الوحش وزوجته الجريئة #الجزء 17 : عبير شافت فيه و هي تحدر راسها حيتاش كلشي سمعها ، قمر بدات كتضحك الضحكة العجيبة ديالها: تخافي متحشمي . كلشي بدا كيضحك و حتا عبير ، رضوان:أجي مالكم نوبة لولة كنتي كتجري و هي تابعاك واش مخاصمين . أيوب عاود ليهم لقضية اللي قالت ليه قمر يديرها ديال الحلقات و أشنو الرد ديال عبير و عاوتاني كلشي بدا كيضحك . رضوان:نتي مقطعة الوراق و الله أصلا باين غي من نهار صبعتي مروان . مروان خنزر فيه تاني . بدر:كيفاش على نتوما فين تلاقيتو ؟ رضوان عاود ليه على نهار الحادث و منين صبعاتو و هربات . كلشي بدا كيضحك و مروان حتا هو جاتو ضحكة بدر:خاصني نديها لسبيطار حالتها مبقاتش تعجب . قمر شافت فيه بصدمة و بدات كترعد و عينيها مغرغرين بدموع ، شاف فيها بدر و تخلع و كلشي تصدم يلاه كانت كضحك حتى بدات كتبكي ، ناض عندها بدر. بدر:حبيبة مالكي . قمر كتنخصص:ب ب صح غادي تديني حتا نتا لسبيطار ، مبغاش نرجع غادي يضربوني تاني و الله . بدر عنقها و كيطبطب على ظهرها :حبيبة راه قلتها غي بي ضحك هداك سبيطار عمرك مغادي ترجعي ليه . قمر:وعد بدر:وعد يلاه سيري غسلي وجهك و رجعي . سناء:يلاه أنا غادي نمشي معاك . و مشاو . مروان:مالها أ بدر و أشنو قضية هاد سبيطار و القضية ديال البار . بدر:كيفاش عرفتي البار واش مشيتي ليه شي نهار . مروان:اه و شفتها كتشطح كاع . رضوان:أش هاد تخربيق فهمونا اش واقع . بدر: قمر يلاه خدمات في هداك البار هادي يومين ، و هادشي كامل باش تلقى شي دليل و باش نشدو ليلى ، حيتاش كتاجر بالبنات و كتخطفهم و دايرة دار الدعارة فوق من البار . رضوان:و شكون هي هاد ليلى ؟ مروان:مها ، و اللي هي خالتنا . رضوان و إيناس: كيفاش؟؟؟ بدر:اه هي مها و لكن غير بسمية ، منين طلقات من الواليد كانت ديك ساعة عند قمر عامين ، هربات بيها و دخلات لدار الدعارة ، كانت كل نهار مكرفصة على قمر بالضرب و منين ولات عندها 15 عام داتها .. بدر سكت . مروان:كمل أ بدر . بدر تنهد و نزلات دمعة من عينو : داتها لراجل باش تنعس معاه ، من بعد ما عطاها بزاف ديال الفلوس ، قمر كانت ديك ساعة كتعرف شوية و ما كانتش باغة داكشي علاش ضرباتو بموس و هربات بقات شي يومين في زنقة و كان هداك الوقت الشتا و البرد و ليلى كانت كتقلب عليها هي و رجالها حتى لقاوها منين لقاتها شبعاتها عصا ، كانت كل نهار كتكويها بالعافية و لحد الآن باقين لا طراس ، شي شهرين و هي معذباها كل نهار كتسولها باش توافق تنعس مع الرجال و منين ما كتبغيش كتزيد تكويها بالعافية، و في الأخير ولات حمل ثقيل عليها و ما كتفيدها بوالو دخلاتها لسبيطار الحماق ، و زادو عدبوها كثر كل نهار كيعطيوها لعصا حتى ولات جسد بدون روح....... #يتبع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM