الوحش وزوجته الجريئة #الجزء 13 : أصبحنا و أصبح الملك لله ، عند قمر فاقت معنكشة و حاسة بشي حاجة تقيلة على كرشها مني ضارت تشوف لقاتو بدر بتاسمات و عنقاتو ، بدر حس بيها و بتاسم حتى هو ، بدر:سمحي ليا على البارح مقصدتش نضربك راه غير تعصبت من دكشي اللي درتي . قمر بقات ساكتة و ما شافتش فيه . بدر: وا صافي راه أي واحد في بلاصتي كان غادي يدير هكاك . قمر:لأ ما نسمحش ليك حتى تخرجني .... و اللي قلت ليك تشريها ليا تشريها .... و بلاما تزيد معايا الهضرة و بلاما تناقش معايا . بدر: و شانطاااج هادا سيري تخراي أنا اللي جاي نحزر فيك زعما باش متبقايش مقلقة ساعة نتي باغة غي سبة . قمر: مغاديش نسمح ليك يلاه شوف حنكي و لا زرق و حمر بدر باسها في حنكها و حدر راسو و عينيه مغرغرين هي حسات بيه راه بقا فيه لحال و عنقاتو . قمر شدات صبعها صغير :صافي نتصالحو . بدر شد ليها صبعها صغير بصبعو صغير : تصالحنا ههه حمقة . قمر : أجي سجلتيني في الجامعة نسيت بدر:دبا عاد تفكرتي الجامعة ،سجلتك غي نوضي دوشي و لبسي راه اليوم خاصك تلقاي شي دليل واخا يكون غي صغير قوليه لينا ، اه و كنقسم ليك بالله و تمشي تشطحي حتى نفرشخ مك و هاني علمتك . خرج بدر و خلا قمر كتنgر ،و دخلات تدوش ***** عند مروان كان في لاصال كيتريني بكل قوتو و العرق نازل على وجهو و عضلاتو كاملين ، و قال في نفسو: علاش كنفكر فيها علاش هي غير عاهرة اه مجرد عاهرة . تفكر شطيحها ديال لبارح و زاد تعصب و مسح شعرو و هو يصوني تيلي ديالو لقاه ياسر و جاوب . مروان:أمدرا عرفتي شكون ساكن فيها . ياسر:أه ساكنة فيها عائلة المرنيسي ، اللي كتكون من 3 الأفراد ، العميد رضا المرنيسي و ولدو الظابط بدر المرنيسي و بنتو قمر المرنيسي ، هاد العائلة راه معروفة بزااف ، و بنتو يلاه هادي عامين عاد جات تسكن معاه حتاش طلق من مها منين كانت عندها عامين و هربات بيها و بقى كيقلب عليها شحال عاد لقاها و رجعها عندو . مروان: المهم شكرا خويا ياسر . و قطع الخط . مروان:إذن شكون غادي تكون هاد سارة و قمر ههه غادي تكون كبرات ، تفكرها منين كانت صغيرة و بدا كيضحك ، مشا دوش و فطرو مجموعين بالضحك و مشى هو و رضوان الشركة لقاو أيوب معصب و كيغوت على الموظفين **** عند قمر لبسات كسوة طويلة و دارت مكياج خفيف و رشات ريحتها و خرجات كتعرج برجلها شافها بدر و سي رضا تصدمو . بدر مشى عندها بخوف:قمر مالكي ........ #يتبع........ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM