الأسود الجزء الأول 🔥🔥🔥🔥🔥🔥 ( التتمة من بعد 300 لايك قرا بقلبك وتخيل بدماغك وعيش الدور مع القصة ❤️💪 ) في أي دار في الأحياء الشعبية كتلقا شي ولد خارج حاشية وماعندو حتا دور في الحياة من غير ياكل وينعس أنا هو داك الشخص لي ماعندو مايدار وديما كتلقاوه عاصر فشي قنت وفيديه كاس ديال القهوة وحاضي لي غادي ولي جاي غير هو أنا شوية كلاس ماكتلقانيش في راس الدرب ولا حدا ليسيات ب c90 كنتسنا القسرات لا لا هاذ البلان خاطيني كيدي الحبس 5 سنين ماندوقش ماكلة الواليدة . أنا شاد واحد الكوان ناضي في واحد القهوة مقابلة مع لافاك كيخرجو الكراسا لواحد لا طيراس الرأية من تما 4k ياسلام ورايا البحر وقدامي التيتيز منضر جميل , كنحط شكارتي قدامي وكندير واحد النضاضر ديال العميين وكنبقا نتفرج في لي غادية ولي جاية تيتيز الحي بنات بعقلهم داكشي لي كيعجب كلشي و بلا مايعيق بيا حتا حد حيث كيحساب ليهم عمى ويوميا نفس البلان كل نهار مع 15:00 كنجي القهوة حيث ماعندي مايدار كنجي نشد بلاصتي نتقهوى ونسقي عويناتي حمد السرباي : الوقت هو الوقت البطل ماعليكش قهيوة كحلة كيف ديما ياك _ أيه كيف العادة اخونا ومتعطلش عليا الله يحفضك رآه ضارني راسي حمد السرباي: نتا الأول اخاي _ بقيت كنتسنا شوية هوما يجيو واحد الكليكة ولاد بنات شباب في العشرينيات من عمرهم ومعاهم واحد البنت كتفرفرني سطاتني دات ليا العقل و القلب بياسة حارة تشوف حتا عيا في زين ماتلقاش بحالها هاربة ليهم يمكن من سويد شعر شهب مايل لذهبي وطويل واصل ليها حتا الخصر ديالها عينين عسليين وكبار يطيحو نجمة من السما حنيكات منفوخين شوية وشنايف عامرين وحمرين بالنسبة لاطاي كيف كيبغيها أي راجل رقيقة من رجلين ونتا كطلع والكتلة كتزيد وبيضة بحال الدقيق يا قلبييي 🥰 ومهلية في راسها مقادة الشعر والضفار وديما جاية بلبسة في شكل كتلبس غير الماركة باينة من نوع المدلل كنبقا حال فيها فمي زين رباني وطاي حوتة مرسومة شتي واخا نتخيل حتا نعيا فتاة احلامي ومنتخيلش بحال هاذ الساطة فيتاها جمالا زينها ماشي طبيعي تخيلوها معايا وعنداكم طيحو بحالي حيث ماغديش نخليها ليكم .... بقيت حاضيهم من القهوة وكنشوف في الحسناء كيفاش كتمشا وكيفاش كتضحك بطريقة رقيقة غير بضحكة منها تدي ليك قلبك بقيت حاضيها بنضرات اعجاب وأنا كنتشوا كيعجبني نشوف الزين حيث زين حبو مولانا وطبيعي نكون كنعشق الزين حمد السرباي : سكرة وحدة ولا 2 _ غير وحدة احمد راك عارف اصحبي نبقاو غير نعاودوو حمد السرباي: سبحان لي ماينسا _ كندوي وأنا مرفوع عقلي ماشي معايا, ريحو الكليكة في واحد القنت في ساحة سيدي بوزيد اسفي كيشوف في البحر وفي المدينة كاملة ديما كيريحو فيه , وأنا ساهي معاهم حتا وقف عليا السرباي بحال الزلط خلعني قفزت من بلاصتي جاب ليا القهوة و وريح حدايا طلعت نفس وهبطتوو حمد السرباي : ديما نفس الوقت كيفاش البلان لوكان غير بعينيك نقول هاذا عاصر على شي وحدة شنو كتجي دير هنا ؟ صارحني ! _ نعام وعلاش كتسول نتا مالك شنو دخلك فيا ؟؟ حمد السرباي : بغيت نعرف البلان كيفاش ديما محافض على الوقت اش تما عاود ليا ديرني صديق ديالك وعاود ليا _ ونتا مالك اصحبي ياكما مرشد إجتماعي ولا ! كترة الاسئلة ماعنديش معاهم حطيتي القهوة سير شوف خدمتك ياه على قاعدة اصحبي فيكم تبرگيگ ماخطا حتا بلاصة واش نتا جاي تخدم أو تجمع حمد : بجوج مالك اصحبي كاعي بغينا غير نقرقبو معاك الناب عادي ضحك وجمع وراه دنيا فايتة متبقاش غير مقلق وشاد في خاطرك ضحك لدنيا تضحك ليك _ واش انا باك ولا مك تقرقب معايا الناب او بنت ليك مخصوص عرفتي شنو كعيتيني انمشي بحالي بناقص من هاذ القهوة شربها نتا وقرقب ناب مع راسك . لحت ليه فلوس القهوة وخرجت خليتو كايعيط ليا ماتلفتش ليه وأنا غادي كنتمشا ومعصب ماكنحملش لي يدير ليا لونكيط وبالأخص البراني قاعدة خايبة,وأنا غادي حادر عيني خرجت في 3 دراري مجهول : واخونا مالك عما _ سمحو ليا الشباب ماشتكمش مادرتهاش بلعاني مجهول : وبنادم شحال كبير شوف شوية قدامك زعزتي ليا ضلوعي حلوف مع راسك _ اربي ماسمح ليا العشير خوك نيت عما غير ماجبتش العصا ديالي داكشي علاش خرجت فيكم , كررت الاعتذار ديالي وكملت طريقي جلست قريب من الكليكة كنشوف فيهم وكنتصنت ليهم وهوما كيغنيو وكيضحو بصارحة كليكة زوينة ولاد وبنات خالقين السعادة و جو زوين بيناتهم غير بگيتار وكمانجة وباينة فيهم نقيين مافيهم لاصداع لا بلا من داك النوع لي باغيين غير يضحكو في هدوء درت ايدي على حنكي وبديت كنتصنت وماكرهتش نضم ليهم ونكون وسط منهم باش نحارب الملل لي فيا ومنها نتقرب من ديك البنت حيث كيف قلت ليكم عجبني شكلها . واحد لحضة شحفت تحركت الكيوسك ل حدا لافاك ناخد موناضة ندك بيها درت نص دورة لور بلا مامنعيق حتا كتبان ليا لي مزعزة ليا قلبي جاية هي وصحبتها وكانت لابسة سروال بويفراند زرق وشوميز شيبية قصيرة وسبادري بيضة وجامعة شعرها كعكة وصحبتها لابسة عباية ولاوية عليها زيف تقول عاد خارجة من الحمام تقلت المشية باش يلحقو عليا حتا كيبان ليا واحد خونا تابعهم من لور ولاسقهم كينگ عليهم وهوما كيحاولو يتفاداوه عبيقة: شوفي الزين عطيني غير شوية من وقتك نهدر معاك مريم : سير اخويا بحالك بعد منا عبيقة : ونتي لاش كتنقزي سوقك دويت معاك دخلي سوق راسك كندوي مع الزعرة مريم : دابا سير عطينا التيساع الله يخليك عبيقة : مالك غير كتنقزي دايرة بحال شي جن حاضي شي كنز تكمشي وخلينا نهدرو مع البنت , والزعرة ديري معايا شي حل من نهار شتك وأنا طايح فيك كون ماكنتي كتعحبيني كعما نجي عندك عطيني نمرتك سناء : سير اخويا عطينا تيساع واش ماكتفهمش ماكنعطيش نمرتي عبيقة : شتي إلى ماعطيتينش هاذ النمرة ماغديش نفرقك رآه عبيقة واجرك على الله إلى ماديتهاش بالخاطر نديها بالقوة أنا راه بحال الشوكة في حلق الإنسان هاكي قيدي نمرة مريم : قيدي ليه النمرة خليه يعطينا التيساع سناء : ماكان بيدي حتا حل قيدت ليه نمرتي ومشينا بحالنا حيث واخا عطيتها ليه ماغديش نجاوبو غادي نخليه معلق سطلة بلا تقرقيب مريم : تفو بقا لينا غير هاذ الشمكار القطايعي يلسقنا كون غير قلناها لدراري سناء : واش بغيتي تجيبي ليهم مونتيف نتي عارفاه شمكار وحباس هو جلاخة مكياتفاكش بلا مايوليو في الصداع معاه عبيقة : هاني خديت النمرة اعشيري واش كاين أو لا لا جويعة: ماعليكش الفردة على شكون يقدر يخسر ليك نتا رآه سيدهم عبيقة : مكيناش هاذي لي غادي ترفض عبيقة شتي واخا تبقا هازة نيفها لسما حتا تعيا غادي نزلو ليها بسيف عليها جويعة : عارف لي كاين هبط ديك المضاية رآه كتبان ونتا عارف الحناش غير كيدورو هنا عبيقة : واش أنا ايخلعوني البوليس يله نمشيو نسكرو نزهاو أنا وياك _ وصلت الكيوسك من بعد ماتقلت المشية وتسنيت البنات حتا تفرقو على خونا ولحقو عليا مع وصلت هزيت موناضة هواي من تلاجة وبغيت نخلص السيد والبنات بداو كيتزاحمو مع ناس حتا دوبلوني و جاو قدامي بغاو شي لعيبات يمدهم ليهم السيد من لداخل ديال الكيوسك بقيت ساهي مع الفورمة ديالها وغير حال مفمي ومع الكيوسك عامر وزحام جات فيها ضربة لور 🙄 تكلمات بجهد ايوا ياحميد مع تلفيتة انبان ليها غير أنا في الواجهة وهي تبربقها معايا لوجه بواحد طرشة بديك اليد شعلات فيا الضو كون كنت عما ديال بصح من بعد هاذ الضربة غادي يرجع ليا البصر مافيهاش شك , شنقات عليا قدام الناس وصحبتها كتعاير دارو ليا الشوهة فكونا شي بنات جروها بزز ومشات وهي كتعربط وكتعاير مابغاتش تسرط ليها وماخلات ليا حتا الفرصة فاش نقول ليها أنا عما ونطلقها عليها سناء : وليني حمار نوري الغليظ تاع بوه شكون هي سناء ابلاتي دابا نربيه وندمو ميكروب منحرف ( خرجت فيه نيت الفقصة ديال داك الشمكار ) _ هوما سبوقوني و تميت راجع حتا أنا بلاصتي وضارب نظيظرات وكنشرب في الموناضة وكنتمشا بشوية عليا مابيا ماعليا تا وقفو عليا 2 دراري ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM