الأسود 🖤 الجزء 26 🔥🔥🔥🔥🔥🔥🔥 ( التتمة من بعد 360 لايك طاكيو صحابكم يقراو ❤️🥰) دامي : مهدي تحرك دغيا رجال أحمد لحقو علينا سير نتا وسناء طلعو الطيارة ورد البال لراسك ولسناء ، غير اتوصل المغرب اتلقا رجالنا كيتسناوك في المطار يله جري دغيا وماتلفتش وراك _ بداو شي رجال جايين كيجريو جيهتنا يله بغاو يشدو سناء جمعت واحد فيهم بنص حتا باس الأرض (عزيز عليا نجمع بنصوصة 🤣) لاخر ضرباتو دامي بكروشي لكرشو زواتو وعوداتو لوجه ريبات ليه البناء العشوائي ديال سنانو ، مهدي جر سناء لساحة الاقلاع وحنا بقينا مدابزين مع الحراس وكنحاولو نمنعوهم يلحقو عليهم بقينا مشبكينها كروشيات معاهم لمدة 9 دقايق وهاذ الوقت ايكون كافي باش تكون طائرة طارت ، من بعد مانفضناهم كاملين دخلو شي وحدين لابسين حوايج بحال ديال القوات الخاصة مغطيين وجاههم وعندهم السلاح ، بداو إطلاق النار علينا تخبينا ورا الحيط ديال الطواليطات دامي : كيبان ليا محال نخرجو من هنا _ وايه موشكيلة صافي ماعندنا حتا السلاح باش نقاومو وندافعو على راسنا ، شافونا عزل ومكنبدلوهمش إطلاق النار بداو كيتقدمو جيهتنا باش يشدونا ومن زهرنا تدخلو البوليس ديال المطار بقاو مبادلين معاهم إطلاق النار ستغلينا الفرصة وقدرنا نخرجو من المطار بقينا كنجريو هربانين منهم .... ياك قلت سيري معاهم علاش تبعتيني المسخوطة علاش راسك قاصح مكتسمعيش الهدرة دامي : منقدرش نخليك بوحدك نفضل نموت معاك ولا نخليك وحيد أنا صديقتك من واجبي نبقا معاك حتا نرجعو بجوج أو نموتو بجوج ، معاك تال اخر لحضة _ عجبني كلامها وزادت كبرات في عيني ونعمة الصديقة ، كملنا هروبنا وهوما كيجريو من ورانا واي درب كنشوفوه كندخلو معاه مكناش عارفين فين هربانين كنجريو على الله مولاها ربي سناء : اهئ اهئ ناري البنت بقات مسكينة بوحدها المجرمين ماغديش يخليونا عايشة غادي ينتاقمو منها مهدي : ماتبكيش دامي غادي تكون بيخير راها قادة براسها وهي ماشي بوحدها معاها واحد الشخص اخر سناء : واخا هكاك أنا لي عارفة شنو كيسواو دوك الناس مافي قلبهم لا رحمة لاشفقة مهدي : بديت كنحاول نهدأ فيها ونواسيها وأنا براسي كان خاص لي يهدأني حيث كنت خايف بزاف على راسي وعائلتي و على خويا ودامي ... أمين جبد علينا وعلى راسو النحل يعلم الله شنو ايكون المصير ديالو غير خليها على الله _ وحنا كنجريو وصلنا لواحد البناية كبيرة على شكل شركة مهجورة تخبينا فيها دامي : كنسمع شي صوت قريب واقيلا شي واحد فيهم قريب لينا ... بقيت كنتصت حتا وصل لجيهتنا واحد من دوك العصابة شديت ليه ايدو لويتها ليه وضربتو بكروشي لوجهو طاح الأرض مع بغا ينوض لويت ليه عنقو قتلتو ودغيا هزيت سلاح شفت في واحد اخر جاي جيهتنا زربت عليه قتلتو ومشيت هزيت ليه سلاح ولحتو لأمين _ على الأقل دابا عندنا باش نحاميو على ريوسنا ولكن ماكينش أمل في مواجهة ديالهم عدد ديالهم كبير و الدخيرة ماكفياش ، بقينا كنتسلتو بشوية حتا خرجنا من البناية وبقينا عاطينها لجري وهوما تابعينا كيتيريو علينا وحنا كنردو عليهم إطلاق النار ، ممفاكينيش معانا تابعينا بحال ضلنا بدينا كندخلو فشي دروبة حتا خرجنا في واحد الشارع رئيسي بان لينا محل تجاري بحال شكل مرجان دخلنا ليه تبعونا حتا هبطنا لاكاب لي كان فيه بارگينغ لقينا واحد السيد يله كيبلاصي موطورو من نوع Kawasaki قصدتو ودامي كتحاول تحميني من لور بيما خديت الموطور ، سرقت لخونا موطورو من بعد ماهددتو بسلاح تخلع وعطاه ليا ركبت و كسيريت لعند دامي طلعات وبديت خارج من الباركينغ . يحساب ليكم هربنا لا لا حتا أنا في الاول هاذشي لي كيحساب ليا ، كيف خرجنا من الباركينغ بديت كنسمع صوت هيليكوبتير فوق منا كانت لاسقانا بحال شي ناموسة ، وورانا طومبيلات ديال العصابة تاهوما تابعينا كيتريو فينا وكيحاولو يضربونا بطومبيل، هاذو مناويينش يتفاكوو معانا حتا يقتلونا دامي : ولينا فريسة لذئاب خاصنا معجزة باش نقدرو نهربو ليهم _عطيت لمطور كل مافي جهدو وأنا كنحاول نفانتي على السيارات لي تابعينا ورصاص ديال الهليكوبتر بقيت مكسيري لمدة 20 دقيقة ، واحد لحضة كانت اتخرج فينا واحد طومبيل ديال العصابة شوية وتلوحنا جاب الله حبست الفران في اخر لحضة ، و مع السرعة باش كان سايق خونا الطومبيل هربات بيه وضربات في تيطوار وهي تقلب ، شفت تا عييت كانو مزال ملاحقيني 5 طومبيلات آخرين لقيت بيلا كاين حل واحد نديرو باش نهرب منهم دامي : أمين لا وياك ديريها اتقتلنا _ ماعندنا حتا حل آخر ، فرانيت ودرت دورة صغيرة ورجعت أنتيردي وانا مكسيري وشانطي كان عامر ، طومبيلات كيكلكصونيو وأنا كنفانتي عليهم وكايينين شي وحدين دارو كسيدة بسبابنا خربقت داك الشانطي بالمزيان ولكن وبهاذ الطريقة قدرت نبعد على طومبيلات لي ملاحقينا بقات غير الهليكوبتر هي لي ملاحقنا ، خرجت من انتيردي بداو كيتيريو فينا من الهليكوبتر وكنحاول راوغ ولكن بدون نتيجة جات قرطاسة في كرش دامي غوتات واحد الغوتة قطعات ليا في قلبي ، مع دالك ماوقفتش كملت طريقي ومن حسن الحض ديالنا كان نفق قدامنا دخلت معاه وبلاصيت المطور في وسط النفق ، وقفت واحد رموك ديال المازوط كان جاي قدامنا ، نزلت شيفور بتهديد السلاح طلعت دامي هي لولة حيث تأطرات بضربة ديال الرصاصة ، مع ركبت كسيريت حتا بدا كيبان ليا الضوء ديال الشمس عرفت قربت الخرجة ديال النفق ، من بعد 100 ميترو ضربت على الهليكوبتر مبلاصية في الخرجة حابسة الطريق باش مندوزوش و4 الرجال من العصابة هازين سلاحهم وموجهينو تجاه النفق .... شفت في دامي لي كانت كتألم وقلت ليها نحسب تال 3 نقزي دامي : واخا صافي _ قربنا حدا خرجة النفق زدت في سرعة وكوانسيت الكسيراتون بحديدة وحسبت تال 3 نقزنا من رموك ، خليتو يخرج في هليكوبيتر نفاجرو بجوج . أنا مع طحت قدرت دغيا نوض جمعت الوقفة ، تيريت في 2 من العصابة قتلتهم و2 لآخرين ماتو بالانفجار ... نوضت دامي لي كانت كتألم وكتمشا غير بزز شديت ليها في إيديها وكنحاول نعاونها تمشا من بعد 20 دقيقة السيدة عيات دامي : امين غير سير وخليني غادي نتقل عليك وزايدون غادي نموت مابقيتش قادرة نستحمل _ لالالا ادامي غادي تقدري تكملي وغادي تعيشي مايمكنش تموتي وتخليني مزال محتاجك معايا عفاك صبري اختي منقدرش نستحمل موتك .... ربطت ليها الجرح و بقيت شاد فيها وحنا غاديين مع واحد الpيست صحراوي كان ديك ساعة بدا يضلام الحال وحالة دامي غير ماكتزيد تصعاب دقيقة على دقيقة دامي : صافي مابقيتش قادرة صافييييي غادي نموت أمين مابقيتش قادرة سمح ليا عفاك سير وخليني هنا بلا ماتبقا هاز همي _ ماتقوليش هاذشي منقدرش رجع بلا بيك غير صبري قربنا لواحد القرية راها كتبان من هنا أكيد غادي لقاو فيها شي طبيب يساعدك عفاك غير صبري دامي : رجليا مابقاوش قدرين يهزوني بديت كنشوف غير الضبابة قدامي سامحني كنضن وصل وقتي كنتمنا ليك السعادة في حياتك كان شرف ليا نعرفك ونتا بالنسبة ليا أحسن أخ ، أشهد أن لا إله إلا الله واشهد أن محمد رسول الله _ عفاك بقاي معايا ادامي متموتيش صبري مابقا قد مافات متموتيش وتخليني مايمكنش تكون نهايتك بهاذ السهولة دامي داميييييييي ، غيبات ولكن كانت مزال كتنفس هزيتها فوق كتافي وجمعت قوتي وبديت كنجري بيها تا وصلت القرية ، مع وصلت بقيت كنغوت شي حد يعاونا ... تجمعوو عليا رجال القرية قالو ليا خاصها سبيطار مايقدروش يعاونونا حيث خافو تموت بين إيديهم رفضو ... شفتهم عكسو معايا هزيت سلاحي وبديت كنهددد فيهم وكنغوت ... ماعندناش الوقت الكافي باش ندوها لسبيطار غادي تموت قبل مانوصلو شوفو ليا شي طبيب يعاوني شيخ القرية : اجي معايا وسيرو عيطوو على عبوش _ ديتها لدار هاذ الشيخ لي هدر معايا تكيتها فواحد البيت وهي كتألم شوية هي تجي عبوش ومعاها شي عيلات عبوش : الله ياربي حالتها صعيبة غادي تكرفس ( واحد المعلومة للإضافة بغيتكم تعرفوها هاذ الناس كاملين كيهدرو بالتونسية غير كنترجم ليكم بالدارجة باش تكون قصة مغربية 100% ) _ بقات كتفيق فيها ودامي كانت نص فايقة ونص مغيبة مكانتش في الوعي ديالها دموعها نازلين وكاملة عرق ودميات عبوش : بنتي غادي نحيد ليك الرصاصة ولكن خاص تصبري .... جيبو ليا بوطة و موس كبير وموس صغير وفوطة وزيت وبرا وخيط ودغيا ماعندناش الوقت _ جابو ليها داكشي لي بغات وعطاتها واحد زيف تعض فيه فاش تألم ، بدات كتسخن في الموس فوق البوطة من بعد غرسات فيها الموس بدات كتحاول تخرج ليها في رصاصة ودامي كتغوت ربي لي خلقها وحتا واحد من ناس لي تما ماقدر يشوف داك المنضر من غيري انا وعبوش من بعد صراع طويل مع ديك رصاصة قدرات تخرجها ليها عبوش : اجي اولدي شد هنا _ دارت الفوطة على الجرح وبقيت مورك على ديك الفوطة بيما قادت الخيط عبوش : صافي غير حيد ... بنتي حاولي تصبري مابقا والو ونساليو _ بدات كتخيط ليها في الجرح وهي كتألم وتبكي بقات فيا دموعي بغاو ينزلون حابسهم غير بزز ، مع سلات ليها الخياطة دامي غيبات عبوش : اجي شد ليا هادو _دارت ليها واحد دوا وفاصمة وخلاتها ترتاح عبوش : متخافش عليها البنت عاقدة راسها اتكون بيخير _شكرتها وحط ليا الشيخ نتعشا وقال ليا عاود ليا مالك ... حنا سياح وتعرضو لينا واحد العصابة بغاوو يقتلونا شيخ القرية : خاص هاذشي يوصل لشرطة ولسفارة ديالكم انبلغوهم _ قدرت نقنعوو بزز باش مايقولها لحد وافق من بعد ماقلت ليك أني ضابط في الجيش ووريتو بطاقة العمل ديالي ماكان عندي حتا خيار من غير نخبرو بحقيقتي الشيخ القرية : نتوما دابا ضيافي بيما برات البنت مرحبا بيكم _ شكرا سيدي عندك شي تيليفون بغيت شي مكالمة الشيخ : كاين ولكن ريزوو قليل صعيب يشد ليك هاك جرب على الله ... عطاني التيليفون حاولت نتاصل بسعد ولدك مابغاش يشد ليا ريزوو والوو ( المغرب) مهدي : من بعد ما وصلنا لمطار رباط نزلنا من الطائرة وتوجهنا لمكان الخروج لقيت شي وحدين كيتسناو فينا قالو ليا بيلا هوما من طرف سعد طلعنا معاهم وتوجهنا واحد المكان كيقولو ليه المقر دخلو سناء العيادة يعاينو حالتها ، وأنا جا عندي سعد سولني على أمين عاودت ليه شنو وقع قبل مانطلعو الطائرة سعد : مسخوط هاذ أمين صافي ديفو ديالو هو انهو راسو قاصح ماكيسمعش أش داه لذئاب ، سير رتاح دابا تانشوفو شنو نديرو في هاذ الوحلة مهدي : كاين كيفاش تعاونوهم سعد : انحاول ... مهدي قول ليا تمشي معايا دار ولا تبقا هنا مهدي : غير خليني نبقا هنا مع سناء ... قبل مانمشي شومبر طرگت سناء شفتها كانو دواو ليها الجروح وبدلو ليها الفاصمة لي على راسها سناء : علاش جايبيني هنا أنا بغيت نمشي لدار نشوف ماما مهدي : غير كيطمأنو على صحتك اختي . غدا انمشيوو لأسفي غير رتاحي ... خرجت من عندها وأنا في بالي خويا شنو نقول لدارنا عليه مشيت لواحد الغرفة نعست صباح فيقاتني واحد البنت لابسة لباس عسكري عيطات ليا الفطور من بعد جابو عندي سناء وبقينا كنفطرو وكنديو ونجيبو في الهدرة سناء : ايمتا انمشيو بحالنا متشوقة نشوف ماما توحشتها مهدي : ماعرفتش حتا نشوفو الرئيس .وحنا كنهدرو وقف علينا واحد خونا منعاودش ليكم الهيأة ديالو كتخلغ ، تخلعت منو أسود البشرة طويل وصحيح وكولو تخاسر الذيب : نعرفكم براسي سميتي الذيب مرحبا بيكم ياكما خصاكم شيحاجة سناء : لا ولكن تخنقت هنا ايمتا نقدرو نمشيو الذيب : يجي الرئيس هو يقول ليكم ايمتا تمشيو شوية ويكون هنا مهذي : بقينا كنتسناو من 9 تال 11 عاد دخل سعد عيط ليا دخلت عندو لبيرو سولتو فين حنا قال ليا بيلا هاذا هو المقر الرئيسي ديال المخبارات وداني نشوف البيرو ديال خويا وكملنا كلامنا تما سعد : سناء ماعندها والو تقدرو تمشيو لأسفي غادي نسيفط معاك شي رجال من أجل الحراسة وماتخرجوش بلا بيهم مهدي : وخويا ودامي عندكم عليه شي خبار سعد : لا مزال ماعرفنا عليه والو يله أولدي تهلا في راسك وسلم على داركم وبنتي ياسمين مهدي : تميت خارجين من البيرو ، داني واحد الجندي لواحد القاعة ديال الاجتمعات بقيت كنتسنا بيما خلطات عليا سناء وهي لابسة لبسة جديدة وكتبان في هيئة زوينة بسيف خويا يحبها ، قصدتها وريحت حداها سناء : قول ليا اخويا سمعت غادي تعدم كيفاش حتا خرجتي من الحبس مهدي : قصة طويلة وماشي مهمة ، من ليوم غادي نكون الحارس الشخصي ديالك سناء : ممحتاجاش حارس شخصي اخويا شكرا مهدي : ولابد في هاذ الفطرة الخطيرة خاص يكون معاك حارس شخصي ، بقيت كنقنعها سناء : شنو دابا ضابط من بالقيمة ديالك يولي حارس شخصي ديالي علاش _ هاذي أوامر الرئيس ديالي اختي سناء سناء : هاذشي غريب علاش أنا بضبط وكيف درتو حتا لقيتوني وعلاش تال دابا مهدي : ماماك لتجئات لشرطة باش يساعدوها ولكن هوما هاذشي خارج نطاق خدمتهم ، ستالمت أنا السؤؤولية باش نرجعك هاذا ماكين بقيت كنهدر معاها وكنشرح ليها شي أمور لي كاينين غير في المخيلة ديالي حتا جا لعندنا الضابط قال لينا يله أنمشيو . مشينا معاه ركبنا في واحد الكات كات مع خرجنا تبعونا...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM