لكن فينما نلقى الفرصة كنستغلها. ايلاف لي غير سمعات هضرتو بدات في البكا، كانت حادرة راسها و كتبكي في صمت داكشي علاش ماردش ليها حسام البال حتى كمل هضرتو، ناض جيهتها و شدها من كتافها. حسام: ايلاف، اما عارفك قوية، و خويا الله يرحمو بغاك على قوتك. ايلاف: ماشي لخاطري، توحشتو بزاف حسام: حتى انا تزحشتو، و لكن البكا ماغادي يدير ليك والو، كوني قوية على قبل ولدكم، و كملي حياتك، يالاه دابا مسحي دموعك و زيدي ديري ليا جولة لشركة. ضحكات بز منها و مسحات خناينها، و هوما مارادينش لبال لسيد لي كان جاي عندها و لقاها كتبكي و حسام شادهامن كتافها و منزل راسو كيهضر معاها، رجع فحالو لبيرو ديالو و هو حاقد كثر من لبارح. خرجات ايلاف و حسام من البيرو و كتوريه الشركة حتى تلاقاو مع ارثر لي خنزر فيهم و سلم عليهم ناقص، طبعا حسام لاحظ هادشي زيادة على التخنزيرات لي دار فيه لبارح في العشا و عرف القضية اتكون فيها ان. عشية فاش مشى حسام فحالو و قرب خروج من الخدمة ايلاف كانت كتجمع في حويجها باش تخرج حتى سمعات لباب تحل و تسد بلا دقان بلا والو. ايلاف: ماسمعتش دقانك ارثر: هادشي حيتاش مادقيتش ايلاف: اوكي فاش نقدر نعاونك موسيو ارثر ارثر: ايلاف، مابقيتش لاعب لعبة ديال اننا ماكنعرفوش بعضياتنا، و كيفاش قضية ديال هاد حسام و منين خرج. ايلاف: كنظن حنا بيناتنا غير الخدمة و هاديك حياتي الشخصية، ماعندك دخل فيها ارثر تعصب و بدون شعور رفع صوتو: عندي دخل، اي حاجة عندها علاقة بيك فهي شغلي. ايلاف جاوباتو بصوت كثر من صوتو فاش استفزها: ماشي شغلك و حياتي هاديك و لكن الا كان غادي يريحك جوابي فهو خطيبي و قريب غادي نتزوجو، بحكم هو القريب لولدي، صافي خديتي جوابك. الصدمة كانت قوية عليهم، ايلاف لي قالت هاد الهضرة لانه استفزها و هو لي ماكانش كيظن انه غادي يرجع يخسرها و بهاد السرعة و انها مابقات كتكن ليها و لو ضرة مشاعر، فما عاودش جاوب و انساحب من المكتب بهدوء تام، ردة فعلو خلان ايلاف يأنبها ضميرها على هاد الفعلة لي دارت. ايلاف: خاصك تفهم انه انا و ياك طريقنا عمرها تلاقى مازال، و لو انني نبغي الا اننا ماناسبوش بعضياتنا. هزات صاكها و خرجات، دازت لمدرسة على قبل ولدها و مشات نيشان عند جودي. ************* جودي: اوييييليي على الزغبية اش درتي !!؟ ايلاف: ماكان عندي ماندير ، و اصلا بدون شعور قلت ديك الهضرة. جودي: قلتيها بدون شعور و لا بغيتي تحركي فيه الغيرة ايلاف: الله يهديك اشمن غيرة. جودي: بيناتنا. ا ايلاف، عجبك الوضع ديال انهباغي باغيك و نتي باقي باغا تنتاقمي منو ايلاف: ماكاين لا انتقام لا والو، انا مابقى عندي فيه سوق و كنتعامب معاه كاي شخص اخر، المهم عندي هو ولدي. جودي: ايلاف، هاد الهضرة ماشي عليا انا، كلنا عارفين بلي حبك لارثر غير دافناه و انما عمرك نسيتيه ايلاف جاوبات بغضب: جوودي ا هاد الهضرة كتقولي، انا نسيتو و يوسف لي نساني فييه و مانقدر نخون حبو. جودي: اناعارفاك بغيتي يوسف و لكن ارثر كان حبك الاول و يوسف كان الشخص المثالي لي عمر عليك و هو يقدر يكون كيبغيك و لكن نتي غير وفية ليه و بيناتكم الاحترام اما حبك هو ارثر و ماكاين لاش تخبي عليا هادشي و واخا تبغي تنكري فعينيك كيفضحوك و انا اكثر وحدة عارفاك يالاه بغات تنطق سكتاتها و كملات....... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM