الأسود 🖤 الجزء الثالث 🔥🔥🔥🔥🔥🔥🔥 ( التتمة من بعد 310 لايك طاكيو صحابكم يقراو القصة واعرة أحسن ماغدي تقراو ❤️💪) قريب منا واش زعما صدفة وانا كنفكر تحطات عليا إيد على كتفي تلفت لقيتو حمزة حمزة : خاصك تشوف حالتو امهدي دكدگوه عصا مافيه مايتشاف مريم : لهلا يردو أول مرة نفرح لشي حد وهو في هاذ الحالة هناء : شتو دعوة المظلوم من قبيلة وأنا ندعي عليه هاهو جابها في راسو سامي : غريب هاذشي شكون دار فيه هاذ الحالة سناء : يكون لي بغا يكون شكرا ليه فكنا منو حمدتك ياربي وشكرتك تهنينا من حمل ثقيل _ الكليكة كانو فرحانين ومقداهم فرحة , وأنا خاطري ممهنيانيش كانو كيطيحو في بالي بزاف ديال التساؤلات والأفكار ممرتاحش لهاذشي لي وقع واش زعما هاذشي غادي يكون صدفة لا مايمكنش , من بعد طول تفكير قاطع السهو ديالي صوت البوليس كيجريو علينا وكيحاولو يفرقو الجوقة البوليس : فرقو الجوقة رآه ماكين والو غير راجل مضروب سيرو تقراو _ نتوما عارفين حنا المغاربة عزيز علينا الفراجة بقينا مجموعين عليه كبقية الناس حتا وصلات لومبيلونص داتو عاد رجعنا لبلاصتنا كنهدرو عليه وكنتشفاو فيه هناء : تجبر حتا عيا ولقا لي حد ليه بسلاتو سناء : أنا رآه شريفة أي واحد كيحاول يأذيني كيجيب ليه الله صاحب دعوتو يأذيه أيمن: أرو عليها شي ديسك في خاطر القتلة لي كلا عبيقة سناء : غنيو معايا وصفقو يله واحد جوج ثلاثة كلشي معايا... عطيه الجميع : عطيه سناء : على رجليه عطيه فين مشاو بيه عطيه _ لي قال شيحاجة كنعاودوها معاه مريم : عطيه ،عطيه العصير عطيه في كاس كبير عطيه الجميع : عطيههههه ملاك: عطيه على ٱيديه عطيه لي سخنو عليه عطيه , عطيه العصا عطيه تايتربا عطيه الجميع : عطيه حمزة : و الشميسة فوق البحر الجميع : و الشميسة فوق البحر حمزة : والشواية فوق الجمر الجميع :والشواية فوق الجمر أيمن : وعبيقة فوق لومبيلونص الجميع : وعبيقة فوق لومبيلونص أيمن : عطي المشاكيل بالظهر الجميع : عطي المشاكيل بالظهر سامي : هاهو تاني وتاني كلاها في عظامو عوتاني ×2 منير : يله الدقة المراكشية اها هو وهيا هاي سيررر على الله مريم : يو يو يو( تزغريتة ) الله على راحة _ الدراري هارب ليهم طلعو ديسك ناضي من والو زهينا و نشطنا رجعات فيهم الروح لي فتاقدوها من بعد ماتسلط عبيقة عليهم دوزنا العشية هربانة وخالقينها شطحنا على أغاني شعبية عزفت ليهم على الگيتار عجبهم الحال معايا مريم : الوقت الشباب خاص نمشيو _ فاش بغاو يمشيو تجمعو عليا كاملين سارة : صدمتينا بصراحة برافو عليك أبطل كتعرف تغني وتعزف سامي : هاك الشيشة ديالك العز بيك اعشيري _ دابا ولات ديالك خليها عربون الصداقة الجديدة ديالنا خدا نمرتي وسلم عليا وتوجه تجاه موطورو توادعت مع لاخرين هو يرجع عندي سامي سامي : المهذي ياكما نوصلك _ لا شكرا أنا مزال انبقا شوية هنا احفظك ليا , جات سناء هي ومريم وهناء قالو ليا أنهم تشرفو بمعرفتي سناء : مهدي شكرا حيث وقفتي معايا نتا شجاع تشرفت بمعرفتك يله تهلا في راسك a tout a l'heure _ ودعتهم وركبو طومبيلة سناء لي من نوع ( Range rover) بيضاء ومشاو مجموعين وانا قصدت البلاكة ديال الطوبيس تسنيت حتا جا عمي الطوبيس طلعت تزاحمت مع الطلاب تاوصلت للدار . دخلت جات عندي الواليدة بست ليها راسها الواليدة : بغيت غير نعرف شنو عندك في داك الراس وفين كتمشي يوميا في نفس الوقت _ كلشي كيتعرف اميمتي إلا شنو في راس بنادم وانا راسي عامر بزاف لي خاصك تعرفي أنهو فيه خويا وكنفكر فيه وفيكم ... شميت ريحة المسمن المعمر ودنيا تقلشو ياسلام فيا الجوع صرعتيها الواليدة الواليدة : هاك دي معاك الصينية ديال أتاي وسير تاكل _ خديت الصينية و دخلت الصالون بديت كناكل والواليدة كتشوف فيا حتا بدات كتبكي الواليدة : اهئ اهئ اهئ _ مالك الواليدة ياك لباس علاش كتبكي الواليدة : توحشت ولدي ماعرفت واش واكل واش شارب يعلم الله كيف دايرة حالتو في الحبس كوراه مقهور _ تانتي ماديري في بالك والوو ايكون بيخير وعلى خير الحبس ديال هاذ الوقت تبدل ايكون شبعان ومهليين فيهم وزايدون معاه صحابو معندك مناش تخافي غير رتاحي الواليدة : أحياني كيفاش انرتاح وليدي وكنعرفو ماموالفش بحال دوك البلايص صعيب عليه الحال اهئ اهئ _ كعاتني الواليدة بكلامها ماكملتش ماكلتي مشيت دخلت لبيتي حاقد شديت تصويرتو وكنتفكر ذكرياتي معاه وانا كنبكي بقا فيا مسكين بصح ماعندوش مع دوك البلايص وصعاب عليه غير الله يصاوب وصافي مسحت دموعي وجبدت دفتر بديت كنقيد شي معلومات جمعتهم حتا عيطات عليا الواليدة ناكل خرحت تعشيت ورجعت نعست من بعد مادرت فلاش باك لنهاري كامل وانا فرحان الغد ليه كنفيق على دقان الواليدة الواليدة : نوض اولدي تسخر باك خرج يقدي واحد الغراض ومع زربان ماجابش السخرة ديال الفطور _ بدلت حوايجي وتميت خارج الحانوت نجيب الزيت والخبز والسكر ومع وصلت حدا الحانوت كا نسمع بالصدفة دوك المخابرية ديال مول الحانوت لي كيوكنو ديما معاه مجمعين وكيقولو ( أن السي عبد القادر لي هو الأب ديالي ماعندو زهر في وولادو حيث ولدو لي هو خويا و كان كيفتاخر بيه حيث ضابط كبير في الجيش صدق مجرم سراق وقتال وبقا ليه غير ولدو لي عما والمعطوب زعما أنا وبيلا غادي يبقا غير معذب معايا طول حياتو حيث عما ) . وسمع بنادم اش كيقول ماكيخليو حد في التقار ، درت راسي ماسمعت والوو قلت السلام ديال الله خديت السخرة ورجعت بحالي للدار حطات الواليدة الفطور كليت باش نحل دماغي وريحت كنتفرج وكنتحدث مع الواليدة والوقت كيدوز دغيا دخل الواليد الواليد: لا حادة كاين شي غدا مصارني كيعزفو الاوبيرا الواليدة : موجود أسيدي عبد القادر كيتسناك سير توضا وصلي واجي تاكل الواليد : واخا انور عينيا يخلي لي الضحيكة لي منورة حياتي , كتحشمي العفريتة الواليدة : ياويلي أش ساير تقول حشم أسيدي عبد القادر الدري أيسمعك الواليد : وأنا كندوي مع شي وحدة برانية رآه نتي مرتي ومومو عينيا الواليدة: ولكن ازماني قدامو لا نتا عارف هاذا كيف داير ماشي بحال خوه _ هاذو هوما واليديا ديما الرومانسية واخا كبرو شوية ولكن حبهم حقيقي وكيبينوه للجميع ,حطات الواليدة الغدا تغدينا ومشيت لبيتي بيما وصل وقت الخروج لبست نفس اللبسة ديال ديما وتميت قاصد حدا لافاك وصلت توجهت القهوة خديت قهوتي وريحت كنشرب فيها حتا تجمعو الكليكة وتميت غادي لعندهم وأنا قاطع الطريق لعند صحابي الجداد بدا كيصوني ليا التليفون هزيتو من جيبي بغيت نجاوب هوما يخطفوه ليا شي وحدين بالمطور تماو جايين عندي الدراري كيجريو حيث ضربو عليا فاش تسرقت سامي : مهذي خويا ياك بعدا ماوقع ليك والو _ لا أنا بخير حتا التيليفون عضم ماساوي تا 100 درهم طمعو فيه وباز لهاذ البشر سناء : ماشي موشكيل تفوت غير الراس ملي نتا بخير هاذا هو الرباح يله نريحو هناء : بقا ترد البال كترو الشفارة أيمن : خليونا نساو هاذشي سمعو هاذ الديسك ناضييييي _ طلق لينا ايمن واحد ديسك ديال الوترا وناض هو والدراري كيشطحو والبنات كيصفقو جر ليا سامي ايدي نوضني بزز مني نشطح معاهم درت ليهم شطحة ديال الزوبير مع أنا بحالو في الغلظ خلقتها معاهم واخا داير فيها عما كنت مستمتع بوقتي , شوية ريحنا وانا نسولهم علاش ماكدخلوش تقراو هناء : الصباح كندخلو نقراو والعشية كنبقاو هنا نفوجو على راسنا حيث المحاضرات كيجيبو لينا غير النعاس وطلعو لينا في راسنا سناء : حتا حنا بغينا نسولوك واحد السؤال _ ايه خودو راحتكم سولو مريم : شنو جرا ليك حتا وليتي بحال هكذا زعما حتا مشا ليك البصر ديالك حيث قلتي البارح انك كنتي كتشوف إلى بغيتي عاود لينا _ اييييه فاش فكرتوني ( درت فيها متأثر ) واحد النهار كيف كاع الناس كنت مسافر مع خويا الكبير تجاه مدينة العيون شدينا طريق وحنا كنضحكوو وكنغنيوو حتا خرجات لينا واحد الناقة بغا خويا يروغ عليها ولكن كنا غاديين بسرعة كبيرة هربات بيه الطمومبيل ودارت في السما 5 دروات بحال داكشي ديال توم كروز فاش فقت لقيت دازت 6 شهور على وقت الحادثة أنا مشا ليا البصر وخويا مات الله يرحمو مسكين في هاذ النهار ,خرجت شي دميعات وحيدت نظاظري درت كنمسح في دموعي وهوما كيواسيوني سامي : ها نتوما قلقتوه اش داكم تفكروه سناء : مكناش عارفين هاذشي الله يرحمو _ ملعوبة ودايزة عواشر خوكم كذاب بروفيسيونيل راني قلتها ليكم في البدية منير : فراسكم آخر الأخبار عاد تفكرت أن واحد خونا كيعرف عبيقة قال ليا بيلا عبيقة تهرس من ايدو وظهرو وعمرو مزال ايمشي على رجليه سامي : بصحتو هاذي نهاية الظالم ولكن شكون دار ليه ديك الحالة منير : حتا حد ماعارف سناء : صافي نساوه علينا يخ مالقيتي ماتجبد _ دوزنا ديك العشية كنغنيو وكنديو ونجيبو في الهدرة تا وصل الوقت لي كيمشيو فيه لي هو 18:30 سلمو عليا وكيف العادة شديت الطوبيس وقبل مانوصل للدار مشيت السناك لي في دربنا كليت عاد توجهت للدار سلمت على مالين الدار ودخلت سديت عليا بيتي حتا بدا يدق عليا الواليد حليت ليه دخل عندي هو يمد ليا واحد الجورنال شديتو بقيت كنقرا ومصدوم لقيت فضيحة ضباط في الجيش بسمياتهم والكنيات والجرائم ديالهم وملصقين ليهم تهم كثار بيما فيهم خويا الواليد : خوك مشا فيها غادي يغرقوه ردوها قضية رأي عام ولفقو ليه بزاف ديال التهم باش يردوهم أنهم كانو انفصاليين وباغيين ينقالبو _ عنداك الواليدة تسيق الخبار لهاذشي غادي تفكر الواليد : كنقول ليك هاذشي ولا قضية رأي عام إلى ماسمعاتو منا تسمعو من العيالات _ خرج الواليد و سديت البيت وكنفكر في حياتنا كي كانت وكي ولات حتا داوني عينيا مع الصباح فقت كنفطر والواليدة ماشي على طبيعتها غير كتخمم .... مالك اميمتي ؟ الواليدة : شنو المعمول اولدي قلبي مامهنينيش خايفة _ ماعرفتش اميمتي تا أنا للدنيا دارت بيا خليها على الله ايكون خير ربي ماغيسمحش فينا الواليدة : يكون خير اولدي, زيد يله معايا السوق نتقداو _ ايه نمشي معاك بلاتي نبدل حوايجي , خرجت معاها وانا جار كروسة الخضرة وشاد في ايد الواليدة وكيبانوو لينا عيالات ديال الدرب كيشوفو فينا بنظرات حقد واحتقار و كيخنزرو فينا حتا من السلام ماقالوها لينا الواليدة : يله سير خدم للدولة بنتيك هذا هو الجزاء ديالك في الأخير تولي منبوذ ومكروه عند الناس _ فدا الوطن الواليدة ماكيهمش رأي الناس هو كان في الطريق الصحيح , حدرت وجهي وبقيت غير ساكت مابقيتش دويت تقدينا الخضرة والدجاج وكاع داكشي لي خاصنا من التموين وتمينا راجعين غير دخلنا للدار سخفات الواليدة تخلعت بديت كنفيق فيها خرجت كنعيط للجيران و لومبيلونص تجمعو الناس ( مزال مثل عليهم اني عما ) جات لومبيلونص دغيا بعدا ماتعطلاتش ديناها السبيطار دخلوها عند الطبيب شوية كايتما جاي الواليد مخلوع الواليد : مالها اولدي شنو وقع ليها _ ماعرفتش كنا جايين من السوق غير وصلنا لدار سخفات رآه دارو ليها التحاليل الواليد : كنقول ليها ماتبقايش تعصبي ماكتسمعش ليا _ بقينا كنساينو الطبيب بفارغ الصبر شوية كيتما جاي تجاهنا وكيبتاسم الطبيب : الحمد لله على سلامتها ماعندهاش شي حاجة لي خطيرة مدام حادة حاملة و العيا والأرق لي دارو ليها هكذا , في هاذ المرحلة خاصها ترخف على راسها وترتاح تحاول ماتبقاش تعصب ممزيانش ليها لاهي ولا الجنين _ شديت في راسي وتخلطات ليا الصدمة مع الضحكة مع الدهشة السي طبيب اشوف كيفاش واقيلة وقع شي غلط مايمكنش الواليدة تكون حاملة راها كبيرة الواليد : واش متأكد من هاذشي سير قلب مزيان اتكون غير غلطتي الطبيب : هاهاها واش هاذشي فيه الغلط كلعبو هنا مرتك الشريف حاملة 47 عام مزال تقدر تحمل مبروك عليكم ، يمكن ليكم دخلو تشوفوها _ زوينة هاذي قال ليك حمل واش الواليد مريض حتا درت 27 عام عاد ايولي عندي اخ ولا اخت رآه لايمكن شنو هاذشي درتو , دخلنا عندها الشومبر الواليدة حشمانة وحادرة عينيها الواليد : الحمد لله على سلامتك الغزالة ديالي تخلعت عليك _ بانو ليا شادين في بعضياتهم وكيبتاسمو وفرحانين... وتاتكم الرومانسية زيدو ضحكو ايه هاذشي لي بقا غير هاذ الفضيحة واش الواليدة 47 عام و نتا الواليد 54 عام عاد بانو ليكم الولاد تكافيتو تا مع حالتنا واش بعقلكم في هاذ المرحلة بالضبط ماحشمتو ماراعيتو الواليد : هاذي سنة الحياة وهاذشي لي عطا الله واش ندخلو في مكتاب الله ماعندنا مانديرو وزايدون مادرناش شيحاجة ديال الحرام واجي دخل معانا حتا في هاذشي الشخصي ديالنا _ أنا عقلي بغا يحبس خليت ليكم الراحة تميت خارج وأنا كنضحك بحال الحمق وكندوي مع راسي ,زوينة هاذي وشو القدر شنو مخبي لينا شديت الطوبيس باش نمشي لافاك وانا كنفكر في هاذ الموضوع أنا ماشي ضد الحمل من شحال هاذي كنت كنتمنا تكون عندي اخت ولكن ماشي في هاذ الظرفية بالذات, وصلت لافاك وانا معطل لقيت كليكة مريحين ومعاهم بنت جديدة سامي : مالك تعطلتي ياك لاباس _ غير الواليدة عيانة شوية ديناها الطبيب داكشي علاش سناء : ياك ماعندها باس _ الحمد لله بيخير دابا يسول فيكم الخير حمزة : شنو عندها _ تزنگت في بلاصتي وحشمت نقولها ليهم ملاك : ياك لباس ياكما شيحاجة خطيرة _ لا الواليدة حاملة 🤭 سناء : ايوا مبروك عليك أسي مهدي الجميع : مبروك مبروك _ الله يبارك فيكم خوتي بقيت حادر وجهي وحشمان فدوى : هاذا هو الولد لي قلتو ليا عليه سناء : اه هو هاذا احبوبتي فدوى : غزال تبارك الله , السلام سميتي فدوى نتا مهذي عودات ليا سناء عليك _ الشرف ليا ختي فدوى سناء : هاذي أمهدي صحبتنا حتا هي وحدة منا غير كانت مسافرة فدوى : مشيت غير أسبوع وقعو بزاف ديال الاحذاث سناء : ايوا ماتبقاي تمشي فين باش مايفوتك والو وماتخليناش نتوحشوك ويلي نسيت تلفتيني اصحبتي _جبدات سناء واحد التليفون من نوع oppo حطاتو ليا في إيدي سناء : هاذ التيليفون ديالك بلاصة لي شفرو ليك البارح _ شكرا ولكن علاش عددذبتو راسكم ومن الفوق خديتوو تاكتيل كعما انستافد منو كون خديتو ليا غير عضم بحال لي كان عندي منير : تا هاذا غادي تعلم ليه _ وبغيتو تشرو ليا الصداع تخيلو شي نهار نكون كنبدل حوايجي ونخربق شي تخربيقة ونطلق شي لايف نولي مشوه في مواقع التواصل حمزة : نشبعك قلوبة وبرطاج توصل العالمية منير : غادي تبدا تسمع هكاك هكاك دور واحد شوية قاد الوقفة سناء : ههههه متخاف والو موهيم رآه فيه نوامرنا كاملين إلى حتاجيتي شيحاجة سارة : إلى خايف من هاذ اللقطة سير الدار وقول لواليديك يديرو ليك سكوتش لكاميرة غبرها وهانتا اتكون مرتاح _ايه تاهاذا بلان , شكرتهم بقينا كنغينو واحد اللحظة سناء ومريم طولو فيا شوفة وكنسمعهم كيقول كاين شبه مافهمتش اشنو باغيين يقصدو ماديتهاش فيهم بقينا خالقينها فدوى : ناري خويا صلاح ومرتو صوفيا إلى شافني غادي يقتلني ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM