قصة المزحة #الجزء 118 : صدق من قال" حين يفشل الحب بين الطرفين, تتزوج الانثى باول شخص في طريقها, بينما الذكر يعكف عن الزواج" و هادشي بي طرا مع ارثر, بمجرد ما فقد ايلاف ماعاودش حس بحلاوة الحياة و كيف لا و هي جات و لوناتها ليه و في رمشة عين خسرها. ~~~~~~~~~~~~~~~~~ * قبل 8 سنين, بالضبط يوم مشاجرتهم* من بعد الهضرة لي قالها ليه في وجهها, ماكانش على بالو اتكون ردة فعلها بحال هاكا, و فاش عرف راسو قفرها معاها مابغاش يزيد طين بلة, فخلاها حتى تكمل امتحاناتها و يطلب منها سماحة و عاد يرجعو يهضرو في الموضوع و لكن الصدمة كانت قوية عليه, ملي عرفها رجعات المغرب و قطعات عليه جميع الوسائل لي يقدر يوصل ليها, سول البنات على العنوان, و سيفط على ادم يسول جودي و لكن والو, ايلاف انشقات لارض و بلعاتها, فديك ساعة مابقات هاماه لا مناقصة لا والو, و لي كان موجد ليها شهر قبل حتى انساحب منها و بقات ليها 3 ايام. واحد نهار كالس في البار من بعد ما فشل في جميع الطرق باش يوصل ليها, سكر حتى رجليه مابقاوش هازينو, و كالعادة ادم جا يمجعو من البيران, داه لدارو و مشى دخل نيشان لبيت لي كانت كالسة فيه المدة لي كانت مهرسة, غير دخل تلاحت على ناموسية. ارثر: اييلاف مشات و خلاتني, في رمشة عين رمات عامين ديال الحب و تخلات عليا. ادم كان وصى الخدامة تجيب ليه قهوة قاصحة باش يصحح, و مع ذالك دخل الحمام عمر طاسة و دار فيها مكعبات الثلج و خواه عليه. ادم: نوض صحح, حتال امتى اتبقى كالس تبكي عليها هنا!!! كلشي بسبابك نتا, نتا لي خليتيها تخلا عليك. ارثر ناض مبهوض من الما البارد لي خوا عليه:اناا !!!؟ ادم: اه نتا, على الهضرة لي قلتي ليها, مافكرتيش في لحظة وحدة انها داكشي كامل دارتو حيتاش كاتبغيك و نتا جيتي و لحتي ليها داكشي كامل في وجهها, نوض شوف حالتك كيف ولات, الا كنتي بصح كتبغيها و بغيتيها تكون ليك, نوض تصالح مع نفسك و مع ربك, و ديك ساعة نفكرو كيفاش نصالحوك معاها. ديك ليلة بقى عليه ادم بالنصائح و الهضرة و الادلة و البراهين و الحجج, و داكشي لي مقدراتش ديرو ايلاف في عامين, دارو ادم في ليلة, و فعلا من ورا ديك الليلة و ارثر كيبحث و يتعمق في الاسلام, مشا عند علماء كبار و معروف و كلما بحث كلما كيزيد يتعمق و يتشبت فيه حتى علن اسلامو, و بدل السمية و لكن بحكم مكانتو فمقدرش يعلنو قدام العالم فاضطر انه يحتافظ بالاسم ديالو و لكن زاد عليه اسم و لي معناه: هو الله يمنح ويضاعف، الله يزيد. و الاسم كان و بالصدفة " يوسف" و رجع سميتو " ارثر يوسف كندجي" و لكن هاد الحقيقة عرفها غير ادم و لحد الان هو الوحيد لي عارفها. المدة كاملة كان ارثر شاغلو الاسلام و هو لي خلاه يبعد على كلشي و الشيء الوحيد لي كان باغي يعرف واش هي بخير, و هادشي لي كان كيجاوبو ادم بحكم جودي ماكتبغي تعاود ليه والو عليها, و لكن كل نهار كان عندو امل انها ترجع شي وسيلة باش تواصل معاه و لكن والو. 8 اشهر دازت علي فراقهم, كانت كيتسنى غير الفرصة امتى يرجع يشوفها و يطلب منها السماحة, و الفرصة جاتو نهار عرس صاحبو ادم لي غادي يتقام في المغرب و طبعا غادي تكون حتى هي. *يوم العرس* كان مندهش من هاد الاجواء لي كايين و لكن عجبو الحال كان كيتسناها غير امتى تبان ليه, و فعلا ما هي الا دقائق حتى بانت ليه جايا من ورا العروسين لي توجهو لعمارية هي اللولة, و بمجرد مالقاها غادية بوحدها يالاه غادي يتبعها باش يهضر معاها حتى كيتفاجأ بالشخص لي جا قبط ليها يديها ووتوجهو لطابلة, لي من بعد عرف انها تزوجات و هذاك راجلها. العرس كامل و هو منعزل في واحد القنت في القاعة لي كان متأكد انها ماغاديش تشوفو, و اكتفى انه يشبع منها و كانه كيودعها. من بعد العرس دوز ليلة في المغرب و قطع رجع لالمانيا, و من تما و هو ماباغيش يعرف عليها شي حاجة بحكم انها مزوجة دابا, فيكفي انه كل نهار و عاد ماكيزيد يندم عليها و كيزيد يبغيها. من بعد هادشي نرجعو لبعد 8 سنين و نشوفو اشنو مخبي الوقت لايلاف و ارثر يوسف كندجي. من بعد ما وصل جودي و انساحب هو و الولاد خلاهم يهضرو حتى خاطرهم, بعدو عليهم و مشاو لجيهة ديال الطوموبيل تكا عليها و خلا الدراري كيلعبو و هو بقى حاضيهم, ايلاف من شحال هادي و هي عزيزة و كتبقى فيه خلاص ملي كيشوفها لي لي ضاعت بزاف و لكن ضاع معاه حتى صاحبو, داكشي علاش ماقدرش يقرر في صف من ايكون, بقى حاضيهم حتى بانو ليه جايين جييهتهم, حل الباب و ضار عند ولادو -ها ماما جايا, يالاه دخلو دخلو. نقزو الولاد كيدخلو يالاه غادي يسد الباب حتى كتجي عينيه على الشخص لي في سيارتو و حاضيهم من البعيد, تصدم و ماحسش براسو حتى نطق سميتو. - يوسف !!! ملي جات عينينهم على بعضياتهم تحرك يوسف و خلا ادم لي عيط ليه و مابغاش يجاوبو, رجع عند البنات. ادم: جودي تقدري تمشي مع ايلاف و تدي معاك الدراري خرج ليا بلان. ايلاف: صافي غير سير, ها هوما معايا. مشى نزل ولادو و كسيرة تبع صاحبو على الله يشدو قبل مايهرب عليه, بقى تابعو حتى لقاه غادي لدارو, غير دخل يوسف, ديك ساعة دخل وراه ادم. ادم: يوسف تسنى نهضر معاك. يوسف: ارثثثر سميتي, ماشي بوحدنا حنا هنا, و اشنو غادي تقول دابا !! راه مابغيتي تقول ليا والو, و عرفت راسي. ادم: يالاه لمكتب و نهضرو. جرو من ضراعو و تحركو لبيرو, غير دخلو و هو ينتر ضرعو من يديه. يوسف: اشنو بغيتي تقول دابا و تشرح!! عندها ولد !!! ولداتت معااه, فاش كنت انا هنا كنتعذب هي كانت عايشة حياتها و ولدات ولدها, و فين هو الزوج, خلاها تجي بوحدها هنا !!و لا عاد غادي يتبعها يمكلو حياتهم السعيدة هنا. ادم غوت بجهد: يووووووسف. يوسف لي تصدم من ردة فعل ديال ادم لي كان ديما الشخص الضحوكي و المبرد حتى تفركع دابا........ #يتبع......... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM