الأسود 🖤 الجزء الرابع 🔥🔥🔥🔥🔥🔥🔥 ( التتمة من بعد 300 لايك طاكيو صحابكم يقراو وجمجمو 🥰) فدوى : ناري خويا صلاح ومرتو صوفيا إلى شافني غادي يقتلني سناء : شنو كيديرو هنا اصحبتي فدوى : مانعرف ليهم يقدرو يكونو مخرجين دراري يبدلو الجو , عييت نخبي وجهي ولاكن شافوني ودابا راهم جايين قاصديني وقلبي كيضرب بسرعة من كترة الخلعة اوف اوف ياربي السلامة صلاح بصوت خشن : سلام عليكم الجميع : عليكم السلام صلاح : فليفلة شنو كديري هنا ماقرياش ولا شنو فدوى : خويا شنو كدير نتا هنا , خنزر وشاف فيا بنضرة كلها حزم وغضب صلاح : زعما أنا لي سولتك شنو جالسة كديري هنا هاذو هوما المحاضرات والقرايا صوفيا : صلاح البروف ديالهم مريض تاصلت بيا قبيلة قالتها ليا فدوى : اه ماكينش ومع تاصلت بصوفيا قالت ليا اتخرجو قلت مع راسي نبقا جالسة مع صحابي حسن مانبقا وحدي في الدار صلاح : حققت في وجاه ولاد البنات لي جالسة معاهم كيبان عليهم وليدات نقيين قلت نخليها على خاطرها، ماماك راها في الدار موهيم تسالي رجعي و ماتعطليش فدوى :واخا خويا العزيز, بلا شك عرفتونا شكون حنا ؟ ايه ايه أبطال قصة المعقد والجريئة وحيث حبيتونا هجمنا على هاذ الناس مساكن تخشينا معاهم صوفيا : صلاح غير دي معاك دراري و سير الطومبيل نهدر مع فدوى ولحق عليكم اكي بيب فدوى : شكرا بزاف اصوفيا حيث عاونتيني كون ما نتي ماغنعرف مانقول ليه وغادي يخرج فيا سمو صوفيا : بلا جميل حبيبتي ستمتعو وعيشو حياتكم كيف بغيتو وبروفيتيو ماكسيمو في وقتكم حتا أنا في مرحلتكم كنت ضاربة الدنيا بركلة وماخليت شنو درت دوزت تشيطين ديال بصح مع صحباتي وفاش شفتكم تفكرت يماتي مكرهتش كون رجعت لهاذ المرحلة مريم : عارفينك شحال كنتي كاطيري قرينا قصتك عند سكفاندري وعودات لينا فدوى بعض الحوايج آخرين عليكم صوفيا : حتا أنا كنعرف عليكم بعض الحوايج فاش كنبقاو نتعاودو أنا وفدوى كتعاود ليا عليكم وشحال كتبغيكم ,سمعت عليكم درويشات ونيات جيو عندي لدار نعلمكم تشيطين باش مايديرها بيكم حد مريم : ياختي العجب شكون شكرنا فدوى : نتوما خوتاتي أكيد نشكركم سارة : شحال ضحكتيني بدوك الزبايل لي كنتي كديري وبالأخص الكوميسارية لكل مرة غادية ليها صوفيا : ايه دوك ليام زوينين ودابا الكوميسارية وليت كل نهار كنمشي ليها حمزة بنضرة شيطانية : ياكما صلاح كيدير ليك المينوط ويديك يسد عليك في السيلون فدوى : لا راها ولات شرطية دابا , خاصكم تشوفو فاش كدابز هي وصلاح ولا ماكيتافقوش على شي خرجة واحد فيهم كيزرب على الاخر ويدير لي المينوط هاذا هو لعبهم صوفيا : حتا تجيو ونعاود ليهم مغامرات آخرين خليت ليكم الراحة سناء : تشرفنا بمعرفتك ختي صوفيا صوفيا : حتا أنا حبيباتي باي باي هناء : العجب هاذي هي صوفيا لي قرينا قصتها شوفو كيفاش كدوي مرزنة كتبان مبدلة على القصة فين هو الغرور والتكبر ديالها والنفخة لي على وجهها فدوى : بدلها زمان والزواج والعمل ديالها ولات دابا أم وزوجة حنونة مسؤولة على عائلة وفي نفس الوقت ولات شرطية داكشي مشا مع فترة المراهقة , كنضن كتسائلو كيفاش حتا جينا اسفي وشنو كنديرو فيها, خويا صلاح من بعد المهمة الأخيرة ديالو ترقا ولا عميد شرطة وسيفطوه اسفي وصوفيا مباشرة من بعد نهاية فطرة التكوين سيفطوها لأسفي وأنا جيت سكنت معاهم بحجة نقرا في لافاك سناء : خوك عندو كاريزما خاصة فدوى : باز اصحبتي كتحماقي على صحاب لبسة سناء : سكتي سكتي غير واحد وكاين في الحبس مسكين حمزة : على شنو كتهدرو مريم: هدرة كتخص البنات غير طالق ودنيك منير : شننن ريحة الحراق حمزة : قلب تحت منك جاية من تما 🙄 تعلم دخل سوق راسك فدوى : بديتو تاني منير مهذي غنو لينا شي اغنية _ عارفين الأغنية ديال تامر حسني لي غنا ليهم في لافاك في فيلم عمر وسلمى هناء : على شكون ماكيعرفاش غير شهر باش تفرجنا في الفيلم ensemble سناء : هاذ الأغنية بداث خاصها جلسة خاصة _ فرشو ازار في الأرض وجلسو كاملين قدامي من غير أيمن بقا حدايا حيث هاز الگتار لاخر بدينا كنعزفو ليهم وكنغنيو ....( ياسلام عن الحب لما يدق بابك فجئة , ونتا حزين محتاج لو بس حد يحسك ونتا في وحدها، تيلفوني رن أها أها ترن ترن، يا لي ردت أاه ياعيني صوتها احن ). يله كلشي معايا تيليفوني رن الجميع : تليفوني رن أها أها ترن ترن _ ساليت ليهم الأغنية و كيسفقو ليا وعلامة السعادة على وجاههم فدوى: نتا خطير في العزف والغناء _ غير شوية وصافي , وصل الوقت تاني مشاو ديورهم وهاذ مرة ركبت مع سامي حطني حدا دار توادعت معاه ومشا دخلت لقيت مالين دار مريحين قلت سلام الواليد : وعليكم السلام _ درت ماكين و هوما ساكتين وحشمانين مني دخلت لبيتي زدحت الباب من ورايا كيف العادة وكنفكر شنو اندير في هاذ الويكاند ماكين لا لافاك لا والو , و مع قلة مايدار قصدت مالين دار وقلت ليهم نمشيو ندوزو الويكاند في الصويرة ستغربو من القرار ديالي حيث أنا حزوزي ماكنعمرش معاهم بزاف . وافقو جمعنا حوايجينا ديك ليلة وصباح شدينا طريق بطومبيل ديال عمي , داسيا قديمة وصلنا الصويرة كرينا بطرمة دوزنا فيها السبت والحد بليل رجعنا من بعد مادوزنا تسافيرة زوينة تسارينا وتصورنا وكان الهدف منها نفوج على الواليدة وتنسا المشاكيل رجعنا لأسفي مباشرة نعست الغد ليه فقت على دقان الواليدة باش نفطر ريحت كناكل وشديت واحد الفيلم كنتفرج بيما وصل الوقت ديال لافاك بدلت حوايجي وتميت خارج لبلاكة طوبيس غير جا طلعت شديت بلاصة وبقيت متكي على زاجة حتا وصلت قدام لافاك قبل من الكليكة كيف العادة كنبقا مريح نتسناهم في القهوة شربت قهوتي وانا مجمع مع حمد السرباي حمد السرباي: جاوب تيليفونك كيصوني _كان سامي قال ليا حنا في الكوان ديال ديما سامي : خرج عندنا حنا تجمعنا حمد السرباي: تهلا في راسك ماتغبرش غدا بان نكمل ليك شنو وقع في المدابزة _ توادعت مع حمد ومشيت لعندهم سلمت عليهم وجلست بداو كيتغامزو البنات بيناتهم هناء : أيمن حمزة نوضو تسخرو جيبو لينا من الكيوسك كيف العادة _مشاو دراري الكيوسك وتما علموني أن عيد ميلاد أيمن غدا وفكرو يديرو ليه anniversaire مفاجأة ليه وغايكون بورفيسيونيل في واحد الكافي في شاطئ الواليدية فدوى : مهدي غدا اتمشي معانا ياك _ لا غير عدروني ماغنمشيش وبقاو كيأنسيستيو عليا باش نمشي معاهم لسقوني سناء : يله اصحبي ماغدي تخسر والو خاصك تمشي معانا مجاتش كلشي يمشي ونتا لا مريم : غير يله ايعجبك الحال _ يكون خير تال غدا ويبان البلان, جاو دراري حطو لينا القص لي جابو من الكيوسك كليناه وبديت كنعزف ليهم وكنغيو مريم : يله الدراري خلينا ليكم الراحة خاصنا نمشيو سامي : فين غاديين مالكم على هاذ الزربة مريم : غادي نقضيو شي اغراض ونديرو شوبينج ونترگو الكوافورة خاص نمشيو دابا باش يله نجيبوها مع الوقت يله باي سارة : مهدي متنساش بلان دغدا _ ودعونا ومشاو وداو معاهم حمزة أبو البنات كيموت على تيتيز , بقيت أنا وسامي وأيمن ومنير كنضربو نطيرات من ديك شيشة إلكتريك وكنهدرو هو ينطق ايمن أيمن : فراسكم اخر الاخبار منير تصاحب مع مريم سامي : اواه هوما لي كيقولو ليك أن الصداقة عمرها تولي حب وديك الفلسفة ديالهم في الاخير تصاحبو _ هاي هاي على منير تمجهدتي مشيتي بعيد منير: حياة سيليباطير واعرة اللهم مريم نعديو بيها كوميم حسن من والو سامي : ياراس الطارو مريم كاملة وغير تعدي بيها راها زوينة منير : ماقصدتش أنها مازويناش حاليا راها عجباني _ مريم زوينة شكلا مقبولة قصيرة شعرها هابط تال كتافها ومسبغاه بالقوهي عينيها عسليين بشرتها صافية وبيضة وطايتها مابيهاش غير عندها الكرش خارجة شوية صافي . هي من نوع لي زاعم وفيها الهدرة بزاف ماكتسكتش وكدخل في كلشي وخاصها تعطي رأيها في كلشي وأي حاجة خططو ضروري خاص دوز عليها هي الأولى ، ولابد أي واحد فيكم أو وحدة عندها بحال هاذ الصديقة طاگيها هنا أيمن : دراري تا أنا بغيت نصارح سناء بحبي ليها اش بان ليكم سامي : واش نتا مريض في مخك لا غادي غير تخسرها أيمن : علاش انخسرها اصحبي أنا كنبغيها وعييت مانصبر غادي نعتارف بحبي ولي ليها ليها موهيم نحاول _ سناء ضريفة ولكن اخويا أيمن واش شكلا تستاهل هاذشي لي كتقولو زعما واش زوينة أيمن : زوينة أصحبي وبزاف كاع أي واحد يتمناها فين تبان الأميرة ديانا قدامها سامي : اه زوينة ولكن هي كتبغي واحد اخر ونتا عارف اخويا أيمن هاذشي أيمن : مالك هبيل اصحبي هي مدخلاش معاه في علاقة كتبغي واحد عمرو يكون ليها ماعرفها حتا واش عايشة وزايدون هداك غير اعجاب بحال مثلا شي وحدة كيعجبها شي لعاب ديال الكورة وكتقول ليك اتزوج بيه وكتحلم وتخرف وتكراشي عليه وهو عمرو يكون ليها واش فهمتي وعاد زيد عليها الكراش ديالها في الحبس عمرو يخرج راكم شتو الأخبار والجرائد _ كيفاش البلان الدراري شكون هاذا لي كتبغي فهموني سامي : غير التخربيق امهدي راك عارف كلام البنات قالت اعشيري كتبغي ضابط أمين الشكراني تقدر تعرفو هو لي خبارو منتاشرة هاذ الأيام هو ديجا معروف بزاف بسباب البطولات ديولو _ الخبار طاحت عليا بحال الساعقة كيدويو على خويا كيفاش كاتعرفو وشنو كتعرف عليه هاذشي جاني غريب او ماعرفتش واش نقول ليهم بيلا أمين خويا ولا نسكت فكرت تاعييت وقررت نلتازم الصمت أيمن : المهذي اش بان ليك اخويا ندوي _ زعم اعشيري قول ما عندك ماتخبيش ماغدي تخسر والو إلى هدرتي وعتارفتي ليها بالعكس غادي ترتاح نفسيا كيفما كانت النتيجة ... وانا كنزعم فيه جاتني شوية الغيرة حيث كتعجبني حتا أنا ولكن عارف انها ماغديش تقبل بيا تخلي أيمن وتشوف فيا أنا مستحيل رآه لا مقارنة بينتنا أيمن أحسن مني حيث هو شاب أنيق دو بنية جسدية قوية سميمر شوية وصوتو غليض ومرزن لحيو خفيفة مطراسية عينيه كوحل كيبينو واحد النضرة حادة على الوجه ديالو وداير تحسينة كلاسيك ديگرادي ومخلي شوية الشعر لفوق أيمن : غدا انصرحها في عيد ميلادي سامي : وناري مابلانش وصلاتك الخبار ديال العيد ميلاد زعما بغينا نديروه ليك مفاجئة أيمن : وديروها غير زينة توصل توصل الخاوة _ والله حتا خطية نتا امنير ماكتعرفش تسد فمك دغيا وصلتيها منير : علاش غادي نسكت واش هو مزال صغير نخبيو عليه عادي اعشيري مزيان تكون في راسو باش يوجد ليه أيمن : موهيم دراري حا حنا غانتحركو نتقداو حطيطات لغدا ونحسنو نتشاوفو في الحفلة تشاو سامي : توجدو تقول عندكم العرس سيرو تهلاو _ مشا منير وأيمن من بعد متوادعو معانا بسلام ديال البونية وبقيت مجمع مع سامي سامي : فاش ساهي نتا _ لقيتيني كنفكر في أيمن أش بان ليك الساط ايزعم يقولها ليها وشنو اتكون ردة الفعل ديالها سامي : هو زعامة غايزعم ولكن اتقمعو حاجة باينة والموشكيلة هي ايخسرها حيث سناء ماكتحملش العلاقات واخا من نوع لي يبان ليك مطلوق وغير كيضحك مع دراري ولكن دايرة حدود مع الناس صديق يعني صديق واي واحد كيفوت معاها هاذ الحدود كتخرج فيه طول وعرض هاذشي باش كتعجبني وهو مافهمهاش غدا تسمع خبارو غير بلاتي _ ايوا خليه يضبر لمخو موهيم يزعم باش مايندمش مع الوقت ويتحصر حيث مصارحهاش ... ونتا عنداك تصدمنا شي نهار تقول ليا كتبغي شي وحدة في هاذ البنات سامي : خوك ريد بيلي ماعندوش مع العلاقات كنبغي غير نضحك ونزها ماعندي ماندير بصداع اخويا فين كنتي فين جيتي علاش تعطلتي علاش كدوي مع هاذي حزرني زمرني _ وهو كيدوي وكيقلد ليا صوت البنات وكيتعوج فشلنى بضحك ... بروجولة نهار على نهار كتعز عليا اعشيري عندك واحد التفكير هارب تحية ليك سامي : هذشي لي عطا الله زيد اخويا نتحركو نوصلك دار فات الوقت _ ركبت معاه المطور SH روبو وغادي بواحد السرعة جنونية سامي : شد فيا مزيان غادي نكابري بيك _ وحنا غاديين وكيكابري بيا وكيدوز بين الطومبيلات وكنضحكو وعايشين لحضة حتا وصلنا حدا دارنا سامي : غدا مع 13:30 انطرگوك بطومبيل سناء باش تمشي معانا , هوما ديجا خططو لكلشي في لابيل لي درنا لبارح بليل وجد راسك _ غير عفوني اصحبي ماعنديش مع أعياد الميلاد غير بصحة بعد غدا نتشاوفو سامي : صافي على خاطرك الساط بغيتك تمشي تونسنا ولكن ماعليش سلم على مالين دار تهلا في راسك _ توادعنا ودخلت بحالي كلقا الواليدة كطل عليا غير دخلت جات عندي كتجري الواليدة : تبارك الله على ولدي ولاو عندو صحاب ممولفاش ليك هكا نبغي تولي اجتماعي _ الوقت بدالة الواليدة ولدك بدا يتبدل الواليدة : شكون هاذ الولد ؟ _هاذا واحد صاحبي عاد تعرفت عليه, دخلت الكوزيتة بديت كنحط في الكسكروط لي كيتكون من گاطو وكاس القهوة وريحت كناكل والواليدة حضياني وعلى وجهها نضرات ستغراب , الواليدة مالك كتشوفي فيا هكذا !! الواليدة : غير كنشوف فيك اولدي جاتني فشكل انك في هاذ الحالة تبدلتي اولدي مابقيتيش كيف كنتي ياريت كون كنتي هكذا وخوك معانا _ خويا ايكون معانا وإن شاء الله ايجي نهار لي نتجمعوو كاملين وتكون معانا حتا الزيادة لي اتولدي ونتمنا تكون بنت غادي نكونو عائلة سعيدة وعد مني الواليدة : من فمك لربي غير هو اولدي سير حسن رجع تهلا في المضهر ديالك نتا مخلي داك الشعر ولحية كتبان بحال شي حد كانو سادين عليه في كهف تهلا في حالتك رآه أول مايرفعك ويعطيك قيمة قدام الناس هو شكلك كنعيا نقول ليك هاذشي _ ماشي دابا خليني بحال هكذا كنبان بحال شي بوهالي أحسن , كليت ودخلت لبيتي شديت تيليفون شارجيت واحد لعبة ديال سباق السيارات وبديت كلعب باش نحارب الملل بيما وصل وقت العشا تعشيت ودخلت بيتي بديت كلعب وسهرت ديك ليلة بقيت حتال شي 4 عاد نعست الغد ليه مع ما فيقاتنيش الواليدة والعيا فقت معطل دخلت الكوزينة سخنت اتاي وهزيت الخبز والزيت وخرجت بديت كنفطر بشوية عليا حتا كنسمع الكلاكصون ديال شي طومبيل حدا دارنا طلات الواليدة وصفات ليا نوع طومبيل وشفت في ساعة لقيتها 13:20 عرفتهم الكلكية ديالي , ولكن اش كيديرو هاذو هنا ياك قلت ليهم ماغنمشيش لبست صندالتي ودرت نضاضري وتميت خارج لعندهم _ سلام عليكم مزال مامشيتوش مالكم ؟ مريم : تاشو هاذا مازال كاعما لبس باغي يعطلنا سناء : اش هاذ الوقت ياك دايرين الوحدة ونص نطرگوك _ علاش جيتو راني قلت لسامي بيلا ماغديش نمشي سامي : مالك كتكذب ايمتا قلتيها حنا تافقنا انجيو عندك وزايدون شنو هي ماغنمشيش شيحاجة كتكال غادي تمشي معانا العشير _ غير عدروني مرة أخرى إن شاء الله نمشي معاكم دابا مارشقاش ليا سناء : لا اتمشي وفاش غادي تحضر العيد ميلاد نفسيتك اتحسن يله سير لبس دغيا وماتعطلش ماغديش نمشيو بلا بيك _ هبطات سناء من طومبيل شدات فيا وصلاتني تال عند الباب دارنا وكانت كتبان اية من الجمال لابسة كسيوة قصيرة تال عند الركبة في الموڤ بلا سميطات وطالون أسود وطالقة شعرها ودايرة ماكياج خفيف , فدوى : يله امهدي ماتكونش معكس سناء : مهدي طلقنا خلاص بلا ماتبقا تجر في رجليك يله معانا بليززز ماتردهاش في وجهي _ شفت حتا عييت وأطر فيا صوت سناء الانثوي وقررت ندير ليهم خاطرهم ومشيت كنبدل حوايجي بالخف 5 دقايق كنت موجود لبست سروال لاطوال في البيج وقميجة في البلونكاسي وسبادري بيج مشطت شعري ورشيت شوية الريحة ونزلت الواليدة : هاذ البنت لي هبطات من طومبيل زوينة اولدي كتحمق بزين شكون هي مكرهتش تكون عروستي _ سيري الواليدة كوني تحشمي زعمامة خايبة زعمتي عليا غير جمعت معاك شوية ديتي وجبتي معايا في الهدرة واش حنا في هاذشي حتا يخرج ولدك لاخر وزوجيها ليه الواليدة : أحياني عليك العفريت كتعرف تختار زين بحال باك _ على الواليد كان مصاحب مع شي وحدة زوينة قبل منك وماخباريش , درت واحد الابتسامة شريرة الواليدة : سير الله يمسخك اشمن مصاحب مك لي زوينة _ عارفك اميمتي زوينة ونتي احسن إنسانة في الأرض , بست ليها راسها جبدات ليا 200 درهم كمشاتها ليا فيدي الواليدة : ياك مخاصك والو أولدي _ لا اميمتي خرجت من دار وهوما مصدومين كيفاش بدلت حوايجي بهاذ السرعة خوكم خف من .الزواق كيحساب ليهم مع عما غانسكن ليهم في دار فدوى : وينو على مهدي اتيڤا علينا زينو سناء : سكتي اتحشميه طلع طلع _ هبطات مريم شدات فيا حتا ركبت لور حدا البنات سناء : على بركة الله مشينا _ شدينا طريق الواليدية وأنا نسولهم على بقية صحابنا حيث الطومبيل كانو فيها البعض فقط من صحابنا سامي وسناء ومريم وفدوى وملاك صافي فدوى : سبقونا مشاو مع شي صحابنا _ شكون هاذو اينا صحاب تاني ؟ سامي : داري لي كنعرفو في لافاك دنيا مخلطة اتكون دعوة مبلبلة لانيڤ ايدوز زاهي الساط _ كملنا طريقنا وحنا كنتمزكو لشاب مامي وكنغنيو معاه من بعد ساعة ديال طريق كنوقفو بسباب واحد البراج ديال الحجر مديور في طريق سناء : اوفففف شكون داير هاذ العجب هنا فدوى : ايكونو غير البراهش سامي : بنادم ميكروب انزل نحيد الحجر باش ندوزو _ انهبط نعاونك اخويا سامي بلاتي مريم : اخليك مرتاح انهبط أنا نعاونو _ هبطو وتبعاتهم سناء وفي رمشة عاين طاح ليا في بالي داكشي لي على بالكم ايه القطاعية هوما لي دايرينوو مع نزلو من طومبيل خرجو لينا 5 ديال قطاطعية ملتمين وجاهم وهازين سيوفة شدو سناء وسامي ومريم . جاو لعندي انا فدوى هبطونا من طومبيل بداو كيفاييوو فينا خداو لينا الفلوس وتيليفونات وأي حاجة ساوية هازينها سلاو منا دازو طومبيل كيقلبو فيها والبنات كيبكيوو وكيرغبو فيهم يطلقوهم سناء : اهئ اهئ عفاك خودو لي بغيتو غير ماتأديوناش عفاكم مجرم 1: سكتينا من صداعك ,دراري زاهية هاذ النهار غادي نديو البنات نقصرو بيهم مجرم 2 : العز زاهية وزوينات من لفوق أنا خليو ليا غير الزعرة لي شاد في أيديك وخودو لي بغيتي مجرم3 : شتكم نتوما كتعزلو بيناتكم غادي نديرو عليهم نوبة الدراري _ أنا سمعت هاذ الهدرة ماعرفت ماندير برد ليا الما في ركابي ودنيا دارت بيا , خويا خديتوو الفلوس طلقو البنات وسيرو وخليونا نمشيو بحالنا الله يرحم الوالدين مابغيناش الصداع طلقو البنات ، ماجيت فين نكملها حتا ضربني واحد فيهم بالحدف ديال المضا لسنطيحتي ومع قوة الضربة حلها ليا مجرم 1 : سكت الحمار نتوما غادي تقسرو بيهم وحنا نبقاو محرومين اللهم فينا حنا مجرم 4: متخافش عليهم غير غادي لعبو معاهم قاش قاش شوية ونطلقوهم ليكم حتا نتوما كملو عليها _ مع سكت وهي توقف علينا طومبيل Audi كحلة هي نفسها لي تلاح منها عبيقة كانت جاية بسرعة كبيرة فرنات حدانا وزاج فيمي بقيت متشوق شكون هاذ البطل لي غادي ينزل يعاونا حتا كنتفاجئو بواحد البنت نزلات قنبولة بيضةو شهبة وشعرها طويل ضاربة واحد كولون كحل كيبرز المفاتن ديالها وميني ڤونتخ بيض وبوط كحل ودايرة نضاضر كحلين فوق راسها وكتشوف فيهم بستهزاء وإبتسامة خفيفة على وجهها مجرم 3: دراري غير واحد فينا لي غادي يتسنا نوبة هاذ النهار زاهي فيدينا 4 تيتزات أنا خلو ليا هاذي لي عاد جات مسرارة عجباتني مجرم 5 : طاي عندها واعرة Come to me bb مجهولة : كنشوف 5 الجتت قد الحلالف كيداعيو روجولة بالوقوف على البنات والعميين بالمضا واش هاذي هي الرجلة الشمايت _قصدها واحد فيهم وهو مترع باغي يشدها, وعرفتوو الخوت دارت ليه داكشي ديال بريسلي هزات رجلها حطاتها ليه في وجهو شركات ليه وجهو كامل طاح دودة ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM