الأسود 🖤 الجزء 19 🔥🔥🔥🔥🔥🔥🔥🔥 ( التتمة من بعد 360 لايك طاكيو صحابكم يقراو القصة ❤️ ) _ تيرات في الحراس ديال الابراج بجوج ونفاجر السور ديال الحبس وخدم الاندار دعوة ترونات مدير السجن : شنو هاذشي واقع ديلاش هاذ الصوت وعلاش تطلق الانذار مأمور السجن : ماعرفتش الشاف انخرج نطل حارس : سيدي السجن كيتعرض لهجوم مدير السجن: أش كتقول جواد سربي تاصل بالشرطة وأمر فريق الدعم السريع يتدخل الى هرب شيواحد من المساجن غادي نمشيو فيها كاملين مأمور السجن : علم سيدي _ في الاول دخلت بسهولة كيف كنت كنتوقع بقيت كنجري من الجانب ديال السجن تيجاه الساحة لي كتوصل الجناح 6 لي مسجون فيه خويا ، وأنا كنتقدم خرجو ليا بعض الحراس عددهم قليل تيريت فيهم طاحو الأرض ( نسيت ماقلت ليكم رشاش B88 ) كيطلق طلقات بحال الإبر مخدرة كينعس في البلاصة كنا كنستعملوه في التداريب العسكرية ، كملت طريقي تجاه الساحة بداو كيتيريو عليا الحراس ديال السجن من الجانب الشمالي للسجن تخبيت وبقيت مبادل معاهم إطلاق النار و لحت عليهم قنبلة غازية حجبت عليهم الرؤية ، جبت ليهم الدورة من جنبهم كانو مكشوفين ليا زربت عليهم دغيا تريت فيهم طيحتهم دودة ، فاش بغيت ندخل الكارتي ديال المساجين بدا واحد الحارس كيسد في الگرياج الكبير من لداخل باش منقدرش ندخل ، يله بدا يدور الساروت زرت تيريت فيه طاح عاودت دورت الساروت حليت الگرياج دخلت وبقيت كندور داخل الكارتي و كنقلب على جناح 6 وكانت دعوة مخربقة في الحبس المساجين كيغوتو والروينة و البلبالة نايضة ، وبالنسبة لموضفين لي كاينين في لي كارتي قلال عكس لي على برا الساحة ( دخول ساهل الخروج لي صعيب ) ، بقيت كنقلب على جناح 6 حتا لقيتو وانا داخل كيبانو ليا 10 لي شومبر بديت كندور في عويناتي خرج ليا شاف كارتي كان مخبي ليا وار واحد البودرة وممسلحش يله بغا يشدني بيدو خويت بيه ودخلت فيه بكروشي وضربتو بواحد النص تا باس الأرض حيدت ليه سوارت ديال لي شومبر والمساجين كاين لي كيغوت كاين لي كيطلبني نحل عليه ماتسوقتهمش بديت كنعيط، الأصباحي ، الأصباحي فينك مهدي : أنا هنا أنا هنا _مشيت حليت الشومبر لي كيتواجد فيها ... يله أمهدي تبعني دغيا ماعندناش الوقت مهدي : أنا معاك يله _ تمينا خارجين من الكارتي بداو الحراس كيتجمعو لينا حدا الباب وكيتيريو فينا بقينا مدرگين ليهم ورا البودراوت وكنتبادل معاهم إطلاق النار مهدي : اهئ اهئ غادي نموتو مستحيل نخرجو من هنا _ خويا تخلع حيث كان العدد ديالهم كبير ومنقدرش نواجهم بوحدي إلا في حالة وحدة وهي نقتلهم بقنابل وأنا منقدرش نقتلهم ، بداو كيتقدمو تجاهنا دورت عيني لقيت كاين حل واحد هو نورك على واحد زر كيحل جميع زنزانات في خطرة وحدة ، تريتيت فيه تحلو جميع زنزنات وجبدت سلاحي لي فيه القرطاس حقيقي بديت كنتيري في سما باش يتسمع صوت مرتفع و المساجن يخافو اكتر (صوت الرشاش B88 صوتو منخافض على سلاح العادي ) بقيت كلوح لمساجين في الغرف ديالهم غاز مسيل لدموع باش يخرجو ، وداكشي لي كان بعض لحضات كلشي خرج كيجري جيهة الكولوار في كاينين حنا وفي ديك لحضة ماقدروش الحراس يكملو تير ضطرو يوقفوه باش مايقتلوش المساجن ، ستغليت الفرصة لحت جنبهم قنبلة يدوية شافوها فرتكو المجمع ، من بعد مانفجرات القنبلة اليدوية تبعتها 4 القنابل ديال الغاز لي كيحجب الرؤية تجاههم و2 وسط الكولوار باش مايبقا يبان والو لحتا واحد ، درت أنا وخويا الاقنعة ديال التنفس باش منتخنقوش بالغاز وجريتو من ايديو ، دخلنا وسط من الغاز وتمينا خارجين من الكارتي كنجريو تجاه الصور باش نخرجو الحبس وأي واحد كنشوفو قدامي كنتيري فيه ، فاش قربنا لصور تجمعوو علينا الحراس يله بغاو يتيريو فينا زربات عليهم دامي بسنايبر ديالها طيحاتهم وهكذا قدرنا نخرجو من السجن ، مع فتنا الصور بخطوات قليلة وقف علينا حسن طلعنا الطومبيل تبعاتنا دامي وماكين غير عفط كسيراتون واحد وبدون ملاحقة . واخيراااا تمت المهمة بنجاح وخرجت خويا من الحبس دامي : 9 دقائق وقت ممتاز _ خطة محكمة كانو مخربقين ماعرفو باش تبلاو مهدي : ناري مايمكنش مامتيقش اننا هربنا من الحبس وبزيرو خسائر الحمد الله _ اش كتعرف على خوك رآه هاذي هي خدمتي ، قلتها ليك داك النهار إلى ضطريت نخرجك بالقوة انديرها وكنت عند الوعد ديالي مهدي : الحمد لله عاد رجعات فيا روح دابا عند بالي غادي نتعدم ونموت _ ماحدي عايش ماغدي يوقع ليك والو مهدي : الله يخليك ليا اخويا قصدنا دار مع وصلنا تعانقنا أنا وخويا وريحنا كنجمعو علي حياتي عاودت ليه كلشي بلان سناء كدبة موتي كلشي لي وقع ليا من زيرو مهدي : حياتنا غير مازادت تخربقات موشكيلة اش غادي نديرو اصحبي _ ماعرفتش شنو ندير دارت بيا دنيا اخويا لأول مرة ماعرفت اش ندير غير خليها على الله مهدي : متخافش اخويا كلشي ايدوز بيخير وبالنسبة لبلان سناء ماديرش في بالك تبكي على مها ماكيناش غير هي ، ههه ماعندكش زهر مع الحريم ها هدى ها سناء بجوج خلاوك _ ماعندي زهر في حتا حاجة اخويا ماشي غير النسا وبالنسبة لهدى كنت ممسوقهاش عكس سناء دامي : دعوة مبلبلة في الاخبار الدراري _ بقينا كنتفرجو في الاخبار مصورين السجن وكيقولو أنا عصابة الإرهابي أمين قدرات تهربو من الحبس ( في واحد المكان من مدينة سلا مجتمعين 2 رجال وداير بيهم عدد كبير من الحراس ) سعد : على خبار نحس موشكيلة شنو نديرو دابا بوزيان : قلت ليك نقتلوه ماحدو في الحبس دابا ملي خرج موشكيلة سعد: شوف لينا شي حل نتا سباب في هاذشي فكها دابا بوزيان: دابا لي عطا الله أمر الفرقة الخاصة تجبدو من تحت الارض وغبر نتا وعائلتك من هنا سعد: ماتنساش انهو احسن جندي عندنا صعيب يتشد ، وزيد عليها الشخص لي معاه تاهو خطير بوحدو قدر يواجه حراس سجن على قدو وهربو ، جبدنا نحل على راسنا بوزيان : مالك اتبدا تخلع واش غادي تخاف من 2 رجال سعد: هذاك امين وماشي أي واحد متنساش شكون هو عدوك متنقصش منو بوزيان : دير لي قلت ليك عليك وبلا ماتكتر الهدرة غادي نجبدوه من تحت الأرض طال الوقت ولا قصار وهاذ المرة انقتلوه وماغديش نسيفطوه الحبس دامي : شنو هي الخطة الماجية _ ماكين خطة دابا حتا يبان أطار ديال سعد ولا بوزيان ونمشيوو ليهم ... دوزنا ديك العشية وحنا كنهدرو بليل بديت كنسمع شي حس على برا طليت من الشرجم كيبانو قوات تدخل السريع ديال السجن محاصرين الجهة الأمامية ديال الدار ... دراري جمعوو النوضة قوات التدخل السريع على برا وكيستعدوو يدخلو مهدي : موشكيلة شنو انديرو _ أنا غادي نهز طومبيل لاهيهم ونتوما مع نكسيري هربو من الباب لوراني أكي مهدي : رد لبال راسك اخويا _ متخافش عليا تهلا غير في راسك دامي : وفين غادي نتلاقاو _ أنا غادي لقاكم يله الله يعاون، غطيت وجهي بقناع المهمات ودخلت لگراج من واحد الباب مشروك مع دار ، وركت على الزر لي كيحل الگراج حيث الگراج ديال الدار كيتحل اوتوماتيكي ركبت طومبيل وكسيريت بجهد تيريت ليهم في طومبيلات ومع زاج فيمي ماكيبانش داخل السيارة كيسحاب ليهم حنا كاملين في طومبيل بقاو تابعيني ومعاهم حتا البوليس داكشي ديال GTA صالوندرياص 6 نجوم ، في ديك لحضة كنت متحمس وطالع ليا الادرينالين لأققصى درجة كنت كنحس بالمتعة ، بقيت غير كنفانتي ليهم وكنحاول نهرب وهوما مامفكينش لاسقيني وكيتيرو في الطومبيل ديالي وكيضربوني بطومبيلاتهم ، كيحاولو يقلبو ليا طومبيل ، هاذو مانويينش يشدوني من لاخر باغيين يقتلوني ، من بعد مدة قدرت نخربقم في دروبة ديال المدينة مع حافضها مزيان حتا قلت تفكيت منهم هوما يخرجو ليا 3 طوبيلات ديال القوات خاصة لي تابعين للمخابرات ، عندهم نوع ديال السيارت سراع ووزنهم تقيل وقوي بداو كيضربو ليا في طومبيل من لور نقصت السرعة باش نزل من طومبيل وندخل لواحد الغابة ( الهروب برجلي احسن حيث الى بقيت على هاذ الحال ايقلبو ليا الطومبيل ) غير نقصت السرعة باش نوقف هي دخل فيا واحد طومبيل من الجنب قلباتي بقيت كنسمع تزنيزين في راسي لمدة 30 تانية وبديت كنفقد الوعي ووجهي كلو دمايات ، جاو 2 رجال من القوات الخاصة خرجوني من وسط طومبيل شاديني من المرفق ديالي و غاديين بيا جيهة طومبيل ديالهم في لحضة ستعدت القوة ديالي ضربت واحد براس ولاخر بلكود لوجهو يله اندو نهرب تيرا فيا واحد كان حدا طومبيل 2 قرطسات وحدة كرشي ووحدة جاتني فوق صدري حدا الكتف تقريبا شديت في كرشي وتميت هارب تجاه الغابة عاود تيراو فيا لكتفي لور ولكن ماوقفتش دخلت مع الغابة وانا كنجري قدرت نبعد عليهم شوية ولكن من بعد 6 دقايق بضبط صافي مابقيتش قاد نزيد وكنحس بدوخة والأرض كدور من حولي تال واحد لحضة فقدت الوعي مابقيتش عاقل على راسي حتا كنفيق في واحد الغرفة على شكل مستشفى ودايرين بيا الأجهزة الطبية ومركبين ليا صيروم وفي نفس الوقت داربين ليا المينوط لواحد اليد مع سرير ، اول حاجة فكرت فيها هي أني كاين في مستشفى ديال السجن تحل الباب وكانت واحد البنت كتفتن بزين ملاك بصفة إنسان طبيبة ياسمين : بابا هاهو فاق _ غير سمعت بابا تصدمت كيفاش بابا على سجن كيقولو فيه بابا ، أواه شكون هاذي وشكون ايكون باباها ... وأنا كنفر تما جاي واحد خونا لابس كومبلي وكيتمشا بالنخوة وگارو على إيديه هزيت عيني على وجهو تصدمت صدمة العمر من داكشي لي شفت .... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM