الوحش وزوجته الجريئة #الجزء 32 : بدات كتغني أغنية bilionera (اللي شافها في يوتيوب راه غادي يعرفها ) ، كتغني و كتشطح و مروان بقا كيشوف فيها مصدوم فحال أول مرة كيشوفها ، كانت لابسة تكشيطة في الgرونة ، و دايرة مكياج تقيل و طالقة شعرها ،مروان تعصب منين شاف دراري كاملين كيشوفو فيها ، الناس كلها نايضة كتشطح و شي وحدين كيغنيو معاها ، سالات و كلشي بدا يصفق و هي كتبتاسم، و عبير كتضحك على حماق صاحبتها ، مشات عندهم للطبلة اللي جالسين فيها ،كيبان ليها مروان غير مخنزر ...حتى جرها بدر من ودنها :باقي ما بغيتي ديري عقلك . قمر:ااح طلق راك قسحتيني . رضوان غي سمعها أش قالت بدا كيضحك سناء فهماتو و حتا هي ماشي من العاgزين بدات كتضحك معاه ، و إيناس حابسة الضحكة ، طلق منها بدر و هو يقول:سيري سيري تجلسي . جلسات حدا إيناس . قمر شافت في رضوان و سناء:مالهم هادو كيضحو . إيناس:ههه راه عقلهم سافل . قمر:كيفاش ،. بدات كتفكر أش قالت:لاا و الله ما كدبتي في هادي راه عقلهم سافل و كوراه طالب معاهم شرع . إيناس :ههه . بقات شوية و جاها الملل و بقات غير كتشوف في رضوان اللي كان كيشوف في سناء بواحد النظرات ديال الحب ، و هي تشوف سرباية مدخلين بلاطوات ديال العواصر و كيفرقو على الناس و جاتها ضحكة و حبساتها ، الناس شربات العصير و كلشي مبقاش في الوعي ديالو ، شي رجال حيدو الgرافطة و تحزمو بيها و بداو يشطحو أما البنات كل و وحدة لصقات فاللي عجبها ، عبير بقات كتشوف و حابسة الضحكة و أيوب غير كيشوف مسكين ، مروان شرب العصير و عرف باللي راه فيه شراب ، أما بدر عاق غير منين شرب جغمة اللولة و شاف في قمر اللي شرباتو دقة وحدة ، بدر:مكتعيايش من زبايل البوالة . قمر دارت يدها على راسها:مالي تاني أش درت ما تقولش ليا باللي أنا اللي درت شراب في العصير تاني أوف . بدر و مروان بداو كيضحكو حيتاش دغية تأترات بالمشروب . رضوان:واش العصير فيه الشراب . سناء:اه ههه. بدر:حتى نتي معاها اديك شنيولة حولك ما شربتيهش. رضوان:هييه تفرق ليا على مراتي . كلشي بدا كيضحك ، دار بدر يشوف إيناس لقاها متكية على يديها و كتغني أغنية سالمة سالمة و شوية بدات كتطبل و تغني بجهد و هو يسد ليها فمها و بدا كيضحك . قمر بدات كتشوف في مروان و عضات على فمها و غمزاتو و هو بقا كيشوف فيها مصدوم من الجرأة ديالها........ #يتبع........ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM