الوحش وزوجته الجريئة #الجزء 31 : اليوم العرس ديال أيوب و عبير ، الدار ديال عبير نايضة فيها الهيلالة و كلشي كيديروه بالزرب حيتاش غادي دير الحنة في العشية و العرس بالليل(كلشي مزروب هه) ، قمر فاقت هي اللولة أما عبير و سناء باقين ناعسين و نزلات فطرات و طلعات باش تفيقهم . قمر كتغوت:أودي ناس سليبااااطير فاقو هوما لولين ، و أونكوبل خامرين ماشي ناعسين . عبير:أمالكي أصحبتي،شحال ولا فيك ديال نgير . قمر:و تي نوضي راه ليوم عرسك . ناضت عبير بزربة :ويلي ويلي ليوم العرس . سناء:يخ ما تخليو حتى واحد ينعس . قمر:شتي رضوان باقي معرف الكاراكتير ديالك أبنت العم نهار يعرفك على حقيقتك غادي يتصدم و يطلقك قبل ما تزوجو . سناء شيرات عليها بمخدة:سيري تخراي ما حنا على فالك أختي عين الحسود فيها عود ان شاء الله . عبير:و راه اليوم عرسي قمر:و راه عرفت ويلي ويلي تخورجتي غير نهار العرس أما ليلة الدخلة غادي تلوحي حوايجك في الزنقة . عبير ضرباتها بمخدة و بقاو كيضاربو حتا طلعات ليهم مامات عبير جبدات صندالتها و بدات تخبط فينما جات . مامات عبير:و نوضو يا جماعة المسطيات تلاgيتو ليا هنايا سيرو الحمام راه غادين تعطلو . تفكو منها و جمعو حوايج الحمام و مشاو الحمام ضربوها بتحميمة فاعلة تاركة خلطو الأعشاب الحناء و والورد و الخزامة و بداو يدهنو ، سالاو و خرجو يشعلو و ريحتهم فنة ، رجعو للدار و كانت 3 ديال العشية لقاو شي 20 طموبيل مصافة باش غير تسالي من الحنا و يشطحو شوية يمشيو للقاعة ديال العرس ، طلعات عبير لبيتها و لقات الكوافورة و النgافة كيتسناو فيها دارت ليها الكوافورة المكياج و المشطة و لبساتها نgافة تكشيطة ديال الحناء في اللون الأخضر و جات غزالة تبارك الله ، أما قمر لبسات فراشة في الزرق و محجرة من الصدر و جمعات شعرها مخربق و دارت مكياج خفيف و سناء لبسات فحالها و دارت فحالها ولاو كيبانو فحال توينز جاو كيحمقو ، نزلو و بداو كينقشو ليها نقش خفيف ، و العيالات كيباركو ليها أما الرجال جالسين في الطبقة الفوق و كيهضرو في مواضيعهم ، قمر غير كتقلب بعينيها ما بانش ليها مروان و قالت في خاطرها:يمكن ما جاش . نقشات سناء و قمر نقيشة خفيفة ، و بقاو كيضحكو و خداو سلفيات و تصاور بزاف، سالات عشية ديال الحناء و جات ليلة العرس ، طلعات عبير و غسلات الحناء من يديها ، و داها خوها القاعة ديال العرس و مشات معاها قمر و سناء ، و الناس المعزومين حتا هوما كل عائلة و مشات في طموبيلتها . قمر سيفطات ميساج لسناء:واش داكشي واجد . سناء جاوباتها في ميساج:اه المسخوطة نتي كتقلبي على آخرتك و الله نصيحة مني تراجعي قبل ما تديري داكشي . جاوباتها قمر بالإيموشن: ....... #يتبع........ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM