الوحش وزوجته الجريئة #الجزء 34 : جلس مروان و كان مقابل معاها و هي ما كتشوفش فيه بمرة منخلاه ، بدلات عبير التكاشط و جابو الماكلة كان الدجاج و اللحم و البسطيلة ، كلاو في صمت . قمر:امم هادشي بنين . مروان شاف فيها بدا كيضحك و هي تخنزر فيه . بدر:مغاديش تسكتي و لا متقوليش ليا كتوحمي . قمر:علاه مافخباركش ههه . سناء:سكتو هالعار . مهى(راه حتى هي كاينة في العرس غير كانت ساكتة ،هدوء ما قبل العاصفة ):من الأداب ديال الماكلة منين تكوني تاكلي تكوني ساكتة. قمر:بصاااح و دابا نتي أش درتي هضرتي ولا خريتي مهى شافت فيها مخنزرة و قالت في خاطرها:غير بلاتي أنا أنوريك نتي غير برهوشة كلاو و سالاو و لبسات عبير الغوب و الموسيقى خدامة و قطعات الحلوة هي و أيوب و بداو كيشطحو حتى ناضو كاع لي كوبل يشطحو حتى هوما مع أغنية كلاسيكية و رومانسية ، بدر مد يديه لإيناس:تسمحي ليا بهاد الرقصة . إيناس بقات كتشوف فيه و عطاتو يديها و مشاو يرقصو رضوان حتى هو ناض يرقص و معاه سناء ، مهى:مروان تنوض ترقص معايا . مروان ناض و كيشوف في قمر اللي بان عليها أنها معصبة . كلشي بدا كيرقص على أنغام الموسيقى الرومانسية إلا قمر اللي بقات جالسة . قمر:أخخ حالتي صعيبة . سالات الرقصة و جا وقت التوديع ، كلهم واقفين قدام القاعة و عبير كتعنقهم و كتنخصص و تبكي ، قمر:كتبكي غاتاكلي الحلوة و كتبكي من الفوق....غير شي ساعة و اتبقاي تكركري مع راساتك عبير بدات كتضحك و عنقاتها ، قمر شافت في أيوب:وا تكايس اه بقا تشوف فيا . أيوب دخل عبير طموبيل كيضحك و عبير كانت حشمانة ، سلم عليهم أيوب و مشاو و هي بدات تنخصص تاني غير تفكرات اللي تابعها و بدات تزيد في وتيرة ديال البكا ،*** العائلات كلشي مشى و القاعة بدات تخوى ،مروان دا الحاجة و رضوان و إيناس ، و سي رضا و بدر و قمر و سناء في طموبيل أخرى بدر:شتي نتي مبقيتيش كتحشمي خاصني نكرز الصمطة تاني . قمر:مالي أش درت . بدر:والو و غدا فيقو بكري . قمر و سناء:علااش بالسلامة ؟؟؟ سي رضا:ههه ياكما نسيتو الجامعة صافي العطلة سالات . قمر:دازت تجري يا ربي سلامة باقي حتا ما رتاحينا مزيان . سناء:هانتي تشوفي يا ربي سلامة بدر:واخا دوز تقيلة عمركم ما غاظي ترتاحو فيها . خنزرو فيه البنات و هو بقا كيضحك و كيقلي ليهم في السم وصلو للدار و كل واحد طلع ينعس في بيتو و سناء نعسات حدا قمر و نفس الشيئ عند عائلة مروان...... #يتبع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM