الوحش وزوجته الجريئة #الجزء 21 : داز الليل كامل كلشي نعس في المستشفى حتا حد ما بغا يمشي يرتاح في الدار، جاء الصباح ليجلب معه أحداث جديدة ، كلشي دخل عند قمر ، مروان و رضوان و إيناس و أيوب و عبير و سناء و واليديها ،بدر قرب منها و شد ليها يديها و بدا يتفكر اللقطة اللي جات تجري فيها باش تنقد ليه حياتو و نزلات دمعة من عينيه و كلشي كيشوف فيهم بحزن ، بدات كتحرك قمر في يديها و بدر حس بيها و بقا كيشوف فيها فرحان حتى حلات عينيها و بدا كيعيط على الطبيب و رجع لعندها كلشي فرحان حيتاش فاقت و هي كتبتاسم ليهم و كتحس براسها مدgدgة . بدر بفرح:ختي لباس باش كتحسي . قمر بغات تجاوبو ما بغاش يخرج ليها الصوت كتحس بقرجوطتها مقبوطة و بدات تبكي ، بدر بخوف:قمر تهدني دابا غايجي طبيب و يشوفك ، جا الطبيب و خرجهم فحصها مزيان و منين سالا عطاها مهدئ باش ترتاح . خرج عندهم الطبيب و هاد المرة كان باين عليه الحزن . بدر:مالها أشنو واقع ليها . الطبيب:للأسف المريضة فقدات صوتها بسبب الصدمة . كلشي تصدم بالأخص بدر و سي رضا و مروان ، مروان دوز يدو على شعرو بحزن و مشا خرج لبرا و جلس حدر راسو و بقا غير كيخمم . بدر:و إمتا غادي تقدر تهضر . الطبيب:ما عرفتش داكشي على حساب حالتها النفسية الله يشافيها . و مشا .... بدر :كلشي بسبابي كلشي . و مشا للكوميسارية معصب . بدر :فين هي هديك القح** . الظابط كيترعد:راه لتحت أسيدي . بدر نزل عندها كيجري و حلو ليه الزنزانة و مشا شنق عليها و قال:كنقسم ليك بالله و توقع لختي لختي شي ياحتا نقتلك و بلاما نتردد فهمتييي . ليلى وجها ولا حمر حتاش تخنقات و هو يطلق منها حتى طاحت في الأرض ، بدر:حرام واش تكوني نتي أم ، معندكش القلب ديال الأمومة ،و معندكش و لو شوية ديال الإحساس، بالحق غادي ندمك غير بلاتي غانخليك تعفني في الحباسات حتى تموتي . و خرج فحالو و خلاها كتشوف فيه .... عند قمر بدات كتفيق و لقات عبير و سناء و إيناس كيشوفو فيها و كيبكيو . قمر هضرات و لكن الصوت مكاينش ، مروان:قالت ليكم باركة من البكا معندناش موت هنايا . (مروان كان كيدرس قرأءة الشفاه ) شافو فيه بصدمة و البنات بداو كيبتسمو ، و قمر حركات راسها ب اه و هي كتبتسم و بقات كتشوف فيه و حتى هو كان كيشوف فيها . قمر بدات كتكحب مشا مروان كيجري كب ليها كاس ديال الماء و شربها و هي كتشوف فيه تاني ، سي رضا دوز بيديه على شعرها:بنتي الحبيبة غادي تصحي و ترجعي كيف كنتي غير صبري ........ #يتبع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM