قصة المزحة #الجزء 15 : حليت عيني بان ليا غير ضلام ايلاف: او حنا غيبنا كاع ماشي نعسنا (هزيت التيلي نشوف شحال في الساعة لقيتها 23:38) جودي نوضي راه الحال فات جودي: (فايقا مبوقة كثر من وعدي و سعدي) غير خليني مافيا لي ينوض ايلاف: و بعدا نوضي غير نقلبو على ماناكلو, بعدا معاش ايسدو السرفيس ؟ يمكن ايكون كيسدو مع 12 د ليل ياك ؟ جودي: اه يمكن ايلاف: و يالاه نوضي باش يالاه ناكلو جودي: غير سيري خليني و الله مافيا ايلاف: يالاه بقاي انا انعيط ليهم نشوف واش السرفيس باقي و الا كان من الاحسن يجيبوه لينا لبيت (مزيت تيلي و لكن مابغاش يخدم) هادا ماخدامش , انا غادي نمشي نشوف نبغي نجي نلقاك واقفو واجدة صافي جودي: اه واخا صافي نضت لحست عليا قبية و خرجت, غير حليت الباب كيبان ليا كولوار كيصفر او دجاج هادو و لا مالهم ؟ مشيت هبطت لاستقبال مالقيت حد يالاه راجعة فحالي و هي تبان ليا واحد الدرية جايا لجيهة ديال الاستقبال عافاك واش ماكيناش البنت لي كانت الصباح هنا ؟ البنت: لا هاديك كملات و مشات انا عندي المناوبة فاش نعاونك ؟ ايلاف: كنت بغيت نسول على السرفيس معاش كيسالي مع حنا يالاه جينا ليوم على حساب الوكالة و عاد فقنا (في هاد الاثناء واحد الشخص كان جاي وراهم و سمع الحديث) البنت :اه سمحي ليا و لكن السرفيس كيسالي مع (مكملاتش هضرتها قاطعها واحد الصوت كان ورايا) باتريك: لا ماشي مشكيل ناس جايين عيانين من السفر عايطي ليهم يجيبو ليها الموني و لي بغاتها طلعوها ليها الغرفة (الحديث كان بالالمانية و مع انا يالاه شديت الاساسيات في اللغة يالاه شقمت شي كلمات من داكشي لي قال) البنت: و لكن السرفيس تسد ا سيدي باتريك: هي غادي تعاودو تحلوه , نسيتو على شنو وصناكم صباح ؟ البنت: سمح ليا ا سيدي , دابا نهضر معاهم الشخص شافني ماقشبلت والو و هي يقلبها معايا انجليزية باتريك: صافي راه غادي يجيبو ليك الموني هنا و نتي ختاري و يجيبو ليك الماكلة حتال الغرفة و اصلا كن عيطتي غير من الفيكس ماكاين لاش تعدبي راسك و تنزلي و سمحي لينا راه مع 12 كيسدو السرفيس ايلاف: (سيد تيتز و بغيتوني مانخضرش عينيا بقيت شحال و انا حاضياه عاد استوعبش اش قال) اه شكرا و لكن راه الفيكس لقيتو ماخدامش داكشي علاش نزلت و لكن راه يالاه 23:50 (على وعدي و سعدي جابدا ليه تيلي كنوريه) باتريك: ههه هادي يمكن الوقت ديال البلد ديالكم ماشي ديال هنا راه 00:50 هادي ايلاف: اه نسيت, سمحي ليا راه مع السفر و لعيا كلشي تجمع عليا نسيت ماقاديت الوقت جات البنت و معاها الموني عطاتو ليا ختاريت داكشي لي بغيت و قلتو ليها باتريك: صافي كيف وصيتك الماكلة توصل ليها و غدا في صباح اول حاجة اديرو سيفطو شي واحد من الاصلاحات ايمشيو الغرفة ديالهم يشوف مال الفيكس ايلاف: شكرا بزاف ا سيد.. باتريك: باتريك و بلا سيد (مد ليا يديه) ايلاف: مشرفين انا ايلاف (و مديت ليه يدي بادلتو السلام ) شكرا مجددا , تصبح على خير و سمح ليا على الازعاج باتريك:ماشي مشكل تصبحي على خير ا ايلاف ضرت غاديا فحالي و يا ريتني ماضرت واش انا في حلم و لا علم , لا لا مايمكنش ارثر هادا اش جابو لهنا ؟ انا غير بقيت متباع بعيني مامصدقاش, حتى مشا وقف على باتريك ارثر : يالاه ا صاحبي مشينا ؟ باتريك: اه واخا يالاه غير شفتو واقف قدامي تصرفقت ماعرفت ماندير واش انا كنت حلمت شحال هادي و دابا تحققات ليا ؟ حدرت راسي و زربت في المشية واخا سمعت باتريك كيعيط ليا درت راسي مسمعتوش ارثر: يالاه ا صاحبي اش بغيتيها ؟ باتريك: لا راه خاصك تشوفها ههه و راه ا صاحبي ملي ايلاف شاغلة ليك بالي نعوضوك بايلاف اخرى ارثر: يالاه باراكة من تفلية زيد فحالك باتريك: اصلا راها مشات ماسمعاتنيش يمكن انا غير وصلت لمصعد عاد تنفست على خاطري, دخلت لبيت مضرمة على جودي جودي: بسم الله الرحمن الرحيم , مالكي اختي على هاد الدخلة د بوليس ايلاف: ماغاديش تيقيني و غادي تصدمي و تقدري ديري كثر مني جودي: اش طاري , الله يسمعنا خبار لخير ايلاف: ارثر هنا جودي: شكون ارثر؟ ايلاف: ارثررر ا صاحبتي ارثر لي سيفط ليا ميساج باش نحيد الفوطو ديالو و لي قلت ليه راني كنبغيك و انا فان ديالك و انا ماعارفاهش حتى اشنو كيدير و ارثر لي سيفطتي ليه ميساج فيه ... مخلاتنيش نكمل الهضرة جودي: صافي صافي سكتي عرفتو بلاما تفكرينا في الشوهة لي درنا ايلاف: و هانتي يا ختي كنقلبو عليه في السما و هو غير حدانا جودي: اش كيدير هنا ؟ و واش عرفك ؟ اش قلتي ليه ؟ قولي ليا كلشي ايلاف: تي تكالماي غير بشوية عليك, ايوا ا لالة ماعرفنيش و باش غادي يعرفني و انا كونط ديالي بريفي و لكن هضرت غير مع صاحبو واحد تيتيز اختيش سميتو باتريك جودي : اححح على باتريك, صافي دخل ليا لقلبي بلاما يدق ايلاف: تي نوضي تجمعي و نتي شفتك تحليتي و قولي ليا اش ندير في حريرتي جودي : ماعندك ماديري شحال هادي مادرنا ليه شي حاجة و ماهضرناش مازال معاه و ماكيعرفكش يعني ماكاين والو من هادشي ماتخافيش ايلاف: اه بصح و لكن لهلا يوريك فاش شفتو قلبي كان ايسكت ليا نسيت واش ماكيعرفنيش حسيتو بلي جاي ليا كنت انسخف تما جودي : ايييه ا لالة الحب هاداك ايلاف: لاواه الزعتر جودي: ها قولي ليا دابا هل تفكرين فيما افكر ؟ ايلاف: يمكن كنفكر فيما تفكيرين نوضي نوضي انا انمشي نتوضا نصلي و نتي تسناي الماكلة غادي يجيبوها واحد الشوية و من بعد نهضرو على فاش كنفكرو جودي : اوكي سيري الله يتقبل. مشيت توضيت و صليت و فاش كملت لقيت الماكلة وصلات طحنا في داكشي نسينا شي ارثر و لا شي باتريك حتى شبعنا كلست جمعت شويا مع جودي و قلنا على فاش كنفكرو و هضرنا مع عائلاتنا في الواتساب غير قطعنا معاهم و رجعنا تاني نعسنا. في صباح فقنا على صوت دقان في الباب نضنا مقفوزين انا و جودي ايلاف: ناري ماتقوليهاش ؟ ياكما عاق بيا و جاي باغي يصبح عليا جودي: نوضي استغفري الله العظيم و حلي الباب, و لا غير كلسي انا نوض نحلو ايلاف : واخا سيري مشات جودي تحل لباب جودي: بلاتي بلاتي(سيدة ناسيا راسها على بالها في دارهم,حلات الباب كتصدم كتلقا تيتيز و مع واحد العامل) ياك لاباس؟ الصباح هادا باتريك: (تشهق ماعرف مايدير و هو شاف قدامو سيدة زوينة و عجباتو و لكن كالسة تجعوق عليهم, حتى حنزز فيها كيف بغا و هو يقلبها عبسة) راه جينا على قبل الفيكس لي خاصر ليكم و هضرت البارح مع انسة ايلاف انا مشيت نشوف اش طاري ملي سمعت سميتي و لقيت باتريك جا و معاه عامل من الاصلاحات على قبل الفيكس و نسيت انا بلي علمني البارح (دخل العامل و بقينا بثلاثة بينا في الباب) ايلاف: باتريك , لاباس؟ اه سمح ليا راه نسيتك باتريك: ماشي مشكل غير هي و كان السيدة خارجة تغوت مافهمت والو ايلاف: اه سمح ليا نسيت ماعلمتهاش لبارح و هي غير مع العيا ديال السفر باقي دايخا ماديش عليها جودي: قلباتها مغربية , نتي لي دايخا و سولي هاد صفر الكمارة اش جا يدير هنا ملي سيفط العامل اش جابو لهنا ايلاف: اه شكرا ماكان لاش تعدب راسك و تجي حتال لهنا باتريك: ماكاين لا عذاب لا والو , راه جاي نقول ليك بلي ليوم اخير فوج غادي يوصل و غادي نديرو حفلة باش غدا كل واحد و فين غادي يمشي ,ايوا نتسناوكم مع 8 في قاعة الحفلات لتحت ,نتمنى تكونو جبتو ماتلبسو معاكم ايلاف: شكرا و لكن في الحقيقة ماجبنا حتى حاجة للحفلات و لكن نقدرو نعتاذرو و بلاما نجيو باتريك: مايمكنش, هاد الحفلة دايرينها خصيصا ليكم و خاص كلشي يكون فيها باش يتعارفو و في قضية اللبس ماتخموش منها عطيوني واحد ساعة نكمل واحظ غرض و انا معاكم نديكم فين تقداو ايلاف: لا ماشي مشكيل انقضيو بشي حاجة عندنا باتريك: عافاك مانبغيش نعاود معاك الهضرة, من هنا لساعة نتلاقاو في البهو حتى كتبغي تنقز جودي تجاوب و كنقرصها دارتها ليا 2 المرات جودي : اييي ايلاف: اوكي ماخليتي ليا مانقول مشا باتريك و تبعو العامل بعد ماصيب الفيكس جودي: علاش ماخليتي نجاوبو و انا غير نوي نقول كلمة تقرصيتي ايلاف: عارفا انا داك الفم عندك كيف داير, غادي تشوهينا مع سيد من اولها و هو مادار فينا غير الخير جودي: ها لي بغيت نقول هاد الخير ا لالة دايرو غير هاكاك و لا ناوي سيد من وراها شي حاجة, شافنا زوج وليات و بغا يضحك علينا بهاد الهضرة ؟ ايلاف: تي مالك نيتك خايبة, و مالنا حنى لقانا نعجات ساهلين غادي نسكتو ليه ؟ تي راه قال الحفلة مخصصة لصحاب الوكلة كاملين و حنا نتبعوه حتى نشوفو اش ايدير اش خاصرين و من بعد ارثر صاحبو يعني حتى هو ايكون في الحفلة يعني كاع داكشي لي فكرنا فيه لبارح غادي نطبقوه على الواقع ماشي غير في انسطا جودي: و قولي ليا هاكا من اللول و نتي ضربتي على راسك مع السيد و فاش نقول ليها الحب تقول ليا لا لا ايلاف: تي عارفاني بيني و بين الحب غير الخير و الاحسان, هو كان عاجبني و طلعناها عليه و دابا فاش قدامي انزيد نطلعها و صافي صدقات هي هاديك ماصدقات مريضنا ماعندو باش و باش نوريه اصلا يبقى يتعفر عليا و نرد ليه الصرف ديال دوك vu لي خلا لينا جودي: اه تيقتك ا لالة يالاه اتبدا تحل عليا فمها و تبدا تفلسف ما عتقني غير التيلي من هضرتها مشيت لقيتو ميشيل لي معيط ليا ........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM