المدللة و المتوحش الجزء 11 : بقا مراد ساعتين و هو كيدير نفس الحاجة لألما غير كيشوفها بردات تاني كينوض يهيجها و يخليها تا قربات تحماق كتبكي و تنتف ف شعرها و تعض ف يديها عينيها حمرين و وجها قمشاتو آلما:مبقيتش قادة نصبر غنحماق باراكا اوووففف (كدوي و رجليها كيترعدو) مراد:(ناض من فوق الفوتوي و حط البيسي فوق الطبلة عاد مشى لعندها)نوضي لبيتك (حل مجر و هز منو رزمة تالفلوس لاحها عليها) كمارتك مباقيش نشوفها و منين نحتاجك عارف فين نلقاك آلما:(كتحسب فالفلووس و ضحك )اوووف صافي واخا مسخيتش بيك ... نرجعو ل عند الين لي صدمها باباها ب واحد الخبر احمد:بنتي انا و ماماك خدينا واحد القرار الين: بحال اش احمد:نتي غتكملي قرايتك ف اميركا عند صاحبت ماماك الين:(واو هادشي كايعني الحرية ) اه موافقة نهيلة: كدوي بصح ابنتي الين:اه بصح علاش ايسحاب ليكوم مغنقدرش نعيش و نتحمل مسؤوليتي ل راسي احمد:و حنا هادشي لي كنا باغيين انك تنضجي و يمكن الغربة تعاونك باش تحطي عقلك ف راسك الين:(و مالي كنت حاطاه ف طرمتي مثلا).ولكن و صاحبتي سترة احمد:معرفتش واش واليديها غيقبلو او لا انا غندوي معا باها الين:اووكي و ايمتا غتوجدو ليا الوراق احمد:مغياخدوش وقت طويل ابنتي ولكن متنسايش انك قاصر يعني البلايص اللي ماشي فعمرك متوصليهمش الين:واخا متافقين وااااو انا فرحااانة بزاااف نهيلة:و حنا كي نديرو نعيشو بلا بيك الين:اوففف اماما بلا ديك الدراما الحاجة الوحيدة لي بنتك حافضاها هي ان التيكنولوجيا جعلت العالم كقرية صغيرة شفتي ادن وقتما توحشتيني غتقدري تشوفيني. احمد:و عليييه نهيلة انا غنخرج باش نبدا نوجد ل بنتنا الوراق و كلشي و منها نمشي للشركة . نهيلة:رد البال ل راسك الين:باي بابا عند احمد فالشركة احمد:الو ولدي مراد ... مراد:اهلا سي احمد لباس احمد:الحمد لله اولدي و نتا مراد:بيخير احمد:ولدي واش ممكن نتلاقاو انا و ياك ايلى كنتي مسالي مراد:الله اودي نسالي على ودك اسي احمد غير قول ليا فينك و تلقاني حداك احمد:نتلاقاو ف شركتي انا غنسيفط ليك العنوان دابا مراد:واخا مسافة الطريق و نكون عندك #بعد_مرور_ربع_ساعة احمد:ولدي مراد مرحبا مراد:شكرا شنو واقع ياكما الين دارت شي حاجة تاني احمد:هههه لا لا من نهار تعرفنا عليك مبقاتش كيف كانت اما راها كانت مشيبانا مراد:فالحقيقة هي خاصها تحتارمكم كثر مني انا لي عرفاتني غير 4 يام هادي احمد:عندك الحق اولدي حنا غلطنا ف تربيتها بزاف و خصوصا انا ماماها ديما كانت كتنبهني ولكن مكنتش كنسمع ليها هي بنتي الوحيدة ولكن وليت خايف من مستقبلها بزاف كل نهار كتجيب مصيبة جديدة فاش كانت فاللعدادي سيفطات وحدة ديريكت للسبيطار خيطات 4 تالغرزات و وحدة خرا سدات علبها ف بيت وسط المدرسة و قطعات ليها شعرها كلو و هاد العام راك شفتي تاني شنو دارت الناس كيتعاتقو معاها غير حيت قاصر اما الى وصلات لسن الرشد غنوحل معاها فعلا . مراد:معرفتش اش نقولك اسي احمد ولكن هيا كبرات و تربات هكا احمد:عالاقل نتا كدير ليك اعتبار مراد:و شنو المطلوب مني احمد:البارح خدينا انا و نهيلة واحد القرار مراد:لي هو احمد:غنيسيفطوها لاميركا يمكن منين تكون بوحدها تحس بالمسؤولية و الغربة تبدلها يمكن منين متلقاناش ف جنبها كنحميوها كي ديما تبدل تصرفاتها و يمكن بلاصة جديدة غتخليها تنقص من زعامتها الزايدة مراد:ويمكن تلقا السيبة و تولي كثر من هاكا و عوض متحيد حاجة تبلى بحوايج خرا سي احمد بنتك مخاصهاش تبدل البلاد باش تربا احمد:هادشي لي طاح ف بالي و انا عارف علاش بنتي مغتبلا ب والو حيت هو انا فالحقيقة بغيت نطلب منك طلب مراد:تفضل على راسي و عيني احمد:بغيتك ترد ليها البال و تخاف عليها فحال ختك و كثر مراد:(مصدوم)ولكن اسي حمد راه منقدرش نتا عارف بنتك كثر مني و اصلا تما عندي حياتي و منقدرش نكون مسؤل على بنت عندها 15 او 16 سنة احمد:ولدي انا تايق فيك شوف فالحقيقة انا مريض مراد:كيفاااش احمد:اه كيف كتسمع عندي ورم فالدماغ ولكن الحمد لله(نزلات دمعة من عينو)اكتاشفتو ف مراحلو الاولى يعني مازال ما نتاشر . و انا غندير عملية من هنا لاسبوع و بغيت نسرع الاجراءات باش الين تخوي البلاد حيت من ورا العملية عندي معالجة كيميائية مراد:ولكن ف هاد الحالة بنتك خاصها تبقى حداك و تساندك احمد:لا اولدي واخا تشوف الين كطير مع الطيور و ضاسرة و كتبين للناس ان شخصيتها قوية ولكن راه اضعف منها ما كاين عوض ما تقويني غتزيد غي ضعفني و انا اصلا مبغيتهاش تعرف تا نتعالج مراد:معرفت منقول ليك من غير كنتمنى ليك الشفاء العاجل و بالنسبة لبنتك كي قلتي راه غنعاملها ف حال ختي لي معنديش و نتمنى متعدبنيش معاها ولكن السكنة ديالها شنو قررتو فيها احمد:كاينة صاحبة نهيلة ف نيويورك غنسيفطوها لعندها مراد:و انا نيت ساكن تما متهزش ليها الهم احمد:انا عارفها غتشيبك ولكن دير بوجهي و تحملها راه غير بنت طايشة مراد:هه لا مكين لاش توصيني انا غنعرف كي نتعامل معاها دابا ديها غي ف صحيحتك و وراقها انا نتكلف بيهوم متهزش الهم احمد:الله يرضي عليك اولدي مراد:ماشي مشكل العشية ندوز ناخد وراقها و غنتكلف ب كلشي و ايلى كنتي باغي تعالج ف شي بلاد خرى من غير هنا انا نتكلف ليك ب كلشي باس يتسرعو الاجراءات احمد:لا اولدي انا باغي نتعالج هنا باش حتى لا جات الموت نموت ف بلادي مراد:الله يطول لينا ف عمرك ... متقولش هكا نتا غتولي بيخير احمد:انا عرفتك من مدة قصيرة اولدي و تقت فيك حيت دوزت تجارب كثار ف حياتي و من الشوفة عرفتك راجل يعول عليك الواحد انا باغي نشوف بنتي قارية و واعية و تكون مسؤولة هي راه امانة عندك و ضو عينيا و معطيتك داك الضو الا لاني عرفتك غترد ليه البال و سمح ليا غنشطنك معايا مراد:عدابك راحة الحاج .انا غنخليك دابا حيت باغي نرجع فأقرب وقت وخاص نسالي بزاف تالحوايج احمد:الله يعاونك اولدي مراد:امين $$$$$خرج مراد من عند احمد و راسو ضارو محاملش يهز ف تقليدو بنت بحال الين لي بنسبة ليه برهوشة بزاف و طايشة بقا فكرة تديه و فكرة تجيبو تا وصل لدارو و جد ما ياكل و دوش و نعس . اما الين بعد الهضرة لي قال ليها باها مشات كتجري لعند سترة للدار حلات ليها مها و طلعات عندها للبيت لقاتها كترسم الين:الرسامة ديالي شنو هادا سترة:والو بعدي الين:(كتجبد باش تحيد ليها الوراق من يديها )انشوووف شتك كنتي كترسمي و ضحكي بعدي شويا سترة:الين صافي اصاحبتي اوووف بعدي مني الين:هوووبا....شنو هادا واااو هادا هداك هههههه ههههههههههههههههه (طاحت للارض كتبكي بالضحك و شادة كرشها)سترة هههههههههه مبقيتش قادرة نضحك آآي اكرشي هههههههه سترة:سكتي .... صافي سكتي الين:اوووف هههههههه منقدرش والله هههههههههه سترة:(غوتااات)اليييييين سكتي الين:اوووف جيبي ليا كاس تالماء هههههه صافي هاني سكت و انا كنقول الناس بدلو اللوك و كلشي قولي طحتي طيحة خايبة اصاحبتي هههه سترة:صافي نساي اصلا نتي مكتفهمي والو الين:عندك الحق هادا جهد فهامتي عليك مبان ليك غير المدير تالمدرسة ههههه سترة:نساااي ... الين:سترة واش تسطيتي عرفتي هاداك بنادم راه داير كيف شي وحش . سترة:انا عاجبني غير خليه يكون وحش او غول معنديش مشكل . الين:صدمتيني والله المهم جبت ليك شي خبار سترة:يا ربي السلامة شي موصيبة تاني الين:لا (غوتات)غننننمشيييي لاميركاااااا سترة: شنووو و انا الين:مالك نتي سترة:ياك انا صاحبتك غتخليني و تمشي الين:حنا ماشي صحابات حيت نتي كتخبي عليا سترة:والله مخبيت عليك غير مكنتش باغا تضحكي عليا الين:حمقة هههههههه نتي راه غتمشي معايا غير قنعي واليديك سترة:لا تم لا الين:(مصدومة)و علاش سترة:مستحيل نمشي و نخلي فارس احلامي هنا الين:من نيتك القحبة دابا هادا عرفتيه و دغيا بدلتيني سترة:القلب اصاحبتي هو لي كيتحكم حالفة تا نطيحو الين:(بقا فيها الحال على جواب صاحبتها و مبغاتش تبين)اه واخا ادن غنمشي بوحدي سترة:ايمتا الين:فهاد الايام المهم نخليك راه بغيت نخرج مع ماما باااي سترة:(عينيها ف صورة مراد لي راسمة)بسلامة بعد مرور 10 ايام الين:مقادراش نتيق بلي و اخيرا غنعيش بوحدي واااو الحباة السعيدة احمد:الييين يالاه ابنتي هادي هيا الوقت *نزلات الين كتجري فالدروج بعد ما ودعات بيتها كانت لابسة صالوبيط كحل مزير(توب)و مشبك من جيهة الصدر و كمامو مزيرين شعرها جامعاه كوب شوفال مع ميكب خفيف ماسكارا و بودر مع كلوص بارد فالغوز . ركبات فاللوطو ديال باباها و وصلهم للمطار الين:بابا شنو مزال كنتسناو خليوني ندخل خلاص نهيلة:بنتي صبري شوية مراد:(من اللور)يمحولي على التعطال الين: احمد:لا اولدي هادي هيا الوقت الين:استاد شنو كدير هنا مراد:غنمشي معاك لاميركا الين:بابا مفهمتش احمد:اه ابنتي انا وصيتو عليك و من اليوم عتابريه خوك و فبلاصة باباك هو لي غيهتم بيك واخا و نقصي من الضسارة و سمعي كلامو الله يرضي عليك الين:(مصدومة لسانها تعقد) نهيلة:(عنقاتها و كتبكي )رظي البال لراسك ا بنتي و كوني تسمعي الهضرة واخا مراد غيديرك فعينيه (شافت ف مراد و عينيها عامرين دموع)رد ليها البال عافاك هي اغلى ما عندي مراد:متخافيش عليها الين:(الله يا ربي على وحلة اش هادشي ) ماما بسلامة بابا رد البال لراسك كنبغيكوم بزاف (عنقاتهم ب زوج ) مراد:هادي هي الوقت يالاه الين:اوكي تمشات الين ورا مراد لي غادي و كيسرع ف خطواتو و هي كتنهج من وراه تا حس بيها عاد بدا كيتقل . ************* (الين)بعد ما وصلنا للطيارة ركبنا ف بلاصة خاصة غير برجال الاعمال (الدرجة الاولى)اففف كانت عامرة غير بالشراف درت الكيت ف ودني و نعست دازت رحلة مملة كنغفى و نعاود نفيق و بغيت غير ايمتى نوصلو موقفات الطيارة تا وليت غير كنسوط بوحدي وصلنا و لقينا طوموبيل (بورش كحلة) كتسنانا خدا مراد السوارت طلع لي فاليز ديالي الكوفر و بقا صايك تا وصلنا قدام فيلا صغيرة عاد وقف مراد:هادي دار صاحبت ماماك هنا غتبقاي متعدبيهاش معاك و رتاحي انا غنتكلف بالمدرسة لي غتسجلي فيها و منين نكمل الاجراءات غنجي ناخدك مباغيش نسمع شي شكوى عليك مفهوم الين:اوكي باي نزلت من اللوطو و هو تابعني حط لي فاليز حدا الباب بقا واقف تا تعرفت على صديقة ماما اسمها جويرية استقبلاتني بطريقة زوينة و هو وصاها عليا عاد خرج......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM