قصة المزحة #الجزء 106 : كانت قررات باش يخرجو يستكشفو المدينة و لكن كاع البلايص لي عارفة هو لي وراهم ليها ها هو عاوتاني طاح في بالها في كل بلاصة عندها معاه ذكرى في هاد الكرسي لي قدامها قبل كانو كالسين بزوج و كيشير ليها لبلاصة لي قدامهم ( هنا فين غادي نوليو نجيبو ولادنا في ويكاند باش يلعبو و يتعرفو على ناس جداد) دارت فيها كاعيا ( و علاش ولادنا و ماشي بناتنا !!؟) شد لي حناكها ( و راه غادي يكونو عندنا بزاف بنات و ولاد و داكشي علاش قلت ليك ولادنا) علامة استفهام على وجهها ( تقدر تحدد رقم, هاد بزاف ماعجباتنيش) ضحك على وجهها ( بزاف هي بزاف ماكرهتش نبقاو غير نولدو و الا بغيتي رقم, نقول ليك 8 و لا 10 , و لا على قد صحتك ) غوتات ( 10 !!!! لا مزيان ملي تفكرتي صحتي عطاوك قنية انا !!؟ و اصلا نتا غربي عندكم 2 بركة عليكم ) هز كتافو ( ماشغليش انا فيهم , انا كنبغيك لدرجة نبقاو غير نولدو شحال ماقدرنا عليه) خرجات فيه عينيها ( اش دانا لشي ولاد دابا, صافي هنينا) ضحك عليها و زاد عنقها. ما فيقها من سهوتها غير صوتو ( هيهو فين مشيتي!!؟) كان جا و كلس حداها عنقاتو ( لحتى بلاصة ها انا معاك احبيبي.) شاف فيها نظرة ديال الشك ( قولي ليا مالكي !! ملي جينا لهنا بالاحرى ملي جينا لالمانيا و نتي في شكل, عاودي ليا.) زاد زيراتو و خرجات اه كبيرة اشنو غادي تعاود ليه !!! هنا في المانيا عاشت حب حياتها هنا فين تفتحات عينيها هنا فين دوزات احسن يامات هنا فين ذاقت عذاب الفراق عامين و لكن عاشت فيهم كلشي بحال داز عليها الدهر حب , احترام, امتنان , كراهية , حقد هادشي كامل حسات بيه و لكن اخر جملة هي لي عاقلة عليها خرجات منو " بلاما تستغلي حبي ليك, كنبغيك اه و لكن هادشي مانقدرش نديرو" غمضات عينيها فاش تفكرات هاد الذكرى, حتى حسات بيه كيزعزز فيها ( ماما مالكي!!) حبسات دموعها باش ماينزلوش ( والو ا حبيبي والو, ماطرا والو بلاما دير في بالك, نوض يالله نكملو الخرجة) نقز بحماس ( واخا و دابا فين غادي نمشيو !!) ساست كاع الافكار لي في بالها و فكرات غير في ولدها و في هاد الحماس لي فيه و الضحكة لي على وجهو مايمكنش ليها ضلمو معاه و هو كان بالنسبة ليه محطة و دازت عليها في حياتها و رجوعها لهنا ماغادي يبدل والو على قرارتها لي خدات من قبل, دغيا خبات حزنها و ضحكات معاه ( سوبربيييز حتى نوصل و تشوف). دوزات نهارها مع ولدها داتو لمدينة الملاهي و استغلت اي دقيقة كدوزها معاه مع الغد غادي تبدا الخدمة خاصها تكون فوجات عليه قبل ماتغبر عليه. وصلو لدار مدكدين غير دوشو و نعسو كان كلاو قبل في الزنقة. - ماما !! عيطت بيها فاش فاق و مالقاش ماماه حداه, حتى كتبان ليه داخلة مع الباب و كتقاد في زيفها. - ها انا ا حبيبي راه باقي مامشيتش.... دار فيها شوفات البرائة لي كيقديو عليها, كيفاش اتقدر تخليه و هو بعيد على العائلة من نهار تزاد و هي ديما معاه و حتى فاش كتكون خدامة كتخليه مع جداه هادي اول مرة اتخليه و لكن لي مطمأنها هو انه غادي تخليه مع ولاد يسرى و عمر, و يسرى براسها غادي تحظيه و ماغاديش تفرط فيه. - ماما, واش ولاد خالتي يسرى ضريفين !! و لا قباح بحال ولاد خالتي جودي ؟ انا بعدا مابغيتيش نبقى نمشي عندهم. ضحكات على عفويتو في الهضرة و شداتو من حناكو. - ضريفين و حتى ولاد خالتك جودي راهم ضريفين غير نتا ماكلستيش معاهم بزاف و باقي ماتعرفتي عليهم, دابا غادي تنوض تغسل سنانك و توضا و صلي باش نفطرو و نخرجو راه مايمكنش ليا من نهار لول نتعطل عليهم في الخدمة. و هو يبدا كيحرك في شفارو و كيتأملها. -دابا نتي ا ماما اتكوني هي المديرة ديالهم و غادي تكوني قبيحة فيهم كيف كيديرو مدراء لوخرين. هاد المرة ضحكات من نيتها - نوض نوض دير داكشي لي قلت ليك و في طريق انقول ليك كيفاش انكون. خلاتو يدير داكشي لي قالت ليه و رجعات لمرايا, فاش صيبات زيفها , واقفة كتشوف في راسها. وافقة شامخة , قوية , تحدات بزاف الصعاب باش وصلات لهنا و ماتنساس الفضل لي كيرجع ليه, اوف ها هي رجعات تفكراتو تاني , من نهار رجعات لالمانيا و هي ماشي هاديك و لكن راه بصح الفضل كيرجع ليه في لول و لكن نتيجة جابتها بعزيمتها, هو عاونها بزاف خلاص في القراية بحكم جمعات لي موديل لي عندها ديال 3 سنين و كملاتهم في عامين و كان عليها ضغط بزاااف و لكن كان ديما كيعاوننها و وقف معاها و شرح ليها حتى دخلات كلشيو خدات الماستر ديالها دوزات عندو سطااج لي فتحت ليها افاااق بزاااااف فاش رجعات لمغرب و لقات خدمة تما, لي حلو فرع في المانيا و سيفطوها كمديرة تنفيدية بحكم انها هي كانت الوحيدة لي ضابطة فيهم اللغة الالمانية و كانت مدوزة سطاج هنا و ديجا معاملة مع بزاف الشركات يعني عندها خبرة و لكن اجتهدات بزاااف و حاربااات باش وصلات لهاد المرتبة. بقات واقفة بثبات و بكل ثقة و هي كتردد في خاطرها -غادي نجح غادي نجح على قبل ولدي غادي نجح عنقها من لور و بحكم باقي صغير و كان معنق غير رجليها و جاها صوتو -ماما ديما زوينة بلاما تبقاي تزوقي بحال المونيكة. نزلات لمستوى ديالو و شداتو من نيفو - ياك هي انا غير مونيكة دابا !!! ضحك و تلاح عنقها - نتي احلي مونيكة , يالاه راه كملت داكشي لي قلتي و فطرت يالاه نمشيو باش ماتعطليش في نهارك اللول. - يالاه ا زين لي كيفكر في ماماه. قالتها و هي كتهز في صاكها و شدات في يديه و خرجو. غير دخلات مع باب الشركة تلاقات ليها واحد البنت -انسة ايلاف, معاك تمارة سكريتيرة الخاصة ديالك. سلمات عليها بيديها و توجهات بيها لمكتب من بعد ما دارت ليها دورة شرفية لشركة و تعرفات على جميع المسؤويلين لي تما. -حبسوووووووو !!!! كلشي جمد في بلاصتو و حابسين الضحكة بزز. عاودات غوتات و هزا صندالة في يديها. - شكون لي مشى ليا لباليط ديال هدى بيوتي !! هاااا فاش ماجاوبها حد هزات الصندالة و كدوزها قدام وجههم كاملين - قولو ليا شكون!!! زينب !! زياااد ؟؟؟ صفواان!!؟ حتى كتسمع صوت و لكن ماشي منهم من وراها - ويلي با عاولت عليك تقابلي ليا ولدي , سري انا لي مخلياه لوحدة ماعندها عقل......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM