خرجو وهوما متبعينهم كيضحكو الا فرح لي معارفة ما تقدم ولا توخر من التوتر وشوفات ياسين ليها ...ريحانة:معرفتوناش بهاد الولد ...هيثم:الحاجة هدا ياسين صاحبي انا و خالد ويلا كتاب يولي نسيبنا ههه ...ريحانة(باستفراب شافت فأسماء وشافت فيه):هه ان شاء الله مرحبا بيك اولدي ...ياسين:ربي يخليك الحاجة ...هيثم(عرفها فين مشا عقلها وبدا كيضحك):الحاجة راه غيولي نسيبك حتى نتي الا هدا الله شي ناس(شاف ففرح لي تزنكات وناضت خرجات) ...ريحانة:واش فرح؟!!! ...نبيل:ههه اه هي ياسين اليوم بغا يهضر معاها قدامنا ...ريحانة:اوا الله يدير لي فيها الخير اولدي فرح راه دريويشة ومأدبة ...ياسين(بابتسامة):وهدشي لي جابني هنا الحاجة مكرهتكش تعاونيني ...ريحانة:لي مكتابة يديرها الله الله يسهل عليكم كاملين ويفرحكم ...زهور:امييين يا ربي الحلال كيبارك فيه الله اولدي ...صفاء(هضرات بلا متشعر):فرح انسانة صريحة ولكن كتحشم شوية ومكتقدرش تزعم مع الناس الغراب وهي اكتر حاجة مخوفاها انك تمنعها من قرايتها ...ياسين:بالعكس انا غنشجعها تكمل قرايتها ونوقف معاها فأي حاجة راني واعي ماشي انسان جاهل لي نتزوجها ونسد عليها فالدار ...صفاء(بابتسامة):شنو بانلكم نخليوهم يهضرو عاد نتغداو باش الفرحة تكمل ...ريحانة:ايه علاش لا ...صهيب(كيشوف ويخنزر وغيرتو لي كالعادة تحركات ملي شافها كتهضر مع ياسين):ويلا مبغاتش تهضر ...ريحانة:علاش لي متهضرش نوضو خرجو كلكم للصالون خليوني انا وزهور وياسين وعيطوليا عليها تجي ...ناضو خرجو كلهم للصالون لقاو خالد وقمر جالسين تم كيهضرو وفرحانين بحملها جلسو معاهم ومشات صفاء عيطات لفرح وعاودات هضرات معاها فالموضوع مرة خرا وشجعاتها خلاتها دخلات للصالة ومشات هي جلسات حدا اسماء لي كتلعب مع ريم ومجمعين وكلما جات عينها فصهيب كتلقاه مخنزر عارفة شنو بيه وخلاتو باش متشادش هي وياه خصوصا انها عارفة راسها ولات على سبة وعصبية مكتصبرش..دازت مدة حتى تسمع صوت تزغريتة من الصالة بداو البنات كيضحكو وناضو مشاو عندهم لقاو زهور هي لي كتزغرت واخا ريحانة مبغاتش تزغرت احتراما ليهم ولكن زهور مبغاتهمش يحبسو فرحتهم بسبابهم...دخلو عندهم وعرفو بلي فرح وافقات بداو كيباركو ليهم وتافقو مع ياسين باش يجيب مو ويديرو خطبة رسمية...كبرات الفرحة فقلب كل واحد فيهم الا صفاء لي واقفة فباي الصالة كتشوف فيهم وعينيها مغرغرين كتمنى كون كان باها وسط هاد اللمة والفرحة...طاحت دمعة من عينها مسحاتها بزربة وضارت باش تخرج حتى حسات بيد شداتها ...صهيب(تمشى بيها للصالون وعنقها):مكنبغيش نشوف دموعك ...صفاء:ماشي لخاطري ...صهيب(بعد كيشوف فيها):خاصك تحاولي ...صفاء(هزات كتافها):دكشي لي كندير(بدات كضحك باش تلف الموضوع)ونتا متحاولش ...صهيب:شنو نحاول ...صفاء(حطات يدها على حجبانو):تفك هاد الغوباشة واش مفرحانش لختك كتبارك ليهم ونتا مغوبش ...صهيب:شنو بغيتيني نزغرت ...صفاء:هه علاش لا ختك الوحيدة وشفتيها تا هي عاجبها الحال ...صهيب:اممم ومالها على دوك الفشوش من لول ...صفاء:عادي حنا البنات كيعجبنا نتفششو ههه ....صهيب:ياك الالة(باس يدها)جا معاك بالعكس انا فرحان ليها وحتى ياسين كيبان بعقلو ولكن هدشي ميمنعش انني منتشوش عليها ونخاف عليها ...صفاء:ممنعك حد من هدشي ولكن بين ليها فرحتك باش تا هي ترتاح ومتحسش بلي دارت شي حاجة نتا مراضيش عليها ...صهيب(عنقها جنب غادي بيها):واخا الالة بقاي ليا على خاطرك ...رجعو لعندهم ودار بكلامها هاد المرة عاود بارك ليهم بابتسامة ووصى ياسين عليها...داز النهار عندهم فالفرحة كل واحد وفرحتو حتى ريم فرحانة وتتنقز واخا مفاهماش شنو كاين ولكن الا شفنا الناس فرحانين اكيد صغير ولا كبير فرحتهم كتنعاكس علينا وتخلينا تا حنا فرحانين.. من بعد ما مشا كشلي لدارو وريحانة وزهور ما مشاو حتى عاونو البنات فجميع الدار مخلاوهمش فين يضربو تمارة وراهم...خرجات صفاء من بيت فرح من بعد ما تجمعو شوية هازة ريم لي ناعسة فيديها داتها لبيتها حطاتها وغطاتها خرجات كتفوه غادة لبيتها وتتحيد زيفها سمعات صوت صهيب ميهضر بشوية حلات الباب غير شافها هو يقطع وحط التيلي بقات كتشوف فيه باستغراب ...صهيب:ريم نعسات ...صفاء(باقة تتشوف فيه):اه واش كنتي كتهضر فالتيلي ...صهيب:وي علاش ...صفاء(حطات الزيف فوق الناموسية):غير سولتك حيت شفتك غير دخلت قطعتي سمحليا الا قطعت كلامك(بدات تتبدل حويجها) ...صهيب:بففف ها لي مبغيناش ...صفاء(ضارت عندو دارت اشارة زغما سادة فمها):ما قلت والو ومغنقول والو باش متردنيش باغا الصداع وكنتعصب على والو(مشات تخشات بلاصتها عاطياه بالضهر)تصبح على خير ...صهيب(واقف تيرمش زربات عليه):زربة خايبة درتي ليا(مشا جلس حداها كيشوفها مغمضة عينيها)شوفي فيا نهضر معاك ...صفاء:مكاين لاش ...صهيب:لا كاين كوني تسمعي ...صفاء(حلات عينيها):هانا اسيدي ...صهيب(بابتسامة):فين مشا عقلك دابا نتي ...صفاء:باقي عندي ممشا فين ...صهيب:بففف كنت باغي نديرلك مفاجأة ولكن غنصدق جابد الصداع لراسي يمكن(كتشوف فيه باستغراب)احم قلتي ليا بغيتي تمشي للحج ...صفاء(توكضات وتوسعو عينيها):اه😍 ...صهيب(بابتسامة):هاد المرة غنمشيو عمرة انا وياك و الواليدة ديالك ومرات عمي ...قبل ميكمل كلامو تلاحت عليه عنقاتو فرحانة وهو راد معاها البال ...صهيب:صفاااء بشوية عليك ...صفاء(رجعات تتشوف فيه):حلف حلف تا غنمشيو هههه ...صهيب:مولف كنكدب عليك؟ ...صفاء:لالا مقصدتش غير ممتيقاش(رجعات عنقاتو)شكرااااا بزااااف شكرا كنبغيك بزااف ...صهيب(توسعات ابتسامتو وزير عليها فحضنو قليل فين كيسمع منها هاد الكلمة لانها من النوع لي كيدير ماشي كيقول):كنموت عليك ...صفاء:الله يخليك ليا متصورش شحال فرحت تا ماما وخالتي غيفرحو بزاف ...صهيب:وهدشي لي بغيت تا انا ان شاء الله السيمانة الماجية غنمشيو يكون دازت خطبة فرح ...صغاء:ان شاء الله ...صهيب(تخشى حداها):زيدي عندي كنتي غتنعسينا مخاصمين ...صفاء(تكات فوق صدرو كضحك):ههه نتا لي شككتيني ...صهيب:نفهم بلي غرتي ...صفاء:ابدا مسألة انني نشك بلي كتهضر مع غير معنديش فقاموسي لاحقاش تايقة فيك وعارفاك كتبغيني وماشي ديال هدشي ولكن احساس انك كتخبي عليا شي حاجة معجبنيش بحالا حسيت بلي بعيدة عليك ...صهيب(زير عليها):نتي اقرب انسانة ليا ...هزات راسها تتشوف بابتسامة وهو تيقرب ليها......... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM