المدللة و المتوحش الجزء 12 : جويرية:مرحبا بيك ابنتي الين:شكرا جويرية :اكيد غتكوني عيتي من السفر اجي نوريك بيتك ترتاحي بينما يوجد الغدا الين:اوكي شكرا جويرية:الين غتكون عندك بيت مشتركة معا بنتي آلاء نتمنى تفاهمو مع بعض هي دابا فالثانوية شويا و تجي و اصلا نتوما قد قد فالعمر كنضن غتفاهمو الين:(اوف كيفاش نتشارك البيت مع وحدة خرا اش هاد الهضرة صافي بردي ا الين ماشي مشكل )اه نتمنى طلعاتني جويرية للبيت كان بيت ف شكل مختالف على بيتي تماما فيه زوج ناموسيات صغار و كلو لوان و كيتار مليوح فالجنب و البيسي ف جنب و المخاد مشتتين فالارض و خزانة متوسطة موحال تقد الحوايج لي جايبة معايا . و كان فالبيت دوش صغير ما فيهش جاكوزي غير لا شاص مع رشاشة حداها دخلت دوشت بالزربة لبست بيجامة غوز نشفت شعري و تاصلت ب ماما و بابا علمتهم بلي وصلت و ضربتها بنعسة تا كنحس ب الارض كتزعزع و شي حط طايح عليا انا:ااااي اش هادشي آلاء:و اخيييرا جا لي يتشارك معايا البيت انا:نوضي نوضي غتفركعيني وا ناااري عتقوني آلاء:ههههه(ناضت من فوقها)سلام انا الاء بنت جويرية انا:اش هاد الطريقة باش مفيقاني تسطيتي لا آلاء:من ديما ههههه المهم نوضي تغداي انا:(حمقة هادي:)واخا غنزل غير سبقيني بينما نغسل وجهي و سناني آلاء متعطليش (بلاتي بعدا نوصف ليكوم هاد آلاء هي بنت ضريفة و حمقة و قلبها بيض بزاف بزاف بنت شعرها طولو متوسط و شهبة ملامحها هادئة و زوينة ولكن ورا دوك الملامح عاثفة مكتهداش غنحط صورتها التحت ) دخلت غسلت فمي و وجهي نزلت عندهم تغدينا و طلعنا انا و الاء لبيتها كنتعاودو تا دانا النعاس ب زوج ما فقنا تال 7 تالعشية و طلبتها باش نخرجو ندورو شويا و تا هي كانت طالبة عليها لبست كسيوة كحلة مزيرة حد الفخاد ب كمامها و سامبل و شعري سرحتو و خليتو مسدول على كتافي مع طالون كحل و بوشيط وجاكيت حيت خفنا يبرد الحال اما هيا لبسات سروال جينز غوز طاي هوت مع تيشورت طالع فوق الكرش فالبيض و سبادري بيضا اما واحد الشعر معرفت كي دارت ليه روناتو و دارت مكيااج اوووفر عكر كرونة و عينيها دارت ايلاينر قوي عكسي لي اكتافيت ب فوندوتان مع ماسكارا و كلوس ملمع . خرجنا و مخلات فين دوراتني صراحة هاد المدينة كلشي فيها كيبان كبير و كلها ضواو و عامرة تقول ناسها مكينعسوش بقينا كندورو تا طابو رجليا مقابلين غير الظوران و الماكلة و اللعب مدخلنا تال 12 تاليل مهدودين لقينا جويرية نعسات طحنا ب حوايجنا و نعسنا فقت على صوت الاء كتوجد راسها لمدراستها رجعت غطيت وجهي و والو معرفتها كتبدل ولا كتحارب انا:آلاء الميمة قلبي بشوية اختي راني ميتة بالنعاس الاء:انا هاكة مولفة نتي راه كي غنخرج فتنعسي اما انا نعاسي نكملو فالقسم صافي لقيتها رجعي نعسي منصدعكش يالاه باااي بوووسااات انا:باااي رجعت نعست تا جات جويرية كتفيقني و قالت عندي شي ضيف جويرية:الين جا عندك ضيف فيقي خلاص انا:اينا ضيف مع النبوري واش منعسش انا ج:واخا انا غنقول ليه بلي راك باقا ناعسة ولكن راه 12 هادي ماشي النبوري انا:مممممم غير خرجات هي شوية كنحس بالباب غيتفرع بالدقان نزلت من السرير مخلوعة قلبي وسط رجليا و حتى الطالون محيدتوش كنعطر تا وصلت الباب غي حليتو بان ليا اكثر انسان معنديش معاه و بلا مسهضر دخل و سد الباب موراه مراد:شنو هاد الحالة انا:(كنشوف فالكسوة طلعات الفوق شعري واقف فالسما )خرجت البارح و كنت عيانة مبقاش ليا الوقت نبدل مراد:ايمتا رجعتو بالسلامة انا:12 واقيلا مراد:عندك 10 الدقايق تبدلي حوايجك فيهوم و تنزلي عنددي باش نديك لمدراستك تشوفيها انا:10 الدقايق يالاه نمشط فيها شعري مراد:(خرج و خلاها كدوي بوحدها) سمعت هضرتو نضت كنقز من بلاصتي حيدت الكسوة بالزربة و لبست جيب فوق الركبة كحلة مع شوميز بيضا شعري جمعتو كعكة غي بقلم و لبست بوط قصير هزيت معايا مونطو قصير و نزلت كنجري انا:(كنهج)واجدة مراد:اوكي زيدي جويرية شكرا ج:العفو اولدي بسلامة ركبنا فاللوطو بقا ساكت شويا و هو ينطق مراد:الحالة اللي شفتك بيها اليوم منبغيهاش تعاود و الخروج بليل ممنوع انا:(البعابع لواه) مراد:سمعتي انا:اه مراد مزيان بقا الصمت سيد الموقف تا وصلنا للمدرسة تعرفت على المدير و طلب مني غدا نجي باش نبدا معاهوم اما الدروس لي فاتوني خاصني نشوف اللي يراجعهم معايا تغدينا انا و مراد فمطعم راقي و هادى و الوقت كاملة و انا يا نحك عنقي اولا نبدل الكلسة اولا نبقا نلعب بشعري(هادي حالتي ايلى مكنتش كنهضر) داز الغدا معاه ممل تفكرت سترة و بقيت كنضحك غير بوحدي مراد:(حط الموس و الفرشيطة من يدو)ضحكيني معاك انا:هه لا والو احم سمحليا غير تفكرت شي حاجة مراد:اوكي يالاه نرجعك للدار اه قبل منسا هادي نمرتي خليها عندك و آري نمرتك متخرجيش بلا ادن مني و غدا ايلى بغيت نجي موراك نعلمك باش نلقاك واجدة انا:اوكي مراد:و بالنسبة للدروس انا نشرحهوم ليك انا:(كانت كتشرب العصير و وحلات ليها)كح كح كح مراد:شربي الما انا:احم احم لا صاحبتي زعما بنت جويرية غتشرحهوم ليا مكين لاش نعدبك مراد:اوكي هاحنا غنشوفو انا:نمشيو مراد:يالاه رجعني مراد للدار و حنا منطقنا تا كلمة بالكاد كنحس بوجودو غير منين كنسمع نفسو رجعت للدار لقيت الاء مشبحة فوق السرير انا:هاني جيت الاء:على السلامة بدلي عليك و يالاه نخرجو باقي بزاف تالبلايص موريتهوم ليك انا:اوكي انا غنبدل الاء:(كتغوت)بلااااتي بلاااتي انا غنلبسك و نقادك على دوقي انا:لا لا بلاش شكرا(قلت هكا حيت عارفاها غير غتخربقني) الاء:زيدي خلاص تيقي فيا . شداتني عراتني و لبساتني غوب كحلة قصيرة مفاوتة معا الطوطو ب شبر و سمطة ضايرة على العنق و شدات شعري بوكلاتو كلو و بدات كتخربق فوجهي لصقات ليا الشفار و طراسات الحجبان فوندوتان و فاغاجو و لاحت ليا واحد الكلوص قالت ليا ديريه درتو و انا ميتة بالضحك على راسي عاد خرجنا اما هيا لبسات غوب كلها كتشع فالبوماري و شعرها دوراتو لجنب واحد و مكياج تقيل فحال ديالي عاد خرجنا كندورو و دخلنا لواحد الملهى نشطت بزاااف اول مرة ندخل ليه ضحكنا انا و ياها و قابلنا التبركيك تال 3 تالصباح عاد رجعنا للدار كيردونا الحيوط(بالشراب الاء مولفة بيه عكس الين اول مرة و كترات شد فيها بالمزيان ) طاحو بحالتهم وحدة فالارض(الين لقات الوسايد فالارض و نعسات عليهوم )و الاء فسريرها و رجليها كل وحدة فقنت . وصل الصبح و تيليفون الين مسكتش من التعياط ولكن هي نعاسها تقيل مسمعاتوش . مراد عيا ميتسناها فحدا الباب ددق و حلات ليه الخدامة قالت ليه بلي جويرية ف خدمتها طلع للبيت حلها لقا البنات منشورين تصدم من داكشي لي كيشوف قدامو مشا لجهة الين جرها من يدها بقوة باش تفيق و والو بقا كيحاول مع الاخرى لقاها كثر منها كلس فالكرسي لي محطوط قدام البيسي و كيتسناهوم يفيقو منين مفاقوش عيط على الخدامة تجيب ليه ما فيه الثلج ما هي الا دقائق تا طلعاتو ليه و خواه فوق راس الين لي ناضت شاهقة و كترعد مراد:(كيدوي من تحت سنانو)صباح الخير الين:(شهقات)استاااااد شنو كدير هنا و شنو طرا مراد:خرجتي تاني الين:هاء ... لا..اه....زعما م..متعط..لنش مراد:وقفي و اجي لحدايا الين:واخا(كتحاول توقف و رجليها كيخويو بيها من الشراب و الخلعة) مراد:(طار لجيهتها شدها من شعرها و بقا مطلع يديه للفوق تا وقفها و هي غير كتمايل قرب لجيهة فمها تا سحاب ليها غيبوسها و نطق)شارباااا الين:غغغغييير دقتو مراد:(صرفقها تا سمعاتها الاء و فاقت مخلوعة اما الين شدات حنكها نزلو دموعها بزربة دمعة و را دمعة و جنب فمها كيسيل بالدمايات كون ما الحيط لي وراها كون طاحت) دخلي دابا بدلي عليا دوك الحوايج تالقحاب الاء:ايه نتا اش تكون باش ضربها و لاش داخل لبيتي مراد:(شاف فيها)هادي هيا لي غتفهمك الدروس ياك الين:(الصمت و سنانها كيتسمع صوتهم و هوما كيضربو) الاء:خرج من بيتي برااا ... الين شكون هادا مراد:(دار كيخنزر فيها:غتسكتي و تزمي فمك ولا غنخلط مك معاها ) فهاد الاتناء دخلات جويرية ج:اش واقع هنا مراد:نسولك نتي واش البنت كنوصيوك عليها و نعاودو و فالنهار الثاني ولات كتشرب و خارجة بهاد الحالة جويرية:الين الاء اش درتو الاء:ماما خرجنا للبار غير نبدلو الجو و اصلا شكون هادا الين(متكية على الحيط و شادة حنكها كتبكي ) مراد:الين زيدي قدامي و كوني متأكدة هادشي غيوصل لماماك و جمعي حوايجك تا هوما انا غنتسناك التحت خرج مراد و تبعاتو جويرية كتحاول تبرر تصرفات البنات حيت نهيلة دارت فيها بزاف تالخير مبغاتش تاخد عليها نضرت انها مهتماتش ب بنتها ولكن مراد لي فراسو ف راسو حلف ميخليها وراه ولو دقيقة وحدة اما الاء طاحت على الين كتعنق فيها و تبوس و تبكي معاها و طلبها تبقى معاها ولكن الين متقدرش حيت اصلا متقدرش تقول لا لمراد كتخاف منو لدرجة كبيرة عمرها جرباات حر التصرفيق تال هاد النهار دخلات للدوش غسلات و جهها و جمعات حوايجها و بدلات عليها لبسات كسوة طويلة و خلات شعرها باقي مبوكلي جمعاتو كعكة و جرات لي فاليز ديالها بزز تا وصلات لحداه هز ليها لي فاليز حطهوم ف اللوطو تاعو و رجع جرها بقوة من يديها و رماها ف بلاصتها و كسيرا . موقف تال الفيلا ديالو مهضرش معا الين بتاتا هي الطريق كاملة جامعة رجليها و كتبكي . نزل و جا واحد من الرجال اللي حدا الباب هز لي فاليز طلعهم اما الين غير مصدومة من القصر(بلا منوصف غتحط الطوف) لي قدامها كتشوف و حالة فمها تا جرها مراد وراه من يدها . مراد:(ضرب كرسي برجليه لجهتها)كلسي الين:(قاداتو و كلسات و هي فازكة حيت منين ضرب الكرسي تخلعات و طلفاتها) مراد:عاودي ليا شنو درتو البارح خليتي شي واحد يقيصك هضري الين:اهئ اهئ لا اهئ مقاصني تا واحد والله غير شربنا و صاف مراد: (كيدوز يدو على شعرو و كيحاول يتهدن)اوكي من اليوم غتبقاي فهاد الدار مدراستك انا غنديك و نجيبك تخرجي او تعتبي هاد الباب بلا خباري بربي تا تشوفي وجهي التاني و مغنرحمكش و خلي هاد الهضرة حلقة ف ودنيك اه و ديك الماسخة ايلى عاود شفتك معاها غنخلط طاسيلتكوم بزوج سمعتي الين:اه مراد:عفة .... عفة.. عفة:نعام اولدي مراد مراد:دي هادي للبيت تالضياف اللي الفوق و متخليهاش تخرج و ممنوع تاكل او تشرب تا حاجة النهار كامل تا نرجع عفة:ولكن مراد:تسنطي لهدرتي ايلى طاحت ف فمها غير حاجة وحدة غتنساي سميتي و راك عارفاني و نتي كتوبك غيوصلوك واحد الشوية منين نجي نلقاك كتراجعي اي حاجة عندك الكترونية سواء تيليفون او غيرو غتعطيه ل عفة قبل مدخلي للبيت الين:و بغيت نهدر معا ماما و بابا مراد:عفة ديها للبيت و اللي قلتو يتنفد........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM